إعـــــــلان

Collapse

.

,
See more
See less

أى سؤال أو استشارة فى طب العيون

Collapse
This is a sticky topic.
X
X
 
  • Filter
  • الوقت
  • Show
Clear All
new posts

  • السلام عليكم د شريف

    قربتى كانت زارعه عدسه جوه العين وبعد فتره حصل زى غشاوه على العين راحت للدكتور الى زرع العدسه وقال لها العدسه حيتعملها عمليه تلميع هل كلامه صحيح ولا نصب وفلوس وخلاص ؟؟ وايه المقصود بلعمليه دى لو كلامه صحيح ؟؟

    Comment


    • السلام عليكم ورحمة الله ,,,
      اولا احب اشكر حضرتك وربنا يجعلة ف ميزان حسناتك
      ثانيا انا عندى مشكلة بقالها حوالى 3 شهور وهى ان عينى اليسرى بلاقيها بترمش لوحدها وكذا مرة ورا بعض ودة بيحصل كتير وبالاخص لما اقفل عينى جامد وافتحها تانى
      اية العلاج جزاك الله خيرا
      [RIGHT][FONT=Fixedsys][SIZE=3]ليس الانجاز ان تصنع الف صديق في السنه..الانجاز ان تصنع صديق لالف سنه[/SIZE][/FONT][/RIGHT]

      Comment


      • المشاركة الأصلية كتبت بواسطة hossam_elwani مشاهدة المشاركة
        السلام عليكم د شريف

        قربتى كانت زارعه عدسه جوه العين وبعد فتره حصل زى غشاوه على العين راحت للدكتور الى زرع العدسه وقال لها العدسه حيتعملها عمليه تلميع هل كلامه صحيح ولا نصب وفلوس وخلاص ؟؟ وايه المقصود بلعمليه دى لو كلامه صحيح ؟؟
        لأ كلامه صح ، مش نصب و لا حاجة
        بيحصل بعد العملية بفترة حوالى من 6 شهور فما فوق ترسبات املاح الكالسيوم على المحفظة الخلفية ، و ده شئ عادى و بيتعمل له جلسة شق المحفظة الخلفية بالياج ليزر ، اللى بنقول عليها تنظيف او تلميع العدسة علشان العيان ممكن يخاف من كلمة شق المحفظة.
        دى بتتعمل مرة واحدة فى العمر و بعدها بيرجع النظر زى بعد العملية ان شاء الله.
        و تحياتى
        [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
        [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
        [CENTER][COLOR=DarkGreen][B][SIZE=5]الصحة تاج على رؤوس الأصحاء
        لا يراه إلا المرضى
        [/SIZE][/B][/COLOR] [/CENTER]

        Comment


        • المشاركة الأصلية كتبت بواسطة mody1221 مشاهدة المشاركة
          السلام عليكم ورحمة الله ,,,
          اولا احب اشكر حضرتك وربنا يجعلة ف ميزان حسناتك
          ثانيا انا عندى مشكلة بقالها حوالى 3 شهور وهى ان عينى اليسرى بلاقيها بترمش لوحدها وكذا مرة ورا بعض ودة بيحصل كتير وبالاخص لما اقفل عينى جامد وافتحها تانى
          اية العلاج جزاك الله خيرا

          تم الأجابة على سؤال مشابه من قبل.
          عموما تجنب اى حاجة من القائمة التالية لأن كلها بتسبب "رفة الجفن" يعنى تلاقيه بيرمش لوحده:
          • الشاى
          • القهوة
          • النسكافيه
          • السجائر
          • الحاجات الساقعة السوداء (الكولا و البيبسي)
          • الشيكولاته
          • الكاكاو
          • الشد العصبى

          و تحياتى
          [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
          [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
          [CENTER][COLOR=DarkGreen][B][SIZE=5]الصحة تاج على رؤوس الأصحاء
          لا يراه إلا المرضى
          [/SIZE][/B][/COLOR] [/CENTER]

          Comment


          • ممكن اسأل حضرتك عن الليزك ؟
            هل هو امن ام له اعراض جانبية
            هل يسبب ان الواحد يفتح عينه جامد كل شوية ( يبرق بعينه يعني)
            هل يشترط سن معين
            [CENTER][shfaf]http://img140.imageshack.us/img140/9236/nile5th2resize.jpg[/shfaf][/CENTER]

            Comment


            • المشاركة الأصلية كتبت بواسطة nonetta مشاهدة المشاركة
              ممكن اسأل حضرتك عن الليزك ؟
              هل هو امن ام له اعراض جانبية
              هل يسبب ان الواحد يفتح عينه جامد كل شوية ( يبرق بعينه يعني)
              هل يشترط سن معين
              قتل موضوع الليزك بحثا و نقاشا هنا و فى مواضيع و مشاركات اخرى فى منتدانا العزيز.

              باختصار ان لست من انصار الليزك الا بشروط اهمها توضيح كل ما يمكن ان يحدث للمريض اثناء و بعد العملية ، و بالطبع ممكن حدوث اعراض جانبية تختلف فى شدتها و نسبة حدوثها من مريض لآخر.

              الليزك لا يسبب ان الواحد يفتح عينه جامد كل شوية.

              و السن مش قبل 21 سنة على الاقل و مش مستحب بعد الخمسين.

              انا شخصيا بارفض اعمله الا للمريض اللى مافيش قدامه اى حل تانى غيره.

              و يمكن مراجعة المشاركات السابقة و المفصلة حول الموضوع بالرجوع للمشاركات الاولى من موضوعنا هذا.

              و تحياتى.
              [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
              [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
              [CENTER][COLOR=DarkGreen][B][SIZE=5]الصحة تاج على رؤوس الأصحاء
              لا يراه إلا المرضى
              [/SIZE][/B][/COLOR] [/CENTER]

              Comment


              • أنا مش عارف حضرتك لسه متابع الموضوع هنا ولا لأ ... أنا ليا استفسار عند حضرتك بخصوص ضغط العين لأن أنا باخد قطرات لتخفيض ضغط العين (قطرة cosopt صبح وليل ) فى العينين ... وده من حوالى سنتين دلوقت وبأنتظام وبتابع ضغط العين بإستمرار ... ولكن فى الفترة الأخيرة أثناء المتابعة ظهر ان العين اليمين ضغطها 20 والشمال 14 ... وبعد اسبوع برضه اليمين 21 والشمال 15 فهل فى حاجة ممكن تسبب زيادة ضغط العين فجأه كده وبدون تغيير فى نمط الحياة

                Comment


                • يا ترى انا فاهم صح يا دكتور و لا ايه ؟

                  سؤال يا دكتور لو سمحت
                  انا اعرف ان الأنسان لما بيكبر فى السن (فوق الخمسين تقريبا )مقاس نظره بيتدى يميل الى ان يكون عنده طول نظر يعنى لو كان الشخص عنده قصر نظر اساسا لما يكبر فى السن بيتظبط شويه و لما يكون عنده طول نظر حالته بتسؤ
                  هل الكلام ده صح و لا ايه

                  السؤال الثانى لو واحد زى حالااتى عنده قصر نظر (نصف درجه) و عمرى اربعين سنه
                  و عملت الليزك معنى كده ان انا بعد كام سنه نظرى حيبوظ تانى و يجيلى طول نظر

                  يا ترى انا فاهم صح يا دكتور و لا ايه ؟

                  Comment


                  • السلام عليكم
                    ارجو سرعه الرد للاهميه
                    عندي سؤال بخصوص الاستجمتيزم
                    لو حاله درجه الاستجمتيزم ٣ مع طول و قصر في النظر و سن المريض ٢٤ سنه و لم تكن تلبس النظاره من الطفوله
                    ١- هل يمكن علاجه ؟ و اذا لم يكن ما هي المضاعفات مع التقدم في السن ؟
                    ٢- هل هو وراثه ؟ الوالد و الوالده لا يرتدون نظاره و لكن الاخوه يرتدونها
                    ٣- هل يورث للاطفال بعد ذلك ؟
                    ٤- ما هي ظروف و الاجواء المعيشيه مع مريض الاستجمتيزم من حيث التعرض للشمس او للاضائه
                    ٥- لو في اي توصيات

                    و شكرا جزيلا للرد مقدما

                    Comment


                    • مشكله

                      مرحبادكتور
                      عندي مشكله وان شاء الله الاقي الحل عندك
                      ولدي عنده فيروس غزحي في عينه اليسرى ويعاني منه منذ3سنوات يروح ويرجع عليه وتكون عينه شديدة الحمرارويأتيه الم فيها هل صحيح انه بيستمر الفيروس فيها وهل بيثر على نظره يادكتور لان الطبيب قاس نظره قال اصبح واحد وهل الشمس تؤثر عليه لانه قال الدكتور انه يتفاعل الفيروس مع الحرارة عمرة الان 15 سنه طمني يادكتور

                      Comment


                      • بعد اذنك يا دكتور
                        ابني عنده خمس سنوات و يرتدي نظاره من سنتين لان عنده طول نظر و عينه اليمين بتحول
                        المهم
                        جفن عينه اليسري من الخارج(عينه عاديه من الداخل) بقاله كام يوم احمر جدا من الناحيه الشمال و اقصي اليمين و دلوقتي لونه بقي اغمق
                        رحنا لدكتور قال ان احتمال يكون شريان انفجر و عمل كده من العصبيه او الحذق
                        هل ده وارد؟
                        ولو وارد اغلب الناس عصبيه ولا دي اختلافات عين لاخري

                        Comment


                        • ارجو المساعدة

                          انا دكتور كيماء فى جامعة عين شمس وعلى الرغم من اننى اقرأ وابحث كثيراً الا اننى وقعت فى فخ عملية اليزك وذلك لانى وثقت للاسف فى الاخرين للاسف
                          من اجرى الى العملية يبدو انة ضئيل المعرفة اولا
                          انا نظرى كان قبل عملية -6 فى العينتين وقرنيتى ليست سميكة ولكن لا اعلم كام بالظبط هذا ما قيل لى
                          للاسف لا اعلم كيف غاب ضمير هذا الطبيب
                          فللاسف انا من اصحاب الحدقة الكبيرة فى الظلام جدا لا اعتقد بأنها اقل من 8 ملى بأى شكل من الاشكال للاسف
                          بعد العملية على الرغم من ان نظرى 6 على 6 وعندى استجماتيزم نصف فى العينيتين واستطيع ان اقرأ على اللوحة جيدا الا اننى اعانى من الهالاات حول الاضواء وحول الحواف روالتى شيرتات البيضة وذهبت لاكثر من طبيب يقول لى لا شئ عندك سيروح بعد الوقت بالطبع كلام غير واقعى كذب فى كذب لاننى عملت اشعة للقرنية بجهاز بنتا كام وجهاز اربا سكان وبالطبع واضح من الاشعة اننى عندى عيوب درجة تانية عالية وذلك نتيجة قبر الحدقة فانت بالتأكيد تعلم بأن هناك اختلاف فى السمك بين حواف القرنية ومنتصفها وبالتالى مع قبر الحدقة تصبر الصورة سيئة واصبحت يجب ان اعلى النور جامد او انظر فى كشافات السيارات حتى ارى جيداً استعملت نظارة استجماتيز حسنت الصورة ولكن ليس كثيرا استعملت قطرة الفا جان تأثيرها ليس كبير اوى لا اعلم ماذا اعمل فاصبحت ارى بالعافية بداخل منزل يجب ان اضيئ نور كثير حتى اتخلص من الهالات والتى تعملى زغللة لا اعلم ما الحل هل عملية اخرى بجهاز بصمى العين او علمية سطحية ام عدسات صلبة ام عدسات ملونة لتصغيرالحدقة لا اعلم المتبقى من قرنيتى 380 ميكرون تقريبا فى العينين واعتقد ان هذا قليل ولا اي رأيك لان سمك الفلاب محسوب ارشدنى الى الطريق السليم يا دكتور حيس قليل ما تجد اطباء عندهم ضمير
                          يا رتنى كنت قريت قبل اجراء تلك العملية ويبدو كما قرات ان الحلول فى امريكا اكثر وسمعت ان هناك نظارات هاى دفينيشن لمعالجة عيوب الدرجة التانية الى ماذا ترشدنى ملاحظة عينى الشمال اسوء قليلا من اليمين ومن الاشعة يبدو ان الشمال ليس مركزة على منتصف الحدقة بعكس اليمين

                          Comment


                          • انا عامل العملية بقالى 6 اشهر

                            Comment


                            • دكتور انا كان عندي التهاب في جفون العين و راح و دلوقتي رجع تاني و مع ظهور قشر بين الجفون و الرموش و حكه فرحت لدكتور كتبلي blephamide قطره 3 مرات في اليوم و مرهم fucithalmic مره ف اليوم بس المشكله ان blephamide عملالي صداع فظيع و مكتوب عليها انها بتزود ضغط العين و مكتوب ان ليها اعراض جانبيه وحشة و انا بقالي ع العلاج اسبوع و مش قادره استحمل الصداع و المفروض فاضل علي العلاج اسبوع كمان فانا مش عرفه اقطع القطره و لا ابدلها مع العلم ان القشر راح بس لسه الجفون منتفخه فلو وقفتها استخدم حاجه بدالها ولا خلاص ؟؟؟؟؟؟؟؟؟؟ :(

                              Comment


                              • السلام عليكم اريد استشاره عاجله في كشف النظاره حيث اني ارتدي نظاره من 15 سنه وانا عمري الان 34 سنه وقد عملت كشف نظاره بتاريخ 7 /10 /2009
                                وكان كالاتى

                                العين اليسرى
                                sph -1.5
                                cyl -0.75
                                axe 170
                                العين اليمنى
                                sph -1.75
                                cyl -0.5
                                axe 175
                                IPD 67

                                وكان الكشف ده النظاره مريحاني جدا وبشوف بيها كويس وروحت عملت كشف تاني جديد مجرد لتجديد الكشف مش اكتر بتاريخ 29 /12 /2012 وكان كالاتى

                                العين اليسرى
                                sph -1.00
                                cyl -1.25
                                axe 170
                                العين اليمنى
                                sph -1.5
                                cyl -0.75
                                axe 180
                                IPD 66
                                وعملت النظاره علي المقاس الجديد ولبستها من يوم واحد بس حاسس انها مش مريحاتي حاسس في عيني الشمال ان بها شد بسيط فهل ده علشان المقاس جديد بس ولا المقاس القديم اظبطلي؟

                                فكنت عاوز اعرف انه مقاس المظبوط ولا اعيد كشف النظر حيث اني اري ان قصر النظر قل في الكشف الجديد هل معقول عيني قويت؟؟ تاني ولو حبيت اجيب عدسات هيكون مقاسها ايه بالظبط واجيب نوعها ايه انا كنت بستخدم بوش ان لومب بس مكنتش مريحه بالنسبالي وشكرا

                                Comment

                                Working...
                                X