اريد تشخيصاً

[م.احمد زكريا]

أطباء المنتدى الاعزاء

من حوالي 3 شهور بعد العيد الصغير جالي الم في ذراعي الايسر وكان الم برد او شد كانك تعرضت لتيار هواء وكنت يومها قاعد جنب تكييف جامد المهم الالم استمر النهار كله ومش عايز يروع

تاني يوم الام راح بس بقيت اشعر بتخديل في الذراع الايسر مع الرجل اليسرى وبدا الموضوع يروح ويجي على فترات

مرة الذراع الايمن مع الرجل اليمنى ومره الرجلين فقط ومرة الذراع الايسر مع الرجل اليمنى بيكون ما بين تخديل الى تنميل في اطراف الاصابع

واحيانا يكون في احساس بتعب وضعف في العضلات مع ملاحظة اني لما باعمل مجهود حركي باعمله عادي مش باحس بأي تعب وباكون نشيط جدا

احيانا يحصل تنميل خفيف في اللسان ويروح خلال ساعة وممكن يحصل تيبس في عضلات الوجه كأني واخد فيه لطشة برد وطبعا بطني بيبقى فيها شوية تقلصات

ممكن شوية صداع في الجبهة مع تاثر بالانوار بالليل او زغلله مع الخط الصغير جدا او لما انقل عيني من رؤية عادية الى ورقة يحصل زغلله لمدة جزء من الثانية وبعدين الرؤية بتبقى طبيعية

* طبعا انا رحت لداكترة مخ وأعصاب (3 اطباء)

وعملت الاتي:

- رنين على المخ
- رنين على الرقبة
- تحاليل دم (صورة دم - وظائف كلة وكبد - فيروسات كبد - بول - غدة درقية - كالسيوم وصوديوم وبوتاسيوم )

إلى جانب الكشف السريري

وكل الاشعات والتحاليل طبيعية والحمد لله

وكان تشخيصهم ( التوتر العصبي )

المهم كتبولي ادوية للاكتئاب ومنومات ومهدئات وماخدش حاجة منها خااااالص


* رحت لطبيب قلب واوعية دموية

كشف عليا كشف مستفيض وعملي رسم قلب وكان طبيعي ومافيش اي مشكلة تخص القلب


* واخيرا رحت لطبيب باطني

وطبعا خليته يستبعد موضوع التوتر العصبي

فقالي انه ممكن يكون برد ادى الى روماتيزم لامفصلي في العضلات والاربطة

وكتبلي كاتافلام 50 وشوية فيتامينات وكالسيوم ومشيت علي عليه 10 ايام ماقدرش اقول بقيت كويس او لأ بس اقدر اقول اني حاسس بتحسن طفيف

لما وقفت العلاج بعد 5 ايام حسيت بتعب تاني المهم انها بتروح وتيجي زي ما تكون نوبات بكون مش طايق نفسي خلالها وقرفان

اخر حاجة عرضت نفسي على طبيب عام في الشغل باحكيله القصة قاليي

امشي على حقنة ديبوفيت فيتامين b مرة كل اسبوع لمدة 3 اسابيع مع ثيوتاسيد 600

الحمد لله انا في حلة تحسن اليومين دول وااله اعلم بسبب العلاج ولا ديه مرحله هدوء عادية

بس كنت عايز اخد رأي أطباء المنتدى هل في حاجة تانية أنا ماعملتهاش
وهل ممكن يكون توتر نفسي بسبب ضغط نفسي قديم والواحد بياخد فترة عشان يرجع طبيعي تاني

اسف جدا جدا على الاطالة بس الواحد جاله هس هس :b4_592:

[د.أحمد السعيد]

الف سلامة لحضرتك يا بشمهندس و شفاك الله و عافاك
فى الغالب شوية برد و ده بعد التعرض للتكييف الشديد
و فعلا المسكنات بتريح شويه مش تماما يعنى بتحس بالالم برده على خفيف بس الموضوع بيطول ممكن لشهر او اتنين و بيروح لوحده و ديبوفيت حقن ناس كتير تاخدها و ترتاح لانها فيتامين ب و له دور فى علاج التهاب الاعصاب

و ربنا يجعل تعبك تكفير لذنوبك و رفع فى درجاتك

[م.احمد زكريا]

الف سلامة لحضرتك يا بشمهندس و شفاك الله و عافاك
فى الغالب شوية برد و ده بعد التعرض للتكييف الشديد
و فعلا المسكنات بتريح شويه مش تماما يعنى بتحس بالالم برده على خفيف بس الموضوع بيطول ممكن لشهر او اتنين و بيروح لوحده و ديبوفيت حقن ناس كتير تاخدها و ترتاح لانها فيتامين ب و له دور فى علاج التهاب الاعصاب

و ربنا يجعل تعبك تكفير لذنوبك و رفع فى درجاتك

الف شكر يا د. أحمد على رد حضرتك

مأكدبش عليك أنا بأحاول اقنع نفسي بالموضوع ده لأني بصراحة على ان الالام مش جامدة بس مملة
والاكتر بواخة عملية التخديل في العضلات او الزغلله حتى وان كانت مش بطول اكتر من 1/2 ساعة ساعة

وشكرا يا دكتور

[م.احمد زكريا]

تحسنت الحالة شوية بس بدأت ترجع في صورة ثابتة وهي عدم الراحة في جزء من الجسم على حساب الجزء الثاني يعني مرة النصف اليمين ومره النصف الشمال وان كان الاغلب الشمال وممكن بدون الاعراض السابقة اشعر بنبض في عضلة من العضلات الى جانب تقلصات في الامعاء اخر طبيب مخ واعصاب بعد الكشف السريري طلب اني اجرب التجريتول 1/2 قرص لمدة اسبوعين ، اول جرعه منه عملتلي زي تيبس في الجسم وكنت تعبان منها جدا وبعدين عادي كاني ولا باخده ومستمر على العلاج والحالة بتروح وتيجي .... يعني كويس 5 ايام وتعبان يويمن وهكذا .. بس اليلة الفاتت ماعرفتش انام من كتر الالنبض في العضلات وقمت من النوم مرهق جدا
أرجوا الافاده براي حضراتكم؟