ياترى اية سبب الانهيار ؟؟؟؟

[rockana9112007]

اخوانى الاعزاء

هدخل فى الموضوع علطوول

انا شاب عندى 30 سنة وزنى 90 كيلو وطولى 173 سم

من شهر تقريبا وانا بلعب جيم .............كمال اجسام وبجرى كمان

انا عاوز اظبط جسمى وكمان اخس وانزل الكرش

المهم انى حسيت بتقدم فى خلال الشهر دة وبقيت بجرى 40 دقيقة متواصل على التريد ميل مرتين فى الاسبوع

وبرضة بقيت اشيل اوزان اكتر فى الحديد

المهم انى المرة اللى فاتت من حوالى 5-6 ايام وكمان النهاردة لما رحت الجيم حاسس انى مش قادر ...مهنج خالص وبحس بدوخة خفيفة لما باجى اشتغل على اى جهاز ..وبحس ان ضربات قلبى اسرع

والنهاردة لما حبيت اجرى على التريد ميل مكملتش دقيقتين وحسيت انى هيغمى عليا وبنهج جامد
وقعدت يجى ربع ساعة متمدد على الارض لحد مافوقت


المدرب بيقولى اهتم بأكلك والتغذية مش مناسبة لحجم المجهود وكمان نصحنى اخذ فيتامين ب 12

وفعلا اخذت شريط وشغال فى التانى بواقع حبايتين يوميااا


بالنسبة للاكل
فأنا بفطر فى الشغل والمتاح هناك فووول وبيض مسلوق وبتنجان

بالنسبة للغدا وبرضة ببقى لسة فى الشغل ..المتاح الكشرى وبصراحة مبطيقوش عشان بيجيب للواحد حموضة واعتقد انة مش نضيف للدرجة ...فبصراحة بطلت اكلة

ولما بدأت اروح الجيم ...بقيت فى الغدا يااما مكلش خالص يااما اكل سندوتش بيض مسلوق وبس
عشان لما اروح التمرين وكدة

وبصراحة بعد مابدأت جيم مبقاش ليا نفس اكل زى الاول

وجبت كيس بلح وحطيتة فى المكتب عشان لو جعت ومش عاوز اكل باخد بلحتين تلاتة وخلاص


نيجى للعشا ....بصراحة هيا دى الوجبة الوحيدة اللى باكلها فى البيت بعد مااروح ودى السبب الرئيسى فى ظهور الكرش لانى كنت لما بروح الواحد كان بيدبها وينام


وطبعا العشا عبارة عن مالذ وطاب من اكل ساخن يعنى وجبة مطبوخة ودسمة

بس دلوقتى مبقتش بنام بعد الاكل مباشرة




معلش طولت عليكم ....بس اية سبب احساسى بالدوخة وتسارع دقات القلب فى الجيم وعدم القدرة على بذل مجهود .....هل فعلااا سوء تغذية

طيب هل تنصحونى بفيتامينات معينة او مكملات غذائية


وشكرااا جزيلااا مقدماااا

[buddha]

اولا ..... ازاى تتمرن وانت جعان
انت بتعمل مجهود طول فترة التمرين فلازم تكون اكل قبليها على الاقل بساعة
طبعا الدوخة دى طبيعية جدا بيحصلك زى هبوط

وبعدين التمرين فى الاصل عبارة عن (مجهود واكل وراحة)

[rockana9112007]

بس حضرتك انا لو كلت بحس انى تقيل وعاوز اجيب اللى فى بطنى خصوصااا بعد تمارين البطن

[matrix_it]

اولا شهر مش مقياس ابدا !! بقالى 5 شهور بلعب بس ممكن فى مرة اقلل الوزن و المجهود عشان بحس بتعب
اهتم بالاكل كويس جداا الكابتن كان بيقولى خلى معاك علبة تونا و جيب سندوتشات فول بالبيض لو انا برة البيت
افتر بيهم لو فى تدريب فى اليوم دة ! انت كمان ممكن تزود عليهم شرب اللبن انت كدة وجبة الفطار كاملة
بصراحة انا مش بفطر خاااالص ! بروح الجيم بليل برده بحس بتعب مع انى متغدى كويس

[buddha]

اهتم بالاكل كويس وخصوصا طبق السلطة والفواكهة بعد الاكل عشان تحافظ على نسبة الاملاح فى جسمك
عشان العرق بتاع التمرين بيخليك تفقد نسبة كبيرة منها وبالتالى لو مكنش فى تعويض بيحصل زى دروب للخلايا وديما يحصل ظاهرة الشد العضلى

يبقى هتاكل قبل التمرين بفترة انتا تحسبها ال هى تتماشى مع طبيعة جسم يعنى جرب تاكل قبل التمرين بساعتين وشوف فى التمرين هل مازال الاحساس بالترجيع قائم!!

وتاخد معاك ازازة فيها حتى لو عصير قصب وتشرب منها بدل المية اثناء التدريب
وكمان لازم تهتم بشرب المياة ولا تهملها ودة عشان تحافظ على الخلايا من التلف


من العناصر الاساسية لتكوين الخلايا (الصوديوم.البوتاسيوم.الماغنسيوم)
وهما المسئولين عن عملية الانقباض والانبساط العضلى

بما انك محتاج تخسس يبقى تهتم جدا بالبوروتين فى المقام الاول (لبن وجبن ولحوم)
السمك المشوى تاثير ساحر لخسارة الوزن وحرق الدهون


كوب قهوة قبل التمرين للحفاظ على التحفييز العضلى(غنى بالماغنسيوم) ويخلصك من الخمول اثناء التمرين
الموز(غنى بالبوتاسيوم)
الفواكهة(غنية بالاملاح جميعا)

ملحوظة هامة: النسب المتزنة من (صويوم + بوتاسيوم) نشاط عضلى وصحة القلب وجميع اعضاء الجسم

- التمرين الزمن الامثل لا يزيد نهائى عن 60 دقيقة بالتمام

عدم اللجوء الى اى نوع من المكملات الغزائية او الهرمونات(تحميل بصورة خطرة على اعضاء الجسم)
تسبب فيما بعد وعكات صحية

[aboomar22]

اخوانى الاعزاء

هدخل فى الموضوع علطوول

انا شاب عندى 30 سنة وزنى 90 كيلو وطولى 173 سم

من شهر تقريبا وانا بلعب جيم .............كمال اجسام وبجرى كمان

انا عاوز اظبط جسمى وكمان اخس وانزل الكرش

المهم انى حسيت بتقدم فى خلال الشهر دة وبقيت بجرى 40 دقيقة متواصل على التريد ميل مرتين فى الاسبوع

وبرضة بقيت اشيل اوزان اكتر فى الحديد

المهم انى المرة اللى فاتت من حوالى 5-6 ايام وكمان النهاردة لما رحت الجيم حاسس انى مش قادر ...مهنج خالص وبحس بدوخة خفيفة لما باجى اشتغل على اى جهاز ..وبحس ان ضربات قلبى اسرع

والنهاردة لما حبيت اجرى على التريد ميل مكملتش دقيقتين وحسيت انى هيغمى عليا وبنهج جامد
وقعدت يجى ربع ساعة متمدد على الارض لحد مافوقت


المدرب بيقولى اهتم بأكلك والتغذية مش مناسبة لحجم المجهود وكمان نصحنى اخذ فيتامين ب 12

وفعلا اخذت شريط وشغال فى التانى بواقع حبايتين يوميااا


بالنسبة للاكل
فأنا بفطر فى الشغل والمتاح هناك فووول وبيض مسلوق وبتنجان

بالنسبة للغدا وبرضة ببقى لسة فى الشغل ..المتاح الكشرى وبصراحة مبطيقوش عشان بيجيب للواحد حموضة واعتقد انة مش نضيف للدرجة ...فبصراحة بطلت اكلة

ولما بدأت اروح الجيم ...بقيت فى الغدا يااما مكلش خالص يااما اكل سندوتش بيض مسلوق وبس
عشان لما اروح التمرين وكدة

وبصراحة بعد مابدأت جيم مبقاش ليا نفس اكل زى الاول

وجبت كيس بلح وحطيتة فى المكتب عشان لو جعت ومش عاوز اكل باخد بلحتين تلاتة وخلاص


نيجى للعشا ....بصراحة هيا دى الوجبة الوحيدة اللى باكلها فى البيت بعد مااروح ودى السبب الرئيسى فى ظهور الكرش لانى كنت لما بروح الواحد كان بيدبها وينام


وطبعا العشا عبارة عن مالذ وطاب من اكل ساخن يعنى وجبة مطبوخة ودسمة

بس دلوقتى مبقتش بنام بعد الاكل مباشرة




معلش طولت عليكم ....بس اية سبب احساسى بالدوخة وتسارع دقات القلب فى الجيم وعدم القدرة على بذل مجهود .....هل فعلااا سوء تغذية

طيب هل تنصحونى بفيتامينات معينة او مكملات غذائية


وشكرااا جزيلااا مقدماااا

ان شاء الله بسيطة واخواتنا هنا قالولك على نصائح زى الفل بس انا فيه كام عبارة كده فكلامك مش عايز اهملهم بلاش نجمل الموضوع فى سوء التغذية ونهمل اى سبب اخر انا عايزك تروح لدكتور من باب الاستشارة وتقوله على الاعراض وبالمره يقيس الضغط وممكن نعمل تحاليل هرمون الغدة الدرقية t3- t4- tsh ولو عملت رسم قلب اهو اعتبره من باب الاطمئنان فقط

[emad_2020]

ان شاء الله بسيطة واخواتنا هنا قالولك على نصائح زى الفل بس انا فيه كام عبارة كده فكلامك مش عايز اهملهم بلاش نجمل الموضوع فى سوء التغذية ونهمل اى سبب اخر انا عايزك تروح لدكتور من باب الاستشارة وتقوله على الاعراض وبالمره يقيس الضغط وممكن نعمل تحاليل هرمون الغدة الدرقية t3- t4- tsh ولو عملت رسم قلب اهو اعتبره من باب الاطمئنان فقط

كلامك صح
كمان طلما بتلعب لزم تظام اكل معين عن اكلك الاول وكمان نصيحة خليك فى الاول خفيف خفيف وبعد كدا زود واحدة واحدةهيكون احسن ليك وكمان وكمان هتحس بفرق كبير واسرع