كل ما تريد معرفته عن تصحيح البصر بالليزر

[heronasser]

شرح بالصور لعملية تصحيح البصر بالليزر

1

تبدأ عملية الليزك بوضع المشرط الإلكتروني على العين وتثبيته بدقة.




2
بتحريك المشرط الإلكتروني في اتجاه السهم يتم ازالة الغشاء الرقيق
الذي يغطي القرنية.

3

يقوم الطبيب بازالة الغشاء بواسطة ملقط معقم ووضعه جانباً لتكون
القرنية معرضة لاشعة الليزر للمرحلة التالية.

4

يتم تسليط أشعة الإكزيمر ليزر داخل أنسجة القرنية والتي تكون
محسوبة بعدد محدد لازالة السمك المطلوب من سطح القرنية



5
تتم العملية بإعادة الغشاء الرقيق مكانه كما كان قبل العملية.




جهاز القطع الإلكتروني من انتاج شركة visx

مشاكل ممكن ان تحدث

كأي عملية جرحية فإن هناك بعض المشاكل التي من الممكن ان
تحدث خلال مراحل العملية مثلاً في مرحلة قطع غشاء القرنية
وبالرغم من انه جهاز عالي الدقة والتطور الا ان قد تكون عملية
القطع غير مكتملة مما قد يسبب تأخير العملية لفترة تزيد عن 3 اشهر
لحين التحام الغشاء مرة اخرى او ان تكون عملية القطع اعمق من
الطلوب ولو ان هذا نادرا حدوثه او ان القطع كان غير منتظم او
ان اعادة الغشاء لم يكن في المكان الاصلي تماماً. كما انه من الممكن
ان تحدث بعض المشاكل خلال تسليط اشعة الليزر فقد يحدث ان تكون
كمية الليزر اكثر او اقل من المطلوب بالضبط كما انه من الممكن ان
يحرك المريض عينه اثناء الليزر كل هذه احتمالات نادرة الحدوث لان
العملية يسبقها فحص دقيق جداً لتحديد دقيق لكل متعلقات العملية.

لماذا يختـار البعض إجـراء عملية تصحيح البصـر ؟


لا يوجد أحد لا يتمنى الرؤيـة بدون الاعتمـاد على النظـارات

الطبية أو العدسات اللاصقـة ، حيث يقـوم أحدنا من فراشـه
فيرى ساعته ويعرف طريقه دون أن يتحسس مكان النظارات الطبية
أو العدسات اللاصقة . الكثيرون يتمنون مزاولة رياضتهم المفضلة
ككرة القدم أو السباحـة دون متاعب ومخاطر وضع النظارات
أو العدسات اللاصقة أثناء اللعب . البعض يعملون في مجالات تتطلب
دقة وسلامة النظر بدون نظارات طبية أو عدسات ، مثل رجال الأمن
والطيارين والرياضيين والمضيفـات. والبعض الآخر لا تصلح له العدسات
اللاصقة بسبب وجود حساسيـة أو جفاف في العين بسبب قلـة إفراز
الدموع، كما أنه لا يحبذ الظهور بالنظارات الطبية أو يفضل حرية الحركة
بدون التقيد بالنظارات أو العدسات وتلبي عملية تصحيح النظر بالليزر
كل هذه الرغبات بنجاح كبير .

كيف يقـوم الليـزر بعلاج قصـر النظـر ، طول النظر واللابؤرية ؟


بدأ العلاج بالليزر في أوروبا منذ منتصف الثمانينات، وقد تم منذ

تلك الفترة وحتى الآن علاج مـا يزيـد عن عشرة ملايين شخص
من مختلف دول العالم وبنسبة نجاح تزيد عن 95% . يجري حاليـاً
نوعان من العمليـات لعــلاج قصر النظر باستعمـال الليزر هي
عمليـات “الليزك”وعمليـات “الليزر” وفي الحالتين يعتمد الجهاز
على إصدار أشعة فوق بنفسجية تستطيع تغيير التحدب الخارجي
للقرنية دون إحداث أي تلف في الأنسجة المحيطة ، حيث تقوم أشعة
الليزر المبرمجـة مسبقاً بواسطـة الكومبيوتر بحد كميات محدودة من
أنسجة سطح القرنية (يقل سمكها عن سمك الشعرة الرقيقة) وبذلك
تصل العين إلى قوة التركيز المتوافق مع طولهـا وبالتالي يتم تصحيح
البصر والاستغناء عن النظارات الطبية والعدسات اللاصقـة .

ما الفرق بين الليزر والليزك و أيهما افضل لعلاج حالتي ؟؟


بجميع العمليات يتم استعمال نفس جهاز الاكسايمر ليز ولكن الفرق

بين الليزر والليزك هو موضع العلاج في عمليات الليزر يتم علاج
السطح الخارجي للقرنية بالليزر وقد اثبتت الابحاث انها طريقة علاج
مأمونة وفعالة في درجات النظر البسيطة أما في الدرجات العالية فقد
وجدت الابحاث ان عمليات الليزك تعطي نسبة نجاح أعلى ويتم فيها
الاستغناء عن النظارات بصورة اسرع وأدق وفي هذه العمليات يتم
إستعمال الليزر لعلاج الانسجة داخل القرنية
( بدلا من السطح الخارجي ) بعد إستخدام جهاز آخر مساعد يسمى
المايكروكيراتوم

هل حـالتي مناسبة للعلاج بالليـزر ؟


حتى نضمن نسبة نجــاح عـالية فلا بد من اختيار الشخص المناسب

بدقة وذلك عن طريق إجراء فحص مسبق في العيادة لقياس درجة
قصر النظر، طول النظر والإستيجماتيــزم وللتأكد من خلو العين من
الالتهابات الخارجية والداخليـة وبعد ذلك يتم إجراء تصوير طوبوغرافي
للقرنيـة وهو فحص بسيط وضروري يتم بواسطتـه تحديد الشخص
المناسب للعلاج ودرجة عيوب الإبصار بدقة شديدة بواسطة الكومبيوتر .

هل هنـاك عمر محدد للشخص المطلوب علاجـه ؟


لا نستطيع العلاج قبل سن الثامنة عشر عامـاً ولا يوجد حد أعلى للعمر

وينبغي الأخذ بعين الاعتبـار أن يكون قصر النظر قد استقر عند المريض
حتى يكون هناك جدوى من العملية .

مـا مـدة العمليـة ؟


العلاج بالليزر لا يحتـاج إلى الإقـامة في المستشفى لان العملية بسيطة

جدا . فبعد أن توضع قطرات في العين لتخديرها يستلقي المريض تحت
جهــاز الليزر لمدة تتراوح من
10 الى 50 ثانية فقط وبعد ذلك يعود المريض الى بيته

هل يسبب العلاج بالليزر أي ألـم ؟


العلاج بحد ذاتـه لا يسبب أي ألم ولكن بعد عملية الليزر ولمدة يومين

ينصح المريض بعدم التعرض للضوء العالي لأنه قد يضايقه . هناك قطرات
توصف للتقليل من أي شعور بعدم الارتياح في هذه الأيام الأولى بعد
العلاج بالليـزر.

أمـا في حالة عمليات الليزك او السوبر ليزك يكون عدم الارتياح هذا

لفترة الساعات الثلاثة الأولى فقــط بعد العــلاج لأن السطح
الخارجي للقرنيـة لم يلمسه الليزر وبالتالي فإن المريض يستطيع العودة
لحياته العادية بكل سهولة في اليوم التالي للعملية .

ما نسبة نجاح العملية ؟ وهل تتراجع نتيجة تصحيح البصر بالليزر مع

مرور الوقت ؟

نسبة نجاح العملية هي حوالي 95 % ، وهذا يعني انه اذا اختير المريض

المنــاسب الذي تصلح درجة قصر نظره للعلاج بالأكسايمر ليزر فإن
نسبة حدوث نقص بحدة النظر مرة أخرى لا تتعدى خمسة بالمائة
وفي هذه الحالـة من الممكن إجراء جلسة ثانية للعلاج بالليزر لتصحيح
الجزء البسيط المتبقي من درجات قصر النظر وبسهولة .

هل يحتمل أن يؤثر العلاج بالليزر تأثيرات جانبية على أجزاء أخرى

في العين غير القرنية المطلوب علاجها ؟

الاكسايمر ليزر عبارة عن أشعة غاية في الدقـة والتخصص ويتحكم

في تشغيلها الكمبيوتر ولا يتعدى تأثيرها الأنسجة المطلوب علاجها .

إذا كنت استخدم العدسات اللاصقة قبل العملية ما الذي ينبغي أن أفعله ؟


يجب عليك عدم استخدام العدسات اللاصقة قبل الفحص الطوبوغرافي

وعملية الليزر لفترة تتراوح من عدة أيـام
في حالة العدسات اللينة

و لعدة أسابيع في حالة العدسات الصلبة .


هل هناك تعليمات خاصة بوضع مستحضرات التجميل ؟

يجب عدم وضع مستحضرات التجميل لمنطقة العين يوم العملية وبعدها
لمدة أربعة أيام

تم النقل للعيادة الطبية
مشرف العــــــــــــــام

[EL_3OMDA]

[otefa]

شرح جميل ونفس الي حصل معايا وانا بعمل الليزيك هي عملية تعتبر بسيطة وسريعة بس مانصحش اي حد يعملها الا اذا نظارته عدساتها كبيرة فعلا او في مشكلة في العين وهاتروح بالعملية
انا عاملها من سنة وكان نظري -2 علي استيجماتيزيم يعني مكانش ضعيف قوي بس قلت خليني اخلص من النظارة علشان ماتدايقنيش وانا بلعب رياضة او بعوم......هو نظري اتحسن الحمد لله بس ساعات كدة احس ان الالوان بهتة شوية
يعني الي ناوي علي العملية دي يدرس الموضوع كويس قوي

[Fadi Ezzat]

شكر شكرا شكرا جدا على المعلومات
على فكرة ياوتيفا
انت بيتهيالك انها باهتة شوية لانك اتعودت على الناظرة
لكن هى دى الوان الطبيعة
وممكن يكون العملية فىها حاجة مش مظبوطة
اصل انا عارف ناس كتير اوى عملوها ومشتكوش من اى حاجة
وانا كمان اول لما اخلص امتحانات هروح اعملها

[meller]

شكرا علي المجهود الرائع بس طبعا الواحد بياخد بينج قبل العملية بس ياتري بنج كلي والا جزئي

[otefa]

بنج جزئي عبارة عن قطرة في العين وعملية سهلة جدا

[emadkamel]

ايوة بس انا مثلا مش مصدق انى ممكن ماحركش عينى وانا شايف واحد بيقطع منها حته وللا البنج ده بيمنع حركة العين؟

[otefa]

ماهي بتثبت بجهاز زي الي في صورة رقم 1_2

[otefa]

وده اقتباس لرد د.شريف مانسي-زميلنا في المنتدي

http://www.nilemotors.net/Nile/showthread.php?t=55299

أولا شكرا للجميع و ده اقل واجب
و بعدين كلنا اخوة
بالنسبة لتدهور النظر و سمك العدسات فدى مسألة نسبية ، يعنى لو النظر بيتغير حوالى درجة كل سنتين او ثلاثة فده معدل مش غريب و شبه متوقع و بعدين حسب ابتدى يتغير من امتى ، فلو ابتديت تلبس نظارة من سن 5-6 سنين يبقى غالبا يثبت على العشرينات ، اما لو ابتديت تلبسها متأخر 16-18 سنة مثلا فمتوقع اما تجرى بسرعة (المقاس ينزل جامد) فى كام سنة و يثبت زى الحالة الأولى أو يفضل يتغير ببطء و لكن باستمرار و احيانا يوصل للثلاثينات و هو لسه بيتغير
زى ما قلت سمك العدسات مسألة نسبية ، يعنى ممكن واحد مقاسه يكون 4.00- و يقول عدساتى تخينة و لكن عادة بنقول تخينة من بعد 6.00-
بالنسبة لليزك فأنا لى تحفظ عليه و بصراحة مش باحبه (حد شاف دكتور عيون قلع نظارته ؟؟ خلونا صرحاء شوية)
من غير ما ازعل حد من الزملاء منى فأنا مش باحب الليزك علشان حاجتين
1- نسبة فقدان الأبصار منه 15% (نسبة خطيرة فى عملية اختيارية مش اجبارية)
2- لا يمكن التنبؤ بمن ستنجح معه العملية او من ستفشل (ممكن تعمل كل الفحوصات و تطلع زى الفل و تعمل العملية و تسيب سحابة على العين مثلا)
ده غير المضاعفات اللى ممكن تحصل
فيه مثل قديم بيقول
"لو كان فيه الخير ما كان رماه الطير"
لو الليزك حلو كنا احنا أطباء العيون اول ناس عملناه
و اللى مش مقتنع ممكن يدخل على اللنك ده و يقرأ بعينه
Life After Lasik
أو لو حد يحب كلام متخصص و طبى يدخل على موقع الأكاديمية الأمريكية للعيون"American Academy of Ophthalmology"
aao.org
المشكلة ببساطة ان احنا ماعندناش رقابة على الدعاية فكله واحد بيقول اللى هو عايزه و مش مهم صح و لا غلط
و تحياتى
بالنسبة للفيزيتة يا Totaa فمش هانختلف
كله شغال
بنزين ، قطع غيار ، اكسسوار ، ساندوتشات:k31: ... الخ الخ
كله ينفع
__________________
Dr. Sherif Mansy
أى سؤال أو استشارة فى طب العيون
معتقدات و اساطير خاطئة عن الطب

[Dr.SherifMansy]

شكرا للموضوع الجميل أولا

و شكرا للأخ العزيز otefa على تضمينك لردى السابق على موضوع الليزك فى المشاركة ، و ده شئ يسعدنى جدا

بالنسبة لتحريك العين ففيه تحذير على موقع FDA من ان اللى مش بيقدر يثبت عينه دقيقة على هذف فمافيش داعى يفكر يعملها ، صحيح معظم الأجهزة دلوقت فيها Eye movement tracking و لكن السلامة أولا

انا عارف ان كتير بيقولوا على عدو الليزك

و الله الحكاية مش كده ، و لكن انا شايف ان الليزك واخد دعاية قوية لأسباب تجارية بحتة و فيه اخفاء شبه كامل للحقيقة عن المريض

لازم المريض يعرف اللى له و اللى عليه و اللى ممكن يحصل بأمانة كاملة و بعد كده له مطلق الحرية فى الأختيار

و انا سبق و قلت الكلام ده فى مشاركة سابقة

انا مش باعمل ليزك للمريض بتاعى الا لو مافيش اى حل آخر بتاتا غير الليزك

انما اجازف بنظره و عينه علشان نفسه يقلع النظارة ، فأنا آسف

يشوف حد غيرى يلعب فى عينه و هو و نصيبه و ربنا يستر عليه و يطلع سليم بأذن الله

اسمحوا لى انهى المشاركة دى علشان ما تطولش و ابدأ فى المشاركة التالية وضع كلامى اللى سبق قلته للتوضيح للى ما قرأهوش فبل كده

[Dr.SherifMansy]

اسمحوا لى احط بعد الأقتباسات من كلامى السابق و كلام بعض الأعضاء (مع نسبته لهم) للتوضيح

فيه بعض المعلومات الضرورية اللى لازم الكل يعرفها و بعدين كل واحد حر فى اللى هو عايزه
lasik هو اختصار laser in situ kertomelieusis يعنى اعادة تشكيل سطح القرنية فى مكانه باستعمال الليزر و دى احدى عمليات تصحيح النظر و تتم بعمل شريحة غير كاملة فى قرنية العين باستعمال مشرط جراحى خاص يدعى microkeratome و رفع الشريحة مثل كبوت العربية ثم استعمال شعاع ليزر الأكسيمر لأعادة تشكيل سطح القرنية للوصول الى القوة المطلوبة كعدسة ثم اعادة الشريحة السابقة لمكانها

طبعا المشكلة ان العملية واخدة دعاية فوق الوصف و ماحدش من المرضى المساكين عارف الحقيقة فين
و لكن قبل ما اتكلم فيه نقطة هاااامة جدا لابد من ذكرها ...
حد يجيب لى دكتور عيون واحد على مستوى العالم عملها لنفسه و قلع نظارته !!!
هل يعقل ان كل دكاترة العيون اتقلبوا "بابا نويل" بيهدوا الناس النظر السليم و يخلصوهم من اللعنة الأبدية المسماة "النظارة" و اختها الملعونة "العدسات اللاصقة" و ماحدش منهم نفسه يقلع نظارته ؟؟ ليه ؟ هو احنا واخدينها على شهادة الماجستير مثلا ؟؟
فكروا فى النقطة دى كويس

أرسل أصلا بواسطة ahmed1981
أنا سألت الدكتور بهي الدين شلش
وهو دكتور عيون كبير
وأكيد الدكاتره هنا عارفينه
المهم قال أنا لا أحبذها لأن بها نسبة خطأ ونسبة فشل لو حدثت ستصبح العين أسوأمن ذي قبل

أرسل أصلا بواسطة casperinoo
معظم اساتذة الرمد عندنا لابسين نضارات!!!

[Dr.SherifMansy]

و لو تسمحوا اكمل هنا كمان

طبعا كطبيب عيون ارفض هذه العملية الا لو حد "مالوش حل تانى" غير العملية دى ، مش اى حد نفسه يقلع نظارته و خلاص
ثانيا كطبيب (عموما) و باحث ماتعودتش اتكلم من غير ما اوثق كلامى بالمراجع اللازمة و الا يبقى كلام مطلق مالوش لازمة
و هنا اسمحوا لى نتفسح شوية مع بعض فى الويب
اولا من موقع ...med دراسة حديثة تحذر من مخاطر الليزك
experts advise new warnings for lasik
patients tell fda panel about serious side effects from corrective eye surgery

باختصار فيها تحذير من مخاطر الليزك و ان لابد توعية المرضى بذلك و ان ال fda بدأت دراسة جديد (قد تستغرق سنوات) لتعيد النظر فى التصريح الممنوح لليزك ، و ان مشاكله بقت كبيرة على مرور السنين

نتكلم شوية عن المشاكل :

اقتباس:[gdwl]
lasik statistics

lasik risks & complications

dry eye is a common complication after lasik. In one study, 20% of eyes undergoing lasik exhibited chronic dry eye that lasted 6 months or longer.
Source study: "dry eye after lasik for myopia: Incidence and risk factors."
eur j ophthalmol. Vol 17 no 1, 2007.


The incidence of epithelial ingrowth after lasik has been reported to be as low as 0.2 percent and as high as 15 percent. Commonly reported figures are 0.92 percent after primary lasik and 1.7 percent after enhancement procedures.
Source: "treating epithelial ingrowth after lasik."
review of ophthalmology. Vol 14 no 7, july 2007.


The estimated incidence of corneal ectasia after lasik is about 1 in 2,500 (0.04%).
Source: "combating corneal ectasia demands that surgeons expand their notions about the disease."
ocular surgery news, www.osnsupersite.com, july 3, 2008. [/gdwl]

العملية الآمنة فيها نسبة 20% جفاف سطح العين لمدة 6 شهور او اكثر !!! يا سلام ... تخيل كل واحد كده لو عينه عمالة تحرقه و فيها احساس شكشكة و جفاف و نفسه انها تدمع شوية و مش قادر ...
بدون تعليق
المشكلتين التانيين هى ظهور سحابة مكان القطع لعمل القلابة و نسبتها قد تصل الى 1.7% بعد اعادة الليزك
اما المشكلة الثالثة ان القرنية تبقى رقيقة لدرجة انها تعمل زى البالونة و تجحظ للخارج تحت ضغط العين الداخلى العادى و دى بتدمر الأبصار

نكمل كلامنا

اقتباس:
[gdwl]in a major report discussed on the american academy of ophthalmology ... Site, 64 lasik studies published since 2000 were reviewed with these results reported[/gdwl]:

الأكاديمية الأميريكية للعيون دى اعلى مرجع للعيون فى العالم و ده تقريرها عن 64 دراسة من سنة 2000 حتى الآن

اقتباس:
[gdwl]in a detailed analysis of all 64 studies, a median of 92 percent of eyes with myopia or myopic astigmatism achieved a correction within 2 diopters of target. Results were better for eyes with low or moderate myopia, compared with high myopia[/gdwl].

كل الدراسات بتقول ان متوسط نسبة تصحيح النظر بقبول خطأ درجتين فوق او تحت المقاس هى 92% يعنى الفشل 8% (هل دى نسبة بسيطة فى عملية اختيارية و غير ضرورية؟؟ و مش هانجيب سيرة الخطأ درجتين فوق او تحت المقاس) !!!

اقتباس:
[gdwl]in these same studies, outcomes for people with hyperopia also were examined. Results showed that a median of 88 percent of eyes with hyperopia and hyperopic astigmatism achieved correction within one diopter of target, resulting in at least 20/40 ucva[/gdwl].

هنا بقى طول النظر و نسبة النجاح 88% و مش هاتكلم عن كده اكتر

اقتباس:
[gdwl]

the u.s. Food and drug administration (fda) reports that lasik eye surgery complications occur in 1 to 5 percent of cases. According to the fda’s lasik surgery statistics:

* glare and sensitivity to light affect 1.7 percent of lasik patients.
* visual fluctuations occur in 2.6 percent of lasik patients.
* halos around light sources are experienced by 3.5 percent of patients.
* about 3 percent of patients report vision worse than before lasik.

[/gdwl]

باعتراف fda نفسها المضاعفات 1-5 % (اكتر من كده فى الحقيقة و الا ماكانوش عملوا دراسة جديدة ، و لكن ده الموجود حاليا فى نظرهم)

زغللة و حساسية شديدة للضوء 1.7%
تذبذب النظر 2.6%
هلالات حول الضوء 3.5%
النظر أسوأ بعد العملية 3%
الأجمالى 10.8% مضاعفات

ممكن نقرأ اللى جاى سوا ؟

أخبار من موقع مضاعفات الليزك

و هنا كمان

10 اسباب مهمة لتجنب الليزك

هنا مواقع عن مضاعفات الليزك مع قصص للناس اللى عملوها و عينيهم باظت (اللهم احفظنا جميعا)

lasik complications

life after lasik

آسف انى طولت عليكم و يمكن كلامى ما يعجبش ناس كتير و لكن الحقيقة لا مفر منها

المشكلة ان احنا بنسمع بس عن اللى بيكسب فى اليانصيب او صالات القمار لكن ما بنسمعش حاجة عن اللى خسروا

و نفس المشكلة فى الدعاية ، بيعملوا الدنيا لونها وردى و البحر طحينة و مافيش سيرة عن الحقيقة

و علشان اديكم مثال حى عن كده شوفوا الليزك مكتوب عنه ايه فى الصفحة العربية من ويكيبيديا و الأهم مين اللى كاتبها و للأسف بدون مراجع فعلية (مش محتاج اقول ليه من غير مراجع !!!)

الليزك فى ويكيبيديا العربية

و هنا الصفحة الأصلية بالأنجليزية مع الحقيقة و المشاكل و المضاعفات و نسبها الحقيقية و المراجع المعتمدة ، للى يحب يقرأ و يقارن الفرق بين الحقيقة و الدعاية

الليزك فى ويكيبيديا الأنجليزية

طبعا بدون تعليق

آسف للأطالة و آسف لو حد زعل منى و لكن الأمر أهه قدامكم و تدبروا يا أولى الألباب
و تحياتى

[Dr.SherifMansy]

و نكمل هنا كمان ، بس الأول اسمحوا لى أصلح اللنك دى فى المشاركة السابقة


experts advise new warnings for lasik
patients tell fda panel about serious side effects from corrective eye surgery

اقتباس:
[gdwl]أرسل أصلا بواسطة elrasy


انا كدة تقريبا شبة مقتنع بيها ,, بس انا محترم الاراء اللى لا ترجح العملية وخصوصا كمان انى قريت ان المستشفيات الحكومية فى امريكا وانجلترا مبتعمليش العملية دى بسبب انها مش واثقة فى نتايجها على المدى الطويل,,
فعلشان كدة هكمل دراسة الجدوى كمان شهر او شهرين,, وربنا يقدم اللى فية الخير.[/gdwl]


تمام كده
و على فكرة ، الناس دى مابتلعبش
دول خايفين من الدعاوى القضائية فبيبعد عن الشر و يغني له
اعرف اللى ليك و اللى عليك و بعد كده انت حر فى قرارك

اقتباس:
[gdwl]أرسل أصلا بواسطة mohmd76
العين لا تعوض مهما كانت العمليه حتى فى امريكا انظر وزيرة الخارجية وكبار المسؤلين يرتدون نظارات واغلب زعماء العالم
[/gdwl]


بيتبعوا مبدأ السلامة اولا
و فعلا العين لا تعوض
و ارجع و اقول اعرف المزايا و المشاكل و اوزن دى مقابل دى مقابل احتياجك الحقيقى للعملية
و توكل على الله فى قرارك
و تحياتى

[Dr.SherifMansy]

علشان ما يبقاش فيه شك فى اللى باقوله

اتفضلوا الواشنطن بوست

FDA Plans to Examine Scope of Complaints About Lasik

موقع تانى بيشرح الحقيقة للمرضى (بخصوص اى شئ طبى)

Lasik Nightmares -- FDA Study -- Share Your Two Cents

و أخيرا سخن طازة بنار الفرن من موقع FDA

What should I expect before, during, and after surgery?


LASIK Surgery Checklist


و اللنك الأخيرة فيها المضاعفات الوارد حدوثها

أرجو من كل واحد بيفكر فى العملية انه يقرأ الكلام ده و يفكر كويس

هى دى الحقيقة بكل أمانة ، و بعد كده كل واحد حر فى قراره و تحديد ما اذا كانت حاجته للعملية دى تساوى او تفوق نسبة المخاطرة فيها ولا لأ

ان مش باقول اعملوا او ما تعملوش العملية دى

و لكن باضع الحقيقة امامكم بدون ضجة اعلانية او تزييف او اخفاء للحقيقة

و الأختيار لكم

مع تمنياتى بالتوفيق و الصحة للجميع

و تحياتى

[Dr.SherifMansy]

لو لنك الواشنطن بوست ما ظهرتش آدى الصفحة PDF من اللنك دى

The Washington Post

و تحياتى