اتعرضت لموقف وخايف جدا

[M.Mostafa80]

والدتى مصابه بالسكر والكبد ومن ضمن اصابه الكبد فيروس سى المهم كنت بغيرلها امبول الأنسولين فى قلم السكر فا من غير ماخد بالى الأبره دخلت فى صباعى وهى كانت مستخدماها فهل كدا الفيروس ممكن ينتقل لى ولا عشان ابرة الأنسولين ما بتوصلش للدم فا احتمال نقل العدوى ضعيف
ياريت تشورو عليا اعمل ايه وهل فى حاجه ممكن الحق نفسى بيها من دلوقتى كاوقايه الموضوع لسه حاصل من ساعتين

[medododo]

لو الحقنة متسابة في درجة حرارة الغرفة في مدة تزيد عن ساعة اسمع ان فيرس سي بيموت لأنه ضعيف في الهواء
علي العموم مش هنفتي
اعمل تحليل وربك هو الستار وان شاء الله مفيش حاجة

[medododo]

اهم حاجة متحسش الحاجة والدتك بحاجة لأنهم بيكونوا حساسين جدا وربنا يشفهالك يارب

[Dr_ahmedrady]

ا ش ا بسيطة و متقلقش
من رحمة ربنا بينا ان فيروس سى الاكثر انتشارا بين الناس هو الاضعف من حيث المخاطر و قدرته على العدوى
انا مبقولش ان هو سهل و بسيط ولكن اقل حدة من فيروس بى

اولا :
الفيروس ضعيف و مبيقدرش يعيش كتير برة جسم الانسان
ثانيا :
من خلال اللى عرفته ف المهنة و سمعته ان مجرد الاحتكاك البسيط او الشك او مثلا استخدام الفوط و المشط والكلام ده ملهوش خطر جامد
برغم ان الكتب قايلة انه بينقل
ده فى بعض الدكاترة بيقولو ان عشان يعدى عن طريق الدم لازم تكون كمية تزيد عن النقطة و تركيز الفيروس فيها عالى

شكة ابرة الانسولين ف الجلد و ما تحته من دهون بس
و شكتك انت برضه ف الجلد و ما تحته من دهون او حتى اخترقت القليل من الاوعية الدموية
لم يحدث انتقال صريح للدم

انا لا انفى العدوى لكن بحاول اوضحلك الصورة و اطمنك

و على اسوأ تقدير اعمل بى سى ار تقريبا 350 جنيه
و ا ش ا مش هيطلع فيه حاجة

فى حركة خبيثة كنت بعملها زمان
كنت بروح اتبرع بالدم ف الجامعة
وهناك هما بيعملو تحليل للدم قبل ما يتم استخدامه و بياخدو نمرتك و بطاقتك عشان لو اكتشفو اى حاجة بيتصلو بيك
بس للاسف طلعو بيستخدمو حاجة اسمها الاليزا مش ال بى سى ار
وده هيكشف الفيروس بس بشروط مرور اكتر من 6 شهور عالاصابة عشان يكون الجسم كون اجسام مضادة

و ممكن تشيل الموضوع من دماغك خالص و سيسبها على الله

[khaled_yassin]

روح حلل حالا ولازم تطمنا

[د.اشرف هنداوى]

حلل اجسام مضادة للفيروس ج بعد شهر تقريبا

و ان شاء الله تعالي ما يكونش فيه حاجه

احنا بنتشك كتير و بعد ستر ربنا فعلا الفيروس ضعيف

[Egyzizo]

فرصة الإصابة بفيروس سى من شكة ابرة هى 0.5% فقط ..
يعنى بكلام آخر علشان أقول ان فلان فرصته قوية ان يكون اتصاب بالفيروس من شكة ابرة ، فهو محتاج يتشك 200 مرة.

تانى نقطة ان خطر النقل عن طريق ابرة ملوثة بيعتمد على عدة عوامل مش متوفرة فى حالتك ، منها ان فرصة العدوى بتزيد كلما زاد اتساع الابرة (ابرة الانسولين ضيقة جداً) ، وبتزيد كمان لما الابرة تكون ملوثة بدم ظاهر مرئى بالعين المجردة (غير متوفر فى ابرة الانسولين) ، وكمان بتزيد لما الابرة تبقى كانت فى وريد أو شريان عميق فى المريض (برضه مش متوفر فى ابرة الانسولين لأنها بتستخدم تحت الجلد فقط ولا بتحصل وريد ولا شريان)

بناء عليه ، أنا لو مكانك، مش هاعمل حاجة.

[samoevil911]

فرصة الإصابة بفيروس سى من شكة ابرة هى 0.5% فقط ..
يعنى بكلام آخر علشان أقول ان فلان فرصته قوية ان يكون اتصاب بالفيروس من شكة ابرة ، فهو محتاج يتشك 200 مرة.

تانى نقطة ان خطر النقل عن طريق ابرة ملوثة بيعتمد على عدة عوامل مش متوفرة فى حالتك ، منها ان فرصة العدوى بتزيد كلما زاد اتساع الابرة (ابرة الانسولين ضيقة جداً) ، وبتزيد كمان لما الابرة تكون ملوثة بدم ظاهر مرئى بالعين المجردة (غير متوفر فى ابرة الانسولين) ، وكمان بتزيد لما الابرة تبقى كانت فى وريد أو شريان عميق فى المريض (برضه مش متوفر فى ابرة الانسولين لأنها بتستخدم تحت الجلد فقط ولا بتحصل وريد ولا شريان)

بناء عليه ، أنا لو مكانك، مش هاعمل حاجة.

+!


وإن شاء الله خير وربنا يشفي الست الوالدة

[dr.hazem]

اخي العزيز لا داعي للذعر
كأطباء بنتعرض للشكشكه سواءا في غرفة العمليات او غيره
نعلم يقينا انه من بين كل الوخزات التي نتعرض لها 3 % منها فقط ممكن انه يصيب بعدوى امراض فيروسيه

توكل على الله وباذن الله مفيش مشكله ومتوسوسش

سلامة الوالده الف سلامه

تحياتي

[Egyzizo]

بس خللوا بالكم ان كل الكلام هنا عن فيروس سى فقط ..
الحال مختلف فى فيروس بى ، وفرص انتقاله عن طريق شكة ابرة أعلى بكتير منها فى فيروس سى (40% فى احدى الدراسات).

علشان كده يا ريت كل المعرضين لشك الإبر أو المخالطين لمرضى فيروس بى ياخدوا التطعيم بتاعه واللى بيقى من الإصابة فى حال التعرض للفيروس.

[aboomar22]

يتم الكشف عن الاجسام المضادة لفيروس سى بعد مرور شهرين وهى فترة حضانى الفيروس هو الطبيعى انك تطمن على نفسك وتعمل اختبار لفيرس بى وسى وهما تكلفتهم فى المعامل الكبيرة سى 70/ 90 وبى 50 /70 وحضرتك مش محتاج ال pcr هو قد يكون مناسب للوالدة لمتابعة نشاط الفيروس وهو تكلفته 450 الكمى و400 النوعى لو حضرتك احتجت اى تحاليل لحضرتك او الست الوالدة ابعتلى على الخاص وهبعتك مكان محترم وباسعار خاصة جدا

[M.Mostafa80]

اشكركم كلكم وبشده لأنكم دعيتو لوالدتى بالشفاء و طمنتونى على نفسى
وبالنسبه لموضوع ان والدتى تحس بحاجه دا محصلش نهائى ولا كأن فى حاجه حصلت اساسا
وانا بصراحه بميل لرأى الدكاتره فى موضوع ابره الأنسولين انها مش اهل لأنها تنقل الفيروس وخاصتا انها مابتوصلش للدم
وبيتهيئلى التحليل حاليا مش هيفيد فى حاجه لن كلام الخوه هنا بيقول ان عشان يظهر يبقى بعد على الأقل شهرين من والوخزه وهى لسه حاصله امبارح يعنى التليل مش هيبين حاجه ولا انتم ايه رأيكم

[Dr.M.Mowafy]

بص يا سيدي
الاول ربنا يشفي ولدتك يارب وكل مريض يااارب امين
بالنسبه للفيروس الفيروس بيبقي في الدم وفي الافرازات السائله يعني سائل منوي مخاط حاجات من دي ودي بتبقي نسبتها بتاع 4 في الميه لكن الاكبر في الدم
بالنسبه للتحليل في نوعين من التحليل يا بتحلل بي سي ار وده تقريبا ب 700 لو ليك نقابه بتبقي 450 تقريبا وده تقدر تحلل من اسبوع بعد الشكه دي الي ان شاء الله مفيش حاجه
وفي نوع تاني الي هو الانتي بودي ده بتحتاج تحلل بعد من شهرين ل 6 علشان تطمن علي نفسك وده انصحك بيه علشان بس الوسواس يروح منك حاكم عارف ان الموضوع ده ممل جدا وبيقلق وخلاص
نصيحتي ليك : انك تكبر من الموضوع لحد ما يعدي الاربع شهور وتعمل تحليل هقولك ليه مش مجرد كلام وخلاص لا ده علشان القلق هيقلل مناعتك فلو كان فيه فيروس دخل ولا حاجه فجسمك هيقتله ويتخلص منه لكن القلق هيقلل مناعتك دي وهيخلي الفيروس يتغلب وينتشر وكده ده لو كان فيه اساسا
وللعلم علشان الفيروس ينتقلك لازم كميه من الدم تتنقلك وفيها الفيروس
وللعلم كمان الفيروس بيخش الجسم والجسم بيتخلص منه لانه ضعيف وبيبقي كميه بسيطه جدا
كمان لما تدي لوالدتك الحقنه البس جلافز في اديك وانت بتديها الحقنه
ومتقلقشي مفيش حاجه بنتعرض للمواقف دي كتيرررررررررررررر جدا وبفضل الله ورعايته مبيحصلشي حاجه
والفس لامه علي الحاجه الوالده وربنا يشفيها يااارب ويخفف عنها ان شاء الله ويخلهالك يااارب امين

[Dr.Rayyan]

خير ان شاء الله
اعمل التحليل بعد 9 اسابيع تقريبا عشان بس العامل النفسى متعب للغايه كلنا بنفضل مربيين جوانا رعب من حاجه زى دى وبعدين مش بنطمن غير بالتحاليل فتوكل على الله واعملها بس لحد ما تعملها سيبها على الله وما تفكرش كتير لان اللى رايده ربنا هيكون

[M.Mostafa80]

بص يا سيدي
الاول ربنا يشفي ولدتك يارب وكل مريض يااارب امين
بالنسبه للفيروس الفيروس بيبقي في الدم وفي الافرازات السائله يعني سائل منوي مخاط حاجات من دي ودي بتبقي نسبتها بتاع 4 في الميه لكن الاكبر في الدم
بالنسبه للتحليل في نوعين من التحليل يا بتحلل بي سي ار وده تقريبا ب 700 لو ليك نقابه بتبقي 450 تقريبا وده تقدر تحلل من اسبوع بعد الشكه دي الي ان شاء الله مفيش حاجه
وفي نوع تاني الي هو الانتي بودي ده بتحتاج تحلل بعد من شهرين ل 6 علشان تطمن علي نفسك وده انصحك بيه علشان بس الوسواس يروح منك حاكم عارف ان الموضوع ده ممل جدا وبيقلق وخلاص
نصيحتي ليك : انك تكبر من الموضوع لحد ما يعدي الاربع شهور وتعمل تحليل هقولك ليه مش مجرد كلام وخلاص لا ده علشان القلق هيقلل مناعتك فلو كان فيه فيروس دخل ولا حاجه فجسمك هيقتله ويتخلص منه لكن القلق هيقلل مناعتك دي وهيخلي الفيروس يتغلب وينتشر وكده ده لو كان فيه اساسا
وللعلم علشان الفيروس ينتقلك لازم كميه من الدم تتنقلك وفيها الفيروس
وللعلم كمان الفيروس بيخش الجسم والجسم بيتخلص منه لانه ضعيف وبيبقي كميه بسيطه جدا
كمان لما تدي لوالدتك الحقنه البس جلافز في اديك وانت بتديها الحقنه
ومتقلقشي مفيش حاجه بنتعرض للمواقف دي كتيرررررررررررررر جدا وبفضل الله ورعايته مبيحصلشي حاجه
والفس لامه علي الحاجه الوالده وربنا يشفيها يااارب ويخفف عنها ان شاء الله ويخلهالك يااارب امين

أمين يارب ويشفيها ومتقلقش غير قلقان بالمره بعد ما هديت من الموقف ولأنى مؤمن بأن اللى مكتوبلى هو اللى هشوفه وتقريبا الموضوع شيلته من دماغى خالص

خير ان شاء الله
اعمل التحليل بعد 9 اسابيع تقريبا عشان بس العامل النفسى متعب للغايه كلنا بنفضل مربيين جوانا رعب من حاجه زى دى وبعدين مش بنطمن غير بالتحاليل فتوكل على الله واعملها بس لحد ما تعملها سيبها على الله وما تفكرش كتير لان اللى رايده ربنا هيكون

سايبها على الله على لأخر والموضوع بقى مش شغالى بال خليها على الله