مش عارف اعمل ايه

[hishamelshazly]

السلام عليكم و رحمة الله و بركاته أنا عندى مشكلة مش عارف أعمل فيها أيه أنا عندى بنتى كملت سنه و من حوالى شهر والدتها لاحظت بروز فى عظم الجمجمة ناحية الودن الشمال و اليمين و فى منتصف الرأس من قدام فوق الجبهة المهم هى إفتكرت إنه ده شئ عادى فأنا قلتلها لأ إحنا لازم نعرضها على دكتور و عرضناها على دكتور جراحة فقال طالما إنه البنت طبيعية يبقى ما فيش حاجة تخوف و طالما إنه البروز بنفس الحجم فده شئ ما يقلقش بس قالنا برضه علشان تتطمنوا إعملولى أشعه مقطعية على المخ اللى هى إسمها سى تى المهم إنه دكنور الأشعة قالنا الحمد لله ما فيش أى حاجة وحشة فى التقرير بس إحنا برضه عرضناها على دكتور أطفال فقالنا ده ممكن يكون نقص كالسيوم و طلب مننا نعمل تحليلين واحد كالسيوم و التانى serum alkaline phosphatase نتيجة التحليل الكالسيوم نسبته 8.9 و التحليل التانى 145 وديت التحليل لدكتور الأطفال قالى إنه اللى بيعمل كده فى راس البنت يا إما العظم بيتمدد يا إما حاجة فى المخ بس مخ البنت سليم فإحنا لازم نتابع مقاس الراس مرة كل شهر .
أنا دلوقتى خايف قوى عليها و مش عارف أعمل أيه يا ريت تدلونى و أنا لو كنت طولت عليكم .
و السلام عليكم و رحمة الله و بركاته

[د.أحمد السعيد]

بنتى كملت سنه و من حوالى شهر

بروز فى عظم الجمجمة ناحية الودن الشمال و اليمين و فى منتصف الرأس من قدام فوق الجبهة المهم

عرضناها على دكتور جراحة فقال طالما إنه البنت طبيعية

قالنا برضه علشان تتطمنوا إعملولى أشعه مقطعية على المخ

دكتور أطفال فقالنا ده ممكن يكون نقص كالسيوم و طلب مننا نعمل تحليلين واحد كالسيوم و التانى serum alkaline phosphatase نتيجة التحليل الكالسيوم نسبته 8.9 و التحليل التانى 145 وديت التحليل لدكتور الأطفال قالى إنه اللى بيعمل كده فى راس البنت يا إما العظم بيتمدد يا إما حاجة فى المخ بس مخ البنت سليم فإحنا لازم نتابع مقاس الراس مرة كل شهر .
أنا دلوقتى خايف قوى عليها و مش عارف أعمل أيه يا ريت تدلونى و أنا لو كنت طولت عليكم .
و السلام عليكم و رحمة الله و بركاته

الحمد لله رب العالمين

طالما بنت حضرتك طبيعية فلا داعى للقلق
محيط الرأس فى عمر سنه بيكون من 41-47 سم

أغلب البروزات فى الرأس بتكون نتيجة نقص الكالسيوم و نشاط انزيم serum alkaline phosphatase عن الحد الطبيعى

يا ريت تقولنا المعمل مطلع 145 و الطبيعى لغاية كام لان المعامل بتختلف عن بعضها
و نسبة الكالسيوم فى الغالب بتكون طبيعية فى الدم على حساب هشاشة العظم

و كم عدد الاسنان و الضروس اللى طلعت

و البروزات دى بتبقى طبيعية مع نقص الكالسيوم النسبى ( يعنى الموجود عند الطفل يدوب مكفى الاسنان ) و لا داعى للقلق اطلاقا


قوللى على اللى طلبته و قوللى هى بتاخد ادوية كالسيوم و فيتامين د ايه و الجرعات !!

[shaddadfalcon1]

ان شاء الله خير
فكرتني بابني الكبير لما اتولد كانت راسه عامله زي المانجايا
كانت رفيعه من جنب وعريضه قوي من جنب تاني وكان شكلها مخيف وكنت بتعقد كل مااشوفه وكنت خايف لايكون معاق ولا حاجه والكل بقي يقولي نايمه علي الجنب الكبير واهو دلوقتي مطلع عيني وعين اهلي من الشقاوه ومفيهوش اي حاجه مع ان النهارده اخدت بالي ان راسه لسه فيها نسبه اعوجاج برده

[hishamelshazly]

السلام عليكم و رحمة الله و بركاته أولا انا متشكر جدا على الرد على رسالتى و الإهتمام .
بالنسبة للكالسيوم النسبة 8.9 و المعدل الطبيعى من 8.8-10.8 أما تحليل serum alkaline phosphatase فالنسبة 145 و المعدل الطبيعى up to 460 .
أما الدوا اللى البنت بتاخده هو بيديكال و ماشية دلوقتى بمعدل 4سم فى اليوم .
هو الدكتور قالنا إنها تقعد فى الشمس كل يوم نص ساعه بس ما علهش أنا ليا سؤال هو ينفع إنه أنا أحطها فى الشمس بس مش مباشر يعنى بالنهار بس الشمس مش واصلة

[hishamelshazly]

نسيت أقولكم إنه البنت بالنسبة للأسنان مطلعه 8 و بالنسبة للوزن تقريبا 9 كيلو

[د.أحمد السعيد]

السلام عليكم و رحمة الله و بركاته أولا انا متشكر جدا على الرد على رسالتى و الإهتمام .
بالنسبة للكالسيوم النسبة 8.9 و المعدل الطبيعى من 8.8-10.8 أما تحليل serum alkaline phosphatase فالنسبة 145 و المعدل الطبيعى up to 460 .
أما الدوا اللى البنت بتاخده هو بيديكال و ماشية دلوقتى بمعدل 4سم فى اليوم .
هو الدكتور قالنا إنها تقعد فى الشمس كل يوم نص ساعه بس ما علهش أنا ليا سؤال هو ينفع إنه أنا أحطها فى الشمس بس مش مباشر يعنى بالنهار بس الشمس مش واصلة

نسيت أقولكم إنه البنت بالنسبة للأسنان مطلعه 8 و بالنسبة للوزن تقريبا 9 كيلو

لا تقلق اخى الحبيب فالامور طبيعية عند البنت و وزنها متوسط لعمرها
و الاسنان معقولة و هتلاقيها بتطلع فى الضروس حاليا ( اللثة متورمة و عريضة مكان الضروس)

و بيديكال كويس لحالة بنتك ( طفل بيطلع الاسنان فى موعدها ) و هو من ادوية الوقاية و ليس العلاج لان نسبة الكالسيوم فيه بسيطة و لكنه كويس بالنسبة للبنت

موضوع الشمس دا بقى حكاية

الهدف من الشمس هو التعرض المباشر للاشعة بدون حائل للاستفادة من الاشعة الفوق بنفسجية
و هى تقوم بامداد الجسم بفيتامين د ببلاش كده من ربنا سبحانه و تعالى

و وقت وجود الاشعة عندما تكون الشمس اقرب الى البياض ( يعنى قرب الشروق و قرب الغروب)

و الاوقع بعد العصر بساعة و شوية كده و الشمس صفراء
ومهم ان تلامس اشعة الشمس الجلد مباشرة و ليس الهدوم حتى
يعنى تشمر الهدوم بقدر المستطاع


و لا تقلق من موضوع الرأس هيتعدل مع الوقت باذن الله

[hishamelshazly]

جزاك الله كل خير و ربنا يجعل كل ده فى ميزان حسناتك