الم فى اللسان وخلاص زهقت

[ahmedabutaleb]

انا كنت من فترة حوالى شهر جالى دور برد والحمد لله بعد اسبوع كان تقريبا اختفى الا توابع بسيطه وبدات تظهر اعراض تانيه زى ارتفاع درجه الحرارة همدان فى الجسم والتهاب فى الحلق والفم.
رحت للدكتور كتبلى على 4 حقن يونىكتام (او يونىكتنين مش متذكر الاسم اوى) 1500 مرتين فى اليوم وكتبلى على هاى بيوتك 625 مرتين فى اليوم بعد ما اخلص الحقن.
العلاج خلص ومفيش تحسن رحت لدكتور تانى جدد ليا الهاى بيوتك لمده اسبوع تانى وبرده مفيش نتيجه.
يعنى بقالى اسبوعين باخد العلاج ده ومفيش تحسن فرحت لدكتور تانى انف واذن قالى ان فيه تقرحات فى الفم والحلق نتيجه اخذ المضاد الحيوى لفترة طويله وكتبلى على شويه ادوية هليكيور و رانى فوار ودوا تانى كده غرغره (اعتقد ان الهليكيور والرانى كان لارتجاع المرىء مش التقرحات).
انا بقالى اسبوعين باخد العلاج ومفيش تحسن برده وبصراحه زهقت انا كشفت عند 3 دكاترة ومفيش تحسن والموضوع فى زيادة اخيرا ظهرت حبايه فى طرف الفم ومش عارف ده ممكن يكون ايه ارجوا الافادة.
هوا فيه اعراض تانيه بس مش عارف ليها علاقه ولا لا اولا البول مش منتظم يعنى احيانا يبقى معدل دخول الحمام طبيعى (كل 3 او 4 ساعات) واحيانا مرة كل ساعه وبرده فيه حكه بسيطه.

ارجوا الافادة

[ahmedabutaleb]

انا النهارده رحت لدكتور جلدية وقالى ده ارتفاع فى الهرمونات هوا اللى عامل كده

[abdelrahmaaan]

طيب ودا علاجه ايه لانى بلاحظ الفترة دى ان لسانى علطول بيلتهب وبيطلع فيه قرح???

[ahmedabutaleb]

والله ياباشا مش عارف انا رحت ل 4 دكاترة وكل واحد فيهم بدوا مختلف وطبعا لازم يطلع اللى قبله مش بيفهم تحس انك عند ميكانكى مش دكتور

[abdelrahmaaan]

طب وبعدين فى اللخبطة دى الواحد يموت احسن ما يروح لدكتور