استفسار من أطباء القلب: عن ارتجاع الصمام الثلاثي

[أبو_يوسف]

السلام عليكم..
الاستفسار عن بنت عمرها 9 سنوات تشتكي أحيانا على فترات من تسارع نبضات القلب والم في الصدر
ونتيجة التحاليل
الهيموجلوبين 11.7
ورسم القلب النبض 100bpm
والايكو
ارتجاع في الصمام الثلاثي حسب كلام الدكتور بسيط وعادي جدا
التقرير مكتوب فيه
Mild TٌR RVSP=22 mm H.G

هل ممكن يكون الارتجاع دا هو سبب الخفقان او سرعة النبض؟
وهل بيحتاج علاج او متابعة معينة؟
وايه تاني ممكن يكون سبب تسارع النبض؟ هل ممكن الغدة الدرقية تكون سبب في الموضوع دا؟
وازاي اتأكد ان مفيش حمى روماتيزمية؟

[أبو_يوسف]

هل من مجيب؟

[د.هشام]

بالنسبة للإيكو أو الموجات الصوتية، الارتجاع البسيط للصمام الثلاثي طبيعي، وليس له أي علاقة بتسارع نبضات القلب
بالنسبة لتسارع نبضات القلب دا موضوع كبير جدا، واسبابه، وصوره متعددة (دا لو فيه أصلا تسارع).
مبدئيا كويس ان الموجات الصوتية طبيعية.
علشان نختصر الموضوع هل تم عمل رسم قلب اثناء تسارع ضربات القلب؟