سؤال عن عملية الأستره

[HeMa_LanCeR]

والدي مطلوب منه يعمل استره
فكنت محتاج اعرف احسن الأماكن ايه (خاصة النظافة)
وياريت متوسط الأسعار ايه ؟

[Eng_hatemfathy]

قسطرة القلب ممتازة فى معهد القلب ومعهد ناصر وطبعا دار الفؤاد مع تحفظى على اسعارها وعلى مالكها
الاسعار حسب والد حضرتك خاص ولا جواب مجالس طبيه ولا تأمين صحى ومكان عملها
وربنا يشفيه ويعافيه يا رب-لا بأٍ طهور ان شاء الله

[medododo]

بالشفاء إن شاء الله
ياريت تراجع اللينك ده

https://www.facebook.com/#!/permalink.php?story_fbid=283940434987529&id=132148633500044

[HeMa_LanCeR]

هيعملها علي نفقتة الخاصة
فعلشان كده كنت عايز اعرف سعرها تقريبا

الله يسلمك :)

[Eng_hatemfathy]

على ما اذكر من 15 ل 22 وممكن تسأل فى معهد ناصر وهل هناك قوائم انتظار ولا لأ واسأل برده الدعامة بكام لئن ممكن بعد الشر يكون محتاج فتتعمل فى ساعتها وربنا يعافيه

[aboomar22]

الاسعار هتتوقف على ان قسطره فقط للاستكشاف او قسطرة وتركيب دعامة وهناك نوعان من الدعامة الاولى العادية هى عبارة عن انبوبه صغير لتوسيع الشريان او الدعامة الذكية وهى انبوبة يتغبر قطرها بتغير تدفق الدم من خلالها فى الشريان سعر الدعامة العادية من 5 -6 الاف الدعامة الذكية حوالى 35 الف مش متاكد الاسعار بقت كام دلوقتى ارشح لحضرتك وحدة شريف مختار بالقصر العينى او مستشفى البرج وعى فى المهندسين برج الاطباء 55 شارع عبد المنعم رياض وفيها اكبر طبيبين قلب د عادل امام ود جلال السعيد او مستشفى المعادى العسكرى وهى بتقبل مدنين وندعوا الله جميعا بالسلامة للسيد الوالد وان يمن الله عليه بالصحة والعافيه

[mado83]

امبارح خالتى ربنا يشفيها عملتها فى ابن سينا
ب1800ج
بس كانت كاشفه عند الدكتور فى عيادته وهو اللى اتفق معاها على السعر ده بس فعلا زى ماالاعضاء بيقولو ممكن يخرجلك يقولك محتاجه دعامه وبيعملها بالمره
لكن خالتى ربنا يشفيها قالها لازم قلب مفتوح بعيد عن السامعين
فأخدنا السيدى بتاع القسطره وانشالله نروح النهارده لدكتور عادل امام فى الدقى يبص عليه ويقولنا نعمل ايه
وعنوانه62ش سليمان جوهر -الدقى بجوار بن شاهين
ت-37609625
ربنا يشفى مرضانا ومرضى المسلمين