إعـــــــلان

Collapse

.

,
See more
See less

عيادة أسنان المنتدى (للاستشارة)

Collapse
This is a sticky topic.
X
X
 
  • Filter
  • الوقت
  • Show
Clear All
new posts

  • دكتور أحمد
    متابع باهتمام
    وأدعو الله أن يجزيك خيراً وان يزيدك من علماً
    [CENTER]Me on Twitter
    @aliabutaleb[/CENTER]

    Comment


    • المشاركة الأصلية كتبت بواسطة Ahmed Samy مشاهدة المشاركة
      متشكر جدا لإطراءك الجميل

      و الله موضوع الطبيب الألماني أنه أضعف في مهاراته الشخصية من الطبيب المصري ده موضوع حقيقي و ما حبتش أطرحه لكننى أشرت اليه في انك مش محتاج مهارة شخصية :)

      كل زمايلي اللي سافروا ألمانيا أكدوا على تقدم التقنية اللي أثر على موهبة الطبيب الشخصية في العلاج ...ولكن النتيجة جيدة في النهاية

      ما شرحته لي الآن يضع حضرتك في خانة الانتظار للعودة الى طبيبك المحترم

      تمسك حضرتك به يجعلني أصفه بكل فخر أنه طبيب ثقة ..لا تترك طبيبك فراحتك النفسية له هي نصف راحتك على يديه

      ولكن اذا بدأت تشكو من أي الام فراجع طبيبا ولو لعلاج مؤقت لعدم تفاقم الوضع لحين عودتك الينا بالسلامة
      جزاك الله كل خير
      وانا شاكر لافضالك ونصيحتك
      ولكن لي سؤال اخر ان سمحت لي
      هل مخاوفيمن عدم تمكن الطبيب من حشو الضرس (اذا احتاج الامر لذلك) بان يترك فراغا تحت الحشو او يترك جزء من التسوس لها اساس او ممكنة الحدوث فعلا؟؟؟
      ثانيا ما المدة التي يستلزمها التسوس ليضر الاسنان ضررا بالغا؟؟ هل 8 شهو روقت طويل وكافي لتفاقم الامر؟
      [CENTER][SIZE=4][URL="http://www.nilemotors.net/Nile/87342-a.html"][COLOR=DarkRed][B]خاص وحصري : بالصور والفديو ... تويوتا تطلق اول سيارتين هجين ... تقرير مفصل[/B][/COLOR][/URL]
      [/SIZE] [SIZE=4][B][COLOR=#420afa]اللهم إغفر للمسلمين والمسلمات[/COLOR][/B][/SIZE] [/CENTER]

      Comment


      • المشاركة الأصلية كتبت بواسطة AhmedAbdFat مشاهدة المشاركة
        ما شاء الله لا قوة الا بالله عليك يا دكتور احمد

        ربنا يزيدك من علمه
        المشاركة الأصلية كتبت بواسطة ahit مشاهدة المشاركة
        جزاك الله خيراً يا دكتور أحمد
        ربنا يبارك فيك
        المشاركة الأصلية كتبت بواسطة OlaOsman مشاهدة المشاركة
        بارك الله في مجهوداتك يا دكتور

        هو ده الكلام


        المشاركة الأصلية كتبت بواسطة alijandroo مشاهدة المشاركة
        دكتور أحمد
        متابع باهتمام
        وأدعو الله أن يجزيك خيراً وان يزيدك من علماً

        جزاكم الله خيرا و أرجو أن أكون عند حسن ظنكم
        و ربنا يجعلنا أهل لما يتمناه عباده لنا
        [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

        Comment


        • المشاركة الأصلية كتبت بواسطة KarimAbulEla مشاهدة المشاركة
          شكرا جزيلا يا د احمد على مجهوداتك ووقتك الذى تبذله فى خدمة اعضاء المنتدى و شكرا خاص على الرد الوافى على الاستفسار

          تحياتى
          العفو كل الوقت ملك لحضرتك و المجهود راحة بعد كلام حضرتك الجميل
          لا تتردد في أي استفسار في أي وقت


          المشاركة الأصلية كتبت بواسطة mo7a_mo7a مشاهدة المشاركة
          جزاك الله كل خير
          وانا شاكر لافضالك ونصيحتك
          ولكن لي سؤال اخر ان سمحت لي
          هل مخاوفيمن عدم تمكن الطبيب من حشو الضرس (اذا احتاج الامر لذلك) بان يترك فراغا تحت الحشو او يترك جزء من التسوس لها اساس او ممكنة الحدوث فعلا؟؟؟
          ثانيا ما المدة التي يستلزمها التسوس ليضر الاسنان ضررا بالغا؟؟ هل 8 شهو روقت طويل وكافي لتفاقم الامر؟
          الفضل لله و النصيحة لأخ

          أما بالنسبة للمخاوف التي ذكرتها فهي واقعية جدا و تحدث بكثافة مع الأسف و لكنها لا ترجع لخلل مهنى كما ترجع لخلل ضميري

          ملاحقة التسوس (البسيط) عملية نظرية بحتة تعتمد على اختلاف كثافة و لون اللأنسجة المعرضة للتسوس عن تلك السليمة - لذلك فلا عذر لأي طبيب محترم في اهمال نسيج تالف خلفه
          أما الحالات الأكثر تعقيدا فقد يحتاج المر الى بعض الخبرة لتشابه اللون بين الصحي و المسوس (و حالة حضرتك بما أنها أول مرة لهذا الضرس فسنعتبرها بسيطة)

          ترك فراغ تحت مادة الحشو أيضا من أخطاء المبتدئين و المواد الملونة الجديدة المحتوية على مسحوق سيراميكي يوجد منها اصدارات ذات سيولة عالية توضع أولا في التجويف لتملأ الفراغات الضيقة (المزانق) و تضمن بطانة متقنة للطبقات التالية و التي تكون أكثر تماسكا لاحتواءها على نسب أكبر من حبيبات الفضة أو المسحوق السيراميكي لزيادة القوة و مقاومة التآكل- حاجة زي الأسمنت للطرطشة و الأسمن و الرمل للتخفيق و الأسمنت و الرمل و الزلط للمسلح و الأحمال)

          ودي المناظر باختصار



          الصورة أعلاه التجويف بعد ازاله التسوس و التجهيز للحشو



          اضافة البطانة ذات السيولة العالية لملئ الفراغات الضيقة



          البطانة جاهزة لاستقبال مادة الحشوة ذات الحبيبات القوية لتتحمل قوة المضغ




          ملئ التجويف تماما بمادة الحشو



          بعد التشطيب
          ألف ألف مبروك


          ــــــــــــــــــــــــــــــــــــــــــــــــــ ــــــــــــــــــــــــــــــــــــ
          المهم بعد الحدوته دي

          الخلاصة ان ده غلط بدائي شائع في مصر صحيح بسبب قلة الضمير و عدم اعطاء الوقت الكافي للمريض بس برضه ما عتقدش هاتلاقيه عندك بكثافة

          أما الاستفسار الثاني عن الوقت اللازم لتفاقم الوضع
          أكثر من عامل يتحكم في الموضوع مثل
          قاعدية اللعاب توفر التغذية للبكتيريا عن طريق تجمع الطعام في تجويف التسوس و قدرة البكتيريا على تحليل جسم السنة بالأحماض و هو ما يعتمد أيضا على كفاءة عزل البكتيريا عن الهواء

          يعني كل ما التسوس زاد زادت قدرته على احداث ضرر أكبر مما يزيد التسوس و بالتالي يصبح الضرر أكبر و أكبر و هكذا ...دائرة متفاقمة متصلة تتسارع دوراتها حتى تنتهي الى اختراق غلاف التجويف الحاوي للعصب (pulp) كما في الصورة


          المدة لا تقل عن شهر أو شهرين في أسوأ الحالات و لكن ثمانية اشهر فترة كافية جدا اذا ما اتخذنا جانب السلامة
          [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

          Comment


          • اية يا بااااا الشغل الجامد دة
            شكلك دكتوووووووور جامد قووووووووى
            بس انت مطنشنى لية النهاردة يا جميل :k48:

            Comment


            • المشاركة الأصلية كتبت بواسطة casperinoo مشاهدة المشاركة
              كامل احترامي وتقديري ليك يادوك....
              وكويس ان العياده فتحت تاني...لاني بستفيد جدا من طريقة شرحك للحاله بلغه عربيه بسيطه جدا تخلي اي حد يفهمها...
              لاني عندي مشكله في موضوع الشرح ده...ديما تلاقي كلمه انجليزي كده دخلت في النص...
              يقوم العيان متنح في وشي ..افهم علي طول
              ربنا يخليك و يعينك يارب و الحمد لله ان الواحد يقدر يفيد زميل ليه
              ده شرف كبير الحقيقة

              بس أنا هاقوللك على حاجة
              الشطارة مش بس انك تعالج العيان لأ
              دكتور السنان الشاطر هو اللي يقدر ينقل الصورة واضحة للمريض و ده بينعكس ايجابيا على تعاونه و حرصه على مواعيده و على نصائح ما بعد العلاج
              كما ينعكس أيضا على علاقته بك وثقته في أمانتك
              لأن اخفاء الخطوات و تجاهل الأسئلة أو تعقيد الإجابة يشعر المريض بحالة من الترقب و الخوف و أسوأ الخوف هو الخوف من المجهول

              الطبيب هو من يعالج و لكن الدكتور هو من يعالج و يعلم

              اقرا أخر صفحة في كتاب walton بتاع الـendodntics في chapter of patient education

              هاتعرف أنا قصدي ايه ودايما ركز على التدريب على الشرح بالعامية و استخدام الأمثلة الدارجة في وصف الخطوات

              المشاركة الأصلية كتبت بواسطة muslimah_dentist مشاهدة المشاركة
              السلام عليكم و رحمة الله وبركاته

              كطبيبة أسنان أحييك د/أحمد على هذه المعلومات العلمية الدقيقة المُفيدة التى تُصيغها فى قوالب بسيطة سهلة الفم مما ينم على مهارة طبية عالية.

              أنا استمتعت للغاية بقراءة كل صفحات موضوعك.

              بارك الله فيك و زادك من علمه.

              اطراء أرجو أن استحقه
              انا شاكر لحضرتك تواجدك في عيادتك
              و أكرر الشكر على الدفعة المعنوية القوية
              [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

              Comment


              • المشاركة الأصلية كتبت بواسطة Ahmed Samy مشاهدة المشاركة
                ربنا يخليك و يعينك يارب و الحمد لله ان الواحد يقدر يفيد زميل ليه
                ده شرف كبير الحقيقة

                بس أنا هاقوللك على حاجة
                الشطارة مش بس انك تعالج العيان لأ
                دكتور السنان الشاطر هو اللي يقدر ينقل الصورة واضحة للمريض و ده بينعكس ايجابيا على تعاونه و حرصه على مواعيده و على نصائح ما بعد العلاج
                كما ينعكس أيضا على علاقته بك وثقته في أمانتك
                لأن اخفاء الخطوات و تجاهل الأسئلة أو تعقيد الإجابة يشعر المريض بحالة من الترقب و الخوف و أسوأ الخوف هو الخوف من المجهول

                الطبيب هو من يعالج و لكن الدكتور هو من يعالج و يعلم

                اقرا أخر صفحة في كتاب walton بتاع الـendodntics في chapter of patient education

                هاتعرف أنا قصدي ايه ودايما ركز على التدريب على الشرح بالعامية و استخدام الأمثلة الدارجة في وصف الخطوات




                اطراء أرجو أن استحقه
                انا شاكر لحضرتك تواجدك في عيادتك
                و أكرر الشكر على الدفعة المعنوية القوية
                بس المهم
                ماتاخدوش من بعض الزباين :k48::k48::k48:
                وانا على العموم المستفيد فى الحالتين

                Comment


                • دكتور ممكن اسال حضرتك علي حاجة
                  انا كنت بعمل علاج عصب في السنة اللي قدام من فوق وفي فترة العلاج قعدت 3 شهور ماروحش للدكتور ف السنة لونها بقي غامق حتي بعد ما اتعالجت بعد كده قالي انا جايب جهاز ايطالي بيبيض الاسنان بس بعد ماعملهولي ماحستش باي فرق مع انه خد مني مبلغ
                  المهم انا مابقتش اروحله وعايز اتابع مع حد تاني لو ممكن اعرف عنوان عيادتك حضرتك ولو في حل لموضوع السنة ده عشان مضيقني جدا !
                  ( وكان الانسان اكثر شيء جدلا }

                  Comment


                  • سؤال بقي مدام انا عضو هنا يبقي استفيد (أصل انا بخاف جدا من دكتور السنان مش عارف ليه )
                    المهم
                    هل ممكن ارجع اسناني بيضاء تاني
                    مع العلم انني لا ادخن ابدا طول حياتي
                    ولكن هي لونها مصفر شويه
                    وللأسف انا من الناس اللي ديما تنسي تغسل اسنانها تصدق انا بقالي حوالي 10 سنين ناسي اني اغسل سناني
                    فا كنت عايز اديها بولش وارجعها بيضا وبتلمع زي بتوع السيما كده فهل ده فعلا ممكن يحصل (وياريت لو اعرف ايه اللي هيتم فيها بالظبط )
                    والتكلفه اكيد طبعا
                    شكرا يا دكتور بس باردو هفضل خايف منكم مش عارف ليه :k48:
                    [CENTER]:11_5_14[1]:[/CENTER]

                    Comment


                    • بصراحة يا دكتور انا مش عارف اقول لحضرتك ايه
                      حقا وصدقا سيادتك خير سفير لاطباء مصر
                      وفعلا بدات تغير نظرتي عن ان معظم الاطباء صنايعية
                      اسف علي التعبير لكن هذا ما كنت مقتنع به
                      لان في رايي الطبيب الذي لا يقرا ولا يتعلم باستمرار - يبقي صنيعي
                      وفي منهم اللي صنيعي شاطر وفي اللي خايب او علي قده

                      لكن واضح ان سيادتك طبيب فعلا
                      جزاك الله عنا خير الجزاء

                      احب انستفسر عن بعض الاشياء الاخري مستغلا سعة صدرك
                      انا احمل شهادة الدكتوراه في علوم الميكروبيولوجي حيث درست في جامعة هانوفر واعتقد ان البكتريا المسببة للتسوس من جنس streptococci
                      وبطبيعة الحال الجنس ده مستعمر كل جسم الانسان وجلده واغشيته المخاطية لذلك فالقضاء عليه صعب
                      لكن مفيش حاجة تانية اقر اعملها اموت بيها الانواع الخاصة بالتسوس غير الفلورايد بتاع المعجون مع وضع خط تحت فلورايد طبعا

                      ثانيا زوجتي تم حشو احد ضروسها سلفر هل ممكن تغييره الي حشوو اخر باللون الابيض؟ ام هناك مخاطرة باذالة هذا الحشو؟

                      وفي محاولة مني لزيادة مساحة التعاون بيننا انا علي استعداد لارسال لسيادتك اي ورقة علمية تبحث عنها وغير متواجدة في مصر من خلال المكتبة العلمية الخاصة بجامعة هانوفر في صيغة ملف PDF فقط حدد اسم البحث والمجلة ورقم الاصدار وانا في الخدمة
                      [CENTER][SIZE=4][URL="http://www.nilemotors.net/Nile/87342-a.html"][COLOR=DarkRed][B]خاص وحصري : بالصور والفديو ... تويوتا تطلق اول سيارتين هجين ... تقرير مفصل[/B][/COLOR][/URL]
                      [/SIZE] [SIZE=4][B][COLOR=#420afa]اللهم إغفر للمسلمين والمسلمات[/COLOR][/B][/SIZE] [/CENTER]

                      Comment


                      • شكراً د/أسد ......... قصدي شكراً د/ أحمد
                        أنا كنت مشغولة شوية بعالم الأبراج عشان كده لم أقرأ كل المداخلات هنا
                        لكن حضرتك نورتنا وفرحت أسنانا بتشريفك العظيم وكرمك الطبي البالغ
                        أنا عندي مشكلة في السخن والساقع والحلو ( حلاوة - بنبون - شيكولاته ) وبخاف موووووووووووووووووووت من دكاترة الأسنان
                        من فترة ذهبت لدكتور اسنان قاللي دي مجرد التهاب في اللثة وأسنانك جيدة وبلاش حد يلعبلك فيها ... المهم كتبلي على مس ( رهيب والله رهيب )من أول استخدام ما كررتوش ...
                        بس الحالة بتسوء ومعنديش تسوس مزمن خالص... أعمل إيه أصل بحب الحاجات الحلوة جداً :k31:بس لسة بتوجعني لما باكلها
                        [CENTER] [SIGPIC][/SIGPIC]
                        كم أحبك يا الله
                        [/CENTER]

                        Comment


                        • المشاركة الأصلية كتبت بواسطة brown-eyes مشاهدة المشاركة
                          دكتور ممكن اسال حضرتك علي حاجة
                          انا كنت بعمل علاج عصب في السنة اللي قدام من فوق وفي فترة العلاج قعدت 3 شهور ماروحش للدكتور ف السنة لونها بقي غامق حتي بعد ما اتعالجت بعد كده قالي انا جايب جهاز ايطالي بيبيض الاسنان بس بعد ماعملهولي ماحستش باي فرق مع انه خد مني مبلغ
                          المهم انا مابقتش اروحله وعايز اتابع مع حد تاني لو ممكن اعرف عنوان عيادتك حضرتك ولو في حل لموضوع السنة ده عشان مضيقني جدا !
                          حضرتك منورنا في العيادة

                          نبدأ بقى القصة واحدة واحدة

                          أولا ..التأخر خلال زيارات علاج الجذور (حشو العصب بالعامية) من أسوأ ما يفعله المريض في نفسه لأنه يقضى على ما يفعله الطبيب و يعود بنفسه كثيرا للوراء .

                          ثانيا .. مسألة تغيير اللون ...تغيير لون الأسنان بعد علاج الجذور أمر طبيعي حيث يتغير اللون و يكتسب ظلا رماديا أو مائل للزرقه في بعض الأحيان .. وليس هناك دخل نهائيا بين تأخرك في العلاج و تغير اللون

                          يمكن عن طريق وضع مواد خاصة منع هذا التغير أو تقليله الى حد ما ولكن هذه التقنية غير منتشره في مصر عموما .

                          نيجي للمهم ...

                          الجهاز الايطالي المبيض عن طريق الليزر لا يصلح لعلاج هذا النوع من تغير اللون لأن الجهاز يعمل على انتزاع الأصباغ المكتسبة الخارجية بشكل أكبر من الألوان الداخلية لذلك فلن تلاحظ تقدما في هذه السنة بالذات ..بل العكس قد يحدث اذ تبيض الأسنان السليمة و تبقى هذه وحيدة اللون اللي يبرز أكثر و أكثر .

                          الحل المنطقى في مصر هو تركيب تاج من البورسلين لهذه السنة و هو يحقق هدفين :
                          1 - حماية جسم السنة الذ بالطبع أصبح أضعف بعد نزع التغذية منها و تكون معرضة للكسر و أحيانا الانفلاق رأسيا تحت ضغط مناسب .

                          2 - اصلاح اللون و تغطيته بلون جديد أكثر حيوية


                          نهاية ..
                          اختيارك بتغيير طبيبك اختيار ليس بالسيء أبدا

                          أما عيادتي فعذرا هي خارج الخدمة في الوقت الحالي

                          و في انتظار أي استفسار
                          [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

                          Comment


                          • طيب ممكن حضرتك ترشحلي حد اروحله بس ياريت لو يكون قريب من المعادي او وسط البلد وشكرا جدا علي المساعدة والاهتمام في الرد
                            ( وكان الانسان اكثر شيء جدلا }

                            Comment


                            • المشاركة الأصلية كتبت بواسطة HeMa_LanCeR مشاهدة المشاركة
                              سؤال بقي مدام انا عضو هنا يبقي استفيد (أصل انا بخاف جدا من دكتور السنان مش عارف ليه )
                              المهم
                              هل ممكن ارجع اسناني بيضاء تاني
                              مع العلم انني لا ادخن ابدا طول حياتي
                              ولكن هي لونها مصفر شويه
                              وللأسف انا من الناس اللي ديما تنسي تغسل اسنانها تصدق انا بقالي حوالي 10 سنين ناسي اني اغسل سناني
                              فا كنت عايز اديها بولش وارجعها بيضا وبتلمع زي بتوع السيما كده فهل ده فعلا ممكن يحصل (وياريت لو اعرف ايه اللي هيتم فيها بالظبط )
                              والتكلفه اكيد طبعا
                              شكرا يا دكتور بس باردو هفضل خايف منكم مش عارف ليه :k48:
                              طبعا في طرق كتيرة لتفتيح الأسنان و أخرى لتبييضها

                              بس المهم انت ....ماتنتظرش أي نتيجة (أي نتيجة) مضيه في غياب اهتمامك بأسنانك

                              يبقى نمرة واحد فرشة ماركة كويسة و معجون طعمه يعجبك و مضمضة ان شا الله من أي صيدلية و تديها تلات مرات في اليوم و بعدين نبقى نتكلم

                              ( بعدين بقى )

                              ممثلين السينما مش مبيضين أسنانهم
                              ممثلين السينما و فتيات الاعلانات و الموديلز بيحطوا قشور بيضاء (زي قشرة الخشب) و تلصق على الأسنان و ممكن تخليها أبيض 100% لو حبيت

                              التكلفة ...كتير
                              القشرة الواحدة هاتعدي الـ400 جنيه اضرب في 12 على الأقل (6 فوق و 6 تحت)
                              يبقــــــــــــــــى

                              لسه ناوي ؟

                              الحل التاني هو التلميع بالفرشة و ده كويس و ابن حلال و اتكلمنا عليه بالتفصيل في الموضوع قبل كده و مش هايعدي 200 جنيه عند أغلى حد
                              [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

                              Comment


                              • المشاركة الأصلية كتبت بواسطة brown-eyes مشاهدة المشاركة
                                طيب ممكن حضرتك ترشحلي حد اروحله بس ياريت لو يكون قريب من المعادي او وسط البلد وشكرا جدا علي المساعدة والاهتمام في الرد
                                اعفيني من الرد على هذا السؤال
                                حضرتك ممكن تسأل معارفك عن طبيب (ثقة)
                                [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

                                Comment

                                Working...
                                X