محتاج نصيحه طبيه عاجله

[amir]

كنت عايز اعرف دكتور عظام
الحاجه عندها ال e.s.r عالي جدا جدا و كانت بتشتكي من ضهرها و راحت لدكتور و قال انها بتعاني من انزلاق غضروفي و ممكن تحتاج عمليه
طبعا موضوع ال e.s.r قالقني شخصيا و دكتور التحاليل لسه مكلمني و بكره ان شاء الله يجيبلنا نتيجه التحاليل
ايه العمل دلوقتي؟
هي عندها سكر و مش عايز اتفاجئ بسبب ال esr
عايز دكتور عظام يقول رأئيه كرأي تاني لموضوع العمليه و اروح لدكتور ايه علشان نطمن علي باقي الجسم؟

[Dr.SherifMansy]

ألف سلامة على الحاجة ، و لكن يا د/ أمير ليه حضرتك قلقان كده من ان esr عالى ؟؟ و ليه ربطته بموضوع العظام ؟؟؟

حضرتك عارف ان اى مشكلة فى الجسم ممكن ترفع esr حتى لو كانت صباع مدوحس او ضرس مسوس او ... أو ... أو ...

فيه مليون حاجة ترفعه.

ممكن تأخد رأى دكتور عظام تانى و ده كلام سليم و مش غلط ، قرارات العمليات لازم تكون حاسمة و بدون شك او تردد ، و لو اختلف الرأيين خد ثالث و رابع لحد ما تستقر على رأى الجماعة ، لأن مش ممكن الكل يتفق على حاجة غلط.

المهم تختار الناس ذوى الخبرة و الأمانة.

بالنسبة لموضوع esr العالى ممكن تعمل فحوصات شاملة و منها تطمئن على الحاجة و تحاول تعرف سبب ارتفاعه.

و تحياتى

[A.Saad]

فيه دكتور اسمه نبيل المهدى عندى فى الشغل
هوة شاطر
بس بيروح عيادة السلام الدولى احيانا وله عيادة فى منطقة قرب القناطر اسمها المناشى

[tabeb]

كنت عايز اعرف دكتور عظام
الحاجه عندها ال e.s.r عالي جدا جدا و كانت بتشتكي من ضهرها و راحت لدكتور و قال انها بتعاني من انزلاق غضروفي و ممكن تحتاج عمليه
طبعا موضوع ال e.s.r قالقني شخصيا و دكتور التحاليل لسه مكلمني و بكره ان شاء الله يجيبلنا نتيجه التحاليل
ايه العمل دلوقتي؟
هي عندها سكر و مش عايز اتفاجئ بسبب ال esr
عايز دكتور عظام يقول رأئيه كرأي تاني لموضوع العمليه و اروح لدكتور ايه علشان نطمن علي باقي الجسم؟

الف سلامة علي الحاجة
سرعة الترسيب دي ليها عشرات الاسباب
عن تجربة ممكن تروح لدكتور فؤاد زامل في مستشفي السلام او الشرطة
راجل فوق الممتاز
انصحك بيه بشدة وان شاء الله ربنا يجعله سبب للشفاء

[T_790]

erythrocyte sedimentation rate "ESR" is not a diagnostic test it can go up in many conditions but it doesn't indicate a certain disease in brief it just tells you that something is wrong it may or may not be related to her back condition & that's all i.know
..

[Egyzizo]

عالى جداً يعنى كام ،
بيبقى فيه قلق لو الساعة الأولى فوق 100

[amir]

كتر الف خيركو كلكو يا جماعه
الحمد لله رحنا لاستاذ دكتور و قال ان العمليه مش مهمه و بالعكس ايد موضوع اننا منعملهاش
و طلب فحوصات و اشعات و بكره ان شاء الله نروحله بيها
اما بالنسبه لل esr فهو كان علي ما افتكر 60 في الساعه الاولي و 150 في التانيه فكنت قلقان قوي ليكون الموضوع مرتبط بالسكر خصوصا ان السكر مش علي طول متابعاه كويس
كتر الف خيركو و متشكر ليكو جدا جدا

[Egyzizo]

عادى ، بنشوف الأرقام دى كتير ..

بس لى ملاحظة استشفيتها من حاجة معينة ..

لو كانت نتيجة الساعة التانية دى مظبوطة (150)
هيبقى الهيموجلوبين بتاع الحاجة واطى بدرجة ملحوظة .. فيا ريت تطمن عليه ..