عندي مشكلة في المعدة أرجو المساعدة

[inspiron]

السلام عليكم..

- عندي مشكلة تعباني جداً لأكثر من عامين..المشكلة تتلخص في الآتي :-

- لما بشرب ميه بعد الأكل أو أثناء الأكل..بجيلي شعور بالغثيان وألم شديد جداً في المعدة .. والنوبة دي بتستمر لمدة دقيقة تقريباً وبتروح..لكن لو شربت علي معده فاضية مفيش مشكلة..

- وعندي مشكلة إرتجاع المرئ وباخد أدويه ليها..لكن مشكلة الميه دي هي اللي تعباني جدا جدا.قربت أكره الميه بسببها.

أرجو المساعدة عشان أنا تعبان بسبب الموضوع ده

[aboomar22]

الف سلامة ربنا يشفيك يارب اعمل زيارة للدكتور احمد محمد عبد السميع اول شارع التحرير العمارة اللى بعد مقار امام محطة مترو البحوث راجل ممتاز جدا وان شاء الله ترتاح معاه

[م.محمد علاء]

أول حاجه ربنا يشفيك..
تاني حاجه أخوك عنده حاجه شبيهه..بس أنيل.
انا لما باكل..شعور بالغثيان و سعال عنيف ممكن أرجع فيها..
وصلت لدرجة إني في سنه من السنين في رمضان..مكنتش عايز افطر..كل مفطر أكح و أرجع..
كانت حاجه تقرف..
بعد جوله عند الأطباء..و عمل مناظير..
إتضح إني عندي فتق في الحجاب الحاجز..و شووية حاجات كده.
العلاج عمره مبيقضي على الحاله..هو بيخففها مع عادات غذائيه جديده..
و ممكن قرحه في المعده تعمل كده بردو..المنظار هو اللي هيكتشف كل ده..
مع العلم إن الدكاتره اللي كشفوا عليا كتبوا أدويه في الإتجاه الخاطىء.لحد متعمل المنظار..

[sfgtrehk]

عليك وعالمنظار
او على د.حراز العطار عدل بباب الخلق ورا مديرية امن القاهرة

وشفاك المولى تعالى

[lanos2004]

ربنا يشفيك
زمان كان عندى ارتجاع واختفى لوحدة مع الزمن من غير ما اتعالج
الشعور بالغثيان دة تقريبا بيكون مع انواع اكل معينه مش كل الانواع اكيد لان دة كان عندى ايضا واختفى لوحدة
بس انا غير مدخن

[aboomar22]

علشان الكلام اللى الاخوة تفضلوا بيه انا رشحت لك الدكتور احمد عبد السميع لانه استاذ مناظير الجهاز الهضمى