صيدلية المنتدى ..كل مايخص الأدوية المصرية

[zkralla]

اخ ذكرالله نورت صيدلية المنتدي زي ماحضرتك منور قسم اللوجان .. بص حضرتك اللي يجاوبك عن السؤال ده دكتور العيون اللي بتتعامل معاه و هو اللي يقولك تجيبه منين لأنهم بيبقوا متفقين مع صيدليات معينة عشان معظم القطرات وحاجات العيون بتكون مستورده والعزبي أكبر مستورد للقطرات (من خلال شركته اللي اسمها مالتي فارما) ومادمت حضرتك لقيته عند العزبي تبقى اتحلت والف سلامة علي ابن حضرتك

شكرا يا دكتور وسيم على الرد والمجاملة والموضوع منور بحضرتك وبدكتور احمد
الحمد لله انا جبت ال 10 علب هيكفوا - بأذن الله - 8 شهور تقريبا ... وهبداء قبها اعمل حسابى

[amrseba]

يارااااااجل
الناس كلها كده تقريبا
وطبيعي جدا إن الجسم بيفقد شعر من الراس كل يوم
يعني ماتتخضش لو لقيت شعر نازل في ايدك وانت بتغسل راسك الصبح
وبعدين حكاية انك حلقتها زيرو..لقيت شوية خفاف وشوية مش خفاف
دي مش تخليك تقلق
إلا لو كان حد من قرايب والدتك أصلع

طب يا دكتور احمد انت بتقول ان من الطبيعى جدا ان الجسم يفقد شعر من الراس يوميا طب الشعر ده بيطلع تانى ولا اقوله يلا مع السلامه و شوفلك راس غيرى ولا ايه انا جدى ابو ولدتى اصلع بس جدى ابو ابويا لسه عايش الحمدلله و شعره اتقل من ابويه

[samsong]

ما الاثار الجانبيه لل بركسين
حيث انه عند الاثار الجانبيه مكتوب : انظر النشره الانجليزيه
مع الشكر

[samsong]

في انتظار الرد باهتمام

[nktis]

طيب ثواني بقي معايا هصلي المغرب واجيب البركسين اوضح لحضرتك كل ما يتعلق بيه.....

[nktis]

بص يا استاذ..
اولا حاجات خفيفه زي اضطراب معوي واسهال او امساك ووممكن مع كثره الاستعمال يؤدي الي قرحه بالمعده مصحوبه بدم او لا..
وحساسيه في الجلد علي شكل انتفاخ وانيميا وارتفاع في وظائف الكبد والصفراء وتعب في وظائف الكلي ...
وعموما الحاجات ديت نادرااا ما تحصل ومع الاستمرار بالدواء فتره طويله وبتحصل في ناس وناس لا ..
وربنا يجعله بالشفاء ان شاء الله..

[samsong]

شكرا اخي الكريم

[aboomar22]

دكتورنا العزيز فيه كريم مش لاقيه فى السوق مطلوب لاخويا واسمه wartec cream ولما عملت بحث على الاسم لقيه متداول فى السعودية مممن اعرف اجيبة ازاى او فيه مكان ممكن الاقيه فيه فى مصر او صيدلية تكون بتستورد مع الشكر

[nktis]

شوفه في صيدليات علي وعلي او خليل

[A7MED_PHARMA]

دكتورنا العزيز فيه كريم مش لاقيه فى السوق مطلوب لاخويا واسمه wartec cream ولما عملت بحث على الاسم لقيه متداول فى السعودية مممن اعرف اجيبة ازاى او فيه مكان ممكن الاقيه فيه فى مصر او صيدلية تكون بتستورد مع الشكر

أدوية السوق المصري مختلفة عن أدوية اي سوق دولة تانية
ويمنع بيع دوا سعودي في مصر
إلا اللهم الاستثناء المعروف لصيدليات العزبي إلي بتلاقي عندها الأدوية دي

[aboomar22]

شكرا يادكتور طيب دى التركيبة بتاعته 0.15% podophyllotoxin ممكن يكون ليه بديل مصرى

[MRBEBO]

دكتور احمد

انا رحت لدكتور لان عندي قلق و مش بعرف انام كويس وساعات بحس بتوتر

المهم اداني

تجريتول سي ار 200 وقالي نص قرص لمدة 3 تيام مساء وبعدين نص قرص صباحا ونص قرص مساء

واداني سيروكسات 12.5 قرص صباحا

الغريبة اني عملت سيرش لقيت ان التجريتول ده دواء للصرع وانا مش عندي صرع الحمد لله !!

فبصراحة شكيت في الدكتور ده وتشخيصه خصوصا ان التجريتول ده زي ما عرفت اعراضه الجانبية سيئة جدا

فايه رايك في الروشته دي ؟؟؟

[A7MED_PHARMA]

خد تريتيكو أقراص
قرص واحد يديك نوم جميل .. بدون مضاعفات ولا أي شئ
وأدوية الصرع عموما..بتسبب النوم

[nktis]

ممكن لو تعرف تجيب كالمبام 1ونص مجم وتاخد نص قرص عشان متتعودش عليه وده هيخليك تنام
او زولام ربع مليجرام برده من المنومات الخفيفه...
عايز حاجه قويه بس مانصحكش بيها كالمبام 3 او البراكس 1 مجم او ريستولام 1 مجم....

[MRBEBO]

دكتور احمد هل فعلا السبرا برو ناقص اليومين دول ؟ مش لاقيه خالص :(