ادوية البرد واحتقان الزور ؟!

[MRBEBO]

مساء الخير عليكم يا جماعة

الايام دي عندي احتقان زور فظيع وعادة طبعا بيقلب ببرد وزكام

مش عارف ايه الانفلونزا اللي بتيجي في الصيف دي مش فاكر خالص انه جالي قبل كده الا في الشتاء

المهم اخوكم اتعامل مع ادوية كتير لاحتقان الزور والبرد طول السنين اللي فاتت ... وفيه ادوية بسمع عنها بس لسه مجربتهاش

فعاوزين رايكم في الادوية اللي استخدمتوها وكانت فعالة في الحالات دي والاهم تكون اعراضها الجانبية مش كتيره

انا استخدمت قبل كده لاحتقان الزور الاتي

Bradoral برادورال ( ضعيف جدا ومش بحس باي تاثير ليه زي ما يكون اقراص نعناع )

Orofar اورفار ( جيد بس الى حد ما مش قوي يعني لازم على الاقل شريط كامل لغاية لما تحس بتاثيره )

Larypro لاري برو ( جيد برضوا جدا بس مش قوي كفاية )

فيه ادوية تاني بقه زي

strepsils استريبسيلز ليها شهرة جامدة بس بحس انها بونبوني مش دواء من شكلها حد جربه ؟؟

طبعا فيه مضادات حيوية وكده بس بصراحة الاستحلاب امان اكتر ...

واحد قريبي اي حاجة يحس بيها يجري ياخد مضاد حيوي دلوقتي عنده مشكلة مناعة جسمه زيرو ...

مش عارف الكرات الحمراء ولا البيضا عددها قليل :(

المضادات الحيوية خطيرة جدا

على فكرة فيه ناس بتقول ان البتادين الغرغرة لو الواحد استخدمه بدون تخفيف كغرغرة بيخفف شوية من الاحتقان

ندخل على الجزء التاني بالنسبة للبرد

انا جربت الاتي قبل كده

Congestal كونجيستال ( ممتاز جدا في التقليل من اعراض البرد وكمسكن )

Comtrex كومتريكس ( بسمع عليه كتير وكنت هستخدمه بس سمعت انه اتسحب في فترة من السوق بسبب مشاكل في تركيبته )

Panadol Cold & Flu بنادول كولد اند فلو ( بسمع عليه كتير بس سئلت على سعره لقيته عالي بس هل فعلا فعال ولا اعلانات ! )

طبعا زي معظم الناس كنت بستخدم الفلورست والفول استوب

بس سمعت انهم ممكن يعملوا نزيف في المخ وانهم من ضمن الادوية الممنوعة بره !

امال بتتباع عندنا ازاي ... عمار يا مصر !

على فكرة لما بيجيلي دور برد باخد الاتي

1- فيتامين سي كبسول ( فيتامين سى ريتارد 500 )

2- طارد للبلغم شراب اي نوع او ساعات بيسلفون اقراص

3- مضاد للاحتقان استحلاب

4- مضاد لاعراض البرد زي الكونجيستال

المهم ياريت كل واحد يدخل يقولنا على الادوية اللي استخدمها في حالة البرد واحتقان الزور وحس بفاعليتها معاه ...

واكيد محتاجين اراء الخبراء و الاساتذة بتوع المجال ده زي دكتور احمد فارما :)

الادوار دي رخمة بجد

ربنا يبعد عنكم شر البرد والتهاب الزور :)

[Imhotep]

السبب الرئيسى للبرد و احتقان الزور فى الصيف هو التغيير المستمر بين الحرارة و البرودة زى لما بيحصل لما تيجى نازل من الشغل بعد 8 ساعات فى التكييف و تنزل للشارع و درجة الحرارة 40.... انا شخصيا اول ما بحس ببوادر احتقان فى الزور بضرب قرص ستريم و قرص كونجيستال (او باور كابس للى بينام من كونجيستال) ستريم بيظبط احتقان الزور و الكونجيستال بيظبط احتقات الانف و بكده الدور بيروح بدرى بدرى.....

[noble911]

موضوع ممتاز و مفيد اشكرك عليه
تجربتي الشخصية مع ادوار البرد خصوصا و اني اعاني من ضعف نسبي في المناعة و اصاب بسهولة بدور البرد
1- السوائل مهمة جدا سواء دافئة او بدرجة حرارة الغرفة سواء ماء او شاي او اعشاب او حتي شوربة
لانها بتعوض المفقود من سوائل الجسم و تعمل علي تليين الكحة
2-الراحة لازم راحة في السرير لمدة 3 ايام حتي تضمن ان دور البرد لا يمتد لاكثر من اسبوع
لكن لو نزلت الشغل و انا عندي برد الدور بيطول و يدخل في اسبوعين
3-العسل الابيض و الاعشاب احيانا بتساعد في دور البرد و تقلل الاحساس بكتير من الاعراض
4- بالنسبة للادوية بمشي مع النظام الطبي المتعارف عليه و هو علاج كل عرض بدوا و ان كنت مش من انصار طريقة العلاج دي
بالنسبة للزور strepsilsحلو و لطيف لكن غالي و علشان يشتغل لازم تاخد قرص كل ساعتين تلاتة
Bradoral ايام العلبة القديمة كانت بتسبب لي زيادة في الاعراض و مكنتش برتاح معاه ، مع العلبة الجديدة جربت قرص واحد و مقدرش احكم عليه لكن سعره رخيص و دي ميزة

الكحة اعشاب لو زيادة يبقي طارد بلغم او موسع شعب هوائية علي حسب الموجود و غالبا بيكون سالبوفنت اقراص

الرشح مفيش احسن من حبيبي الرائع مضاد الحساسية الاشهر كلارتين اكثر من رائع و يخفف عندي الاعراض بشكل قوي جدا و بيخليني انزل و اتحرك و مش حاسس بدور البرد و بيكفيني منه 3-4 اقراص كل يوم قرص و شكرا
ملاحظة مهمة: الاكثار من استخدام مضادات الهيستامين و ادواية الحساسية يسبب تعود الجسم عليها و عدم فاعليتها لذلك تستخدم عند الحاجة و علي فترات متباعدة مش عمال علي بطال

الصداع و الحرارة البسيطة اسبرين ريفو او اكسدرين
الحرارة العالية بتشكل خطورة و يجب مواجهتها بالكمدات و خافضات الحرارة و عند الشعور بانها مش بتنزل او مش طبيعية فيجب مراجعة الطبيب فورا

لو في اسهال في اقراص مش فاكر اسمها قرصين بيربطوا العملية

لو اكتر من عرض اجتمعوا مع بعض في وجود حرارة و اجهاد عام يبقي مضاد حيوي و غالبا بيكون روفاميسين كل 12 ساعة لمدة لا تقل عن 5 ايام و ضرورة ضبط المواعيد لان ايقاف المضاد قبل معاه بيؤدي لزيادة دور البرد بشكل بشع و مش لطيف

ما سبق كان تجربة شخصية من مهندس مش طبيب و لا يجب تناول اي ادوية بدون استشارة الطبيب
لان بعض المركبات قد تسبب حساسية او اعراض جانبية او تعارض مع ادوية اخري
و بالنسبة لي الادوية سبق و كتبها طبيب و انا بكررها كل ما يجي دور البرد

[MRBEBO]

السبب الرئيسى للبرد و احتقان الزور فى الصيف هو التغيير المستمر بين الحرارة و البرودة زى لما بيحصل لما تيجى نازل من الشغل بعد 8 ساعات فى التكييف و تنزل للشارع و درجة الحرارة 40.... انا شخصيا اول ما بحس ببوادر احتقان فى الزور بضرب قرص ستريم و قرص كونجيستال (او باور كابس للى بينام من كونجيستال) ستريم بيظبط احتقان الزور و الكونجيستال بيظبط احتقات الانف و بكده الدور بيروح بدرى بدرى.....

فعلا مشكلة موضوع التكييف واختلاف درجة الحرارة وهو سبب المشاكل كلها

ستريم ده مش مضاد حيوي ؟

موضوع ممتاز و مفيد اشكرك عليه
تجربتي الشخصية مع ادوار البرد خصوصا و اني اعاني من ضعف نسبي في المناعة و اصاب بسهولة بدور البرد
1- السوائل مهمة جدا سواء دافئة او بدرجة حرارة الغرفة سواء ماء او شاي او اعشاب او حتي شوربة
لانها بتعوض المفقود من سوائل الجسم و تعمل علي تليين الكحة
2-الراحة لازم راحة في السرير لمدة 3 ايام حتي تضمن ان دور البرد لا يمتد لاكثر من اسبوع
لكن لو نزلت الشغل و انا عندي برد الدور بيطول و يدخل في اسبوعين
3-العسل الابيض و الاعشاب احيانا بتساعد في دور البرد و تقلل الاحساس بكتير من الاعراض
4- بالنسبة للادوية بمشي مع النظام الطبي المتعارف عليه و هو علاج كل عرض بدوا و ان كنت مش من انصار طريقة العلاج دي
بالنسبة للزور strepsilsحلو و لطيف لكن غالي و علشان يشتغل لازم تاخد قرص كل ساعتين تلاتة
bradoral ايام العلبة القديمة كانت بتسبب لي زيادة في الاعراض و مكنتش برتاح معاه ، مع العلبة الجديدة جربت قرص واحد و مقدرش احكم عليه لكن سعره رخيص و دي ميزة

الكحة اعشاب لو زيادة يبقي طارد بلغم او موسع شعب هوائية علي حسب الموجود و غالبا بيكون سالبوفنت اقراص

الرشح مفيش احسن من حبيبي الرائع مضاد الحساسية الاشهر كلارتين اكثر من رائع و يخفف عندي الاعراض بشكل قوي جدا و بيخليني انزل و اتحرك و مش حاسس بدور البرد و بيكفيني منه 3-4 اقراص كل يوم قرص و شكرا
ملاحظة مهمة: الاكثار من استخدام مضادات الهيستامين و ادواية الحساسية يسبب تعود الجسم عليها و عدم فاعليتها لذلك تستخدم عند الحاجة و علي فترات متباعدة مش عمال علي بطال

الصداع و الحرارة البسيطة اسبرين ريفو او اكسدرين
الحرارة العالية بتشكل خطورة و يجب مواجهتها بالكمدات و خافضات الحرارة و عند الشعور بانها مش بتنزل او مش طبيعية فيجب مراجعة الطبيب فورا

لو في اسهال في اقراص مش فاكر اسمها قرصين بيربطوا العملية

لو اكتر من عرض اجتمعوا مع بعض في وجود حرارة و اجهاد عام يبقي مضاد حيوي و غالبا بيكون روفاميسين كل 12 ساعة لمدة لا تقل عن 5 ايام و ضرورة ضبط المواعيد لان ايقاف المضاد قبل معاه بيؤدي لزيادة دور البرد بشكل بشع و مش لطيف

ما سبق كان تجربة شخصية من مهندس مش طبيب و لا يجب تناول اي ادوية بدون استشارة الطبيب
لان بعض المركبات قد تسبب حساسية او اعراض جانبية او تعارض مع ادوية اخري
و بالنسبة لي الادوية سبق و كتبها طبيب و انا بكررها كل ما يجي دور البرد

بجد الله ينور

انا فعلا كل نص ساعة كده بشرب حاجات سخنة

وشكرا لحضرتك على المشاركة القيمة دي ... بس مقولتش ايه اللي بتستخدمه استحلاب لاحتقان الزور ؟

انا برضوا بستخدم اكسدرين .... مع ان بنادول بتهيئلي اقل في الاعراض الجانبية

شكرا مرة تاني

[Bishoy.Girgis]

بصراحة موضوع جميل و انا مع رأي كل الاعضاء المحترمين لكن ... انا مبحبش الادوية بتاعة البرد و الكل طبعا هيقول لي ليه
البرد يا جماعة كده كده هيقعد معاك بعلاج او بدون علاج 3 ايام ... طيب ايه الحل ..
العلاج اللي جربته حقيقي و بدون منافس
اول حاجه زي ما قالوا الاعضاء الاحباء هو الاحتقان و حله بسيط و يخلص في 24 ساعة بالظبط و هو انك تمص كل ساعتين بالظبط حباية strepsils ثمنه 18 جنيه العلبة و بفضل اللي لونه احمر و في نفس الوقت كل ساعتين تشرب مشروب سخن و بفضل يكون مشروبات ليبتون زي الخوخ او بالفواكه يعني الساعة اللي تاخد فيها حباية strepsils تقوم الساعة اللي بعديها تشرب المشروب بحيث strepsils يعمل مفعوله و الساعة اللي بعديها المشروب يكون تاثيره احسن و علي ضمانتي ان في خلال 24 ساعة يكون الاحتقان راح خالص .
ثانيا بالنسبة للرشح متاخدش له اي حاجه خالص .. كل اللي عليك انك تعمله و معلش يا جماعة انا مش هقرفكم لكن اوعي تبلع اي رشح يعني منديل في ايدك علي طول بلغم او نفة تطلعها فورا
ثالثا بالنسبة للصداع تاخد كل يوم و طبعا ده في حالة احتياجك فقط تاخد قرص برامول 500 و ده ليس له اي اعراض جانبية لأي عضو في الجسم و ده لو الحرارة عليا هيخفضها و لو عندك صداع هيروح بعد 10 -20 دقائق
رابعا عايز اقول حاجه مهمه خالص خالص ان لو حصل انك عرقت بالليل متقلقش خالص لأن هو ده معناه انك بتخف خالص و متشلش الكوفيرتة من عليك لأن العرق ده هينيمك مش هيخليك صاحي
اي خدمة يا جماعة و كل ده مرجعي الخاص و علي طول بستخدم الفكر ده و بخف علي طول بالوصفة ديه

[som3aa]

panadol cold and flu فى موضوع احتقان الزور دا ممتاز جدااا بيضيع الاحتقان علطول و بيكتم البرد كدا بس مش بيضيعه

[أحمد كمال]

ثالثا بالنسبة للصداع تاخد كل يوم و طبعا ده في حالة احتياجك فقط تاخد قرص برامول 500 و ده ليس له اي اعراض جانبية لأي عضو في الجسم و ده لو الحرارة عليا هيخفضها و لو عندك صداع هيروح بعد 10 -20 دقائق

مفيش دوا مالوش اي اعراض جانبية ....... تقريبا

البارامول = باراسيتامول (أو أسيتامينوفين زي ما الاخوة الامريكان بيحبوا يسموا الحاجة باسم تاني)

ده في حالة مرضى الكبد ضار جدا جدا جدا جدا

و تجاوز جرعته للشخص السليم ممكن يعمل تسمم او فشل كبدي

[SHNORY]

انا بكره الادويه
لما بيجيلي دور برد
بدخل المطبخ اعمل زجاجه ليموناته كبيره واقعد اشرب فيها
او وانا نازل من البيت اعدي علي بتاع العصير واخد شوب برتقال
غير كده البرد فعلا بيقعد 3 ايام
بادويه او من غيرها
بس بعمل زي ما الناس بتقول
خده علي رجلك ومتناملهوش

[rodyA113]

[frame="1 80"]السلام عليكم ورحمه الله وبركاته
أولا هو موضوع الساعه لان كل منا بيعاني من نفس الأعراض وبيمر بيها وخصوصا في الجو والتقلبات المناخيه الحالية .والمكوث في التكييف لمده طويله والخروج في جو حر مليئ بالتربه كل تلك العوامل مهيئه للاتهاب وتربه خصبه لفيروس الإنفلونرا او نزلات البرد والحساسيه. لكن مع احترامي لكل الأدويه اللي تحدث عليها الأعضاء الموضوع مش موصوع ادويه حلوه وادويه وحشه وتجربني ولكن الموضوع موضوع الأعراض والمسببات ليها ومداها وقوتها بمعني
لو جالك مريض بيعاني من احتقان مع ارتفاع حراره ممكن يكون محتاج مصاد حيوي وغرغره لتطهير الحلق من اي ميكروب حتي لا يتمادي للقنوات الشعبيه ومع البرادورال او اي مستحلب يسكن ويهدي من شده الإجتقان استربسيليز. ولو عنده بلغم ممكن بيسلفون وهي ادويه طبيعيه وامنه بشكل ما ووممكن مريص اخر يعاني من نفس الأعراض ولكن تكون مصدرها وجود حساسيه مزمنه بمعني ان السبب الرئيس وراء وجود الإلتهاب هو وجود حساسيه في الأنف ويعالج على انها نزله برد او احتقان علشان كده التشخيص مهم جدااااا
ثانيا: المفروص ننشط الجهاز المناعي بجانب العلاج ده زي البي كومبلكس والفيتازنك والفيتاسيد كالسيوم قيتاماكس وهكذا
ثالثا: النظام الغذائي لازم الجسم يبدا يدافع عن نفسه وبمساعدته بنظام غذائي كامل فيتامينات وبروتينات وتعويضه بالسوائل زي ما الأعضاء الكرام قالو العصائر وخصوصا البرتقال والليمون والمشوربات الساخنه .
لذا يجب محاصرته بكل تلك الطرق بجانب الراحه الجسديه والنفسيه
حغظكم الله من كل شر



[/frame]

[ASKAFRAWY]

[frame="1 80"]السلام عليكم ورحمه الله وبركاته
أولا هو موضوع الساعه لان كل منا بيعاني من نفس الأعراض وبيمر بيها وخصوصا في الجو والتقلبات المناخيه الحالية .والمكوث في التكييف لمده طويله والخروج في جو حر مليئ بالتربه كل تلك العوامل مهيئه للاتهاب وتربه خصبه لفيروس الإنفلونرا او نزلات البرد والحساسيه. لكن مع احترامي لكل الأدويه اللي تحدث عليها الأعضاء الموضوع مش موصوع ادويه حلوه وادويه وحشه وتجربني ولكن الموضوع موضوع الأعراض والمسببات ليها ومداها وقوتها بمعني
لو جالك مريض بيعاني من احتقان مع ارتفاع حراره ممكن يكون محتاج مصاد حيوي وغرغره لتطهير الحلق من اي ميكروب حتي لا يتمادي للقنوات الشعبيه ومع البرادورال او اي مستحلب يسكن ويهدي من شده الإجتقان استربسيليز. ولو عنده بلغم ممكن بيسلفون وهي ادويه طبيعيه وامنه بشكل ما ووممكن مريص اخر يعاني من نفس الأعراض ولكن تكون مصدرها وجود حساسيه مزمنه بمعني ان السبب الرئيس وراء وجود الإلتهاب هو وجود حساسيه في الأنف ويعالج على انها نزله برد او احتقان علشان كده التشخيص مهم جدااااا
ثانيا: المفروص ننشط الجهاز المناعي بجانب العلاج ده زي البي كومبلكس والفيتازنك والفيتاسيد كالسيوم قيتاماكس وهكذا
ثالثا: النظام الغذائي لازم الجسم يبدا يدافع عن نفسه وبمساعدته بنظام غذائي كامل فيتامينات وبروتينات وتعويضه بالسوائل زي ما الأعضاء الكرام قالو العصائر وخصوصا البرتقال والليمون والمشوربات الساخنه .
لذا يجب محاصرته بكل تلك الطرق بجانب الراحه الجسديه والنفسيه
حغظكم الله من كل شر



[/frame]

تسلم ايدك انا فعلا عتدى التهاب فى الحلق و مش بيروح خالص للاسف طلع من الحساسية ودى عرفتها مؤخرا لان عمرى ما كنت بشتكة من الحساسية خالص

[noble911]

فعلا مشكلة موضوع التكييف واختلاف درجة الحرارة وهو سبب المشاكل كلها

ستريم ده مش مضاد حيوي ؟



بجد الله ينور

انا فعلا كل نص ساعة كده بشرب حاجات سخنة

وشكرا لحضرتك على المشاركة القيمة دي ... بس مقولتش ايه اللي بتستخدمه استحلاب لاحتقان الزور ؟

انا برضوا بستخدم اكسدرين .... مع ان بنادول بتهيئلي اقل في الاعراض الجانبية

شكرا مرة تاني

strepsils افضله كثيرا عن Bradoral و دول بس اللي جربتهم
لكن سعره غالي و عدد الاقراص قليل يعني ممكن نخش في تلات علب في يوم او اتنين لان طبعا طالما واحد اخد برد في البيت غالبا حيبقي في ضحايا اخرين
و شكرا لتنبيهك بخصوص الاكسدرين و الاعراض الجانبية لانه جديد عندنا في البيت و معنديش عنه معلومات كافيه و لسه دكتور كتبه مؤخرا لاحد افراد العائلة

[rodyA113]

ربنا يحفظك

[rodyA113]

الف سلامه عليك Askafrawy ربنا يشفيك ويعفيك من كل شر المهم انك تواظب على مواعيد الدوا بتاعك وناخد بالك من الأتربه والتغيرات الجويه وتغير المواسم واهم حاجه المناعه النفسيه والراحه على قد ما تقدر

[samcar]

مع كل الادويه دى - معلش جرب العلاجات الطبيعيه دى

الزعتر- الوحيد اللى نفع مع البلغم بالذات الصبح - لو عندك حد فى الخليج خليه يجيب لك نوع متعبى اكياس زى الشاى اسمه جولدن زعتر- اه والله اسمه كده - بس هايل

الجنزبيل- لو قدرت تشربه لوحده - ده يطلع البرد من اى صدر- لو صعب طعمه عليك خده مع القرفه

لمون مركز وعسل ابيض- بس عسل كوبس مش مغشوش

البصل - بس طبعا مش حتخرج من البيت

وفى مستحضر ظريف - اسمه فابوزول- هو بالبلدى صبغة الجاوى- تحط منه على ماء مغلى وتشم البخار - بيريح حوالى نص ساعه- بتبقى استراحه حلوه وسط العذاب- وربنا يشفيك وتقوم بالسلامه

[ASKAFRAWY]

مع كل الادويه دى - معلش جرب العلاجات الطبيعيه دى

الزعتر- الوحيد اللى نفع مع البلغم بالذات الصبح - لو عندك حد فى الخليج خليه يجيب لك نوع متعبى اكياس زى الشاى اسمه جولدن زعتر- اه والله اسمه كده - بس هايل

الجنزبيل- لو قدرت تشربه لوحده - ده يطلع البرد من اى صدر- لو صعب طعمه عليك خده مع القرفه

لمون مركز وعسل ابيض- بس عسل كوبس مش مغشوش

البصل - بس طبعا مش حتخرج من البيت

وفى مستحضر ظريف - اسمه فابوزول- هو بالبلدى صبغة الجاوى- تحط منه على ماء مغلى وتشم البخار - بيريح حوالى نص ساعه- بتبقى استراحه حلوه وسط العذاب- وربنا يشفيك وتقوم بالسلامه

تسلم ايدك انا فعلا ماشى على الجنزبيل بالقرفة بالعسل و الليمون بالعسل و اخيرا فى دكتور نصحنى بالفابوزول للاستنشاق...بالنيبة للزعتر مجربتوش بصراحة
بس انا مشكلة احتقان الزور معايا للاسف مش وقتيه...معرفش بقت حاجة مزمنة معايا وعلى حسب كلام الدكاترة انها حساسية بالانف بس الموضوع طول معايا جدا جدا
انا كان لى استفسار هل حساسية الانف بتسبب احتقان و التهاب الحلق لان الموضوع دة محيرنى حبتين و مضايقنى جدا