عدم انتظام الضغط

[أبو إياد]

السلام عليكم ورحمة الله وبركاته
استفسارى كالاتى

صداع فظيع بيجى تقريبا اربع مرات فى الشهر

المهم انا سنى 28 سنه ومتزوج وعدد ساعات نومى تتراوح بين 4 الى 6 ساعات يوميا عدد ساعات العمل تقريبا 10 ساعات بالنسبه للشاى والقهوه والكلام ده باشرب فى اليوم 3 فنجان قهوه وواحد كوب شاى وتقريبا اكتر من علبه سجاير يوميا وكل اسبوع ممكن اشرب شيشه بافطر كويس جدا ووجبه الغداء بتكون الساعه 6 تقر يبا ومش دائما باتعشا
دائم التفكير خصوصا ان شغلى كله على الحاسب الالى
الضغط غير منتظم ولما بيكون عندى صداع بيكون ضغطى 165/90
مش باخد اى شىء من العلاج واحيانا قرص كيتو فان

والدى رحمه الله عليه توفى بسبب ارتفاع الضغط ونزيف فى المخ

ممكن اعرف ايه الاعراض دى وتنصحونى بايه علما انى مش عاوز ابطل تدخين وخصوصا انا حاليا اجازه من العالم كله 9 ايام وممكن استغنى عن القهوه والشاى طوال هذه الفتره

وجزاكم الله خيرا"

[nab!l]

اولا انا مش دكتور
ثانياا ربنا يديك الصحة
ثالثا انت بتشرب قهوة وشاى كتير
وبتدخن اكتر من علبه سجاير فى اليوم
كل ده لازم تكون تعبان ومرهق طبعا
كمان مصمم متبطلش سجاير
سجاير وشاى وقهوة ده كتير
حاول تبطل السجاير والقهوة بالزات
وشكرا

[asd7778]

يا صديقى اذهب الى طبيب فورا
الضغط لا يستهان بيه
طبعا حيطلب نتك تحاليل شامله
عشان يعرف سبب ارتفاع الضغط
انا زميل فى مرض الضغط
اوعى تستعين
تابع وحرص
وان شاء الله حتعيش عادى
انا ترك الامر كدا فده اهمال شديد مش فى حق نفسك بس ولكن فكر فى اهلك واولادك

[homme49]

السلام عليكم ورحمة الله وبركاته
استفسارى كالاتى

صداع فظيع بيجى تقريبا اربع مرات فى الشهر

المهم انا سنى 28 سنه ومتزوج وعدد ساعات نومى تتراوح بين 4 الى 6 ساعات يوميا عدد ساعات العمل تقريبا 10 ساعات بالنسبه للشاى والقهوه والكلام ده باشرب فى اليوم 3 فنجان قهوه وواحد كوب شاى وتقريبا اكتر من علبه سجاير يوميا وكل اسبوع ممكن اشرب شيشه بافطر كويس جدا ووجبه الغداء بتكون الساعه 6 تقر يبا ومش دائما باتعشا
دائم التفكير خصوصا ان شغلى كله على الحاسب الالى
الضغط غير منتظم ولما بيكون عندى صداع بيكون ضغطى 165/90
مش باخد اى شىء من العلاج واحيانا قرص كيتو فان

والدى رحمه الله عليه توفى بسبب ارتفاع الضغط ونزيف فى المخ

ممكن اعرف ايه الاعراض دى وتنصحونى بايه علما انى مش عاوز ابطل تدخين وخصوصا انا حاليا اجازه من العالم كله 9 ايام وممكن استغنى عن القهوه والشاى طوال هذه الفتره

وجزاكم الله خيرا"

مررت بتلك التجربة فى سن 35 و عانيت خمسة سنوات من تشخيص خاطئ أن سبب الصداع بوادر مياه زرقاء بالعين و دخلت فى علاح المياه الزرقاء و أعراضه الجانبية التى تؤثر على القلب لدرجة أننى كثيرا ما كنت أشعر و أنا جالس على المكتب فى العمل بإحساس من تنتابة الخضة و هو يقود سيارته و ظهرت أمامة سيارة فجأة و بالصدفة البحته نصحنى أحد أصدقائى بتغيير طبيب العيون و العلاج من طبيب آخر و كان ذلك فى الزمن الجميل نهاية الثمانينات عندما كان الناس عندها ضمير و لا تتكالب على جمع المال فنصحنى الطبيب الخاص بالعيون بتصوير قاع العين مرة كل شهر للتيقن و بعد ثلاثة أشهر نصحنى بأن علاجى ليس لدى طبيب عيون إذ أن تصوير قاع العين المتكرر أثبت أننى ليس لدى إستعداد للإصابة بالمياه الزرقاء و أن علاجى هو لدى طبيب باطنى إذ أن الصداع المتكرر ربما يكون سببه إرتفاع الضغط و أن إرتفاع الضغط فى السن الصغير لا يستهان به و كنت أدخن بصورة متقطعة ولكنها شديدة كلما سافرت خارج مصر ربما لإحتياج الجسم للتلوث الذى تعود عليه فى جو القاهرة كما كنت أهوى الأكل الحار و التوابل و فى سن الأربعين أصبح الصداع يوميا حتى مع تناول البنادول باستمرار و بعد إغماءة فى العمل و الذهاب للمستشفى أمرنى الطبيب المعالج
بالإقلاع عن التدخين فورا و إتباع نظام غذائى خالى من الحوادق و التوابل و الأكل الدسم مع إستمرار العلاج بأدوية الضغط و ممارسة الرياضة أو المشى ساعة يوميا و أصبحت ملازم للعلاج و ملتزم بالنظام الغذائى و أدركت أن التدخين عادة سيئة لا لزوم لها و أن أجمل شئ فى الحياه هو أن تعيش بدون صداع متكرر .
كما يجب أن أنبهك أن العمل فى مجال الحاسب الآلى يزيد التوتر الذى يرفع الضغط
و يؤدى إلى الصداع ، كثيرا ما كنت أصاب بالصداع لمجرد التفكير فى حل مشكلة برنامج أو كتابة برنامج جديد .
نصيحة مخلصة بالمبادرة فورا بالعرض على طبيب لإتباع نظام غذائى بعالج الإستعداد الفطرى الموجود لديك خاصة أن الإصابة بأرتفاع ضغط الدم من الأمراض الوراثية .

[أبو إياد]

والله نفس الكلام اللى سمعته من اصدقائى لدرجه ان والدتى حلفتنى برحمة والدى اتابع مع دكتور وده لانها اكتر انسانه حست بوفاه الوالد لكن والله الموضوع هو بس ظروف العمل والوقت اللى مافهوش بركه بس باذن الله هاشوف دكتور كويس واتابع معاه وشكر لكل الاخوه اللى قدموا النصيحه

[HanyHanyHany]

ربنا يشفيك ..... استشر طبيبك فورا .........

[maka]

يا باشا ربنا يشفيك

بس ظغطك كده عالى و لازم تتابع مع دكتور كويس

و متقلقش من علاج الضغط اخرك حباية دواء هتاخدها يوميا و تقيس الضغط كل فترة

عن تجربة اكتر حاجة بترفع الضغط الانفعال وشد الاعصاب و الاجهاد المفرط

و فيه دكتورين كويسين ياريت تكشف عند واحد فيهم هما مدحت الرفاعى و حسام الحصرى

[أبو إياد]

مشكور جدا للرد وياريت العنوان او التليفون

[maka]

HeartJ Staff CV

[د.اشرف هنداوى]

شفاك الله و عافاك :

1- الأقلال الشديد من الملج في الأكل و الأمتناع عن المخللات
2- الأمتناع عن التدخين
3- تقليل الشاي و القهوه
4- ممارسة اي رياضة ولو حتي المشي بانتظام لمده 30 دقيقة يوميا
5- تقليل الوزن اذا كان زائدا
6- الأكثار من الخضراوات و الفواكه الطازجة وشرب الماء بكثرة

تتبع التعليمات دي لمدة 3 شهور مع قياس الضغط بانتظام - اذا قل الضغط عن 130 علي 85 كان بها
والا فانك ستحتاج الي علاج _ حباية ولا اتنين في اليوم مش ازمة_ و بكدا تبعد عن مشاكل الضغط و مضاعفاته

و طبعا يفضل عمل كل هذا من الأن تحت اشراف طبيب

و تحت امرك في اي سؤال

[أبو إياد]

متشكر جدا لرد حضرتك فعلا الكل اجمع على نقط معينه لكن فعلا التنفيذ بيكون صعب
ضغط الحياه فعلا اكبر بكتير من الضغط اللى بيصيب الانسان بجد الواحد بيصارع فى الحياه

[هشام عبدالله]

أعتقد انها نعم من اعراض ارتفاع الضغط ولازم تروح لدكتور طبعاً

[supraclinics]

أولاً شفاك الله وعفاك أخي الكريم ربنا يخفف عنك
كما قال الأخوة يجب الذهاب فوراً إلي طبيب مختص يقوم بإجراء فحص طبي شامل لك لتحديد السبب الطبي وراء إرتفاع ضغطك لأن مضاعفات إرتفاع الضغط وتجاهله خطيرة وشديدة لذلك يجب الإطمئنان
ولا تستهين بذلك فالصحة هي أغلي ما يملك الإنسان ويجب الإهتمام والإعتناء بها علي أكمل وجه.
من الأدوية التي سمعت عنها أنها تُعالج الضغط دواء يُسمي ايفورتيل هو من الأدوية المشهورة جداً في علاج الضغط يُمكنك البحث عنه والقراءة بصورة أكبر.