استشارة بخصوص حب الشباب

[MohammedAladel]

السلام عليكم ورحمة الله وبركاته
أعانى منذ فترة من حب الشباب وبشرتى دهنية
وذهبت سابقاً لأكثر من طبيب ولكن دون جدوى ولكن بصراحة لم أمشى على العلاج مضبوط ... أو لم أستمر مع وصف هؤلاء الأطباء وقاطعت العلاج

إلى أن ذهبت لدكتور فى القاهرة المهندسين شارع البطل أحمد بن عبد العزيز اسمه عبد الرحمن عوضين
هذا الكلام منذ عامين ونصف تقريبا وقال لى أن علاجك الوحيد هو الليزر !

واعطانى علاج مؤقت وكان عبارة عن حقن فيتامين ب 12 ممتدة المفعول ... وأقراص خميرة مجففة ... وجل عشبى يوضع على الوجه

وبعدها بشهر لم أجد تحسن ملحوظ ذهبت لإعادة الكشف وقلت له أكتب لى برشام أو أى شئ يكون مفعوله قوى ... قال لى أن هذه الأدوية لها أضرار مستقبية على الصحة الإنجابية وتؤثر على الأجنة !

بصراحة احترمته جداً

والسؤال الآن .... ما أنواع الليزر وما فترة العلاج المحتملة حتى الشفاء وهل تختلف دقة النتائج طبقاً لمهارة الطبيبب ؟ أم أن استخدام الليزر سهل لأى طبيب ؟
وهل فعلا طبقة الجلد الجديدة تكون ضعيفة ؟
وهل يوجد آثار جانبية ؟

[#MAAM#]

الموضوع عندي زيك بالظبط ........ ومش عارف اعمل اية ........... ياريت دكاترة المنتدى يفيدونا

[J A G U A R]

وعندى انا كمان نفس الحكايه والعلاج مبيعملش اى حاجه ..

[#MAAM#]

مفيش حد عنده علاج للموضوع ده يادكاترة

[Dr__Ahmed]

اكيد الدوا اللى بتتكلم عليه هو (Isotretinoin) ..
انا مش عايز اقولك قد أيه المركب الدوائى ده اللى اخترعه ساحر
يعتبر الحل الاول لعلاج حب الشباب من الدرجة الشديده والمتوسطه
بس لعلاج الفئه اللى بتعانى من حب الشباب ( المراهقين يعنى )
من 18 - 24 سنه


مشاكله كتير ... ايوه
بس لميين ؟؟؟؟
.........للمتزوجين !!! سواء الرجل او المرأه
لأنه 100% لو حصل حمل هيبقى فيه تشوه للأجنه

لكن لغير المتزوج .... دوس فيه والحق نفسك قبل ما الحبوب تؤدى الى تشوه الوجه
الدوا ليه اعراض جانبيه زى جفاف الجلد وتغير لون البول

,اهم حاجه تبعد عن الشمس لأن التعرض ليها اثناء العلاج ولو لدقيقه... هتحس إنك بتتكوى فعلا والدوا مش هيشتغل فى اليوم اللى تعرضت فيه للشمس
لو قدرت تحافظ على نفسك طول فتره كورس العلاج ... النتيجة مذهله

[MohammedAladel]

هو حضرتك دكتور متخصص ؟
أنا سؤالى تحديداً بخصوص الليزر

أما عن الدواء الذى كتبه لى د. عبد الرحمن هو كريم جل عشبى لا يوجد به ما يضر الصحة ولا يوجد له أعراض جانبية وتقريباً اسمه كونسودرم

أما الطبيب السابق أعطانى جل اسمه زارو تكس وهو فعلا شديد التأثير على الأجنة واستعملته فترة ومفعوله واضح ولكن أنا لم أكن أستعمله باستمرار

وطبعاً أنا أفضل حب الشباب عن إنى أتعامل مرة أخرى مع مثل هذا الدواء

[Dr__Ahmed]

انا كلامى عن الايزوتيتنيون ده كبسولات
وبينزل جل بإسم ادابالين
وتقدر تسيرش على الاسم العلمى اللى ذكرته (Isotretinoin)

هما دول بس اللى فيهم الماده الفعاله اللى بتكلم عليها
وهى دى الوحيده المتخصصه فى علاج حب الشباب فى مراحله الأولى والمتوسطه
وده هيقضى على ظهور حب الشباب وليس أثره

[#MAAM#]

طب وبالنسبة للمتزوج يادكتور أحمد يعمل اية ؟

[MohammedAladel]

الحل الشرعى هو الطلاق من أجل استعمال الدواء

الدكتور أحمد لم يفدنا كثيراً ..... وأنا شخصياً حتى لو غير متزوج لاأنصحك باستعمال مثل هذه الأدوية كما قال لى ا لطبيب المختص

والعلاج الفعال هو الليزر

والواضح كدا أن نايل موتورز لا يوجد به أطباء متخصصين فى هذا المجال
Press ENTER to look up in Wiktionary or CTRL+ENTER to look up in Wikipedia

[عصير قصب]

هههههههههههههههههههه
ما تروحوش لدكاتره
العلاج سهل وبسيط بس اسمعوا كلامى

اولا تمنعوا اى اكل حوادق ومخللات وشيبسى وبيبسى وشطه ولب وسودانى ومكسرات والعك ده كله خالص

ثانيا شرب من لترين ل 3 لتر مايه فى اليوم

ثالثا ومهم جدا جدا كبسولات زنك كبسولتين مره الصبح ومره بالليل لمدة 3 شهور ورخيص محدش يقلق
فى انواع زى اركا زنك ده كويس عشان تركيز النزنك فيه كتير
النزنك ده سحر للبشرة والشعر بينقى البشرة جدا جدا

رابعا محدش يغسل وشه بصابون خااااااااااااااااااااااااااااااالص تجيبوا غسول محترم مستورد مقاوم للبكتريا للوجه تغسلوا 3 مرات فى اليوم زى ايه مثلا فى غسول فرنساوى اسمه la roche posay effaclar مش غالى اقل من 100 ج وبيقعد كتير شهور ومحدش يسترخص فى الغسول ده اهم حاجه وفى نوع تانى كويس بردو فرنسى يورياج وبتاع ايزيس فارما الثلاثه كويسن

فى ظرف شهر هتلاقوا بشرتكم صافيه جدا جدا بشرط الالتزام بالاربع نقط ايلى فوق

[عصير قصب]

ايلى عنده اثااار ومضايقاه
كريم فرنساوى بردو بيقشر مكان الاثر تحطوه مره بالليل ومره الصبح على المكان بس
+la roche posay Effaclar duo
واتاكدوا من بلس + فى الاخر ما تجيبوش العادى من غير علامة +

والكريمات دى من اى صيدلية كبيرة العزبى او سيف ..... كده

[pepo2011]

حضرتك كده جبتي من الاخر مع بس برشام فحم او ردة