كنت عاوز اعرف اخصائى تغذيه كويس

[theking2690]

يا جماعه كنت عاوز اعرف اخصائى تغذيه كويس اتابع معاه علشان اخس ان خلاص الموضوع ده بدأ يخنقنى فى حياتى كلها و بعدين لما اكبر مش عاوز افتكر ان قضيت فترة شبابى كلها بكرش المشكله انى كسول و من ساعة ما جبت العربيه بقيت كسول اكتر فأنا عاوز اعرف دكتور كويس علشان التخسيس بس ميكونش كفتجى من اللى ناقلين رجيم من على النت و مصورينه وبيوزعوا على المرضى انا عاوز واحد فاهم شغله كويس لأنى فعلا الموضوع ده بدأ يكئبنى نفسيا واتخنقت منه جداااااااااااااااا

[TIMODAX]

فعلا ما فيش انا رحت لكتيييير كلهم كغتجيه

[asbeats]

بص هو انا معايا دكتورة في الشغل اخصائية تغذية...بس للأسف معندهاش عيادة خاصة...هي فاهمة جدا وليا زملاء كتير في الشغل عملتلهم انظمة تغذية وما شاء الله نتيجة اكتر من رائعة....

انا هاشوفها يوم السبت ان شاء الله وهاسألها لو كان عندها استعداد تستقبل حد من بره ولا لأ...وهرد هنا في نفس التوبيك ده

[Terrible_DaRsH]

ممكن اديلك عنوان دكتور هيخليك ارفع منى , بس تستحمل شوية .

الدكتور ده خلى صاحبي اللى كان 125 كيلو وصل ل 80 كيلو فى مدة قصيرة اوى ..

بس انا انصحك بالرياضة احسن بكتير و الله .

[MoToRiZeR]

فيه دكتورة مها راداميس يا مصطفي هي عيادتها في شارع سوريا في المهندسين بس مش عارف فين بالضبط .

[ashrafsadany]

اديك خلاصة اللف والدوران الدكتور بهاء ناجى ولعلمك ممكن تتابع برامجة على قناة الحياة بيدى برامج كاملة ولا يبخل بلمعلومات مشكلتوا انو غالى شوية 150 كشف مبدئى و40 جم كل متابعة

[MoToRiZeR]

اديك خلاصة اللف والدوران الدكتور بهاء ناجى ولعلمك ممكن تتابع برامجة على قناة الحياة بيدى برامج كاملة ولا يبخل بلمعلومات مشكلتوا انو غالى شوية 150 كشف مبدئى و40 جم كل متابعة

هو عيادته فين ؟

[aliabutaleb]

هو عيادته فين ؟

له عيادة في الشيخ زايد يا محمود
هي العيادة مش مكتوب عليها اسمه
عبارة عن مركز أسنان وشكله هو بيستغله في يوم الإثنين فقط
مش عارف عنوانها بس ممكن احاول بالوصف كدة
وانت جاي من مدخل الشيخ زايد داخل لجوة والهايبر على شمالك
امشي على طـــــــــــــــــول
لغاية ما تلاقي آخر عمارة على الشمال أو اللي قبل الأخيرة مش متذكر أوي
العيادة في الدور الأرضي
واعمل حسابك ان الانتظار بيطول هناك

[MoToRiZeR]

ياااااااااه .. إيه الحلاوة دي
و انا اللي قلت هيطلع في مصر الجديدة ولا حاجة و ندب مشوار السنين
انا غالباَ عارف مركز الأسنان ده بشوفه و انا راجع من الربوة .

شكراَ جداَ علي باشا .

[ashrafsadany]

المركز الرئيسى لية فى حدايق الاهرام خلف فندق موفمبيك فى اول طريق مصر اسكندرية على ايدك اليمين وهناك مركز كامل فى كافة التجهيزااات وانصحك ترحلوا هناك علشان الشيخ زايد معمول للمتابعة فقط رقم التليفون 33765235

[MoToRiZeR]

أشكرك جداَ

[aliabutaleb]

المركز الرئيسى لية فى حدايق الاهرام خلف فندق موفمبيك فى اول طريق مصر اسكندرية على ايدك اليمين وهناك مركز كامل فى كافة التجهيزااات وانصحك ترحلوا هناك علشان الشيخ زايد معمول للمتابعة فقط رقم التليفون 33765235

بالظبط كدة
انا على ما أتذكر إن د. بهاء في الأصل أخصائي تأهيل وروماتيزم وعلاج طبيعي عشان كدة اللي بيشتكي من حاجة زي دي يفضل يروح له في مركز حدائق الأهرام، إنما اللي هايظبط غذاء او وزن هايكون أفضل له يروح الشيخ زايد لو أقرب له لأن ده مش محتاج أجهزة ولا تجهيزات.
هو يادوب ميزان والدردشة المعتادة مع الدكتور اللي بتنتهي بالنظام الغذائي اللي بيستمر لمدة أسبوع.
بس بصراحة هو راجل محترم أوي وبشوش ومستمع جيد جداً.
وبالنسبة للشيخ زايد كان الكشف من شهور أول مرة بـ 100 جنيه وبعد كدة المتابعة بـ 40 جنيه.
والمتابعة بتكون كل أسبوع.

[aliabutaleb]

لقيت له مركز في عمارات العبور كمان للي ممكن يكون قريب منه

مركز الد كتور بهاء الدين ناجي للرومانيزم والطب الطبيعى وعلاج السمنة فرع عمارات العبور
العنوان
12 عمارات العبور صلاح سالم مدينه نصر - القاهرة - مصر تليفون
(202)3885235
(202)4045356
(202)3859690
وفرع حدائق الأهرام
العنوان:
10 شارع حدائق الأهرام بجوار متحف ناجى / أول طريق مصر الإسكندرية
تليفون:
33885235

ممكن يا موتو لو عاوز تتصل قبل ما تروح تكلم مركز من دول عشان تاخد منهم عنوان ومواعيد مركز الشيخ زايد.

[theking2690]

الف شكر يا جماعه بس كان عندى سؤال كلكوا بترشحوا دكتور بهاء الدين عن تجربه و لا تسمعوا ان هو كويس اصلى

[aliabutaleb]

الف شكر يا جماعه بس كان عندى سؤال كلكوا بترشحوا دكتور بهاء الدين عن تجربه و لا تسمعوا ان هو كويس اصلى

انا بارشحه عن تجربة
بس للأسف انا مكملتش معاه