ألم في منطقة ضرس العقل السفلي شمال

[hanisosta]

من حوالي 3 أسابيع جالي ألم في منطقة ضرس العقل السفلي شمال و بعدين روحت لدكتور قالي الضرس متهالك و لازم يتخلع بس مش هاينفع دلوقتي عشان الالتهاب جامد
و ادني مضاد حيوي أسمة سيرفوفلوكس 500مجم و روحت بعدها بــ3أيام و أداني بنج عشان الخلع
و لكن بدء يخلع وجدت نفسي حاسس بكل حاجة و موجوع جدا جدا جدا قلتلة راح قايلي ازاي طب عموما هاديلك بنج تاني و حصل و سابني شوية وجة بدء يخلع لأقيتني بردو حاسس بألم شديد جدا الدكتور استغرب جدا لحالتي
و اداني بنج تاني للمرة التالتة و تقريبا قرر المرة دية انة يخلعى حتى و انا موجوع
و طبعا انا مقدرتش الآلم كان فوق الخيال و الوصف و فضل يلخلخ الضرس لكن انا زقيتة من كتر الآلم و هو توقف
و اداني أوجمنتين واحد جرام و ألفنترين و بروتوزول و بروفين 600 و كل دة مرتين فاليوم ولمدة 4 أيام.
المهم انا طبعا قعدت يومين بموت من كتر الآلم و بعدة الأربع ايام روحت لدكتور تاني كنت بتعاما معاة زمان
شاف الوضع و حكيتلة الحكاية فابدءنا بالبنج
و بردو حسيت جدا فاتوقف فورا و قالي خد مضاد حيوي تاني اسمة ديلااسين سي 300 لمدة 4 أيام و تعالي.
بعد 3 أيام الآلم بيزيد بشكل كبير كلمتة في التليفون و حكيتلة عن الالم قالي بص اخر حاجة هاعملها معاك
خد حقن يوناسين 1500 لمدة 3 مرات و معاهاة مسكن اسمة كتافاست
و انا الحقنة دية بجد أكتر حقن العالم ألما
المهم انا ارتحت على الحقن والمسكن دة بنسبة 60% و لما خلصو اداني
يونيكتان 375 قرصين كل 12 ساعة يعني 750مجم كل 12 ساعة
أنا بقى عايز افهم اية اللي بيحصل دة انا بجد تعبت جدا من كتر الالم والمضادات الحيوية و المسكنات و حاسس ان ضرسي مش هيتشال و هفضل كدة
أرجو الإفادة

[m_love4me]

السلام عليكم ورحمه الله وبركاته


الاخ الكريم ال بيحصل بكل بساطه
ان الدكتور لما انت روحت المره الاولى ,,,, وكتب لحضرتك مضاد حيوي لان كان ف التهاب
ودا طبيعى جدا

ولما روحت المره التانيه وادى حضرتك الانسيزيا وما اشتلغتلش ل 3 مرات
كان المفروض الدكتور يستنتج طبيعى انه الالتهاب لسه ما راحش
او انه فيه
اى
lesion
ف المنطقه دى
علشان كدا الانسيزيا ما اشتغلتش


و ال علمه الدكتور لتانى عين العقل لانه رفض يديك انسيزيا تانى
خوفا من ان ال lession

يحصله انتشار ف المكان وتبقى العدوه ف اكتر من حته

علشان كدا البنج ما كانش بيشتغل وكنت بتفضل حاسس بالالم



والله اعلم
انا لسه ف بكالريوس
تحياتى لك