تغييرالمحركات لسيارات الدفع الخلفى

[sab3aawy]

السؤال الأول:
انا اذا كان عندى سيرة سحب خلفى ونظام وموتورها فوت هل يمكن تركيب موتور سحب امامى عليها
مثلا هل يمكن تركيب موتور لانسر على سيارة لادا مع بقاء مجموعة الفتيس والجر بمجرد ان أجعل الموتور طولى بدل من عرضى

نظريا ممكن ولكن عمليا توجد بعض المعوقات الفنية والإدارية كالآتى

أولا فنيا:
1 فى البداية يجب التاكد إذا كان المحرك بيلف يمين ولا شمال لأنك اذا جبت محرك بيلف عكس اتجاه االمحرك القديم سيعنى ذلك ان السيارة ستعود للخلف عندما تعشق الاولانى والتانى الخ وتسير للأمام عندما تعشق المارشدير( مثال شهير، يتم تركيب محرك ال 127على السيارة سيات 133 ولكن يتم استبدال عمود الكامة الخاص بال127 بعمود كامة 133 لان عمود الكامة هو الذى يحكم اتجاه الدوران (مع تعديل المارش ايضا ليدور بالإتجاه المعاكس) ،لان محرك ال127 لو تم تركيبه كما هو على فتيس ال133 فسوف تسير ال133 للخلف مع تعشيق الأولانى)

2- ستحتاج الى تغيير مكان تركيب قواعد الموتور فى السيار لأن قواعد الموتور يختلف مكانها من سيارة لسياره ومن موتور لموتور تانى

3- ستحتاح لتوفيق وصلات عمولة لأدوات تغدية المحرك (سلك الإكسراتير،الشفاط،الخ)

4- وهذة هى المعضلة الحقيقية: يجب ان تلائم اماكن المسامير فى المحرك مثيلاتها فى الجيربوكس، ويجب ان يلائم شكل المشرشر الموجود فى عمود خرج المحرك شكل المشرشر الموجود فى الدبرياج والفتيس، وهذه المشكله يمكن ان تحل بتفصيل وصلات، ولكن نظرا لصعوبة وتعقيد هذا الحل فإن تبديل موديلات المحركات يقتصر عادة على موديل مختلف من المحرك ولكن من إنتاج نفس الشركة، (مثال موتور 132 على سيارة بولونيز او متور شاهين على سيارة 128) نظرا لتوافق اماكن الربط، او يتم تغيير المحرك والفتيس معا وهذا يحل معظم المشاكل(ولكن طبعا فى هذة الحالة لن يصلح محرك جر امامى مكان محرك جر خلفى نظرا لأننا احتجنا تغيير الفتيس، كما انه فى حالة تغيير الفتيس تكون قراءات عداد السرعة غيرحقيقية)

5- توجد مشكلة خاصة بالأداء: حيث ان الفتيسات تكون مصصمة اساسا لتتكامل مع نمط اداء المحرك فإن تركيب محرك على فتيس لا يخصه قد يؤدى فى احيان كثيرة الى قصصور فى الاداء(مثال: محرك الشاهين مرن فى المساحة من 2500 الى 4000 RPM ولذلك يتم تصميم نسب تخفيض الجير بوكس لتجعل المحرك يعمل فى هذة المساحة معظم الوقت، فلو تم تركيب محرك هيونداى مثلا لسيارة شاهين فسنجد ان السيارة لا تسحب اطلاقا ومخنوقة نظرا لان محرك الأكسنت تناسبه نسب تخفيض اعلى

المشاكل الإدارية: قانون المرور الحالى فى مصر يقصر تغيير المحركات على محركات منتجة بواسطة نفس الشركة(يعنى لن يتم ترخيص سيارة فيات تحمل محرك بيجو504 مثلا، ولكن يمكن ترخيص سيارة 128 تحمل موتور ريجاتا او تيمبرا)

السؤال الثانى:
واذا كان الموضوع كده هل يمكن تجميع سيارات سحب خلفى بمواتير لسيرات سحبها امامى بمجرد الحصول على مجموعة جر خلفى + تغيير وضعية المحرك

الإجابة:لو انك تقصد استعمال مواتير سيارات دفع امامى مع سيارات مصممة للدفع الخلفى فهذا حدث بالفعل، فكل سيارات الشاهين والدوجان الموجودة لدينا موديلات ما بعد 1997 تعمل بمحركات صممت اساسا لل128 ذات الجر الامامى وتطورت عبر السنوات مع سيارات الجر الامامى (ريتمو، ريجاتا، تيبو، تيمبرا) وكان تركيبها فى الدوجان والشاهين اول فرصة لها للخدمة مع سيارات الجر الخلفى، والتجربة اثبتت ان هذا المحرك كان نقلة حضارية للدوجان والشاهين وحسن من ادائها كثيرا ورفع قدرتها الحصانية بشكل ملحوظ

اما لو انك تقصد تحويل سيارة مصصمة اساسا للجر الامامى اى الى دفع خلفى(يعنى مثلا نجيب عربية تيمبرا ونغير نظامها لتعمل بالجر الخلفى ) الإجابة للأسف لا: لأنه لتغيير وضعية المحرك والجير بوكس يجب ان تكون السيارة مصممة اساسا لتتسع لوضعية الخر الخلفى، لو عملنا مقارنة بين سيارة جر خلفى قياسية(الشاهين) وسيارة جر امامى قياسية( اللانوس) سنجد الفروقات الأتية فى شكل هيكل السيارة:
فى الشاهين أرضية الكابينة (الدواسة) محدبة لأعلى بشدة فى المكان بين السائق والراكب الأيمن لتفريغ مكان للجيربوكس، في حين لا يوجد مثل ذلك فى اللانوس لان الجيربوكس موجود فى غرفة المحرك ولا حاجة لهذا التحدب الذى يشغل جزء لا بأس به من فراغ الكابينة

فى اللانوس تانك البنزين تحت الكنبة الخلفية فى حين انه فى الشاهين موجود فى الشنطة لتفريغ مكان لحركة مجموعة الجر الخلفى الموجودة فى الشاهين

فى الشاهين يوجد تفريغ اسطوانى بطول الطالون فى الدواسة لتوفير مكنا لحركة عمود الكردان

فى الشاهين لابد من بناء شاسيه صلب لأن الدفع من الخلف والثقل فى الامام فلابد من اتصال صلب بين الدفع والوزن وإلا تطبقت السيارة تحت قوة دفعها الذاتية، فى حين لا يوجد مثل هذا فى اللانوس لأن الجر والوزن فى نفس المكان والجر لا يحتاج الى صلابة( لتقريب الفكرة تخيل انك تدفع عربة يد من الخلف يعنى انت تقف خلف العربة، لابد من يد من الخشب او الحديد لدفع العربة، اما لو انك تجرها وانت امامها فيمكن ان يقوم حبل بهذة المهمة وهذا هو السبب فى ان سيارات الدفع الخلفى لابد ان تبنى على شاسيهات صلبة في حين تنتفى الحاجة لهذا فى الجر الامامى

وهكذا نجد ان الشاهين رغم انها اصلب إلا ان المساحات المتاحة للإستخدام فى الصالون والشنطة فى اللانوس اكثر (وهذا فرق قياسى بين سيارات الجر الامامى والخلفى)

المهم فى الأمر اننا لا تستطيع تحويل سيارة جر امامى الى دفع خلفى بتكاليف معقولة، يمكن تنفيذ هذا من خلال رسالة دكتوراة يقوم بها باحث فى الهندسة الميكانيكية ، لكن ليس من الممكن القيام بهذا عند الميكانيكى فالتكاليف ستكون باهظة والنتيجة ستكون سيئة للغاية تتراوح من تدمير السيارة الىتحويل السيار الى مسخ لا قيمة له


السؤال التالت:بصراحة اذا كان الموضوع كده يبقى اللى بيجمعوا سيارات دول اى كلام
طب ميجيبوا مواتير يابانى محترمة ويعملولها عربية سحب خلفى محترمة تكسر الدنيا

الإجابة: طب ماهو دا موجود بالفعل، بس هو الفكرة ان سيارات الدفع الخلفى تطورت بالتطور الزمنى الى سيارات الدفع الرباعى، يعنى بدل ما كانت السيارات كلها زمان عربيات دفع خلفى جامدة، وعندما ظهرت السيارت ذات الدفع الامامى كحل رخيص لمن يريد سيارة وخلاص ولا تهمه القوة، اصبح زبون الدفع الخلفى هو من يبحث عن سيارة قوية ولا يهمه السعر، فتطوت سيارة الدفع الخلفى لتصبح سيارة دفع رباعى، لان سيارة الدفع الرباعى هى سيارة دفع خلفى فى الاساس، محركها بالطول ولها عمود كردان بطول السيارة وكورونا خلفية ومبنية على شاسيه صلب مثل سيارة الجر الخلفى، كل اللى زاد عليها هو ان الجيربوكس يخرج منه عمود كردان اخر للامام يغذى الكورونا الامامية
وهكذا وجدت سيارات اقتصادية ذات جر امامى لمن يريد سيارة وخلاص، وسيارة قوية ذات دفع رباعى لمن يريد سيارة قوية وانقرضت تقريبا فئة الجر الخلفى بعد ان تطورت الى الدفع الرباعى
طبعا هاتقوللى ولكن سيارات الدفع الرباعى غاليه جدا، هاقوللك متقيسش على اسعار بلدنا لان البلد التى تباع فيها السيارة المجمعة محليا بضعف السعر العالمى الذى تباع به فى الدول الأخرى شقيقتها المجمعة فى بلد المنشأ لا يقاس على اسعاره هذة البلد

[sherif_84]

الله ينور عليك يا سبعاوى ياجامــد :lol: :lol: :lol:

[ahmed1981]

بارك الله فيك يا هندسة
وجزاك الله خيراً

[hamedo0]

بارك الله فيك انا كان عندي سوال محدش جاوب عليه الي الان هو
عاوز اغير موتور 128 1100cc باموتور ريجاتا او لانشيا ينفع ولا لا
ولو ينفع في تعيلات في حوض الماتور ولا الله واهم حاجه المرور حيرضي يرخص ولا لا

[Adham]

Re: تغييرالمحركات لسيارات الدفع الخلفى

المعضلة الحقيقية: يجب ان تلائم اماكن المسامير فى المحرك مثيلاتها فى الجيربوكس،

على ما اذكر مرة زمان قمنا بتركيب موتور مازدا 626 على عربية مازدا RX 7 وطبعا لأن الموتور الروتاري الاصلي بتاعها باظ و مش موجود, و كانت الحلة فيها اختلاف في الودن و مكان المسامير و رحنا لواحد بتاع انتامونيوم مع الميكانيكي و عملنا اورنيك عالداير بتاع الموتور و ضبطنا الفتيس علية (بس طبعا دوران الحلة بتاعه الفتيس هو نفسة يعني نفس القطر مش اوسع و لا اقل ساعتها مكانش حايبقى فية حل)

5- توجد مشكلة خاصة بالأداء: حيث ان الفتيسات تكون مصصمة اساسا لتتكامل مع نمط اداء المحرك فإن تركيب محرك على فتيس لا يخصه قد يؤدى فى احيان كثيرة الى قصصور فى الاداء

يمكن حل هذا المشكلة بتغيير الكرونة بكرونة ذات نسبة مختلفة, مثال كرونة الفيات 131 ريسنج بدلا من الكرونة العادية بتاعه ال131 ال 1300 او ال 1600 ذات نسبة اعلى

:لو انك تقصد استعمال مواتير سيارات دفع امامى مع سيارات مصممة للدفع الخلفى فهذا حدث بالفعل، فكل سيارات الشاهين والدوجان الموجودة لدينا موديلات ما بعد 1997 تعمل بمحركات صممت اساسا لل128

معاك تماماً, لأن من زمان و عادي بنسقط مواتير ريتموأبرث لغاية 2000 سي سي 4 كاربراتير و ريجاتا (لانشيا) في ال 128 قبل ماموتور الشاهين ينزل و بتشتغل تمام بس بتحتاج تقويات لعلب الشاسية علشان مايفتحش مع النتش

طبعا هاتقوللى ولكن سيارات الدفع الرباعى غاليه جدا، هاقوللك متقيسش على اسعار بلدنا لان البلد التى تباع فيها السيارة المجمعة محليا بضعف السعر العالمى الذى تباع به فى الدول الأخرى شقيقتها المجمعة فى بلد المنشأ لا يقاس على اسعاره هذة البلد

ايوة بس دة بسبب ان الجمارك و الضرايب كمان عالية قوي على السعه اللترية سي سي العالي وهي اللي بتحدد سعر العربية و طبيعي ان كل العربيات ال 4*4 SUV السعه اللترية بتاعتها عالية جدا

[Adham]

بارك الله فيك انا كان عندي سوال محدش جاوب عليه الي الان هو
عاوز اغير موتور 128 1100cc باموتور ريجاتا او لانشيا ينفع ولا لا
ولو ينفع في تعيلات في حوض الماتور ولا الله واهم حاجه المرور حيرضي يرخص ولا لا

طبعا ينفع و اتعملت مليون مرة

و موتور الريجاتا بينزا اصلا مكتوب عالبلوك كلمة لانشيا, بس هوة موتور ريجاتا ماهواش موتور لانشيا و لا حاجة, و في الاخر الاتنين شركة واحدة

و سقطنا مواتير ريتمو و ريجاتا وكمان موتور ال 131 و ال 132 ينفع يتسقط في ال128 لان داير الفتيس واحد, بس الموتور حايلف يبقى راكب بالعرض مش بالطول

اهم شيء تقوية علب الشاسية وعمل دعامات علشان ماتفتحش و يسيحسن اللي يسوق ماينتشش الغيارات خالص بالعربية علشان العلب ما تفتحش

و اقوى موتور يركب هو موتور الريتمو أبرث ال 2000 سي سي ال 4 كاربراتير نايم

دة بيبقى 130 حصان و بيطير العربية

و فية تعديل معين بيتعمل عالموتور دة كمان بيرفع القوة الحصانية بتاعتة قوي و ممكن ابقى اشرحهولك في المقابلة الجمعه الجااية لو تحب و ادلك مين اللي بيعملة و حافظة و بيعملة من سنين

[ahmed1981]

عاوز اغير موتور 128 1100cc باموتور ريجاتا او لانشيا ينفع ولا لا
ولو ينفع في تعيلات في حوض الماتور ولا الله واهم حاجه المرور حيرضي يرخص ولا لا

نصيحة من واحد عنده إثنين 128 واحدة عادة والتانية معدلة والعادة مغيرلها موتور 1300 ومعاه فتيس خمس سرعات ريجاتا
إبعد عن التعديلات في ال 128
لو لازم تغير الموتور يبقى هات موتور 128 1300 cc بالفتيس الخمس سرعات بتاعه عشان يركب بسهولة وبدون تعديلات
في حالة تركيب موتور الريجاتا تحتاج تعديلات كثيرة ومتعبة
ولو ركبت موتور 128 1300 cc وركبتله فتيس ريجاتا الفتيس مش هيركب صح في القنطرة

نصيحتي ليك لو هتغير يبقى تجيب موتور 128 1300 cc بالفتيس بتاعه الخمس سرعات
ولو عربيتك عادة مش معدلة يبقى هتضطر تغير الميزان وتغييره بسيط
وتريح نفسك من تعديلات الحوض والشاسيه

وطالما غيرت الموتور بأي موتور آخر من شركة فيات المرور هيرخصلك عادي

[SAbuhashem]

But you can convert a front wheel drive car to all wheel drive car and we did that already
Converted a normal lancer to lancer Evolution 4X4 with rear differential and the engine is in the wide position

Thanks
Eng.SHerif Shaker

[hamedo0]

شكرا" يا أدهم انت احمد علي الرد وانا فعلا" نفسي اجي المقابلات بس لنا معرفش انتو بتقابلو فين
انا اسف لسة شايف الرد النهارده

[Adham]

But you can convert a front wheel drive car to all wheel drive car and we did that already
Converted a normal lancer to lancer Evolution 4X4 with rear differential and the engine is in the wide position

Thanks
Eng.SHerif Shaker

yes true, i know some one did it with EVO also, as i recall that was on 1999 or 2000

in this case the torque is divided on the 4 wheels not only on the back wheels

[Adham]

شكرا" يا أدهم انت احمد علي الرد وانا فعلا" نفسي اجي المقابلات بس لنا معرفش انتو بتقابلو فين
انا اسف لسة شايف الرد النهارده

العفو ياباشا اي خدمة

الاجتماع كان في الربوة اللي اخر الحي العاشر مدينة نصر

و الاجتماع كان جميل جدا بكل الناس الحلوة اللي كانت فية

و ان شاء الله المرة الجاية تكون معانا و تنورنا ياباشا

[bido_maxboy]

يا سلام عليك يا برنس

[rockana9112007]

عظمة على عظمة ياسبعاوى والله