إعـــــــلان

Collapse

.

,
See more
See less

صيانة 25 ألف، وتقدير لمركز السبع للصيانة

Collapse
X
 
  • Filter
  • الوقت
  • Show
Clear All
new posts

  • صيانة 25 ألف، وتقدير لمركز السبع للصيانة

    ذهبت لصيانة السيارة (صيانة 25 ألف كيلومتر)بمركز السبع للصيانة بزهراء المعادى،
    وكانت الاحتياجات الموجودة لدى هى:


    1-تغيير زيت وفلتر
    2-مراجعة فلتر الهواء وتغييره لو لزم لأنه لم يتم تغييره فى صيانة العشرين حيث افادنى المركز وقتها بأن الفلتر لم يحتج بعد للصيانة
    3-تغيير ريش المساحات لانها بدأت فى التآكل(تتم السيارة هذا الشهر عامين من عمرها)
    4-تربيط السيارة

    قمت بالحجز قبلها بيومين ، وذهبت الى المركز فى التاسعة صباحا، قابلنى المهندس كريم صالح بابتسامتة البشوشة التى ارى فيها افضل اسلوب استقبال أراه فى اى مركز صيانة، قام بملئ طلب الصيانة وافادنى انه بالإضافة لطلباتى سيتم مراجعة جميع حساسات السياره على جهاز السكانر، ثم قام باستلام السيارة، واعطانى استمارة بيانات خاصة بشركة نيسان مصر لأقوم بملئها

    بعد صعودى الى ادور العلوى وافانى المهندس كريم حيث اخبرنى ان كاوتشة التراب الخاصة بالمساعد اليمين مقطوعة وتحتاج الى تغيير وبعد سؤاله عن تكلفتها اخبرته بموافقتى على تغييرها

    استغرقت السيارة حوالى 3 ساعات للصيانة وهو وقت اطول من المعتاد، وذلك بسبب الوقت الذى لزم لتغيير كاوتشة المساعد بعد انهاء الصيانات الاخرى

    استلمت السيارة الساعة 12، ودفعت الفاتورة وكانت التكلفة كالآتى:

    1- 3 لتر زيت شل ألترا 10 آلاف كيلومتر:175 جنيه
    2-فلتر زيت اصلى:49 جنيه
    3-عدد 2 ريشة مساحة اصلى يابانى(القطعة المطاطية فقط): 35 جنيه للواحدة بمجموع 70 جنيه
    4-فلتر هواء نيسان اصلى يابانى:130 جنيه
    5- كاوتشة تراب الخاصة بالمساعد: 95 جنيه
    6-مصنعيات صيانة: 70 جنيه
    7-مصنعيات تغيير كاوتشة المساعد:75 جنيه
    8-ضريبة مبيعات: 66 جنيه

    وبصراحة خرجت بالعديد من الانطباعات الايجابية فى هذة الزيارة:

    1-السيارة اختلفت تماما بعد الصيانة، صوت الموتور عاد الى نغمة الزيرو، استجابة الموتور والجيربوكس ناعمة وهادئة

    2- تم غسيل السيارة من الخارج ومن الأسفل وتنظيف الصالون بشكل متقن جدا وهو ما يقومون به دائما ضمن مصاريف الصيانة

    3- كنت قد تركت الكثير من الرفايع التى لم استطع جمعها بسبب ضيق الوقت(وصلات سماعات، ادابتور ام بى ثرى شريط...الخ) ووجدت كل هذة الأشياء مجمعة بشكل انيق داخل كيس بلاستيك فى شنطة السيارة

    4- تم وضع كل قطع الغيار القديمة داخل كيس بلاستيك يحمل اسم السبع وتركه داخل شنطة السيارة

    5- الابتسامة تعلو وجوه الجميع

    لذا ولاننى حصلت على خدمتى كاملة ومتقنه ومغلفة بابتسامة فليس اقل من ان اقدم كلمة تقدير للمركز والعاملين به مع تمنى دوام الأداء الجيد والمستوى العالى فى الخدمة

    خالد عمر(سبعاوى)-تم اجراء الصيانة يوم 8 مارس 2009
    [SIZE=5][COLOR=navy]سبعاوى[/COLOR][/SIZE]
    _______________________________________________

  • #2
    ان كنت يوم السبت 7 مارس 2009 وعملت صيانة ال 15 الف وكلفيتنى 223 جنيها زيت شل + الفلترفعلا ناس محترمين جدأ وسألت على تلميع العربية من الخارج فقطب 350 جنيها حسيت ان كتير شوية وكمان سألت على BERK Ssanzor ب 550 من غير مصنعية التركيب .

    Comment


    • #3
      ما شاء الله وربنا يبارك لك فيها والله كويس واضح من الكلام انهم ناس محترمين فى الاداء ومش بيغيرو الا المطلوب ويا ريت التوكيلات كلها تعرف ان استقبال العميل بداية رضاؤه عن المكان

      Comment


      • #4
        بسم الله
        اجمل ما فى الموضوع هوه عودتك يا مهندس خالد (سبعاوى)
        وهما فعلا ناس محترمين وشهادتك دى وسام يتحط على صدورهم
        انا كنت هناك النهارده بعمل صيانة ال10000كم
        وناس فى منتهى الأحترام
        بورك لك
        الفقير الى الله / [COLOR="Indigo"]احمد عزالرجال[/COLOR]
        [COLOR="Magenta"][SIZE="7"][CENTER]لكى الله ياغزة[/CENTER][/SIZE][/COLOR]
        [url=http://www.postimage.org/image.php?v=aV6zQe0][img]http://www.postimage.org/aV6zQe0.jpg[/img][/url]

        Comment


        • #5
          الصراحه حقيقه نشهد بيها ان توكيل نيسان من التوكيلات المحترمه والجيده فى مجال العربيات

          نادر لما اقابل مشاكل معاهم يارب يفضلوا على كده السبع ويونايتد معرفش ايه اخبار مودرن
          [CENTER][shr71=http://www.dieselstation.com/pics/Hyundai%20Accent%202009-car-pictures.jpg]Hyndai Accent 2011[/shr71][/CENTER]

          Comment


          • #6
            مع ان خبرتي في التعامل مع التوكيلات قليله جدا, الا اني كاره جدا لتوكيل اسكودا و في نفس الوقت و بعد ما جربت التعامل مع توكيل نيسان فعلا اشهدلهم بالاحترافيه في الاداء و فوق ده كله الترحاب و المعامله الحسنه
            يمكن محدش منهم يقرا الكلام ده هنا الا اني بقولهم شكرا

            Comment

            Working...
            X