دكاترة الاسنان

[ehab]

بالنسبة لحشة الضروس الحشو العادي هل سعره ممكن يوصل 180 جنيه بحجة انه
70 % فضة و المستخدم pre set او حاجة ready كدا بيتحط في حاجة زي جهاز الترسيب او اشبه انه بيخلط المادة دي و بعد كدا يتحشي بيها ؟

انا الي اعرفه ان متوسط الاسعار دي بين 50و 75

الحاجة التانية اسعار الطربوش
الاسعار الي الدكتور قالها كالتالي
المعدن صب ب 400
المعدن و وش بورسلين 600
بورسلين برا و جوا 1200

الي اعرفه من اصحابي عاملين بورسلين بين 350 و 500

لو سمحتم هل الاسعار دي مبالغ فيها و لا انا بيتهيألي
و لو في كريقة اعرف افرق بيها نوع الحشو الي انا ركبته قبل كدا كان الدكتور كدا بيجيب ماكنة من الدولاب بتاعة و فيها زي مسدس صغير كدا بيحط الحشو جوا الضرس و وقتها قال ان دا فضه 70 % و كدا برضه ؟ ملحوظة الاتنين غير بعض

[ehab]

انا كنت مركب قبل كدا طربوس فاكر انه من جوا لونه اسود و من بره بورسلين هل دا كدا النوع الي كله بورسلين و لا الي جواه معدن ؟

[ashouhdy]

كتييير جدا الصراحة :)))

البورسلين المتداول هو اللى بيكون جوة معدنى ومتغطى كلة من برة بورسلين بلون السننة ...

فى حاجات اعلى بس ماعتقدش هو يقصدها ذى ال e-max ودة بيكون نوع بورسلين من برة وجوة وسعرة ممكن يوصل ل 1000جنية وفى ال زيركونيوم بيكون نوع بورسلين برضة من برة وجوة ويوصل لألف


لكن طالما قالك معدن بوش بورسلين وبورسلين كامل يبقى يقصد البورسلين العادى اللى جوة معدن ومتغطى ببورسلين


الاسعار دى انا شايفها كتير اوى وفى دكاترة تانية ممكن تشوفها مناسبة ليها حسب بقى المكان والتجهيزات ....الخ الخ

[ehab]

شكرا جدا لحضرتك يا دكتور
بالنسبة للحشو العادي هل بيوصل 180 جنيه

النسبة لحشة الضروس الحشو العادي هل سعره ممكن يوصل 180 جنيه بحجة انه
70 % فضة و المستخدم pre set او حاجة ready كدا بيتحط في حاجة زي جهاز الترسيب او اشبه انه بيخلط المادة دي و بعد كدا يتحشي بيها ؟

انا الي اعرفه ان متوسط الاسعار دي بين 50و 75

[ashouhdy]

لأ دة كلام مش تمام الحجة غلط هو غالى بقى دى حاجة ترجعلة

[mero100]

لأ دة كلام مش تمام الحجة غلط هو غالى بقى دى حاجة ترجعلة

عذرا علي المداخله مع الاعتذار للجميع
دي اول مره اشارك في المنتدي الاجتماعي
بإختصار :
بنتي 2 سنه و 6 شهور .....عندها تسوس ( تأااكل في الاسنان ) في 8 اسنان .....المهم صديق ليا طبيب اسنان قاللي انه لازم اوديها لطبيب اسنان متخصص في اسنان الاطفال ....المهم حولني لعياده طبيب مشهور في المجال دة .... و المساعد بتاعه كشف علي البنت .... قاللي ان البنت مش حتستجيب للشغل بتاع السنان .... و هوة عاوز يعمل حشو وكراونات ....المهم .... قاللي حنعمل عمليه ببنج كلي في مستشفي كليه طب الاسنان الجديده بالقصر العيني الموجودة في المنيل .....و حتتكلف في حدود 5000 جنيه او 5500

انا مش بنام يا جماعه من خوفي علي بنتي وقلقي ععليهاا من البنج الكلي و من العمليه دي .... و من ناحيه تاانيه قاللي الدكتور دة ان التأخير ممكن يؤدي لوقوع الاسنان بعد احساس البنت بألام فظيعه .......انا مخي مشلول مش عارف أتخذ قرار .....
ياريت لو فيه طبيب هنا متخصص في المجال دة يفيدني بمعلومات لان حياتي بقت كئيبه
اشكركم

[lad]

العيادة دى فين بيبقى فيه تفاوت فى السعار كبير اوى من مكان لمكان

[lad]

بالنسبه للبنج الكلى لو البنت مافيش عندها مشكلة صحية لا قدر الله اتوكل على الله و البنج الكلى عادى خصوصا انها فى مستشفى والشفاء من عند الله اولا و اخيرا

[shaddadfalcon1]

عذرا علي المداخله مع الاعتذار للجميع
دي اول مره اشارك في المنتدي الاجتماعي
بإختصار :
بنتي 2 سنه و 6 شهور .....عندها تسوس ( تأااكل في الاسنان ) في 8 اسنان .....المهم صديق ليا طبيب اسنان قاللي انه لازم اوديها لطبيب اسنان متخصص في اسنان الاطفال ....المهم حولني لعياده طبيب مشهور في المجال دة .... و المساعد بتاعه كشف علي البنت .... قاللي ان البنت مش حتستجيب للشغل بتاع السنان .... و هوة عاوز يعمل حشو وكراونات ....المهم .... قاللي حنعمل عمليه ببنج كلي في مستشفي كليه طب الاسنان الجديده بالقصر العيني الموجودة في المنيل .....و حتتكلف في حدود 5000 جنيه او 5500

انا مش بنام يا جماعه من خوفي علي بنتي وقلقي ععليهاا من البنج الكلي و من العمليه دي .... و من ناحيه تاانيه قاللي الدكتور دة ان التأخير ممكن يؤدي لوقوع الاسنان بعد احساس البنت بألام فظيعه .......انا مخي مشلول مش عارف أتخذ قرار .....
ياريت لو فيه طبيب هنا متخصص في المجال دة يفيدني بمعلومات لان حياتي بقت كئيبه
اشكركم

اهلا وسهلا برفيق الدرب
احب اعرفك بمحمد ابني 3 سنين ونص وعنده 5 ضروس بايظين وسنه مسوسه ودخت دوختك دي لحد مازميله ليا في الشغل دلتني علي مركز الزرقاني وده متخصص اسنان بس وفيه اطفال وفوق الممتاز

رحت اول مره شافت سنانه لقت ضرسين بايظين تماما ومحتاجين حشو عصب و3 ضروس حشو عادي ودفعت كشف 50 جنيه وكل اللي عملته انها بصت شافت فيها ايه والشغل الي هيتعمل ايه وخلت ابني قعد علي الكرسي وفضلت تلعب معاه شويه عشان يتعود علي قعدة الكرسي وانها تحط الشنيور في بقة وكده وبعد كده رحت مره تانيه عملت حشو لضرس عادي وده الضرس ب 100 جنيه

اصعب مره كانت يوم السبت لانه كان بدأ يعاني من ضروسه (انا كنت بجيله بروفين شرب وده مسكن لما كان بياخده كان بيرتاح طول النهار ومش بيشتكي منه خالص)
المره دي بقي كان لازم تشتغل في الضرسين دوول وكان الحمد لله في ناحيه واحده وواحد فوق والتاني تحت وطبعا الواد قلق وعيط والدكتوره طلبت مننا نطلع بره وادولو حقنة بنج في بقه طبعا بصريخ وعياط وبعدين دخلت هديته شويه وخلصت الضرسين والحمد لله وقالت ان الضرس اللي تحت هيتعمله طربوش واللي فوق كان عامل خراج فاحتمال ميستجبش للعلاش ولو حصل يبقي المره الجايه اللي هي بكره هيتفتح تاني ولو مستجبش هيتخلع ويتركب حافظ مسافه وبكده يبقي فاضل ضرسين حشو عادي

الدكتوره رفضت تعمله بنج كلي وقالتلي ده اسهل حاجه عندي بس انا افضل انه يبقي صاحي قدامي
بفرض ان ال 8 ضروس اللي عند بنتك بايظين خالص يبقي الموضوع هيتكلف 50 كشف و 200*8 يعني 1650 جنيه والناس بجد محترفه والدكتوره شابه وزي العسل وهي تخصصها اطفال يعني مهما عملت العيل بيطلع مبسوط وبيضحك وابني نفسه مش خايف وعايز يروح تاني

المركز ده بقي عشان تروحه لو انت جي من زاكر حسين وداخل علي الطيرات هتعدي مصطفي النحاس وتعدي شارع النصر هتلاقي الشارع اللي علي قمته كنتاكي هتدخل يمين وتمشي هتلاقي علي شمالك مستشفي النصر تعديها لحد ماتلاقي مكتبه اسمها الأعلام المركز فوقيها علي طول

نمرتهم اهي لو عايز تكلمهم وبجد حلوين جدا ولو احتجت حاجه كلمني عشان كنت في نفس موقفك وحاسس بيك 22601448

[ehab]

العيادة دى فين بيبقى فيه تفاوت فى السعار كبير اوى من مكان لمكان

العيادة دي في الظاهر (محطة مترو غمرة)

[shaddadfalcon1]

بالنسبه لصاحب الموضوع لأسعار غاليه قوي
الحشو العادي انا عامله ب50 وكشف 20 يعني 70 كله وده مفيهوش طرابيش
حشو العصب كلفني حوالي 180 او 160 تقريبا وكان في رمضان اللي فات واخدت 6 جلسات عشان كان في التهابات
سعر الطرابيش عنده كان اللي نص ونص ب 150 والبورسلين من بره وجوه ب 400 او 450 تقريبا

[ehab]

بالنسبه لصاحب الموضوع لأسعار غاليه قوي
الحشو العادي انا عامله ب50 وكشف 20 يعني 70 كله وده مفيهوش طرابيش
حشو العصب كلفني حوالي 180 او 160 تقريبا وكان في رمضان اللي فات واخدت 6 جلسات عشان كان في التهابات
سعر الطرابيش عنده كان اللي نص ونص ب 150 والبورسلين من بره وجوه ب 400 او 450 تقريبا

شكرا جدا لرد حضرتك

[ehab]

بالنسبه لصاحب الموضوع لأسعار غاليه قوي
الحشو العادي انا عامله ب50 وكشف 20 يعني 70 كله وده مفيهوش طرابيش
حشو العصب كلفني حوالي 180 او 160 تقريبا وكان في رمضان اللي فات واخدت 6 جلسات عشان كان في التهابات
سعر الطرابيش عنده كان اللي نص ونص ب 150 والبورسلين من بره وجوه ب 400 او 450 تقريبا

الاسعار دي في نفس المركز الي حضرتك قولت عنه ؟

[shaddadfalcon1]

الاسعار دي في نفس المركز الي حضرتك قولت عنه ؟

لا المركز ده هيبقي اغلي بس مش بكتيير علي ماااعتقد
ممكن احاول اسألك النهارده

[ehab]

لا المركز ده هيبقي اغلي بس مش بكتيير علي ماااعتقد
ممكن احاول اسألك النهارده

اكون شاكر جدا لحضرتك