باب النجار مخلع...استشارتين احداهما عيون

[icehearted girl]

السلام عليكم ورحمة الله وبركاته

مبدئيا مش عاوزة اي تريقة وباب النجار مخلع والكلام دا


امبارح بليل قبل الفجر بشوية حصل حاجة غريبة شويتين


عارفين احساس الواحد ان ضلعه اتكسر ورشق في احدي رئتيه


دا بظبط حصلي وقمت مالنوم علي صرخة واحدة صريخ صريخ والم فظيع


ومكنتش قادرة اخد نفسي من الالم ومكنتش قادرة اتحرك فنفس الوقت

بس بعد ساعه الموضوع دا راح لوحده


وبما اني لسه طالبة دا اولا


ومبحبش اروح لدكترة..دا ثانيا فنا مش عارفة اللي حصلي دا عبارة عن ايه؟؟


ثانيا.... من فترة كنت بلعب سكواش...والكورة جت فعيني مباشرة طبعا انا حسيت

ان الدنيا ضلمت فجأة والموضوع راح لحاله خلاص... بعدها بفترة بقيت اشوف

الذبابة الطائرة طبعا كان حصلي vitrous hge بسيط

هي مبتضايقنيش في الرؤية بس من وقتها حسة بشوية استجماتيزم خصوصا بليل بس فلشارع

هل الموضوع دا ممكن يزيد سواء الذبابة دي او الاستجماتيزم ؟؟ انا مش لابسة نظارة

وكذا مرة اروح اكشف ويطلع نظري 6/6 بس انا بردوا حسة باستجماتيزم

[Dr_Smart]

وعليكم السلام ورحمة الله وبركاته

الف سلامه على حضرتك

بالنسبه للشكوى الاولى ممكن يكون سببها spasm او تمزق بسيط في ال intercostal muscle جايز يكون كان عندك كحه جامده شويه او عملتي حركه غلط ... ماعلينا المهم انه راح لحاله

بالنسبه لموضوع عنيكي ده المفروض انك تكوني عملتي فحص قاع عين عشان تتطمني عالدنيا جوه خصوصا لو لسه بتشوفي الذبابه الطائره دي

بتحسي ازاي بالاستجماتيزم يعني ؟ يعني بيحصل زغلله ؟ طالما كشف النضاره سليم يبقى ان شاء الله مفيش استجماتيزم ويكون سبب الزغلله ارهاق بس

اما عن موضوع باب النجار مخلع فهو مخلع عند كل طلبة الطب وانا منهم لغاية لما ربنا يكرمنا وبعد التخرج بنكتسب الخبره واحده واحده

ارجو اني اكون طمنتك

[icehearted girl]

يلا الحمدلله علي كل شئ


بس انا معملتش قاع عين

الدكتور قاللي ملوش لزوم الزغللة دي بتجيلي بليل بس خصوصا لو سايقة مش مرتبطةا وي بالارهاق يعني


ربنا يكرمك يادوك... ويعيشلك مرضاك :d

[wahba87]

على فكره انا عندى موضوع الذبابة ده من سنين ...... هما ذباب كتير الحقيقة , بس فى عين واحدة بس

انا مكنتش مهتم , حاسس انه موضوع تافه يعنى , هو موضوع كبير ولا ايه ؟؟

على فكرة انا نظرى 6/6

[icehearted girl]

طالما انت مبتشتكيش

يعني مش مضايقك فلرؤية يبقي مفيش مشكلة

الالو حجمهم كبر مثلا

[KSA2011]

زى ما Dr.Smart قال بالنسبه للى حسيتى بيه بالليل
اما بالنسبه للعيون على اد معلوماتى انه ال Vitreous hge انه بعد فتره بيمتص وييختفى موضوع الزغلله ده
انا شفت حالات مرضى سكر معاهم Retinal detachement and vit hge Severe ممكن بيشموا على علاج بسيط او بيستنوا شويه العين بتنشف النزيف
ما تشغليش بالك بالموضوع ده
اما بالنسبه لموضوع الاستيجماتيزم بكل بساطه اكشفى نظاره تانى وشوفى اذا فيه نسبه ولا لا ؟
انا عندى استيجماتيزم عادى يعنى مش بشوف المطبات غير بعد ما اكلها وعلى سرعات هههه وسواقتى بالليل ببقى ماشى على الخط الابيض الى فى النص معلم الطريق بيه يعنى وما ببقاش شايف اى حاجه تانيه فى الطريق عادى جداا هههه
والف سلامه على حضرتك

[KSA2011]

طالما انت مبتشتكيش

يعني مش مضايقك فلرؤية يبقي مفيش مشكلة

الالو حجمهم كبر مثلا

باب النجار مخلع ايه بس اهه
مش هقول رد جميل لانه ما ينفعش الواحد يقيم اساتذته

[Terrible_DaRsH]

طب يا جماعة سؤال بره الموضوع كده :)

ايه الفرق بين دكتور استشارى و دكتور اخصائي . انا طبعا عارف الفرق و لكن عايز اعرف الفرق بالظبط .

[KSA2011]

وللعلم بالله انه الاخصائى ده لقب التخصص يعنى انا فى امتياز لما اخلص امتياز هستلم تكليف وفى التكليف بقدم على نيابه فى تخصص معين
لما تيجى النيابه المفروض اقدم على الماستر فى التخصص الى جانى ولما اخده يبقى معايا لقب اخصائى
لقب استشارى غالبا بعد الدكتوراه فى التخصص مع سنوات خبره معينه
فى بعض الشهادات زى الزماله البريطانيه بتعطيك لقب استشارى تقريبا بعد 5 سنين من حصولك عليها

[icehearted girl]

احم احم

معلوماتي بتقول كدا برده

عالاقل بابنا مخلع

حضرتكك بابك مسروق اساسا

هههههههههههههههههههههههههه


ممبتشفش المطبات غير لما تاكلها..؟؟؟.!!!!


انتوا بس شاورولي علطريق ونا اسوق ميه ميه


كلمها بالستر يارررررررررررب

[KSA2011]

ههههههههههه

[DR/WAFEK]

هو الطب جه هنا كمان انا ماصدقت اقدر ابعد عن طب مصر شويه اجى القى دكتره هنا كمان
معلش يا جماعه اصل كل ما ادخل طب مصر اصاب بحاله من الاحباط من الوضع اللى الاطباء فيه فقررت اكبر الجمجمه والباب اللى يجيلك منه الريح سده واستريح

[homme49]

أرجو من الزملاء الأطباء الإفادة بالرأى عن تمزق العضلات نتيجة تمرينات رياضية عنيفة .
هل يتم إستشارة أخصائى عظام أم أخصائى علاج طبيعى
أم عمل أشعة على منطقة الألم و التوجه بها للطبيب المختص

[icehearted girl]

يعني اي طب مصر؟؟..!!

[DR/WAFEK]

مناقشاااااات الأطبــــــــاء - طب مصر 90 ألف عضو