كنت هاموت النهارده

[Ahmed Samy]

ألف ألف سلامة بجد والله

[3mr Farrag]

الحمدلله علي السلامه.....
و و لا يهمك كله يهون في الصاج.....المهم انك بخير

[أبو عبدالله]

حمدالله على سلامتك يا بشمهندس سبعاوي انت والعائلة الكريمة
وربنا يجعله في ميزان حسناتك ان شاء الله

والحمد لله انها طبعا في الصاج زي ما عبدالله قال

وربنا يحفظنا جميعا

[Karim_Monir]

يااااه
الف سلام عليك يا خالد لا والله زعلتني
ده كفاية الخطة والرعب لاني عشت تفاصيل زي دي قبل كدة ربنا ما يوري حد
بس انا فعلا مش بقدر امسك نفسي اني ما اقتلوش او على الاقل اعورة

[Hisham_ElFeky]

الف سلامة عليك يا سبعاوي والحمد لله علي نجاتك انت والاسره

بس نفسي اعرف هديت نفسك ازاي انا اصلا وانا بـأقرأ كلامك عايز انزل اضرب اي سواق مقطورة

بجد اقل حاجة كنت طايرتلوا مفتاح المقطورة في اي حته اشله بيه

[vitara]

انت شوفت الموت بعينيك ........ الف حمدلله على سلامتك و سلامة من معك
لازم نتعلم حاجة مهمة .......... نتركهم يعدوا و يجروا حتى لو وصلت اننا نركن جانبا حتى يبعدوا خالص عنا
و لا نحاول المرور من واحد منهم طالما بيجرى بسرعة
لا نحاول المرور من واحد منهم قبل ندوشهم بالكلاكسات
لا نحاول المرور من واحد منهم قبل ما يشاور لنا بالمرور
ده عمر
ربنا يحمينا جميعا
اتركوهم يجروا بسرعات جنونية ........فإن حياتنا ليست رخيصة

عندك حق ............ كل حاجة فى الدنيا هايفة

[khalidic]

الف حمد الله علي السلامة
والحمد لله انها جت علي قد الصاج

[Chicco]

ألف ألف سلامة يا سبعاوي باشا. قدر الله و ما شاء فعل. حاسس بيك والله .
من حوالي 4 سنين علي الدائرى قرب منزل المنصورية و برضه تريلا كان معايا فيليشيا ساعتها الله يمسيها بالخير والأفندي كان بيشد مع أتوبيس نقل عام فاضي وفجأة لاقيت الأتوبيس علي يميني والتريلا علي شمالي الصراحة ماعرفتش أعمل إيه غير إني أهدي و حاسس إنى حاتفعص بين الإتنين :roll:
التريلا عدت بس المقطورة اللى ساحباها وراها "عومت" وخبطت الرفرف الوراني شمال في الجناح اللي ورا الإزاز الوراني و و زقت عربيتى فخبطت الأتوبيس في الباب الوراني يمين و الرفرف و الفانوس كل ده خد ثواني لأ وإيه لا الأتوبيس وقف ولا التريلا وقفت :?: الصراحة كنت عايز أجرى وراهم و أجيبهم و (فضلا الالتزام باداب الحديث وعدم الخروج عن الاداب العامة-الادارة)... بس ماقدرتش.... أعصابي فلتت و ماقدرتش أتحرك لدقايق جبت العربية يمين و ركنت لحد ما هديت.... ولما فكرت حمدت ربنا إني ماجريتش وراهم... الله أعلم المساطيل دول لو حاولت أوقفهم كانوا عملوا إيه

[ابوشريف]

قدر الله وماشاء فعل ...وحمدالله على سلامتكم

[خالدابوالنجا]

[color=blue]الف سلامه يا خالد
قدر الله وما شاء فعل
بس موضوعك ده بيفكرنى بموضوع تانى كنت كتبته عن الموت ( انا مبسوط !!!!!!!!!!!!!!!!!!!)

انا مبسوط جدا هذا الصباح
فلست مضطرا الى ان احلق ذقنى
ولست مضطرا لكى خرقة القماش التى سأستر بها جسدى وادعى بها الوجاهة امام الناس
ولماذا اكويها وانا لن البسها اصلا
لست مضطر لقيادة سيارتى من مدينة نصر الى المهندسين عبر مطبات وحفر وخوازيق شوارع القاهرة
لست مضطرا لمغادرة بيتى مع العصافير حتى الحق بالطريق قبل ان يمتلئ بالأوغاد من سائقى الميكروباس والنقل والتاكسى والشطة والجيش الذين يبدون لى وكأنهم قد خرجوا من بيوتهم ولا هدف لهم سوى ان ينكبونى فى سيارتى
لست مضطرا لغلق الف فقل ومليون محبس مياه ونزع ما لا يحصى من فيش الكرباء لتأمين بيتى من السرقة والحريق
لست مضطرا للتشاجر مع مناديين المهندسين وقتل احدهم كعادتى اليومية للحصول على مكان انتظار لسيارتى
لست مضطرا لاتخاذ الف تدبير امنى لمنع الأطفال الأوغاد من اتلاف سيارتى بلوحاتهم الفنية وبجلوسهم على مقدمتها ،ومليون تدبير امنى اخر لمنع اللصوص الأوغاد من السطو عليها
لست مضطر لتقبل إهانات مديرى المهذبة وتعاليمه التى لا تنتهى وطلباته التى تحتاج الى قرون لتنفيذها ويحتاجها هو ان اقروم بإنهائها امس وليس غدا
لست مضطر لتحمل لزوجة عامل الشاى والقهوة الذى لا يفتأ يفتش ادراجى ويدس راسه فى شاشة حاسبى الآلى بدعوى العشم
لست مضطر لتحمل غباوة مساعدينى من الموظفين الجدد الذين يتمتعون بقدر من الهبل واعدام الحيلة اشعر معه ان آخر فرصة لوطننا فى التقدم كانت مع جيلنا ، ان لم تكن مع الجيل السابق علينا
لست مضطرا الى العودة للمنزل عبر كوبرى اكتوبر الذى يذكر كل من يعبرونه يوميا بعبور اكتوبر العظيم لما يلاقونه من معاناه فى عبور كوبرى العذاب والضنا هذا المسمى كوبرى اكتوبر
لست مضطرا لشراء لوازم المنزل وتحمل غش الخضرى فى الميزان، وسفالة الجزار الذى يضع لى العظم مع اللحم، ووقاحة الفكهانى الذى يبدل الفاكهة السليمة باخرى معطوبة بعد وزنها
لست مضطرا لقضاء الليل فى البلكونه اصرخ فى من يلعبون المدعوقة كرة القدم فى الشارع-قاتل الله كرة القدم وذلك المأفون الذى اخترعها وبلانا بها-بالإبتعاد بمحروقتهم عن سيارتى الى لا املك شراء فوانيس لها لو كسرتها كرتهم الملعونة
لست مضطرا للنوم قلقا بسبب ما لم انجز من عمل يجثم كالكابوس على صدرى
ولماذا اضطر لهذا كله، فلم اعد بحاجة لأى شئ من الدنيا
لم اعد بحاجة لشئ من الدنيا .......
فأنا قد مت
مت وارتحت ، اجلس سعيدا داخل كفنى وقد ارحت رأسى من كل تلك التوافه التى تشغلكم ورحت اخرج لكم لسانى-او ما تبقى منه- وانا اراكم تتصارعون على ما لا قيمة له، ألا ما احلى الموت
لأسف اننى لا ازال على قيد الحياه ولم امت بعد، لكنى مع كل ما ارى من هذة الدنيا ،بالفعل انتظر هذا اليوم بفروغ صبر
=============================================
==============================================
انا عايز تعليقك على الكلام ده بعد ان مررت بتجربه حقيقيه جعلتك قريبا منه.

تنبيه
يرجى عدم الكتابة باللون الاحمر نهائيا لانه لون خاص بالادارة وسبق التنوية الى هذا
الموضوع
إدارة المنتدى

[H.ibrahim]

قدر الله و ما شاء فعل و الف حمدا لله على سلامتك انت والاسرة يا ابو السباع - والمومن دائما مصاب - ربنا يجعلها فى ميزان حسناتك باذن الله .

[sab3aawy]

الف سلامه يا خالد
قدر الله وما شاء فعل
بس موضوعك ده بيفكرنى بموضوع تانى كنت كتبته عن الموت ( انا مبسوط !!!!!!!!!!!!!!!!!!!)
انا مبسوط جدا هذا الصباح
فلست مضطرا ....الخ........ ورحت اخرج لكم لسانى-او ما تبقى منه- وانا اراكم تتصارعون على ما لا قيمة له، ألا ما احلى الموت
لأسف اننى لا ازال على قيد الحياه ولم امت بعد، لكنى مع كل ما ارى من هذة الدنيا ،بالفعل انتظر هذا اليوم بفروغ صبر
=============================================
==============================================
انا عايز تعليقك على الكلام ده بعد ان مررت بتجربه حقيقيه جعلتك قريبا منه.

تصدق يا سلطان ان وجهة نظرى مفرقتش كتير، ولو اعدت كتابة هذا الموضوع السابق هكتبه بنفس الطريقة
خاصة وان هذة ليست تجربتى الأولى فى الإقتراب من الموت وإن كانت اقربها للموت فلى تجربتين سابقتين فى الإقتراب من الموت والغريبة انها تجارب ذات تواتر يثير الإستغراب

فى 14 اكتوبر 1997 انقلبت بسيارة 127فيات انقلبت حوالين نفسها كذا مرة وارتطمت وهى مقلوبة بعمود نور واسفر الامر عن تدمير السيارة تماما واصابتى بمجموعة اصابات لا بأس بها مع المرور بتجربة الإقتراب من الموت

بعده بخمسة سنوات وفى 26 أكتوبر 2002(برضه اكتوبر) انقلبت بسيارة فيات(برضه فيات) 132 بداخل نفق الأزهر واسفر الأمر عن اصابات بسيطة سواء بالنسبة لى او للسيارة، لكنها كانت ايضا تجربة دنو من الموت

بعد ذلك بخمسة سنوات (برضه خمسة سنوات) وفى 19 اكتوبر2007(هو ايه حكاية اكتوبر معايا) كدت انفعص تحت عجلات سيارة نقل بمقطورة، والمرة دى فيات( يادى النيلة، فيات برضه؟) ريجاتا ،تجربة الدنو من الموت هذة المرة كانت اشدها قسوة، لكن الحمد لله اصابات السيارة ملحوقة ولا توجد اصابات شخصية

الخلاصة انى توصلت الى قرار هام جدا، هوى اننى خلال شهر اكتوبر 2012 سأحرص تماما على ألا اخرج الى الشارع بسيارة فيات :lol: :lol: :lol: :lol: :lol:

طبعا الأعمار بيد الله وانا لا اومن بالتفاؤل والتشاؤم، ربما يكون الأمر له علاقة بنظرية الإيقاع الحيوى والتى لا تزال تعتبر طفل وليد لنوع جديد من العلوم يناقش الأمور التى نسميها باراسيكولوجى ، او الماورائيات وهو ذلك العلم الوليد الذى يحاول وضع قواعد علمية صارمة تفسر امورا لا تفسرها الكيمياء والفيزياء والرياضيات مثل السحر والحسد ...الخ،
وربما يكون الأمر مجموعة من الصدف لا أكثر

لكن فى النهاية انا لازلت لا ارى الموت على انه امر مزعج بشدة، لكن المزعج فى الأمر هو الإنتقال العنيف الى تلك المرحلة،فكل ما اتمناه عند موتى ألا يكون الموت مؤلما ولو كان مؤلما ألا يطول الألم

ارجو ان انا كدة اكون رديت على سؤالك

[Hossam_Hassan]

الف سلامة عليك و الحمد لله، اللى انت عملته عين العقل.

[hatem_badawe]

الحمد للة

[kamalantivirus]

راي اننا لا نخاف من الموت و لكن الخوف في ما بعد الموت استاذ سبعاوي لي رجاء منك بان تطلع اي حاجة للة وتصلي ركعتين شكر لان قضاء اخف منقضاء والف حمدالله على السلامة