استفسار عن اسم وسعر حقن سنويه للعظام لكبار السن

[mk3]

السلام عليكم
والدتى كمعظم السيدات تعانى من الم بالركب وصعوبة المشى وتاخذ حقن تراى بى لتسطيع المشى ولكن يومان على الاكثر وتتعب.
احدى اقرابئنا اخذت حقن سنويه فعاله جدا ..استفسارى عن اسم حقن سنوية وفعاليتها واضرارها

[ahmedsrs]

اسم الحقنة اكلستا وده اسمها فى مصر والحقنة بحوالى 1500 جنيه مصرى وتاخذ فى الوريد فى خلال ربع ساعة وقبل اعطاء الحقنة يجب عمل وظائف كلى للمريض لو تركيز الكرياتينين فى الدم عالى او بردر لاين لا تاخذ الحقنة نهائى وكمان لازم تشوف تركيز الكالسيوم فى مصل الدم يجب ان ل يقل عن 8

[Moe Khodairy]

و الدتك ربنا يديها الصحة عندها ما يسمى بال Osteoarthritis و هو التهاب المفاصل و يؤدي الى تاكل الغضروف المغطي لسطح المفصل و ينتج عنه الام شديدة و عدن القدرة على القيام بانشطة طبيعية مثل الصلاة او طلوع السلم.
هذا ناتج عن السن طبعا و انعدام التوازن بين عملية البناء و الهدم في جسم الانسان و ناتج ايضا عن عوامل اخرى منها على سبيل المثال ثقل الوزن، و هو اكثر شيوعيا في النساء عن الرجال.
تاكل المفصل هذا لا يمكن تعويضه و يمكن فقط السيطرة عليه و ايقاف التاكل بقدر الامكان تجنبا لاي مضاعفات مثل استبدال المفصل لاقدر الله عن طريق ادوية تسمى Chondroprotectives اشهرها و اكثرها تأثيراعلى الاطلاق هو Dorofen
في ناس فعلا بتحقن حاجات في المفصل منها (مسكنات) و خد بالك من مسكنات دي لانها بتسكن الالم فقط و مش بتعالج السبب الحقيقي و المفصل بيفضل يتاكل، و في ناس بتحقن Glocusamine مع ان كل الدراسات اللي اتعملت و اثبتت مفعولها كانت على الكبسولات اللي بتتاخد عن طريق الفم.
التراي بي ده مجرد فيتامينات مش هتعالج سبب المشكلة، مبدأيا هفترض ان والدتك حالتها متوسطة (طبعا لابد من استشارة الطبيب لتحديد مدى تأخر الحالة) فهي لازم تبدأ تاخد Dorofen ثلاث كبسولات يوميا لمدة (من شهرين لثلاثة اشهر) و بعد ما تبدأ تحس بان المفصل اداءه بقى افضل و بقت قادرة تمارس الانشطة الطبيعية بشكل افضل ممكن تاخد كبسولة واحدة يوميا على طول.
هى هتبدأ تحس بتحسن على مستوى الاعراض بعد اسبوعين و هيختفى الالم بنسبة كبيرة جدا بعد شهر بس لازم تكمل على العلاج و متوقفوش خالص.
طبعا في الفترة الاولى هتحتاج مسكن ممكن تاخد حاجة اسمها Brexin ده مسكن جيد جدا لالام العظام و كان حنين على المعدة ومش هيسببلها مشاكل فيها.
الف سلامة عليها وان شاء الله تكون افضل و ربنا يخليها ليك

[ahmedsrs]

الاعراض الجانبية الشائعة للحقنة
1- رعشة وارتفاع فى الحرارة ودى ممكن تقعد 72 ساعة
2-تكسير والم فى الجسم شبه نزلة البرد وممكن تقعد 48 ساعة
3- اختلال وظائف الكلى لو الكلى تعبانة من الاول عشان كده بنعما وظائف كلى
4- صمم مؤقت فى بعض الحالات غير معروف السبب

[Moe Khodairy]

الاعراض الجانبية الشائعة للحقنة
1- رعشة وارتفاع فى الحرارة ودى ممكن تقعد 72 ساعة
2-تكسير والم فى الجسم شبه نزلة البرد وممكن تقعد 48 ساعة
3- اختلال وظائف الكلى لو الكلى تعبانة من الاول عشان كده بنعما وظائف كلى
4- صمم مؤقت فى بعض الحالات غير معروف السبب

هي ايه المواد الفعالة بتاعة الحقن دي يا فندم و ايه ال indication بتاعها؟

[ahmedsrs]

هي ايه المواد الفعالة بتاعة الحقن دي يا فندم و ايه ال indication بتاعها؟

دى حقن لزيادة كثافة العظام والمادة الفعالة زليدرونك اسد من مجموعة البيزو فوسفانات ذى الاوستيوماكس والفوساماكس الخ وبتعطى فى الحالات الاتية
1- هشاشة العظام عند كبار السن
2- النواقل السرطانية فى العظام وتاخذ كل 28 يوم
3- متلازمة باجيت وتاخذ كل ثلاث شهور

[Moe Khodairy]

دى حقن لزيادة كثافة العظام والمادة الفعالة زليدرونك اسد من مجموعة البيزو فوسفانات ذى الاوستيوماكس والفوساماكس الخ وبتعطى فى الحالات الاتية
1- هشاشة العظام عند كبار السن
2- النواقل السرطانية فى العظام وتاخذ كل 28 يوم
3- متلازمة باجيت وتاخذ كل ثلاث شهور

تمام، اعتقد طبعا انها لازم تشوف دكتور عظام كويس يشخص صح و ان كنت اعتقد -والله اعلم- انها حالة Osteoarthritis

[ahmedsrs]

تمام، اعتقد طبعا انها لازم تشوف دكتور عظام كويس يشخص صح و ان كنت اعتقد -والله اعلم- انها حالة osteoarthritis

تمام وربنا هو الشافى

[almohaor]

شكرا للاخوة الاعضاء الكرام لسرعة الرد
وجزاهم الله خيرا ومتعهم بالصحة والعافية
وشفى الله مرضانا جميعا شفاءا لايغادر سقما

[mk3]

شكرا لكل الردود الممتازه المفيده