طريقة مبتكرة وعجيبة لمنع الكلاب من الصعود فوق السيارة

[sab3aawy]

نظرا لانى فى فترة حياتى قبل الزواج كنت ساكن فى منطقة بها الكثير من الكلاب الضالة

وبعد الزواج انتقلت الى منطقة تحوى قبائل كاملة من هذا الحيوان المظلوم معنا وفى نفس الوقت ظالمنا معاه

فقد أرقتنى طوال عمرى فكرة ايجاد طريقة لمنع الكلامب من احتلال كبوت وسقف سيارتى واهدار كرامة صاجها

ويبدو اننى توصلت الى طريقة عجيبة جدا لمنع الكلاب من احتلال السيارة

ويبدوا اننى لن استطيع شرح الطريقة بتفاصيلها الكاملة حيث ستشكل إزعاجا لمن لا يهتمون بهذة القضية، لذلك ساحاول تقريب الصورة لأذهان من يهتمون بهذا الامر، لكن عموما لو انك لست من المهتمين بهذا الموضع انصحك بعدم اكمال القراء من فضلك(هذا ليس مزاح وليس دعوة مستترة لإكمال الموضوع)

هذة الطريقة تصلح لمن يغطون سيارتهم فقط

بالتجربة وجدت ان الكلاب لديها ارث قوى من الخوف من الإنسان

نعرف جميعا مدى قوه حاسة الشم عند الكلاب

ونعرف جميعا ان الكلاب وكل الحيوانات لها طريقتها فى تحديد منطقة نفوذها

ترى هل يمكن استخدام طريقة مماثلة لتحديد غطاء السيارة كمنطقه نفوذ لى مستغلا حاسة شم الكلاب القوية وخوفها من بنى الإنسان؟

بس خلاص

[شريف]

احط فى الغطاء حاجة من اترى

ممكن فردة شراب :twisted:

[sab3aawy]

لو انت او اى حد من القراء لسة مفهمش ازاى :lol: . ممكن يبعتلى على الخاص وانا اقول له تفاصيل اكتر :lol: :lol:

بس بغض النظر عن انها طريقة كوميدية جدا أؤكد لك انها اثبتت فعالية لا بأس بها

[اسلام المصرى]

ممكن نجرب علبة جليد أو معطر جو , بس كده ممكن العملية تحلالهم و تعجبهم الريحة :D أستخدام طرق أخرى هتبقى مشكلة لما تيجى تشيل الغطاء الصبح و تحطه فى العربية :D ممكن مسدس مايه و تقف فى البلكونة و أى كلب يقرب من العربية ترش عليه مايه :D بس المشكلة هنا انك تلاقى مكان تركن فيه تحت البيت أو قريب حتى .... هى مشكلة فعلا!

[محمدايهاب]

أنا فهمتك يا سبعاووي

[Nile Heart]

اكيد بتهرج يابو السباع :)

ودى هتعملها كل ليله ولا كل كام يوم :) وهتعملها ع الغطا وهو راكب ولا فى الحمام فوق :):)

[sab3aawy]

بص ، التجديد كل اسبوع معقول ، اما اسلوب ومكان التجديد فمتروك لاختيارك :lol: :lol: :lol: :lol: :lol: :lol:

[memo_hefnawy]

سبعاوى ضحكتنى فحت أنا مش قادر أضحك ولا أفتح بقى حرام عليك ضرسى واجعنى ههههههههههههههههه

أنا من أول ما قرأت فهمت هههههههههههههههههههههههههههههه بس الناس إللى مش فهمت عشان مكانوش بيتفرجوا على عالم الحيوان زمان ههههههههههه أو مش شافوا مواقف و طرائف بتاع جلال علام زمان هههههههههههه

يا جماعه معروف فى عالم الحيوان الآتى :
---------
الحيوانات جميعها بتحدد منطقة نفوذها (بيوتها يعنى) إللى المفرود لا تنتهك حرمتها من الحيوانات الأخرى عن طريق التبول على حدودها و بالتالى عندما ينتهك حيوان آخر تلك الحدود فهو معتدى لأنه شم رائحة صاحب المنزل و عرف إن دى منطقته فمن المفترد لا يقترب منها

بس يا سبعاوى إنت جتلك الفكرة المفتكسه دى منين ههههههههههههه والله إنت مصيبه

الحمد لله يا عم أنا عندى قطط بس فى المنطقة مفيش كلاب لأن صراحة معنديش إستعداد أعمل إللى بتقول عليه ده أبدا

[أبو عبدالله]

بص ، التجديد كل اسبوع معقول ، اما اسلوب ومكان التجديد فمتروك لاختيارك

ههههههههههههههههههههههههههههههههههههههههههههههه

بصراحه حلوه

بس انت عارف يا بشمهندس خالد انا ليا ابن خالي كان بيعملها علشان الحسد لما العربيه مترداش تتباع يعمل معاها كده تتباع تاني يوم عالطول :mrgreen: :mrgreen: :mrgreen: :mrgreen: :mrgreen: :mrgreen: :mrgreen:

[Nader]

هههههههههههههههههههههههههههههههههههه حرام عليكم، والناس الهيعدوا من جمبها زمبهم اية بس :D . انا عندي كلبين حراسة "بلدي :D " تحت البيت بيسيبوا عربيات الخلق كلهم ويجوا يناموا على عربيتي :( . جبت "Air Sport Gun" او زي الاطفال ما بيقولوا علية "بابي جن" واستنيت طول الليل لحد ما واحد طلع ينام. "ولاد الاية دول بيسهروا جامد :? " المهم بعد ما طلع امت جايب المسدس ومعمرة ومديلو علي.... او دة اللي شفتة من الدور الخامس علشان متجيش في عنية ويتعمي "ربنا يخدة"، المهم هو خدها من هنا وقام مفزوع يبص يمينة وشمالة مستغرب اوي، امت لحقة على طول ومناولة التانية وهووووب ام "مفلق" ولقيت الكلب التاني كان تحت العربية "مكنتش شايفة طبعاً" طلع يجري معاة من غير ما اعملة حاجة!!!.


بس عموماً مع الانزار واتنين كلاب فوق وتحت العربية بيجروا ورا اي حد يعدي من تحت العمارة :D وهي مركونة في جراج العمارة "جراج مفتوح" الواحد ينام ويحط في بطنة بطيخة صيفي :D :D

[hazem_khidr]

موضوع جميل يا باشمهندس.و فكره صحيحه فعلا بس يا تري حاولت تجربها ولا لاء
سعمت قبل كده عن واحد متخلف كان بيعمل حاجه زي كده بس علشان العين و الكلام دا :D :D :D :D :D (مش بقول متخلف انه بيعمل كده علشان الكلاب لكن بقول انه فاكر ان بكده مش حيتحسد)
ربنا يكون في عون الناس الجهله دي و ينور طريقهم و يبقي عندهم شويه ثقافه و فكر

[oshy]

الله عليك يا سبعاوى يا جامد أيه الأفكار دى ده انتا موسوعه بقى و احنا مش عارفين
بالنسبه ليا أنا مستحيل أعمل الكلام ده إن شاالله يكسروا العربيه بس أنا ممكن أجرب فكرة نادر باشا :D :D

[محمد ابراهيم 1]

إوعى يا سبعاوى تعمل الموضوع ده مباشره على العربيه
أحسن الزفت اللى إسمه الموبايل أبو كاميرا مع الناس كلها والأمر ما يسلمش
تانى يوم حتلاقى الفيديو منتشر على كل موبيلات مصر زى بتاع نانسى عجرم :lol:

[mohamed_berlitz]

يا جماعة انا ممكن اعمل اى حاجة علشان الكلاب دية
بس لو عملت طريقة سبعاوى ساعتها العربية حيبقى ريحتها علطول ....... ومحدش حيرضى يركب معايا وانا ذات نفسى مش حعرف استحمل الريحة
وبعدين انا عايز اعرف حاجة هو المفروض الحاجات دية تتحط على الغطاء ولا بجانب العربية

[MMamdouh]

هههههههههههههههههههههههههههههههههههه حرام عليكم، والناس الهيعدوا من جمبها زمبهم اية بس :D . انا عندي كلبين حراسة "بلدي :D " تحت البيت بيسيبوا عربيات الخلق كلهم ويجوا يناموا على عربيتي :( . جبت "Air Sport Gun" او زي الاطفال ما بيقولوا علية "بابي جن" واستنيت طول الليل لحد ما واحد طلع ينام. "ولاد الاية دول بيسهروا جامد :? " المهم بعد ما طلع امت جايب المسدس ومعمرة ومديلو علي.... او دة اللي شفتة من الدور الخامس علشان متجيش في عنية ويتعمي "ربنا يخدة"، المهم هو خدها من هنا وقام مفزوع يبص يمينة وشمالة مستغرب اوي، امت لحقة على طول ومناولة التانية وهووووب ام "مفلق" ولقيت الكلب التاني كان تحت العربية "مكنتش شايفة طبعاً" طلع يجري معاة من غير ما اعملة حاجة!!!.


بس عموماً مع الانزار واتنين كلاب فوق وتحت العربية بيجروا ورا اي حد يعدي من تحت العمارة :D وهي مركونة في جراج العمارة "جراج مفتوح" الواحد ينام ويحط في بطنة بطيخة صيفي :D :D

خللى بالك من حاجة...

انا عملت حاجة شبة كدة بس ببندقية رش... انا ساكن فى الخامس و العربية كانت راكنة فى اخر الشارع فا الرشة متعورش الكلب... حتؤلمة بس

المهم لما ضربت الكلب قام اتخض موت و طلع امريكانى بضوافرة من على الكبوت... طبعا ضوافرة عملت علامة فا خللى بالك من عواقب الموضوع دة

MMamdouh