كلمة ونص 8-مايو-2007

[sab3aawy]

سؤال محيرنى: ياترى فيه أى بلد فى العالم غير مصر لما تكون سايق فى اى مكان فيها وتلاقى أمامك عائق وتحب تفرمل،لازم تبص فى المراية الأول وتطمن ان الفرملة لن تسفر عن إن المتخلف اللى لازق فى قفا عربيتك لن يحول شنطة سيارتك الخلفية الى أشلاء؟

[memo_hefnawy]

بجد يا أبو السباع أنا بقلق أوى من الفرامل دى دايما لازم أبص فى المرايا ميين ورايا و راكب عربية إيه و واحده ولا واحد لآن الخبطة من ورا دى ربنا ما يورينا ولا يكتبها علينا بتبقى رزع و شاسيهات و بهدله

بس أعتقد ده فى المحروصة بس مش أى مكان :arrow:

[AhmedElsayed]

هى دى مش قاعدة عالمية فى المرور؟

[mohamed ali]

القانون هنا اقصد في فرنسا بيقول اني لازم ابص فى المرايه اذا كنت اول واحد هاقف كما فى الاشاره علي سبيل المثال اما اذا كان فيه خطر مفاجىء او هاخبط اللي امامي يبقى افرمل لان اذا خبط اللى امامى فانا غلطان اما اذا اتخبط من الخلف فانا صاحب الحق ويوجد هنا عقبال عندكم ما يسمى بمسافة الامان التى يجب تركها وهذه المسافه تتناسب طرديا مع سرعه السياره وتحاسب عليها في حالة حدوث حادث او مرور دوريه مثلا

[ايهاب]

بس في ام الدنيا----

وده طبعا بيقرفني لمل باكون راكب سيارة فراملها abs يادوب تشعير للفرامل واحيانا ادوس واسيب----لان مش كتير عربيات فيها abs-ربنا هو الستار وعليك ودعاء السفر كلما ركبت السيارة
dr/ehababdelhafeez
اسبرانزااااااااااااااااااااااااااااااااااااوي رقم31

[hanyfarrag]

من المفضل إن الواحد يهدى قبل المطب بمسافة كافية
وده فى حالة المعرفة السابقة بالمطب وطبعا حتلاقى اللى وراك عمال يقلبلاك نور
وحتلاقيه فجأة راح كابس بنزين ومعدى من جنبك بسرعة
ويروح لابس المطب بس طبعا حيكون حاسس بالنصر
أما فى حالة عدم المعرفة بالمطب أكيد حيتاكل
:lol:

[sh_masry]

محاوله لتجنب كل هذه الأخطار اول مابعرف ان فيه مطب او افاجئ بيه باروح مشغل لمبات الأنتظار ( الفلاشر الخاص بالتحذير) و ده بيفرق كتير مع اللى وراك و اول مابيشوف الفلاشر ده بيهدى على طول و يمكن قبل ماتدوس على الفرامل و فعلا هو ساعات بيبقى اهم من نور الفرامل لأن لما بتدوس فرامل اللى وراك مش عارف هاتهدى بس وللا هاتقف و للا هاتقف فجأه و وللا فيه حاجه معديه امامك و هو مش شايفها و ممكن يحاول يطلع منك يمين او شمال انما لو الفلاشر هاتلاقى كل اللى وراك ابتدى يهدى و مش هاتلاقى حد طالع من يمينك او شمالك .........

a7'ookom
Sherif

[Abonora]

شرط من اهم الشروط فى القيادة انة وقبل ان تدوس على الفرامل لابد وان تنظر فى المرايا--بالظبط زى ما تكون نازل من السيارة لازم برضة تنظر فى المرايا اللى على شمالك--الفكرة اللى بيقولها شريف هى من ضمن الحالات التى يحق لك فيها استعمال -لمبات الانتظار--

[M_ElSabaa]

اول لما تلاقى خبطة من النوع ده تعرف ان انت اكييد اكييد فى مصر
فى اى حتة تانية فى الدنيا من قواعد المرور انك تسيب مسافة كافية بينك وبين العربية الى ادامك عشان اى فرامل مفاجأة وعلى فكرة فى امريكا فى ولايات معينة ممكن تاخد مخالفة لو انت مش سايب مساحة كافية بينك وبين الى ادامك

[samirpop2]

لمبات الانتظار هي احسن وسيله وانا اعرف علي حد علمي ان المسافه السليمه بين العربيات هي 4 متر لكل 10 كيلو سرعه تقريبا

[Abonora]

بالنسبة للطرق السريعة يجب ان تكون المسافة بين السيارتين 50 متر--

[Karim_Monir]

انا علي الطريق السريع لازم قبل ما افرمل ايدي علي الانتظار فورا وابص في المراية
لاني مرة لقيت الوضع كدة وعربية ميكروباص تويوتا جاي باقصي سرعة وكنا قدام سوق العبور الصبح وغربية نص نقل صغيرة قررت تقف علي الشمال في الطريق السريع تركب واحد باقفاص بيشاورلها(متخيلين الموقف)
انا لقيت الميكروباص داخل فيا ولمحت يمين فاضي نقلت يمين في لحظة والحمد لله
قام من سرعتة لبس في شاهين اللي كانت قدامي
مع اني كنت منور له انتظار ودايس فرامل
مش متخيل لو كان دخل فيا كان هايعمل في العربية ايه
كان علي سرعة 70 علي الاقل

[Nader]

ياترى فيه أى بلد فى العالم غير مصر لما تكون سايق فى اى مكان فيها وتلاقى أمامك عائق وتحب تفرمل،لازم تبص فى المراية الأول وتطمن ان الفرملة لن تسفر عن إن المتخلف اللى لازق فى قفا عربيتك لن يحول شنطة سيارتك الخلفية الى أشلاء؟

مي بلد اسمها ايجبت انا اسمع ان فيها كدة برضة 8)

[Nader]

واللة من كتر القلق الانا فية لما باجي اهدي ولا حاجة بشغل الانتظار وابص على كل المرايات الفالدنيا بعدين المس بدال الفرامل بحرص برضة :shock: متعقد اصل كنت هبقى سندوتش بين نص نقل وتاكسي ..2 ستات كانوا بيعدو من على منزل الكوبري بعد المنشية كدة فالنص نقل كبس فرامل وانا وراة بصيت في مراية الصالون لاقيت الباشا سواق التاكسي ولا هو هنا ومسمعش صويت الكوتش فيدوبك كسرت شمال وسقط غيار وعديت كان هو بوووم لبس في النص نقل التاكسي كان شاهين وشة اتبهدل -اتبهدل دي كلمة قليلة- دة ادمر لانة طبعاً ملحقش يفرمل من. انا بقة حفيت حفة بسيطة في الرصيف. اما النص نقل دة بقى ولا الهوة محصلوش اي حاجة ابن الاية دة مجرد خدوش لانة كان مركب دفندرات معفنة كدة ومصدية بس شغالة برضة. المهم بعد الموقف دة اعدت 3, 4 دقايق مزهول معرفش انا نجيت ازاي واعدت احمد ربنا باقي اليوم على نجاتي من مزبحة القلعة اقصد المنشية.

[Abonora]

اذا كنت على الطريق السريع او داخل المدينة -- لابد من النظر للمرايا قبل الفرملة-دة قانون-القيادة اللى بيقول كدة -