If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
على فكرة أسم عربي شخصية ده كان موجود فى الحقيقة وكان مشهور فى منطقة ميت عقبة فى السبعينات وكان مشهور ان فتوة الحتة وبياخد اتاوات وبيعمل مشاكل كتير مع الحكومة لغاية ما مات فى احدى معاركه مع الشرطة ...
وجدت الموضوع ده بالمصادفة :)
آدي شوية أسماء:
- "زكي قِدرة": عادل أدهم في فيلم ماعرفوش
- "ساتاموني": فؤاد خليل في فيلم "الكيف"
- "الكرف": محيي الدين عبد المحسن في فيلم "الكيف" الفيلم ده أسماؤه كلها موعجة وتحس فيها أذى للودان ةأزنها مقصودة من الكاتب المبدع محمود أبو زيد
- "حاحا": طلعت زكريا في فيلمه القذر "حاحا وتفاحة" (أظنه أراد استغلال كلمة "حاحا" التي علقت بأسماع المشاهدين في فيلم "التجربة الدنماركية" مع عادل إمام)
- "خليل باباظ": اسم المدرسة التي كان يعمل بها عبد السلام النابلسي وعبد الحليم حافظ في أحد أفلامهما (الفيلم اللي غنى فيه "باحلم بيك") .. كان النابلسي بينطقها بأسلوب يفطس من الضحك :)
بمناسبة الاسم ده قد يكون اسم لشخصية تاريخية بالفعل من أيام المماليك وبيفكرني بمدرسة "بنباقادن" اللي دايماً كان كتاب "لامي" يجيب اسئلة من امتحاناتهم :)
وصباح الفل :)
اية الحلاوةد يا شباب كلنا عندنا مزاج عالي في الحاجات الجميلة دي. انا شخصيا بموت في الاسامي العجيبة بتاعة الافلام دي. انا هاحاول افتكر شوية من الاسامي دي
"البهز بية" - جميل راتب في فيلم الكيف
"الشكروت" - نفس الفيلم
"السحت" - احمد راتب في مسلسل
"اكس" - فؤاد المهندس في فيلم اخطر رجل في العالم
"بسيوني بسيوني" كريم عبد العزيز في فيلم الباشا تلميذ
"حازم حازم" - نفس الفيلم
"بطاطا المحامي" - محمد متولي في مسلسل ارابيسك
"ساطور" عبد الفتح القصري
"عنكب" اسم الشاكوش بتاع عبد الفتاح القصري
"الحاجة زهرة" العكاز بتاع عبد الفتاح القصري (من مخلفات السيد الوالد الله يرحمة)
"طنط كيما" شخصية كان بيحلف بها رشدي اباظة في فيلم الراجل الثاني
"بقرة" اسم ممثل سنيد ظهر في لقطة صغيرة فيلم الكيت كات
"عدوي السرياقوسي" مش فاكر بتاعة مين
"انت يا وحل البرك" كانت الكلمة اللي بينادي بيها محمد رضا لسمير غانم في احد الافلام
"صرمة" اسم احد المتسولين في فيلم الشحاتين لعادل امام وكان عادل دايما يغلط في اسمة ويقولة يا " يا بلغة- يا صندل-ياجزمة-يا قبقاب) والراجل كان يزعقلة
"البهروز والمليجي" الحرس الخاص للعمدة سليمان غانم في ليالي الحلمية
لو افتكرت حاجة تاني هاكتبهالكم...وشكرا لك يا سبعاوي باشا عالموضوع الظريف دة
Comment