أطباء االمنتدى ومن مر بهذه الحاله عافاكم الله

[Ahmed1111111]

السلام عليكم ورحمة الله وبركاته
وأنا بتصفح فى النت وجدت هذا القسم ووجدت تجاوب من الاخوه الاعضاء
مرض نقص الصفائح الدمويه
منذ حوالى خمس سنوات كنت قد ذهبت لدكتور باطنى لمشاكل فى القولون ادت الى شرخ فطلب منى تحليل دم فكانت النتيجه ان عدد الصفائح الدمويه 55 الف مع ان المعدل الطبيعى ( من 150 الف إلى 450 ألف ) مع نقص انصباغ وصغر حجم كرات الدم الحمراء فأعطانى علاج يدعى
selemin ACE
وطلب منى اعيد تحليل الدم تانى بعد اسبوع وعيدته وارتفعت الصفائح الى 115 الف ومتابعتش بعدها حاجه لانى مكنتش رايحله بسبب الموضوع ده ومحطتش فى بالى
من حوالى شهر روحت اعمل عمليه جراحيه فلما عملوا تحليل للدم طلع عدد الصفائح 26 الف صفيحه فبعد العمليه روحت لدكتور امراض دم وطلب منى تحاليل كتير ومنهم صورة دم كامله وطلعت الصفائح 19 الف صفيحه
فادانى اربعة انواع من الادويه العلاج الاساسى فيهم هوه علاج كورتيزون يسمى
Solupred 20 mg
وبقية العلاجات هى كالتالى
Ostoval , controloc , one alpha
واخد علاج الكورتيزون تلات اقراص يوميا بس طبعا لما قريت عن الاثار الجانبيه للكورتيزون بصراحه قلقت جدا لان من ضمن اثارة الجانبيه ( عتامة عدسة العين – ارتفاع السكر فى الدم – الاصابه بمرض الروماتيزم – الام فى العضلات – طرد عنصر البوتاسيوم مما يؤدى الى فشل فى مهام القلب – حجز عنصر الصوديوم مما يؤدى الى ارتفاع ضغط الدم – هشاشة العظام ) ده غير النفخه بتاعة الجسم
هوه الدكتور مدينى كالسيوم وفيتامينات علشان يقلل من اضرار الكورتيزون بس انا بصراحه قلقان
ومش عارف بقى لو الصفائح زادت بترجع تقل تانى يعنى هفضل ماشى على العلاج علطول ولا ايه
وهل مرض نقص الصفائح الدمويه ده خطير ولا الواحد بيعيش بيه عادى
وعافاكم الله

[pepo2011]

نقص الصفائح يعني نقص المناعة
الافضل انك تظل متابع مع دكتور امراض الدم فترة لحين استقرار الحالة انشاء الله

[pepo2011]

الصفائح الدموية هي أصغر أنواع خلايا الدم، وهي المسؤولة عما يعرف "بتخثر الدم" أي منع حدوث نزيف من الأوردة أو الشرايين، وينتج النخاع العظمي هذه الصفائح، عند حدوث أي تكسر أو نقص فيها.

ويضيف أنه يوجد نوعان من نقص الصفائح، الأول يحدث بسبب خلل في النخاع العظمي أي في منشأ هذه الصفائح قبل تخليقها، أما النوع الثاني فيحدث بعد إنتاج هذه الصفائح، حيث تظهر كجسم غريب عن الجهاز المناعي، فيبدأ بمهاجمة الصفائح وتكسيرها.

[pepo2011]

لتكسر الصفائح الدموية نوعان، الأول حاد أو مزمن، وتكسر الصفائح الدموية الحاد، يستمر مدة لا تتجاوز الـ6 أشهر، أما المزمن، فهو الذي يستمر مدة أكثر من عام.

غالبا ما يشفى 85% من الحالات المصابة بتكسر الصفائح الحاد تلقائيا ودون علاج، ولكن تنخفض تلك إلى النسبة الى أقل من 20% في حالة الإصابة بالتكسر المزمن.

تظهر أعراض الإصابة على شكل كدمات زرقاء، بالإضافة إلى نزيف من الأنف، اللثة، الجهاز الهضمي، أما السيدات فيصبن بغزارة الدم خلال الحيض، ويمكن التعامل مع تلك الحالات بالتغذية المناسبة، ولكن في بعض الحالات البسيطة لا تتعدى نصف في المئة من الإصابة بالوفاة نتيجة للنزيف.

[amr011111]

متابع

[Ahmed1111111]

للرفع

[zico707]

لازم تتابع مع د امراض دم ولو كتبلك علاج حتى لو كان كورتيزون تاخده لان نقص الصفائح يسبب زيلدة سيولة في الدم وهو مشكلة خطيرة قد تسبب النزيف ،،،بعد الشر

[Ahmed1111111]

لازم تتابع مع د امراض دم ولو كتبلك علاج حتى لو كان كورتيزون تاخده لان نقص الصفائح يسبب زيلدة سيولة في الدم وهو مشكلة خطيرة قد تسبب النزيف ،،،بعد الشر

انا متابع مع دكتور امراض دم. بس قرأت على النت ان اى علاج ما هو الا حاجه مؤقته بترفع عدد الصفائح لوقت قليل مثلا علشان حد هيعمل عمليه فيرفعوله الصفائح قبلها ومجرد ما توقف العلاج بترجع تقل تانى وده اللى مخلينى اقول انى هاخد الاثار الجانبيه للكورتيزون وفى الاخر تقل تانى الا اذا وجد السبب اللى بينقص الصفائح والدكتور طلب منى تحاليل فيروسات وجرثومه المعده ولقى ان كل التحاليل نتائجها سلبيه. فده الى مقلقنى وبقول انى اوقف العلاج وانا عايش بيها كده بقالى خمس سنين

[volociximab]

نقص الصفائح يعني نقص المناعة
الافضل انك تظل متابع مع دكتور امراض الدم فترة لحين استقرار الحالة إن شاء الله

لا لا

[volociximab]

و عليكم السلام و رحمة الله و بركاته
تابع مع دكتور دم كويس
الكالسيوم لتجنب اثار الكورتيزون على العظام
مينفعش تبطل كورتيزون مرة واحدة
اعتقد السبب مناعي
متسكتش على نفسك و ان شاء الله الامر بسيط

[Ahmed1111111]

و عليكم السلام و رحمة الله و بركاته
تابع مع دكتور دم كويس
الكالسيوم لتجنب اثار الكورتيزون على العظام
مينفعش تبطل كورتيزون مرة واحدة
اعتقد السبب مناعي
متسكتش على نفسك و ان شاء الله الامر بسيط

متشكر يا دكتور على وقتك
انا متابع مع دكتورين دم منهم دكتور مشهور قاللى انى اوقف العلاج بالتدريج واسيب الوضع كما هو طالما مفيش نزيف واتابع بتحليل دم علطول لو حصل وان عدد الصفائح فوق الـ 30 الف يبقى مخدش علاج

الدكتور التانى قاللى نفس الكلام بس كتبلى تطعيمات اخدها بحيث لو لا قدر الله حصل نزيف ابقى مستعد لعملية إزالة الطحال لا قدر الله فانا بصراحه محتار ومش عاوز اخد التطعيمات

[volociximab]

لا خد التطعيمات
حالتك اسمها idiopathic thrombocytopenic purpura
السبب مناعي
في الحالات المستعصية بيشيلوا الطحال
التطعيمات لحمايتك من بعض البكتريا التي تضعف مقاومة الجسم لها

[Ahmed1111111]

لا خد التطعيمات
حالتك اسمها idiopathic thrombocytopenic purpura
السبب مناعي
في الحالات المستعصية بيشيلوا الطحال
التطعيمات لحمايتك من بعض البكتريا التي تضعف مقاومة الجسم لها

إن شاء الله اخده التطعيمات طالما مفيش منها ضرر
بس الدكتورة حسستنى ان الخطوه الجايه هى لا قدر الله انى اشيل الطحال ونسبة ان الصفائح تزيد بعد إزالة الطحال هى من 60 إلى 70 فى الميه فبصراحه مش عارف اخد قرار انى اشيله وفى الاخر الصفائح لا قدر الله لا تزداد

[شيرين محفوظ]

مشكوره ع مجهوداتك
التي تدل علي النجاح
ونريد منك اكثر



علاج الادمان من الترامادول
علاج الادمان من الهيروين

[Ahmed1111111]

السلام عليكم ورحمة الله وبركاته

من حوالى اسبوع وجدت ان الصفائح الدمويه عندى كانت اقل من 10 الاف ( المعدل الطبيعى من 140 ألف إلى 450 ألف ) وتم حجزى بالمستشفى وإعطائى كورتيزون فى محلول لمده ثلاث أيام وسأكمل بعلاج كورتيزون أقراص جرعة 60 مليجرام يوميا لمده شهر ثم يتم تقليل الجرعه فى خلال تلات شهور تدريجيا لان كلام الدكاتره ان مينفعش أوقف الكورتيزون مره واحده. بس بصراحه الفتره كبيره اوى والكورتيزون حاسس أنه مأثر على عينى فهل ينفع اقلل الجرعه بصروة أسرع ولا اوقف العلاج تماما ولا ايه مع العلم انى من فتره كنت خدت العلاج لمدة شهر وسحبته على مدار شهر مش تلات شهور ولما رجعت الصفائح قلت اتقال ان علشان العلاج اتسحب بسرعه مش عارف هل ده كلام حقيقى ولا هاخد 4 شهور وفى الاخر لو لا قدر الله قلت يبقى خدت اثار جانبيه كتير من الكورتيزون وخلاص
ياريت الإفاده من أطباء المنتدى وشكراً