إعـــــــلان

Collapse

.

,
See more
See less

عيادة أسنان المنتدى (للاستشارة)

Collapse
This is a sticky topic.
X
X
 
  • Filter
  • الوقت
  • Show
Clear All
new posts

  • #46
    دكتور احمد سامى .. " ا حمد " الله ان فى فى المنتدى اعضاء اخلاقهم " ساميه " زى جنابك .. رغبتكم فى مساعدة الزملاء تدل على اخلاق عاليه و اخلاق نبيله .. ربنا يجازيك بقدر ما تعطى ..
    سئوال جايز نطلع معرفه : هل اسمك احمد سامى طاهر ؟؟ :!: :roll:

    Comment


    • #47
      ربنا يخليك ده بس من ذوقك
      بس مافيش طاهر للأسف


      أما الموقف بقي فهو :
      ركبت مرة مع سواق تاكسي وكنت واخد البالطو من المغسلة و شايله معايا على ايدي ودار الحوار الآتي:
      السواق : حضرتك دكتور ؟؟
      العبد لله: أيوة
      السواق :أسنان صح ! أصل البلطو قصير :o أصل ان أعرف دكاترة السنان دول كويس , تعرف د.#$^% ؟
      العبدلله :لأ والله بس الإسم مش غريب
      السواق : ده عمل لأخويا زرع أسنان بس حاااااجة اييه بشوااتي بس خد 800 جنيه
      العبدلله : -مستغربا- مفيش زرع ب 800 جنيه ده المسمار اللي بيتغرس لوحده بأكتر من المبلغ ده
      السواق : - شارحا لجاهل مثلي - لأ لأ لأ ده "زرع " مسمار ايه ده بيحط بذرة السنة و لا مؤاخذة و يخيط عليها و انت بس نشرب 4 كوبايات لبن كل يوم لمدة عشر تيام أسبوعين و تلاقي السنة تنبت في "الضبة" .
      العبدلله : مذهولا من الكلام ( انت شوفت ده بعينك)
      السواق : أي و الله - مشفقا على جهلي - بص أصل دي حاجه جديدة لسة من سنتين كده ممكن أوصفلك الدكتور و تبقى اتعلمها منه
      العبدلله :طب من الأول كده احكيلي بالتفصيل
      السواق : متهكما - من الأول يا دوك !!!
      ...........شوف يا سيدي أخويا الصغير لما جه يدخل الجامعة كان عنده ناب كده صغير و مزرِق فا كان مضايقه روحن للدكتور و قاللنا أعملوا أشعه و عملناها و بعدين فهمنا (الله يكرمه و يزيده من علمه) الموضوع ده و حدد معاد العملية و روحنا و كله تمام ..
      العبدلله : طب حد كان واقف ساعة " العملية " دي ؟
      السواق : لهوا أنت بتدخل حد الأوضة و في عملية ؟؟ دا الجرح يتلوث .. اوعى تعمل كده (أستااذ و رئيس قسم)
      و هنا فهمت اللي حصل و حاولت أشرحه للسواق ولكن لا حياة لمن تنادي (وهو معذور طبعاً)
      فااصل ونعوود
      [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

      Comment


      • #48
        السواق : - شارحا لجاهل مثلي - لأ لأ لأ ده "زرع " مسمار ايه ده بيحط بذرة السنة و لا مؤاخذة و يخيط عليها و انت بس نشرب 4 كوبايات لبن كل يوم لمدة عشر تيام أسبوعين و تلاقي السنة تنبت في "الضبة"
        ههههههههههههههههههههههههههههههههههههه
        وياترى هتطلع سنة فى الضبة وللا شجرة أسنان؟

        ومش هقول حكاياتى اللى شفتها وسمعتها والمشابهة للحكاية دى علشان مانفتحش باب كبير صعب نقفله..

        وألف ألف ألف شكر يا أخى د/ أحمد سامى على معلوماتك القيمة جدا جدا جدا ، بارك الله فيك...
        [CENTER][aldl]http://www.jewelsf.com/up/uploads/542f6eee3a.gif[/aldl]
        [/CENTER]
        [CENTER][COLOR=Blue]وأقم الصلاة طرفي النهار وزلفا من الليل إن الحسنات يذهبن السيئات ذلك ذكرى للذاكرين[/COLOR] [/CENTER]
        [CENTER] [FONT=Tahoma][COLOR=darkslateblue][B][SIZE=4][SIZE=2]Dr Ahmed Abdelghany[/SIZE][/SIZE][/B][/COLOR][/FONT][/CENTER]
        [CENTER][SIZE=4][B][FONT=Tahoma][COLOR=darkslateblue][SIZE=2]ENT,H&N consultant - Benha University
        [/SIZE][/COLOR][/FONT][/B][/SIZE][SIZE=5][COLOR=Purple]my website: [url]www.drahmedclinic.com[/url][/COLOR][/SIZE][/CENTER]

        Comment


        • #49
          Bien Air الوكيل شركة جيت -أبراج نصر الدين- الهرم 2200 جم
          Kavo الوكيل شركة جيمي دنت 1450 جم (بس الأيام دي كله برازيلي)
          W&H الوكيل شركة مسكا - الهرم 1350 جم (وفيه ب990 بس بلاش ده)
          NSK الوكيل شركة صفوان -10 ش لبنان 800 جم push buttom
          700 جم key
          w&h فيه ناس اصحابي اتصلو وقالولهم ب 1650 :( :(
          وياريت لو حضرتك تعرف ارقام التليفونات تقولي عليهم وجزاكم خير

          Comment


          • #50
            جزاك الله خيرا يا دكتور على مساعدتك لأفراد المنتدى
            فعلا مجهود عظيم منك


            السواق : - شارحا لجاهل مثلي - لأ لأ لأ ده "زرع " مسمار ايه ده بيحط بذرة السنة و لا مؤاخذة و يخيط عليها و انت بس نشرب 4 كوبايات لبن كل يوم لمدة عشر تيام أسبوعين و تلاقي السنة تنبت في "الضبة" .
            :mrgreen: :mrgreen: :mrgreen: :mrgreen: :mrgreen:

            حلوة قوى دى يا دكتور السواق دا راجل عسل

            Comment


            • #51
              التفسير بتاع ما رآه السواق :
              في بعض الأحيان ممكن و لأسباب كتيرة و أحيانا بدون أسباب أن سنة لبنية ماتقعش و تفضل مكانها و تحبس تحتها السن الدائم
              و بتكون المشكلة هي صغر حجم السن اللبن ومنظرة غير المتناسق مع باقي الأسنان
              الحل ببساطة : عمل أشعة لرؤية السن الدائم (المحبوس) و تقييم وضعه و ما إذا كان مناسب للخروج بدون تدخل , و إذا كان كذلك فعلاً فكل الازم هو خلع السن اللبني (وغرزة أمريكاني) و ((( تلاقي السنة تنبت في "الضبة"))))
              وهذا هو أغلى خلع في مصر

              من يومها حسيت اني لازم أساعد الناس في مكان العمل أو بالنصيحة في أي مكان على قد علمي و خبرتي اللي لسه على قدي و الحمد لله
              [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

              Comment


              • #52
                المشاركة الأصلية كتبت بواسطة casperinoo
                Bien Air الوكيل شركة جيت -أبراج نصر الدين- الهرم 2200 جم
                Kavo الوكيل شركة جيمي دنت 1450 جم (بس الأيام دي كله برازيلي)
                W&H الوكيل شركة مسكا - الهرم 1350 جم (وفيه ب990 بس بلاش ده)
                NSK الوكيل شركة صفوان -10 ش لبنان 800 جم push buttom
                700 جم key
                w&h فيه ناس اصحابي اتصلو وقالولهم ب 1650 :( :(
                وياريت لو حضرتك تعرف ارقام التليفونات تقولي عليهم وجزاكم خير

                تليفونات ايه بقى
                يبقى أنا اللي قاللي معلوماته مش دقيقة لأنك كلمت الوكيل شخصيا (وعند جهينة الخبر اليقين)
                و لو هاتشتري من برا الوكيل أنا ممكن أجيبهالك أرخص (بس أنصحك بالوكيل حتى لو أغلى)
                [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

                Comment


                • #53
                  شكرا دكتور .. عندى ولد امور عنده دلوقتى 4 سنوات .. ازاى مستقبلا الواحد يتأكد ان كل اسنانه اللبنيه طلعت ؟
                  و مفيش سنه فضلت ما وقعتش ؟؟ .. هل نعمله " اشاعه " !!!!! و الا ايه ؟؟ و ايه السن المفروض كل اللبنيه تفع ؟

                  كل عام و انت بخير جميعا

                  Comment


                  • #54
                    وانت بألف خير يا أبو علي

                    شوف يا ياسيدي:
                    - الأسنان اللبنية هما عددهم عشرة في كل فك و هتلاقيهم مفرقين من بعض شويه و ده كويس
                    - هناك مفهوم خاطئ ان لأسنان دي مش مهمة و(هاتوقع هاتوقع) فيقل الاهتمام بنظافتها و علاجها و ده ممكن يؤثر سلبيا على الأسنان الدائمة التي تكون في مرحلة التكون تحتها. و لذلك برجاء الإهتمام بها عند طبيب أسنان متخصص في الأطفال.
                    - في خلال العام السادس سوف يظهر (بإذن الله) الضرس الدائم الأول خلف الأسنان اللبنية و هتلاقي حجمه أكبر بشكل ملحوظ و يا ريت تهتم بيه لأنه أهم ضرس في الفم طول العمر .
                    - خلال السنة الثانية عشرة المفروض كل اللأسنان اللبنية تكون وقعت واتبدلت بأربعة عشر سن دائم في كل فك .
                    - موضوع التأكد قد يكون صعب شوية لمن ليس له خبرة _بس زيارة للطبيب عند سن 14 سنة تحل الموضوع-.
                    - ضرس العقل و هو الضرس الأخير (قد) يبدأ ظهوره بين العام السابع عشر و الواحد والعشرين و عدم ظهوره لا يشكل مشاكل غالبا الا إذا مدفونا و منحنيا بشكل غير طبيعي .

                    - سنناقش الحفاظ على أسنان الأطفال في موضوع منفصل إنشاء الله
                    [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

                    Comment


                    • #55
                      ياريت يا دكتور نعرف عنوان العياده فى المنصوره
                      احسن انا كمان عندى الموضوع عايز يتلحق والا فيها طقم
                      وانته عارف سلطان بطقم يبقه سلطان مسخره
                      ههههههههههههههههههههههههههههههههه
                      السلطان ابوالنجا الاول
                      ادام الله ملكه
                      سلطان الجزيره المفقوده
                      ومرشح للجزيره الموجوده

                      Comment


                      • #56
                        العيادة أجازة للأسف لحين الإنتهاء من الماجستير و الزمالة قريبا انشاء الله
                        وفي ناس في المنصورة على مستوى عالى ماشاء الله و ضمايرهم ممتازة
                        ووعد لما أفتح العيادة تاني هاعمللك (قسم فاخر للسلاطين) علشان أعتذر عن عدم قدرتي على خدمة حضرتك

                        ولو احتجت أي حاجة كلمني و أنا تحت الأمر
                        [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

                        Comment


                        • #57
                          طيب يا ريت يا دكتور ترشح لى حد يكون مامون خصوصا من ناحة التعقيم والنظافه
                          وكل عام وانتم بخير
                          السلطان ابوالنجا الاول
                          ادام الله ملكه
                          سلطان الجزيره المفقوده
                          ومرشح للجزيره الموجوده

                          Comment


                          • #58
                            د. مصطفى ناصف
                            العيادة في مستشفى الخير - ش قناة السويس
                            دي انظف عياده من حيث التعقيم و مستوى الأجهزة و الخامات في المنصورة
                            د. مصطفي رئيس قسم الأسنان بمستشفى القصر الملكي السعودي سابقا
                            بس العيادة طبعا غالية
                            [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

                            Comment


                            • #59
                              شكرا دكتور احمد على النصايح المفيده جدا وربنا يخليك ..
                              هل فعلا فى دلوقت اطباء اسنان تخصص اطفال فقط ؟؟ و ممكن لو مش تخصصك ترشح لى واحد او طبيبه تثق فيهم
                              و يا حبذا فى منطقة وسط القاهره او الدقى / المهندسين / الزمالك ؟؟ وشكرا جزيلا .. انا شخصيا
                              بأخاف اروح لدكاتره الاسنان خوفا من مسألة التعقيم خصوصا ان الامراض اللى ممكن تيجى عن طريق الدم
                              مالهاش حل و فيروس C منتشر فى مصر بفظاعه ..للاسف بعض الاطباء و الجراحين و الممرضات بيهملوا
                              الموضوع الخطير ده و هو من اولويات الطب و بعيدين احنا بنى ادمين .. الميكانيكى المهمل او عديم الكفأءه ممكن
                              يبوظ العربيه لكن الدكتور و الجراح ممكن ......... و اخرهم طلعت زكريا اللى فى الانعاش
                              دلوقتى بين الحياه و الموت بسبب تلوث جاله .. و ربنا يحمى الجميع ..

                              Comment


                              • #60
                                متأسف مش هاقدر أفيدك في الحته دي بس هاسألك ناس من القاهرة
                                وعموما معظم العيادات الآن مجهزة بمستوى كاف من الأمان والتعقيم
                                شكل العيادة و مستوى الأداء (نظافة الأرضيات - رائحة العيادة - ملابس طاقم التمريض- الحوض بتاع كرسي الأسنان)
                                الحاجات دي لو ok يبقى العيادة دي أكيد تعقيمها محترم
                                حاجه أخيرة (الدكتور الغالي ممكن يكون نظيف وممكن لأ , لكن الكتور الرخيص ماينفعش يكون نظيف )
                                لأن الخامات الجيدة وتجهيزات التعقيم المحترمة غالية فا مش ممكن تلاقيها في عيادة رخيصة
                                و طمنني عليك
                                [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

                                Comment

                                Working...
                                X