إستشاري مخ و أعصاب

[mostafabakry]

السلام عليكم اهل المنتدي

يا يت لو اي حد يقدر يدلني علي طبيب استشاري مخ و اعصاب كبير في القاهرة و يكون متخصص في المشاكل الللي بتحصل بسبب الحوادث و اللي بتأثر علي مراكز السمع و الكلام و الحكو و كل الحواس بالمخ
يا ريت ةضروري جدا لو امكن العناوين و التلبفونات الخاصة به
الموضوع مستعجل جدا

جزاكم الله خيرا

[mostafabakry]

ايه يا رجالة محدش عارف و لا الناس لسا ما صحيتش من النوم

انا لسه مستني ردودكم

[EslaM_NagY]

كان نفسى اعرف وارد على حضرتك


ربنا يشفى جميع مرضانا يا رب

[PoweRPassioN]

ممكن الاسماء دي تساعدك بس اسأل حد متخصص برضوا
اللينك:
صيدلية المرهف

[mostafabakry]

شكرا لكل من رد عليا

بس انا زعلان معقولة ماحدش يعرف اطباء مخ و اعصاب في القاهرة

ايه يا جماعة هو الصيام بيخلي الناس تبخل انها ترد و لا ايه

[aliabutaleb]

انا أعرف أ. د. سمير الملا
بس يمكن يكون حد من الأخوة عنده حد أفضل أو كشفه أرخص أو قائمة انتظاره مش مزدحمة

بيانات عيادته موجودة على الرابط التالي
CV

[Dr Zezo]

الاستاذ الدكتور مدحت قطب

استاذ المخ و الاعصاب بجامعة عين شمس

100% بس لا اعلم مكان عيادته او رقم تليفونه هاسأل و اضعه لحضرتك

[Ahmed A Rahman]

أولا الف سلامة على اللي حضرتك بتسأل علشانه

بس احب اوضح لحضرتك موضوع معظم المصريين بيقعوا فيه عشان بس نوفر وقت للعيان هو في امس الحاجة ليه

فيه فرق بين المخ والأعصاب وبين النفسية والعصبية
الفرق بينهم هو الفرق بين الجراحة والباطنة

يعني الاول فرع من فروع الجراحة
الثاني فرع من فروع الباطنة

لو حضرتك عايز الدكتور عشان واحد مثلا لا قدر الله عمل حادثة واتأثرت عنده بعض المراكز في المخ يبقى حضرتك مش محتاج دكتور مخ واعصاب nerurosurgery لا حضرتك محتاج neuropsychiatry

كلمة نفسية وعصبية ليها وقع مش مستحب في مصر ودا بسبب الترجمة الغلط رغم ان الدكتور ده ممكن يقعد وقت طويل جدا يعالج العيان على عكس جراحة المخ والاعصاب اللي تعامله مع العيان قليل زي باقي فروع الجراحة.

يعني مثلا لو حضرتك محتاج دكتور عشان لا قدر الله:
نزيف في المخ, ورم في المخ, زرع دعامة في المخ, انسداد في مجاري المخ المائية, كسر في الجمجمة
بمعنى اصح حاجه تتشال أو تتصلح أو تتسلك يبقى حضرتك محتاج دكتور جراحة مخ واعصاب

لو حضرتك محتاج دكتور عشان لا قدر الله:
صداع, صداع نصفي, , ارتجاج, شلل, الشلل الرعاش, التهاب الاعصاب, جيان باريه, شلل الاطفال, حادثة ادت إلى شلل, صرع, عدوى المخ والاعصاب, اصابة الجهاز العصبي , الم الفقرات الدسك, الانزلاق الغضروفي, ضعف الاعصاب, قلق, اكتئاب, ادمان, شيزوفرينيا, خوف فوبيا, هستيريا
يبقى حضرتك محتاج نفسية وعصبية (أعصاب)

فحضرتك قول انت محتاجج اي فرع منهم انا ان شاء الله ابعت لحضرتك عناوين الاطباء الكبار في هذا المجال أو حتى ممكن من على موقع النقابة أو الدليل المصري.
والف سلامة مرة ثانية على اللي حضرتك بتسال ليه.

د. أحمد طبيب أعصاب

[mostafabakry]

انا أعرف أ. د. سمير الملا
بس يمكن يكون حد من الأخوة عنده حد أفضل أو كشفه أرخص أو قائمة انتظاره مش مزدحمة

بيانات عيادته موجودة على الرابط التالي
cv

جزاك الله خيرا ابو حمزة

[mostafabakry]

الاستاذ الدكتور مدحت قطب

استاذ المخ و الاعصاب بجامعة عين شمس

100% بس لا اعلم مكان عيادته او رقم تليفونه هاسأل و اضعه لحضرتك

جزاك الله خيرا د/زيزو

و منتظر العنوان يا باشا

[mostafabakry]

أولا الف سلامة على اللي حضرتك بتسأل علشانه

بس احب اوضح لحضرتك موضوع معظم المصريين بيقعوا فيه عشان بس نوفر وقت للعيان هو في امس الحاجة ليه

فيه فرق بين المخ والأعصاب وبين النفسية والعصبية
الفرق بينهم هو الفرق بين الجراحة والباطنة

يعني الاول فرع من فروع الجراحة
الثاني فرع من فروع الباطنة

لو حضرتك عايز الدكتور عشان واحد مثلا لا قدر الله عمل حادثة واتأثرت عنده بعض المراكز في المخ يبقى حضرتك مش محتاج دكتور مخ واعصاب nerurosurgery لا حضرتك محتاج neuropsychiatry

كلمة نفسية وعصبية ليها وقع مش مستحب في مصر ودا بسبب الترجمة الغلط رغم ان الدكتور ده ممكن يقعد وقت طويل جدا يعالج العيان على عكس جراحة المخ والاعصاب اللي تعامله مع العيان قليل زي باقي فروع الجراحة.

يعني مثلا لو حضرتك محتاج دكتور عشان لا قدر الله:
نزيف في المخ, ورم في المخ, زرع دعامة في المخ, انسداد في مجاري المخ المائية, كسر في الجمجمة
بمعنى اصح حاجه تتشال أو تتصلح أو تتسلك يبقى حضرتك محتاج دكتور جراحة مخ واعصاب

لو حضرتك محتاج دكتور عشان لا قدر الله:
صداع, صداع نصفي, , ارتجاج, شلل, الشلل الرعاش, التهاب الاعصاب, جيان باريه, شلل الاطفال, حادثة ادت إلى شلل, صرع, عدوى المخ والاعصاب, اصابة الجهاز العصبي , الم الفقرات الدسك, الانزلاق الغضروفي, ضعف الاعصاب, قلق, اكتئاب, ادمان, شيزوفرينيا, خوف فوبيا, هستيريا
يبقى حضرتك محتاج نفسية وعصبية (أعصاب)

فحضرتك قول انت محتاجج اي فرع منهم انا ان شاء الله ابعت لحضرتك عناوين الاطباء الكبار في هذا المجال أو حتى ممكن من على موقع النقابة أو الدليل المصري.
والف سلامة مرة ثانية على اللي حضرتك بتسال ليه.

د. أحمد طبيب أعصاب

جزاك الله خيرا د/ أحمد

والله مش عارف اقولك الله علي نصيحتك و توضيحك دا, ربنا يبارك لك في صحتك

المشكلة يا دكتور خاصة بطفل عنده حوالي 3 سنوات تعرض لحادث سيارة في الشارع و طبعا الصدمة كانت في الرأس و أثرت علي المخ و مراكز الحركة و النطق
الولد فضل في الإنعاش فترة حوالي اسبوع وكان الأمل شبة مفقود في نجاتة وكان الموضوع مسألة وقت مش اكتر
و لكن ربنا ااد انه يعيش و سبحان الله بدا في التعافي
ولكن المشكلة ظهرت بقا في الرؤية و الحركة و الكلام
الحالة دلوقتي مع العلاج الطبيعي تحسنت كتير و تقريبا الر}ية رجعت بس في حول في احدي العينيتن
الكلام لسه مش شغال مع انه كان بيتكلم كويس قبل الحادث و لكنه حاليا بدأ و كأنه لسه بيتعلم الكلام
سبحان الله
نفس الكلام بالنسبة للحركة فدلوقتي بيقف علي رجلية مع السند علي اي حاجة زي كرسي او جدار و بدأ يحبو و كانه لسه هيبتدي يمشي من جديد

طبعا الحالة بتتحسن كل شوية مع الوقت
الولد دا في السعودية و اهلة من مصر ونازلين خلال اليويمن الجايين و كانوا عاوزين يعرفوا طبيب متخصص و كبير في القاهرة يساعدهم في علاج الحالة و تجنب اي مضاعفات قد تظهر في المستقبل خصوصا الحركة و الكلام والرؤية

فيا ريت حضرتك تساعدني و تنصحني بالصح

جزاك الله كل الخير و جعله في ميزان حسناتك

[dr-mohamed]

ازيك يا مصطفي
والله لسة قاري موضوعك ده حالا
فيه استشاري مخ واعصاب اسمه الدكتور مصطفي حلمي في الدقي في شارع شاهين
اتصل بيا قبل الفطار اكون جبت لك كل بياناته

[mostafabakry]

ازيك يا مصطفي
والله لسة قاري موضوعك ده حالا
فيه استشاري مخ واعصاب اسمه الدكتور مصطفي حلمي في الدقي في شارع شاهين
اتصل بيا قبل الفطار اكون جبت لك كل بياناته

الله يسلمك يا باشا

ماشي يا ريس بس اتصل بيك ازاي :b4_592:
منتظر ردك