السواقة وانواع الأدمغة :)

[Ahmed Anwer]

أكتر نوع بيخوف في السواقين بتوع الميكروباسات عشان دول مقتنعين إن العربيات كلها كاوتش يعني بيوسع طريقة بنفسه و يخش في حتة 2 متر و عربيته تلاته متر و الله دي حصلي في ميدان عبد المنعم رياض واحد سواق ميكروباص حشر نفسه و خبطلي الرفرف و الأشارة واقفة من غير أي داعي هوا بس اتخنق من الزحمة و قرر يوسع لنفسه طريق ده غير طبعا جريهم و توقفهم المفاجئ و غيره كتير أكيد إنتم عارفين أحسن مني ، و اللي عايز يستمتع بجد بس يبقي قلبه جامد يركب جنب سواق ميكروباص في الكرسي القدامني حاجة كده زي قطر الموت انا مرة كنت مروح من العاشر من رمضان و ركبت جنب السواق و الله كنت هأعيط علي طريق مصر إسماعيلية و مديها مبيستخدمش الفرامل إلا لما تبقي المسافة مع العربية اللي قدامه عشرة سم و غرز ايه بقه سيبك من غرز الفرافير ، أحلي حاجة الراجل اللي جنبي كان في سابع نومة و لما صحي بقوله يا عم قوله يهدي شوية رد عليا بكل رزانة و حكمة و قاللي هو عارف شغله !!!!
و النوع التاني الجنس اللطيف عامة دول بقه ممكن يطلعوا علي الرصيف في أي لحظة و لما يجيوا يلفوا يبقوا كأنهم بيلفوا بتريلا
و التحدي الحقيقي حاليا مبقاش في الشد ، التحدي بقه في الشوارع الضيقة اللي متخدش غير عربية واحدة و مين اللي هيرجع لمين عشان دي مسألة كرامة ساعات ابقه وصلت لنص الشارع و الاقي واحد شايفني و كمان بقلبه يكبس و يدخل جري قال يعني خلاص أمر واقع ، منتهي قلة الذوق و الإستفزاز ، أنا عشان من النوع المسالم جدا برجعله و أمري لله مبعملش زي معظم الناس و سيب العربية و اخد المفتاح و اقله اخبط راسك في الحيط

[mtema99]

اقولك احنا لو هنخاف كده يبقى اللي معاه فلوس كتيره يجيب لكزس ال اكس اخت الاندكروزر معاك اقل شويه هات هامر اتش1 معاك اقل هات اللاندكروزر نفسها معاك اقل هات اللكزس الجي اكس اخت البرادو معاك اقل هات الفوررنرر معاك اقل هات البرادو معاك اقل هات الديفندر معاك اقل هات الروبيكون(الرانجلر) و ساعتها تبقى في امان تام :mrgreen:

[Ahmed Anwer]

ايه دة يا سبعاوى, هو انا هسوق ولا هقعد اتفرج على ادمغة الناس, وبعدين لو المدام جمبى وشافتنى وعلى حظى الاغبر كان الى بص عليه من ذوات الشعر الطويل المسترسل يبقى ايه الوضع ساعتها؟؟؟ طبعا مفيش حد منكوا هينفعنى فى الوقت دة

يا باشا اركب مرة جنب واحدة من ذوات الشعر المسترسل و انتا هتكتشف إن الشعب المصري معندوش أي نوع من غض البصر ، أنا مرة كنت راكب مع عميلة عندي عمل شعرها كيرلي (شكلها كان يقرف) ما شاء الله كنت حاسس إني نازل من كوكب فضائي كل الناس نظرها موجه للعربية اللي راكب مرسيدس و العمال الغلابة اللي متشعلقين بالعافية في نص نقل و اللي عنده ستين سنة و العيال الصغيرة

[mtema99]

يا باشا اركب مرة جنب واحدة من ذوات الشعر المسترسل و انتا هتكتشف إن الشعب المصري معندوش أي نوع من غض البصر ، أنا مرة كنت راكب مع عميلة عندي عمل شعرها كيرلي (شكلها كان يقرف) ما شاء الله كنت حاسس إني نازل من كوكب فضائي كل الناس نظرها موجه للعربية اللي راكب مرسيدس و العمال الغلابة اللي متشعلقين بالعافية في نص نقل و اللي عنده ستين سنة و العيال الصغيرة

:mrgreen: :mrgreen: :mrgreen: :mrgreen: :mrgreen:

[zorooo1986]

اصل احنا فى مصر شعب المنظرة وشعب القوة والتفاخر بالقوة ايا كانت الطريقة
وان كل واحد بيحب يشوف نفسة احسن وخلاص باى طريقة وخلاص المهم يبقى احسن

[mtema99]

ربنا يستر

[Abo_Lina]

انا كنت زمان بتضايق قوي لو حد كسر عليا او كدة

دلوقتي بقيت عامل زي سواقين التريللا...برود تام 8)



وفعلا مش مستاهله حرقة الدم

[mtema99]

بس ديه كده تبقى عذاب مش سواقه

[عاشق الفولفو]

و فى رأيى المتواضع ان الشارع المصرى لا يحتاج الا لعربية جيب رانجلر4100سى سى
راكب فيها غاز ( عشان هى زى ما انتو عارفين بلاعة بنزين)

و تقدر تربى بيها أى حد يحاول يغلس عليك
ولا مطبات تأثر فيك و لا نص نقل يقدر ييجى جنبك

صدقني جرب الفولفو 240 وانت حاتعرف يعني اية قوة الشخصية :D :mrgreen:

[Abouelela]

صدقني جرب الفولفو 240 وانت حاتعرف يعني اية قوة الشخصية

هي الفولفو ( مع احترامنا الشديد ليها ) .. مش معموله برضه من صاح وكاوتش وحتي لو فولاذ .. هي في الآخر عربية ..
وبعدين أنت بتتكلم عن أن إللي ممكن يخاف يكسر عليك هو العربيات الصغيرة ..
لكن جربت العربيات التريلا إللي بتبقي قاصدة تحدفك من علي الطريق عن عمد ..
ربنا يسترها معاك ومعانا .. الطريق وحش والسواقين للأسف بقي فيهم مجانين ..

[mtema99]

يا رجاله يا جدعان
احنا مش في حرب
بلاش الكلام ده ارجوكم
لو كل واحد التزم بينه و بين نفسه مش هنحتاج كده
احنا تقريبا 1900 واحد على المنتدى ده قول 1000 بس هما اللي بيتكلموا
لو كل واحد من ال1000 قدر يأثر على 5 على الاقل رغم علمي ان ممكن يوصلوا ل 20 كمان لكل واحد بس نمشي على ال 5
يبقى كده عندنا 5000 واحد يسوقوا بأدب و أخلاق فالشارع
الرسول قال فيما معناه
هيجي زمان فيه و فيه و فيه ذنوب و حاجات يعني
الصحابه قالوا طب نعمل ايه لو جه الزمان ده
الرسول جاوبهم بصراحه فيما معناه
عليكم انفسكم