استفسار لطبيب اطفال(حديثى الولادة)

[Ayman-Ahmed]

السلام عليكم ورحمة الله وبركاته

رزقنى الله بمولودة عمرها الان 9 ايام.فى اليوم الثالث بدا الاصفرار يظهر وروحت قيست صفرا طلعت النسبة على الجهاز 11.7 ونصحنى طبيب الاطفال كمان يومين اقيس تانى.وقيسنا تانى طلعت 14.83 فنصحونا سريعا بعمل تحليل صفرا فى الدم وكانت النسبة 30.01 وديه طبعا نسبة خطيرة ونصحنى طبيب الاطفال اللى بتعامل معاه اعمل تحليل تانى بعد ساعة فى مستشفى تانى وطعت 24 وفورا تم ادخالها لحضانة ووضعها على جهاز فوتو ثلاثى وبعد يوم اصبحت 19 وبعدين تم وضعها على جهاز ثنائى ونزلت ل15 وتالت يوم نزلت ل 8 وقالوا فى المحضن هنشيلها من على الجهاز ونقيس تانى ونشوف النسبة ولو كدة هتخرج لو معليتش عن 12.وده احنا فى انتظاره..

سوألى ما هو سبب ظهور الصفرا ونزولها وعلوها بالطريق ديه؟

هل فى خطورة اننى اخرج البنت من المحضن قبل ما تظهر نتيجة التحليل؟

راى اطباء المحضن انه يجب الانتظار لليوم العاشر من الولادة للاطمئنان.

مع العلم ان فصيلة دم البنت O وال Rh = Negative والام A وال Rh = Positive

مشكورين للمساعدة وربنا يطمن الناس كلها على اولادها.

[JapRuleZ]

السبب الرئيسى فى الصفراء المرضية للاطفال عامة هو تكسير كرات الدم الحمراء و ينتج عنها خروج ماده الصفراء من هذه الخلايا و هنالك ايضا بسبب ضعف كفاءة الكبد فى هذه الفترة و احيانا لبن الام يمكن ان يؤدى - مؤقتا - للصفراء ايضا
الاسباب كثيرة و اعقد من ان تتم مناقستها على المنتدى

خروج الطفل من الحضانه فقط بعد استقرار مستويات الصفراء بدون علاج ضوئى - حتى لا يخدث ارتداد و ارتفاع المستوى مره اخرى لاقدر الله

الف سلامه

[Ayman-Ahmed]

جزاك الله خيرا وده فعلا اللى نصحنى بيه اطباء المحضن وهو متابعة النسبة من غير اى اجهزة وبعدها القرار.وفعلا قرات عن طريق النت اسباب كتيرة للصفرا ولكن مش قادر افهم سبب علوها تدريجيا عند البنت ثم علوها جدا.وحتى فى المحضن مش عارفين السبب ودكتور واحد فقط اطلق عليها الصفرا العرضية.

[Adnfalcon]

حصلت مع بنت ابن عمي وكان سببها زياده تكسير كرات الدم وعملت عمليه وبقت تمام الحمدلله

[Ayman-Ahmed]

الحمد لله وديه كانت عملية تغيير الدم ولا توسعة الاوعية ؟

[Adnfalcon]

الحمد لله وديه كانت عملية تغيير الدم ولا توسعة الاوعية ؟

تغيير دم

[Ayman-Ahmed]

تغيير دم

مشكور على التوضيح وربنا يسهل الامور بامره.

[Adnfalcon]

مشكور على التوضيح وربنا يسهل الامور بامره.

ربك كريم . طلع حاجه لله وادعي
ربنا يشفيها و يعافيها

[Ayman-Ahmed]

ربك كريم . طلع حاجه لله وادعي
ربنا يشفيها و يعافيها

اللهم امين وربنا ييسر الحال.ومشكور على دعواك ولك بالمثل.

[وفاء]

شكرا علي التوضيح

[د.محمود صلاح]

اليرقان عند حديثي الولادة،علاج اليرقان عند حديثي الولادة

http://www.childclinic.net/neonatology/jaundice3.html

[adel1212]

لا تقلق اخي الكريم
فهي الصفرا الفسيوليجية(العارضه)طبيعة مع اغلب الاطفال وتختلف من طفل لاخر والموضوع بينتهي خلال اسبوعين
تحياتي

[Ayman-Ahmed]

[quote=د.محمود صلاح;3875755597]اليرقان عند حديثي الولادة،علاج اليرقان عند حديثي الولادة


[url=http://www.childclinic.net/neonatology/jaundice3.html]

[Ayman-Ahmed]

اليرقان عند حديثي الولادة،علاج اليرقان عند حديثي الولادة


����� ����� � ������ ����� ������� ������

الف شكر يا دكتور.

لا تقلق اخي الكريم
فهي الصفرا الفسيوليجية(العارضه)طبيعة مع اغلب الاطفال وتختلف من طفل لاخر والموضوع بينتهي خلال اسبوعين
تحياتي

الحمد لله.


الحمد لله خرجت من المحضن وبتتعافى ولكن حذرونا من احتمالية ارتفاع الصفرا مرة تانية ولكن مش بالنسبة العالية ديه ونصحونا بلمتابعة كل 3-4 ايام وعند الشعور باصفرار يستحسن عمل تحليل دم.

مشكورين وربنا يعافى الجميع.

[mohamed_selim]

فى المستشفى لما بنتى الصغيره اتولدت و كانت الصفرا عاليه حاجه بسيطه بعد ما نزلت كنت بروحلهم يكل يومين عندهم جهاز صغير زى الترمومتر بيتحط على دماغ البنت يقول الصفرا تقريبا كام ... لو تقدر تشوف مكان فيه كده هيريحك و يطمنك اكتر ... دا كان فى مستشفى النزهه فى دور الحضانه