استشارة طبية عاجلة

[Ahmed abdkarim]

السلام عليكم

عندى استشارة عاجلة جدا والدى عنده 60 سنه بيعانى من حوالى اسبوع من الاعراض التالية بصورة متفاوتة وهو رافض انه يروح لدكتور حتى لو حيموت

هو عنده ترجيع وضغطه عالى متوسط 150 /100
هو اصلا ضغطه عالى

و بقى فى دم فى البول لونه احمر و دوخه شديدة و ثقل فى اللسان اثناء الكلام هو رافض لنه يروح للدكتور خالص و بيزعق ومش عارف اعمل ايه ياريت حتى لو حد يقول اعمل تحليل ايه . رجاء الرد بسرعة

[ibrahiiimooo]

مش عايز ارعب حضرتك بس الاعراض الي حضرتك بتقولها مش مطمئنة تماما
الاصلح انك تاخده بعرية اسعاف و تطلع على اقرب مستشفى كويس علشان يتبص عليه هناك في الطوارئ
يارب تبقي حاجه هينة بس اعتقادي انه ممكن يكون محتاج يخش رعاية مركزة ( احتمالات اضطراب وظائف الكلى و الكبد وارد بشدة)

[ibrahiiimooo]

انا اسف انا كان قصدي ان الاعراض مشششش مطمئنة خالص

[Adnfalcon]

اطلب الاسعاف حالا لأن حالته مش سهله و لازم يروح مستشفي بالإجبار . . ربنا يشفيه

[Ahmed abdkarim]

مش حيرضى ينزل مع الاسعاف وحيبهدل الدنيا و حيتعب زيادة هو قال لو انا عارف انى بموت مش حروح لدكتور . بجد انا مش عارف اتصرف ازاى . ياريت لو دكتور يقولى اعمل ايه علشان اعرف حالته . ؟؟

[د.هشام]

الموضوع مش محتاج اسعاف، ومحدش هنا حيقدر يفيدك من غير كشف وتحاليل وفحوصات مناسبة.
انت مبدئيا إقنعه يروح لدكتور أمراض كلى علشان الدم اللي في البول، وهو بالتالي حيوجهكم لأي تخصصات أخرى اذا لزم الامر
وألف سلامة على الوالد

[Ahmed abdkarim]

الموضوع مش محتاج اسعاف، ومحدش هنا حيقدر يفيدك من غير كشف وتحاليل وفحوصات مناسبة.
انت مبدئيا إقنعه يروح لدكتور أمراض كلى علشان الدم اللي في البول، وهو بالتالي حيوجهكم لأي تخصصات أخرى اذا لزم الامر
وألف سلامة على الوالد

متشكر جدا يا دكتور . بس هو اقدر اعرف من الاعراض ايه المرض او احتمال يكون ايه

[Medicalist]

اعمل تحليل بول مبدأيا بس فى معمل كويس وشوف نسبة كرات الدم فى البول اد ايه ونسبه البروتين و اشياء اخرى لو ظهرت فى تحليل البول هتكون دلالة على شىء معين
وتعمل تحليل دم وظائف كلى و نسبة سيوله بالمره
Serum Creatinine
INR

[د.هشام]

متشكر جدا يا دكتور . بس هو اقدر اعرف من الاعراض ايه المرض او احتمال يكون ايه

شكلك لسة معرفتش تقنع الوالد يروح لدكتور!
يا ريت تقول الاعراض تاني بالتفصيل والتطور بتاعها، يعني لسة لون البول احمر، ولسة فيه ثقل في الكلام

[Ahmed abdkarim]

شكلك لسة معرفتش تقنع الوالد يروح لدكتور!
يا ريت تقول الاعراض تاني بالتفصيل والتطور بتاعها، يعني لسة لون البول احمر، ولسة فيه ثقل في الكلام

دوخة و دم فى البول و ترجيع و تقل فى اللسان و صعوبة فى الكلام الاعراض يتحصل بصورة متفاوته هو دلوقتى اتحسن كتير بس الاعراض بتروح و تيجى .

[د.هشام]

كل الاعراض دي ممكن تكون بسبب ارتفاع شديد ومفاجئ في ضغط الدم، ماعدا موضوع الدم في البول، وأسبابه كثيرة منها البروستاتا أو عدوى في المجرى البولي على سبيل المثال، علشان كده بقولك لازم يروح لدكتور كلى

[وفاء]

الف سلامه وربنا يشفيه

[sonaeg]

يافندم الضغط العالي ده لازم ينزل ودي اعراض ارتفاعه اما موضوع دم في البول ده ممكن اما من الضغط العالي او وجود حصوة لو عنده الم اثناء التبول او حرقان لكن مش لدرجة تخلي لون البول احمر اوي .... هل في صفرا في عينه او شئ؟

ربنا يشفيه يارب ... الاسلم دكتور كلي فعلا مع تحاليل للاطمئنان

[Ahmed abdkarim]

يافندم الضغط العالي ده لازم ينزل ودي اعراض ارتفاعه اما موضوع دم في البول ده ممكن اما من الضغط العالي او وجود حصوة لو عنده الم اثناء التبول او حرقان لكن مش لدرجة تخلي لون البول احمر اوي .... هل في صفرا في عينه او شئ؟

ربنا يشفيه يارب ... الاسلم دكتور كلي فعلا مع تحاليل للاطمئنان

الاعراض كلها قلت بصورة كبيرة . مفيش اى صفار فى عينيه

[sonaeg]

الاعراض كلها قلت بصورة كبيرة . مفيش اى صفار فى عينيه

طيب الحمد لله وياريت حضرتك تنصح الوالد يقلل الاملاح شوية والبقوليات لو بيزود منها..... اللب والمخللات والحوادئ والفول والعدس واللحمة الحمرا


وان شاء الله خير والف سلامة عليه