صدري بيحرقني

[SYD]

السلام عليكم ورحمة الله وبركاته
انا صدري بيحرقني من اقل حاجة اكلها وحتي لو مااكلتش لفترة بردو صدري بيحرقني
لو اكلت حاجة حلوة (بسبوسة او كيك ......الخ)
لو شربت عصير
لو كلت مسبك
لو كلت حاجة فيها مواد حافظة
كمان بعد الأكل مباشرة بيحصلي انتفاخ في بطني لدرجة اني بتخن جدا يعني انا الصبح لو مافطرتش ببقي رفيع وبعد الغدا ببقي تخين ومش قادر اتحرك

ارجو الافادة في مشكلتي

والله المستعان
،
،

[MohssenRashed]

متابع عشان بيحصلي كده بالظبط

[SYD]

متابع عشان بيحصلي كده بالظبط

طب جربت حضرتك تكشف او تسأل حد متخصص ؟؟؟؟

[ahmed2y]

وانا كمان ورحت لكذا دكتور ومكملتش فى العلاج وكان التشخيص ضعف فى عضلات المعدة بيخلى السوائل الى فى المعدة تطلع للمرىء وطبعا السوائل دى بتبقى حارقة مش بتاثر على المعدة لكنها بتاثر على المرىء لانة غير موءهل للتعامل معاها

المهم كان دكتور من الى روحتلهم كتبلى على دواء حبوب اسمة باريت او parit شريط فية سبع حبوب ب 40 جنية باخد حباية مفعولها بيفضل حوالى 3 او اربع ايام تمام وبعدين احس بالتعب تانى اخد تانى وطبعا دا غلط بس ان شاء الله ناوى اروح تانى لدكتور واتابع بنتظام لما نشوف اخرتها اية ا شاء الله

[SYD]

طب هل كل واحد فينا ليه تشخيص وعلاج مختلف عن التاني ولا دة د علي الكل وكلنا مشكلتنا واحدة وعلاجنا واحد ؟؟؟؟

[MohssenRashed]

طب جربت حضرتك تكشف او تسأل حد متخصص ؟؟؟؟

بصرحه مسألتش ولا روحت لدكاتره عشان بكره مشوار الدكتور ( مع احترامي لكل الدكاتره) انا اول ما باكول بطني بتتنفخ جدا و امساك جامد اوي .

[hossam165]

متابع باهتمام عندي نفس الاعراض
كنت روحت لدكتور قالي عندك قطع في الحجاب الحاجز فبيعملك ارتجاع في عصارة المعدة
كل قبل الاكل ب2 ساعة علي الاقل او نام علي مخدة عالية
وساعات اما اكون عارف ان الاكل الي هاكله هحرق صدري باخد كابسول اسمه pepzol
بصراحة بيرايحني جامد بالنسبة لموضوع الانتفاخ والتقلصات بعد الاكل باخد برشام اسمه اسمه كولوسبازمين بس بقلل منه علي قد مقدر لان من اثاره الجانبية الاكتئاب لو قعدتت مدة طويلة تاخده بانتظام
وعلي طول الاتنين دول عندي في البيت او العربية او الشغل