ال128 والمصريين- قصة حب عمرها اكثر من 30 سنة

[HOSAMSAMSOON]

:)استاذ سبعاوى
اسلوبك شيق و بليغ
انا حسيت انى بقراء قصة جميلة و بسيطة
موضوعك يحتوى كل اركان اسلوب الكاتب و الؤرخ
هل جربت تكتب قصص او مقلات؟؟؟؟؟؟؟؟؟؟؟
مشكور مجهودك

[mhm]

ممكن حد يفدنى 128 موديل 2007 جديدة فى السوق تمنها كام و الاوبشن فيها ايه و ايه رايكم هى و الا ماروتى او التو

[megoghanem]

أنا من عشاق الـ 28 بحرارة .. كان معايا عربية مش هاتتكرر تاني موديل 87 بعتها فى موسم الحج اللى فات تقريبا فى شهر 11/2007 وكل ما افتكرها (زى ما هو حاصل دلوقتي) بأزعل أوى أوى .. بجد شعور وحش جدا ربنا لا يوريكوا .. هو صحيح أنا عاطفى مع أى عربية كنا بنمتلكها فى أسرتنا .. بس عمرى ما زعلت على عربية زى ما زعلت عليها وخاصة انها كانت اول عربية خاصة بيا .. ولولا الظروف ما كنت أفرت فيها أبدا .. عملت بيها حادثة فى صلاح سالم اللى أنا أصلا ما بحبوش حتى قبل الحادثة واضطريت أعيرلها رفرفين وشنطة ودغلت فى الغوييط بس الحمد لله رغم بشاعة الحادثة مش متخيل ازاى انا خرجت واتنين كمان كانوا معايا ولا حتى خدش مع ان الازازا اللى قدام بقى سمسم واللى ورا نزل سليم بس اتفك .. والغريب كمان رغم انى اتخبطت من ورا وبعدين قدام بعد الاندفاع ووقفنى الرصيف الأأسمنتي وكشك عسكرى .. بعدها جى المكانيكيى وشافها وقال ممكن تتدور وتركبها .. بعدها روحت بالعربية وانا سايقها (اتحولت كابروليه طبعا) وقعدت تتصلح اكتر من شهر ونص وبعدين ركبتها حوالى شهرين كمان بس ما كنتش مرتاح نفسيا معاها رغم انها شكلا رجعت أحسن م الأول وغيرت فيها حاجات كتيرة جدا .. لكن كانت اى مشكلة فيها كنت باعتقد انها من تأثير الحادثة .. عموما دى كانت تاني عربية 28 اركبها واول عربية خاصة بيا .. لكن فى حياتي كلها عمرى ما حسيت بمتعة فى الركوب سوى فى ال28 والهوندا الاكورد موديلات التمانينات.
ال28 بشكل عام بتاعة بهدلة بجد وما تحسش بيها فى المصاريف اطلاقا مقالانة مع اى عربية تانية مهما كانت

معلش طولت عليكم بس حسين انى لازم أكتب الكلام دي كتعبير عن حبي ليها .. دا أنا ممكن اكتب قصائد شعر فيها كمان لو حبيتوا ... هههههه (:

وبالنسة لسؤال الأخ "أحمد الديب" فأعتقد ان الموديل ده جامد خاصة أنه آخر موديل بقطع ايطالي وبيقولوا كمان ان الفيات العادة موديلات السبيعنات (كشاف مدور) انها كويس بس دى هاتبقى قديمة أوى,,

الـ28 لو فيها تكييف وباور ممكن أرجعلها تاني .. بس يكون نازل م المصنع

[shanodaa]

انا عندى128 موديل70 حاله نادره واستهلاك بنزين ممتاز اريد معرف تقيم للسياره موديل 70

[mahamedaraby]

بجد والله الموضوع رائع جدا والاسلوب كمان شيق جدا وقولت هو الموضوع خلص ليه كده عالطول

بجد ياريت تقولنا على حكايات باقى العربيات

وياريت لو تعرف تنزل المقاله دى على ويكابيدا تبقى بجد عشره على عشره

[amrbakly]

إضافة للأخ سبعاوي الفظيع فعلا
و اللي اسمتعت أخر حاجة و أنا بتابع مدونتة الرائعة

موضوع العربيات الأوربي لم تقم الدولة بالحرب علية بسبب الإنفتاح فقط، و إنما الحرب الضروس التي قادها وجية أباظة أنذاك لوقف إستيراد البيجو 504 اللي كانت تقريبا بتنتهي موضتها أنذاك من أوربا لصالح عربيات أصغر، الحرب قادها وجيه أباظة بكل عنف لدرجة أن ناس كتير حالها وقف و خرجوا تقريبا من سوق السيارات

أخيرا شكرا للأخ الرفيق سبعاوي علي مواضيعة الفظيعة و بجد حرام أنك متبقاش كاتب

[bahaa660]

فيدوني بسرعه ارجوكوا 128 موديل 88

قدامي 128 موديل 88 صاحبها طالب فيها 18000 هيه العربيه مش راشه جوه
السعر ده كتير عليها والا لا
ولو كتير تعمل كام الموديل ده

[zastaffa]

بس هوه في سؤال محيرني شويتين هل فعلا في قصة حب بين المصريين وال128 والا هو قدرنا الهباب ؟؟!!!! أه زي ماحنا قدرنا هباب في حاجات تانيه كتير وبيقولوا اننا بنهيم فيها عشقا!!!!!!!!!!!!!!!!!!!!!!!!!!!!!!!!!!!!!!!!!!!!!! !!1

[Dr.lancer]

كان حلمي و انا عندي 13 سنه ان يكون عندي عربيه 128 ابارث حمراء و كنت بحبها موووت و بصراحه بعتبر ان احسن 128 اتعملت هيا الابارث دي.و علي فكره الابارث دي كانت ايطالي مش الماني زي ما معظم الناس مفكره و ماكنتش بتنزل غير بلون احمر و اصفر بس و موتور 1300 بس

+1

[juba8]

عربيه الشعب الاولى