انطباعات عن الماروتى بعد 5 آلاف كيلومتر

[lord23]

8-اما اخطر عيوب هذة السيارة على الاطلاق فهو عيب اجتماعى وليس فنى، هو "الاستهياف"، قيادة هذة السيارة على الطريق هو نوع من انواع الصراع المستمر من اجل البقاء، 75% من سائقى السيارات على الطريق لا يتعاملون معك على انك راكب سيارة ولكن على انك راكب قبقاب باتيناج ،مجرد حشرة يمكن فعصها والاستمرار فى القيادة بدون ادنى تأنيب ضمير،وكل واحد مديره منكد عليه او المدام ضارباه فى البيت او راح ضمن ابنه فى القسم امبارح بيطلع كل عقده وقرفه عليك، والاسلوب الوحيد لقيادة هذة السيارة والوصول الى مبتغاك بدون خسائر هو الأسلوب الaggressive ، لكن بغيرالأسلوب ده الناس بتوصل بيها السفالة انها تخبطك بالقصد لمجرد انهم مستهيفين العربية

فعلا يا هندسة
العيب ده اهم عيب فيها
عشان كدة لما بسوقها بمشي بمبدا اكسر عليهم قبل ما يكسروا عليك

[hoss_rona]

هاي يا جماعه انا حسام لو سمحتوا انا ليا سؤال انا الماروتي بتاعتي بقالها شهرين قبل صيانة الالف كيلو مكنش ليها صوت نهائي ولما عملت صيانه الالف صوتها علي شويه صغيره وهو صوته ثابت يعني مش كل فتره بيعلي لا يعني كأنه بقي صوتها الطبيعي هل ده عادى؟

[mahmoud_magdy]

شكرا على السرد الذيذ والرائع لتقيم السياره
جزاك الله خيرا

[dr_asaos]

سؤال يا بشمهندس سبعاوى..ايه رأيك فى تركييب تكييف ليها؟ انا معايا العربية وهيا فعلا تحفة بس عيبها الوحيد التكييف..واللى شجعنى اسال السؤال ده ان فى عربيات كتير جدا 800سى سى وفيها تكييف وزى الفل...

[masy]

شكرا جزيلا علي انطباعات حضرتك
سؤالي بقي، ازاي احمي الضفيرة ؟؟؟

[أبومعاذ]

العربية دي فيها ميزة كمان انها بتاخد بنزين 80 من غير مشاكل تذكر

[powerofhelll]

انا بتصعب عليا العربيه دي مكنها مش هنا

[m7nsh]

انا بتصعب عليا العربيه دي مكنها مش هنا

مش للدرجادى يعنى :)

[onsi]

السواقة العنيفة او بمعنى اصح البلطجة هى الطريقة الوحيدة للوصول لبيتك فى امان فى هذا الزمان سواء بعربية كبيرة او صغيرة لسبب بسيط ان كل اللى حواليك سواقتهم عافية وحرب فيجب ان تكون مثلهم او اسوأ للاسف

[A_H_M_A_D]

السواقة العنيفة او بمعنى اصح البلطجة هى الطريقة الوحيدة للوصول لبيتك فى امان فى هذا الزمان سواء بعربية كبيرة او صغيرة لسبب بسيط ان كل اللى حواليك سواقتهم عافية وحرب فيجب ان تكون مثلهم او اسوأ للاسف

للأسف فعلا الكلام ده حقيقي في معظم الأحيان
السواقة المحترمة ملهاش مكان في الشارع المصري
أنا ساعات بحس و أنا سايق إني بتخانق مش بسوق
و دايما بفتكر المقولة اللي بتقول إنك لازم تبقى وحش في وسط الوحوش عشان تعرف تعيش وإلا حتتاكل
بحس إن هي دي القاعده اللي معظم الناس بتسوق بيها

معلش هي المشاركة دي بره الموضوع بس حبيت أعلق على مشاركة أستاذ أنسي لأنها جت على الجرح !!

[hosar]

شكرا على المجهود