اشاعة ECHO و Doppler هل من مفسر؟؟؟

[عبدالله برعى]

الاشعة لطفلة 4 ايام ولا يوجد لون اخضر على الاظافر
والتقرير كالاتي :::
[IMG][/IMG]



[IMG][/IMG]


وشكرا واللهم ارفع الامراض والاسقام من المصريين

[volociximab]

ما علاقة اللون الاخضر؟

[volociximab]

الحالة ثقب في الجدار الفاصل بين الاذين الايمن و الايسر
نتيجة ذلك الدم المؤكسج يتحول من اليسار لليمين و لا يسبب زرقان
لو حصل زرقان يبقى الحالة اتعقدت و الاضغط داخل الشريان الرئوي ارتفع مما ادى الى انتقال الدم الغير مؤسج من اليمين لليسار و بالتالى لبقية اجزاء الجسم فيسبب الزرقان
تتابع مع دكتور متخصص فى العيوب الخلقية(مجازا) للقلب
و اذا كان لها عملية ام متابعة

[volociximab]

[JapRuleZ]

الف سلامه
ده ثقب فى القلب فى جدار الاذين و حجمه مش كبير بس عامل نسبه ضغط على الناحيه اليمين

لو سمحت المنتدى فيه ناس كتير بتفهم و بتفهم كويس اوى كمان
بس بلاش تاخد قرار مصيرى و لو حتى مبنى على رأى خدته على المنتدى او الفبسبوك
لأن ده صحه ولادنا و حقك تقلق بس ح تعرض نفسك للفتى ( و انا منهم ) زى ما بنشوف كل يوم على النت

اتنين استشاريين قلب اطفال تاخد رأيهم و يكونو شغالين فى مكان سمعته كويسه لا يختلف عليها اتنين و او من الجامعه
و لو تحب ارشحلك حد انا تحت امرك

[عبدالله برعى]

ما علاقة اللون الاخضر؟

اللون الاخضر يدل على تقدم الحالة للاسوا

[عبدالله برعى]

الحالة ثقب في الجدار الفاصل بين الاذين الايمن و الايسر
نتيجة ذلك الدم المؤكسج يتحول من اليسار لليمين و لا يسبب زرقان
لو حصل زرقان يبقى الحالة اتعقدت و الاضغط داخل الشريان الرئوي ارتفع مما ادى الى انتقال الدم الغير مؤسج من اليمين لليسار و بالتالى لبقية اجزاء الجسم فيسبب الزرقان
تتابع مع دكتور متخصص فى العيوب الخلقية(مجازا) للقلب
و اذا كان لها عملية ام متابعة

شكرا وجزاكم الكريم خيرا
ولكن هذا الثقب اى من هذه الانواع الثلاثة

ثقب الحاجز الأذيني عند الاطفال حديثي الولادة له ثلاثة أشكال وهي:

ثقب في منتصف الحاجز الأذيني. وهو أشهر أنواع ثقب الحاجز الأذيني للقلب. وهذا النوع من الثقوب غالباً يغلق من تلقاء نفسه مع الوقت
ثقب الجزء السفلي من الحاجز الأذيني. ويحدث غالباً هذا النوع من الثقوب نتيجة مشاكل في الصمامات. وهو ليس منتشر, ولا يغلق من تلقاء نفسه
ثقب الجزء العلوي من الحاجز الأذيني. وهو عيب نادر, ولا يغلق هذا الثقب من تلقاء نفسه

[عبدالله برعى]

الف سلامه
ده ثقب فى القلب فى جدار الاذين و حجمه مش كبير بس عامل نسبه ضغط على الناحيه اليمين

لو سمحت المنتدى فيه ناس كتير بتفهم و بتفهم كويس اوى كمان
بس بلاش تاخد قرار مصيرى و لو حتى مبنى على رأى خدته على المنتدى او الفبسبوك
لأن ده صحه ولادنا و حقك تقلق بس ح تعرض نفسك للفتى ( و انا منهم ) زى ما بنشوف كل يوم على النت

اتنين استشاريين قلب اطفال تاخد رأيهم و يكونو شغالين فى مكان سمعته كويسه لا يختلف عليها اتنين و او من الجامعه
و لو تحب ارشحلك حد انا تحت امرك

جزاكم الكريم خيرا
ممكن تحدد اى من هذه الاشكال
ثقب الحاجز الأذيني عند الاطفال حديثي الولادة له ثلاثة أشكال وهي:

ثقب في منتصف الحاجز الأذيني. وهو أشهر أنواع ثقب الحاجز الأذيني للقلب. وهذا النوع من الثقوب غالباً يغلق من تلقاء نفسه مع الوقت
ثقب الجزء السفلي من الحاجز الأذيني. ويحدث غالباً هذا النوع من الثقوب نتيجة مشاكل في الصمامات. وهو ليس منتشر, ولا يغلق من تلقاء نفسه
ثقب الجزء العلوي من الحاجز الأذيني. وهو عيب نادر, ولا يغلق هذا الثقب من تلقاء نفسه


بالنسبة لاطباء كلة بيجمع على ان مركز اسوان للقلب هو الافضل حتى ولو تم الكشف فى عيادات خاصة؟؟
مارايكم ؟؟

[JapRuleZ]

بعيدا عن التقرير .... التقرير لازم يتعاد تانى للتأكيد
قرار الثقب يحتاج لتدخل ام لا يتوقف على حجمه و مدى تأثيره على الحركه الطبيعيه للدم رغم انه من النوع اللى بيقفل عند سن 3-5 سنين

الكلام ده كله ملوش لزمه صدقنى ح يحيرك بس زيادة و يلخبطك


التصرف السليم قولا واحدا





حضرتك ح تروح ل عدد اتنين استشارى قلب اطفال ( ده تخصص غير جراحى ) و تأخد الرأيين
لو تطابق الرأيين يبقى تمشى زى ما بيقولو لو اختلفو تاخد رأيى حد تالت و يكونوا من اهل الثقه
و من تلك النقطه يتحدد هل يتم تحويل الحاله من حاله طب امراض قلبيه اطفال الى حاله تحتاج تدخل بالقسطرة او بالجراحه

متعملش حاجه غير كده اللهم اشفيها و اشفى جميع المرضى المسلمين

[د.هشام]

الثقب صغير وان شاء الله احتمال انه يقفل لوحده كبير جدا.
ممكن متابعة موجات صوتية مرة في السنة

[ali ashraf]

ده الكلام الصح

بعيدا عن التقرير .... التقرير لازم يتعاد تانى للتأكيد
قرار الثقب يحتاج لتدخل ام لا يتوقف على حجمه و مدى تأثيره على الحركه الطبيعيه للدم رغم انه من النوع اللى بيقفل عند سن 3-5 سنين

الكلام ده كله ملوش لزمه صدقنى ح يحيرك بس زيادة و يلخبطك


التصرف السليم قولا واحدا





حضرتك ح تروح ل عدد اتنين استشارى قلب اطفال ( ده تخصص غير جراحى ) و تأخد الرأيين
لو تطابق الرأيين يبقى تمشى زى ما بيقولو لو اختلفو تاخد رأيى حد تالت و يكونوا من اهل الثقه
و من تلك النقطه يتحدد هل يتم تحويل الحاله من حاله طب امراض قلبيه اطفال الى حاله تحتاج تدخل بالقسطرة او بالجراحه

متعملش حاجه غير كده اللهم اشفيها و اشفى جميع المرضى المسلمين

أنا طبعا مع الرأى ده , ان حضرتك تتابع مع دكتور قلب متخصص فى العيوب الخلقية و مش شرط مركز اسوان لو فى تأخير حجز و لكن مادام حضرتك فى اسوان يبقى طبعا المركز الافضل و تعمل كارت متابعة و اسمح لى اضيف ان الحكم على الحالة من تقرير ايكو هيكون غير دقيق و عموما ان النوع المشخص هنا هو النوع الاكثر شيوعا و نسبة ان يغلق لوحده عالية جدا بس فى وجود شروط معينة مثل حجم الثقب و حجم الطفل ووزنه و معدل النمو و حالة التنفس ووظائف الرئة مع ملاحظة ان الايكو يفضل يتعمل فى نفس المكان للمتابعة الدورية , و عموما لو الطفل تنفسه طبيعى و معدل النمو طبيعى ( يعنى مفيش مشاكل فى الرضاعة و التغذية) اكثر من 80% من هذا النوع من الفتحات يغلق تلقائيا ......المقصود ان الحالة الاكلينكية و اشعة سينية على الصدر و رسم قلب و متابعة التغذية و معدل النمو كلها مهمة مش فقط نختزل الامر فى الايكو و سؤال لحضرتك اكتشغتوا ازاى موضع الثقب و بالتالى عملتم الايكو؟
و أخيرا الثقب حسب الموصوف بالايكو من النوع البسيط جدا و حسب المكتوب بيغلق بعد مرور بضع سنوات بمشيئة الله وانوه ان فى بعض الاخطاء البسيطة الاملائية فى التقرير مثل رقم السرعة 99 متر/ ثانية هو طبعا 99 من مائة متر / ثانية و ده طبيعى زيادة حجم البطين الايمن المذكورة محتاجة مراجعة و متابعة مع تمنياتى بالشفاء

[عبدالله برعى]

أنا طبعا مع الرأى ده , ان حضرتك تتابع مع دكتور قلب متخصص فى العيوب الخلقية و مش شرط مركز اسوان لو فى تأخير حجز و لكن مادام حضرتك فى اسوان يبقى طبعا المركز الافضل و تعمل كارت متابعة و اسمح لى اضيف ان الحكم على الحالة من تقرير ايكو هيكون غير دقيق و عموما ان النوع المشخص هنا هو النوع الاكثر شيوعا و نسبة ان يغلق لوحده عالية جدا بس فى وجود شروط معينة مثل حجم الثقب و حجم الطفل ووزنه و معدل النمو و حالة التنفس ووظائف الرئة مع ملاحظة ان الايكو يفضل يتعمل فى نفس المكان للمتابعة الدورية , و عموما لو الطفل تنفسه طبيعى و معدل النمو طبيعى ( يعنى مفيش مشاكل فى الرضاعة و التغذية) اكثر من 80% من هذا النوع من الفتحات يغلق تلقائيا ......المقصود ان الحالة الاكلينكية و اشعة سينية على الصدر و رسم قلب و متابعة التغذية و معدل النمو كلها مهمة مش فقط نختزل الامر فى الايكو و سؤال لحضرتك اكتشغتوا ازاى موضع الثقب و بالتالى عملتم الايكو؟
و أخيرا الثقب حسب الموصوف بالايكو من النوع البسيط جدا و حسب المكتوب بيغلق بعد مرور بضع سنوات بمشيئة الله وانوه ان فى بعض الاخطاء البسيطة الاملائية فى التقرير مثل رقم السرعة 99 متر/ ثانية هو طبعا 99 من مائة متر / ثانية و ده طبيعى زيادة حجم البطين الايمن المذكورة محتاجة مراجعة و متابعة مع تمنياتى بالشفاء

كيفية الاكتشاف... كانت في حضانه بسبب الصفراء 13 وبعدها دكتور اطفال ماهر شك بمجرد الخبرة ففط وحولها لاشعه
...اللي فهمته كدا ان الثقب الاذيني بالشكل اللي في المنتصف وليس الاعلي او الاسفل
..وشكرا جدا... واتمني افادتكم بمعلومات ميكانيكة كما افتونا بمعلومات طبية

[juba8]

لو صغير هيففل لوحده