للفائدة العامة-مخطط لأسلوب ولوازم تركيب موتور المياه

[sab3aawy]

الرسمة دى انا اعديتها للرد على استفسار احد الزملاء على المنتدى كان عايز معلومات عن تركيب موتور المياه، وحتى تعم الفائدة اسمحوا لى انشر نسخة منها فى موضوع مستقل لكى يستفيد منها اكبر قدر ممكن من الأعضاء

[أحمد سالم]

الف الف شكر يااستاذنا
ربنا يباركلك فى صحتك

[bee]

الرسمة دى انا اعديتها للرد على استفسار احد الزملاء على المنتدى كان عايز معلومات عن تركيب موتور المياه، وحتى تعم الفائدة اسمحوا لى انشر نسخة منها فى موضوع مستقل لكى يستفيد منها اكبر قدر ممكن من الأعضاء

جزاك الله خيرا يا باشا

[ahit]

جزاك الله خيرا

[A.Saad]

عملتها ازاى دى

[mahamedaraby]

طيب معلش يا استاذ سبعاوى الاتوماتيك ده عامل معانا مشكله كبيره

الاول كان يبخلى الموتور يشتغل ساعه متوصله تقريبا ويفصل نص ساعه وكانت طبعا الميه بتقطع عندنا النص ساعه اللى فصلها

دلوقتى قللنا المده بتاعده التشغيل بقى يشتغل دقيقه ويفصل 30 ثانيه هل الوقت ده مناسب ليه وكويس لو لا اظبط الوقت على الكام المناسب ليه ؟

للعلم ان الموتور كالبيدا 2 حصان شفط وكبس

[marsguy]

جزاك الله خيراً

قال رسول الله صلى الله عليه وسلم "والله في عون العبد ما كان العبد في عون أخيه"

[l0new0lf]

الاوتوماتيك عباره عن مفتاح كهرباء بنتحكم فيه عن طريق ضغط المياه (hydro-electric switch) فيه مسمارين تحت كل واحد فيهم سوسته (مقاومه) كل ما باربط على المسمار, كل ما المقاومه تزيد:
واحد طويل (kick in) و ده علشان تحديد ضغط الميه الازم علشان الموتور يبتدى يشتغل
و واحد قصير (kick out) علشان تحديد ضغط الميه اللى لما نوصل له الموتور يفصل
طيب, البالونه دى ما هى الا مخزن للطاقه (energy store) و هنشرح طريقة عملها: البالونه(الحديد) من الداخل فيه بلونه كاوتش, بتتنفخ على ضغط معين. ,مثلا, بيكون مكتوب على البالون الحديد من الخارج بيانات( ضغط الشحن 1.5 بار, اقصى ضغط 10 بار, حجم البالون 25 لتر) ده معناه ان البالون يتشحن على 1.5 بار (22 psi و هو لسه مركبش على الموتور) و اقصى ضغط البالون الحديد يستحمله 10 بار (147 psi) و المفروض ان ضغط المياه الناتج عن الموتور مايوصلش للرقم ده و الا البالون يفرقع , و ان حجم البالون 25 لتر. طيب ايه الى بيحصل!
لما باشحن البالون على 1.5 بار بيكون حجم الهواء الى داخل البالون 25 لتر,
طيب هنفرض اننا ضبطنا مسمار تشغيل الاوتوماتك على 2.5 بار ده معناه ان طبقا للقانون العام للغازات (ممكن ناخد الصوره دى لان الحيود فى درجات الحراره و فرق الضغوط تاثيره مش كبير) PV=constant هيكون حجم الهواء داخل البالون15 لتر, او بمعنى تانى ان حجم المياه داخل البالون = 25-15=10 لتر.
و لو ضبطنا مسمار الفصل على 8 بار ده معناه ان لما الموتور يفصل هيكون حجم الهواء فى البالون 4.7 لتر (حجم المياه 25-4.7=20 لتر)
و ده معناه ان حجم المياه العملى الفعلى الى بناخده من البالون هو 20-10 = 10 لتر, و طبعا الحجم ده بيعتمد على ضغوط التشغيل و الفصل اللى الاوتوماتك اتضبط عليها. و ده برضه معناه ان الموتور هيفضل فاصل و مش هيبتدى يشتغل غير لما استهلك ال 10 لتر دول, و هى دى الفتره الى الموتور بيرتاح فيها.
و ده برضه معناه ان لو مافيش بالون راكب, اول ما افتح الحنفيه الموتور يشتغل و يفضل شغال لغاية ما اقفل الحنفيه لان انضغاط السوائل ضئيل جدا مقارنة بالغازات (الا اذا كنت فاتح الحنفيه فتحه بسيطه بحيث الموتور يستطيع انه يوصل لضغط الفصل, و هنا هنلاقى الموتور عمال يشتغل و يفصل بسرعه ورا بعض)
طيب لو الموتور فضل شغال و مش قادر انه يوصل ضغط الميه للضغط المضبوط عليه الاوتوماتك هيفضل شغال لغاية ان حد يفصله مانيوال او يتحرق , بس ده مش فى المواتير النضيفه لانها بتكون مجهزه بدايرة حماية زياده احمال (overload) بتفصل الموتور لحمايته لما يسخن و يرجع يشتغل لما يبرد.
و باقى العوامل المؤثره كمان ضغط عمود المياه من اعلى نقطه واصل لها مياه فى المبنى و الضغط الى الموتور بيولده و كمان ضغط الشحن المبدئى للبالون.
طبعا كل ما زاد ارتفاع المبنى كل ما زاد ضغط المياه نتيجة وزنها فى المواسير على الاوتوماتك, ده معناه ان علشان الميه توصل للادوار العليا بضغط مناسب هنضطر اننا نعلى ضغط بدء التشغيل, و ده معناه ان حجم المياة العملى هيقل زى ما شرحنا, و ده معناه ان الفتره بين فصل و اعادة تشغيل الموتور هتقل يعنى الموتور هيسخن.
فعلشان نزود الفتره الزمنيه دى لازم نزود الحجم العملى للمياه و ده بيكون عن طريق تركيب بالون او 2 زياده و يكون ضغط الشحن مضبوط فيهم, و طبعا ده مش هيأثر على شغل المفتاح الاوتوماتك لان البالونات هتكون موصله على التوازى
و الموتور الشفط و كبس ده اسمه( ذاتى التحضير) و هو الموجود فى الرسمه فوق

[mohmd76]

نصيحه لمن يريد الشراء لا تشترى من اى مكان عادى
اشترى من توكيل الشركة فقط
لان بعض من باعه ش الجمهورية لديهم بضاعه قديمة وتم اعادة رش ودهان المواتير ولصق بطاقه المونيوم عليها المواصفات الفنية
وهذا كثير وشائع جدا فى المحركات المباعه فى ش الجمهورية ولبضائع كثيرة
لكن اشهرها المحركات والمواتير

[wwaeel]

الاوتوماتيك عباره عن مفتاح كهرباء بنتحكم فيه عن طريق ضغط المياه (hydro-electric switch) فيه مسمارين تحت كل واحد فيهم سوسته (مقاومه) كل ما باربط على المسمار, كل ما المقاومه تزيد:
واحد طويل (kick in) و ده علشان تحديد ضغط الميه الازم علشان الموتور يبتدى يشتغل
و واحد قصير (kick out) علشان تحديد ضغط الميه اللى لما نوصل له الموتور يفصل
طيب, البالونه دى ما هى الا مخزن للطاقه (energy store) و هنشرح طريقة عملها: البالونه(الحديد) من الداخل فيه بلونه كاوتش, بتتنفخ على ضغط معين. ,مثلا, بيكون مكتوب على البالون الحديد من الخارج بيانات( ضغط الشحن 1.5 بار, اقصى ضغط 10 بار, حجم البالون 25 لتر) ده معناه ان البالون يتشحن على 1.5 بار (22 psi و هو لسه مركبش على الموتور) و اقصى ضغط البالون الحديد يستحمله 10 بار (147 psi) و المفروض ان ضغط المياه الناتج عن الموتور مايوصلش للرقم ده و الا البالون يفرقع , و ان حجم البالون 25 لتر. طيب ايه الى بيحصل!
لما باشحن البالون على 1.5 بار بيكون حجم الهواء الى داخل البالون 25 لتر,
طيب هنفرض اننا ضبطنا مسمار تشغيل الاوتوماتك على 2.5 بار ده معناه ان طبقا للقانون العام للغازات (ممكن ناخد الصوره دى لان الحيود فى درجات الحراره و فرق الضغوط تاثيره مش كبير) pv=constant هيكون حجم الهواء داخل البالون15 لتر, او بمعنى تانى ان حجم المياه داخل البالون = 25-15=10 لتر.
و لو ضبطنا مسمار الفصل على 8 بار ده معناه ان لما الموتور يفصل هيكون حجم الهواء فى البالون 4.7 لتر (حجم المياه 25-4.7=20 لتر)
و ده معناه ان حجم المياه العملى الفعلى الى بناخده من البالون هو 20-10 = 10 لتر, و طبعا الحجم ده بيعتمد على ضغوط التشغيل و الفصل اللى الاوتوماتك اتضبط عليها. و ده برضه معناه ان الموتور هيفضل فاصل و مش هيبتدى يشتغل غير لما استهلك ال 10 لتر دول, و هى دى الفتره الى الموتور بيرتاح فيها.
و ده برضه معناه ان لو مافيش بالون راكب, اول ما افتح الحنفيه الموتور يشتغل و يفضل شغال لغاية ما اقفل الحنفيه لان انضغاط السوائل ضئيل جدا مقارنة بالغازات (الا اذا كنت فاتح الحنفيه فتحه بسيطه بحيث الموتور يستطيع انه يوصل لضغط الفصل, و هنا هنلاقى الموتور عمال يشتغل و يفصل بسرعه ورا بعض)
طيب لو الموتور فضل شغال و مش قادر انه يوصل ضغط الميه للضغط المضبوط عليه الاوتوماتك هيفضل شغال لغاية ان حد يفصله مانيوال او يتحرق , بس ده مش فى المواتير النضيفه لانها بتكون مجهزه بدايرة حماية زياده احمال (overload) بتفصل الموتور لحمايته لما يسخن و يرجع يشتغل لما يبرد.
و باقى العوامل المؤثره كمان ضغط عمود المياه من اعلى نقطه واصل لها مياه فى المبنى و الضغط الى الموتور بيولده و كمان ضغط الشحن المبدئى للبالون.
طبعا كل ما زاد ارتفاع المبنى كل ما زاد ضغط المياه نتيجة وزنها فى المواسير على الاوتوماتك, ده معناه ان علشان الميه توصل للادوار العليا بضغط مناسب هنضطر اننا نعلى ضغط بدء التشغيل, و ده معناه ان حجم المياة العملى هيقل زى ما شرحنا, و ده معناه ان الفتره بين فصل و اعادة تشغيل الموتور هتقل يعنى الموتور هيسخن.
فعلشان نزود الفتره الزمنيه دى لازم نزود الحجم العملى للمياه و ده بيكون عن طريق تركيب بالون او 2 زياده و يكون ضغط الشحن مضبوط فيهم, و طبعا ده مش هيأثر على شغل المفتاح الاوتوماتك لان البالونات هتكون موصله على التوازى
و الموتور الشفط و كبس ده اسمه( ذاتى التحضير) و هو الموجود فى الرسمه فوق

استشاره فنيه انا عندي ماتور كالبيده 1 حصان ومركب عليه بالونه واحده لما بظبط ضغط الاوتوماتك اقصي قيمه بيقدر الماتور يفصل عندها 3.5 بار ةبيقوم الماتور عند 2بار الماتور بيغذي شقتين فقط في الدور الخامس والسادس بس الميه طبعا بتضعف عقبال ما المتور يقوم تاني لان الضغط بيوطيلحد 2 بار ولو عليت الضغط بتاع فصل الماتور اخليه مثلا 4 او 4.5 الماتور مبيفصلش السباك قالي نزود بالونه تانيه ده هيخلي الماتور يفصل علي 4.5 بار هل الكلام ده صحيح يعني لو زودت بالونه هيزيد قدره ضغط الماتور ولا برضو مش هيقدر يفصل لو الوتوماتك مظبوط اعلي من 3.5؟

[S O P H O S]

ما شاء الله
مشكوررر ..

[l0new0lf]

ايه نوع الاتوماتيك اللى راكب عندك!!

[wwaeel]

ايه نوع الاتوماتيك اللى راكب عندك!!

كالبيدا والماتور والبالونه كالبيده واحد حصان
الي بستفسر عنه زياده بالونه كمان هتزود قدره ضغط الماتور ولا بتزود سع المياه المخزنه في البالونه فقط

[khaled sabry]

سؤال علشان انا احتمل اشترى موتور الفتره اللى جايه دى
السباك بتاعى افتى ان لازم تركب الموتور بعد متر واحد من العداد ... هل الكلام ده صح
بصراحه انا مش مقتنع
علشان انا عاوز اركب الموتور فى المنور و ده يبعد عن العداد بمسافة 10 متر تقريبا و انا ساكن فى الدور الرابع
وساعتها ايه مواصفات الموتور المناسب ليا

[waelfarid]

جزاكم الله خيرا عالموضوع الحلو