موسوعة صور خروجة العصــــابة

[KHALED2010]

بسم الله الرحمن الرحيم
السلام عليكم ورحمة الله وبركاته...فضلا من الله وبفضل ادارة منتدانا المتميز بذاته على مستوى العالم ...تم التعارف بنسبة كبيرة جدا جدا على شباب نايل موتورز الكرام ...وبفضل من الله تعالى وكثرة التعاون والجهود التى بذلها الاستاذ الفاضل (خـــــــــــالد حسن)....العضو kholio321 ...ونخصه بذاته بعظيم الشكر وذلك لانه قام جاهدا على محاولة التجميع بين شباب نايل موتورز ....وتم الإتفاق على الخروجة بينى وبين الاستاذ خالد حسن وتم الاعلان عن الطلعة الجميلة هذه ونبدا بالاستاذ خالد حسن ....بدايتا اتقابلت مع الاستاذ خالد حسن فى شارع احمد سعيد ...وتم الذهاب الى الاستاذ مجدى ...بإسم العضوmicky والصراحة شخصية محترمة جدا جدا بالبايك الخاص به 919 سي سي وبعدها تم الذهاب الى شارع الطيران عند بنزينة محطة موبيل وتم الالتقاء مع الاستاذ فريد ...بإسم العضو faridc4 والبايك الخاص به 250 عــادة ....وكان فى انتظارنا ايضا العضو الفاضل تامر ...بإسم العضو tamer tamer والبايك الخاص به 400 وبعدها جاء شخصية زى العسل وبايكر بمعنى كلمه بايكر العضو المحترم محمد عبد الحليم بإسم العضو mohamed nawar والبايك خاصته 250 فاير وايضا تم حضور اخى الكبير احمد كمال ...بالبايك خاصته shado aero 750 وتم مجيء هشام ومعه عمر بالبايك خاصة هشام 400 بإسم العضو zoom2zoom وعمر بإسم omarken ........
وتم مقابلة الاستاذ رامى بإسم العضو R-A-M-Y
ومعه اصدقائه......
.................................................. ...........
وتولى المقدمة الاستاذ احمد كمال نظرا لخبرته فى الطريق الى مدينة الرحاب .........ومش عايز اقولكم بقى شكل الموتوسكلات كان عامل ازاى .............
وإليكم الصــــــــــــــــــــــــــــور........

الاستاذ خالد حسن فى اليمين وعمر فى الوسط وانا خالد2010فى اليسار ...........

الاستاذ تامر على اليسار والاستاذ محمد حليم فى الوسط
والاستاذ فريد فى اليمين..........

الاستاذ مجدى فى اليمين والاستاذ احمد كمال فى اليسار..........

الاستاذ رامى فى الوسط.........

فى اليسار هشام........
وبعد ان تم التعــــــــــارف على الاخوة الزملاء سوف يتم عرض سريع لبعض الصور .........

الحمد لله قدرت انى ارفع لكم جزء كبير من الصور.......

ملحوظة هــــامة جدا : ياريت كلنا نتوجه بالشكر لاستاذنا الكبير استاذ خالد حسن نظرا لجهوده الكبيرة فى محاولة تجميعنا فى خروجه زى دى .........ولولاه ايضا مكنتش هقدر ارفع صور لان مكنش فى كاميرا لولا الاستاذ خالد حسن احضر الكاميرا الخاصه به .....
فنتوجه بخالص الشكر للاستاذ خالد حسن صاحب العضوية المتميزة KHOLIO321 ..........
الحـــاجة الجديدة ودى بقى من عندى انا KHALED2010
تم رفع الصور جميعها على لينك واحد لمشاهده باقى الصور .....

http://rapidshare.com/files/416342468/______________.rar

ونتمنى من الله ....دوام المحبة والمعرفة الصادقة ...وإرتقاء منتدانا الغالى WWW.NILEMOTORS.NET على مرور الزمن
والسلام عليكم ورحمة الله وبركاته

....................KHALED2010....................

[mahgary]

ايه الصور الجميله دى بجد ياخالد انت قمت بمجهود رائع فعلا وان شاء الله اكون معكم فى المرة القادمه وتكون المجموعه اكبر كمان وكمان

[Mzeid]

متجمعين على الخير إن شاء الله

[yascro]

حمد الله ع السلامه يا رجاله

[her210]

ربنا يسترها عليكم يارب ويارب متجمعين دايما فى الا فراح باسم الله ما شاء الله الله اكبر باشكركم على المجهود الرائع كاننا معاكو ماكتر وشاركتونا او احنا شاركناكو الخروجه بالصور الجميله دى

[R_A_M_Y]

حمد الله ع السلامه يا رجاله

الله يسلمك المرة الجاية تكون معانا ان شاء الله

[R_A_M_Y]

ربنا يسترها عليكم يارب ويارب متجمعين دايما فى الا فراح باسم الله ما شاء الله الله اكبر باشكركم على المجهود الرائع كاننا معاكو ماكتر وشاركتونا او احنا شاركناكو الخروجه بالصور الجميله دى

اميييييييييييييييييين

[zoom2zoom]

الحقيقه انا سعيد جدااااااااااا بالمقابله دي وبصراحه كانت خروجه ممتعه جداااا وبجد كلها ناااااااس محترمه جدا وزي الفل واكتر حاجه اسعدتني في الناس اللي قابلتها لاول مره اولا توجيه خاااااااالص الشكر والتقدير للمحترم ابن البلد استاذ خالد حسن وبختصه بعظيم الشكر لشخصه الكريم وجهوده الخاصه للمقابله دي / شدني كمان تواضع رامي وبساطته زيه زي اصحابه احمد ونبيل ناس محترمه جداااااااا وروحهم حلوه وتحياتي الشخصيه لرامي / شدني كمان ادب فريد شخصيه مؤدبه كتيييييير وهاديه / والاخ ميشو كمان/ دي بالنسبه للناس اللي قابلتهم اول مره وطبعا حبايبي زي تامر ومجدي واحمد كمال وخالد دي ناس اعرفها من زمان وبعزهم كتير ولو كان في مشاكل او تريبات بيني وبين اي حد فا هي منتهيه ..... وبجد تحياتي للناس المحترمه دي كلها وكانت العصابه جروب صغير والحمد لله بقت موسوعه وان شاء الله مستنين الخروجه الجايه ويشرفنا انضمام بايكرز جديده للعصابه .ونهايه مشاركتي بختص اخويا وحبيبي عمر اللي كان مالي الدنيا نور وربنا يديم المعروف بينا جميعا .

[hossaam]

ما شاء الله
الحمد لله على سلامتكم جميعا

ومتجمعين على الخير دائما

[omarken]

كان يوم كويس جدا
بسم الله ماشاء الله
وياريت تتكرر تانى قريب ان شاء والله بس فى حضور الناس اللى غابو المره دى عننا
زي مينا وكمان الكبير قوى (دياب بااشا )

[omarken]

الحقيقه انا سعيد جدااااااااااا بالمقابله دي وبصراحه كانت خروجه ممتعه جداااا وبجد كلها ناااااااس محترمه جدا وزي الفل واكتر حاجه اسعدتني في الناس اللي قابلتها لاول مره اولا توجيه خاااااااالص الشكر والتقدير للمحترم ابن البلد استاذ خالد حسن وبختصه بعظيم الشكر لشخصه الكريم وجهوده الخاصه للمقابله دي / شدني كمان تواضع رامي وبساطته زيه زي اصحابه احمد ونبيل ناس محترمه جداااااااا وروحهم حلوه وتحياتي الشخصيه لرامي / شدني كمان ادب فريد شخصيه مؤدبه كتيييييير وهاديه / والاخ ميشو كمان/ دي بالنسبه للناس اللي قابلتهم اول مره وطبعا حبايبي زي تامر ومجدي واحمد كمال وخالد دي ناس اعرفها من زمان وبعزهم كتير ولو كان في مشاكل او تريبات بيني وبين اي حد فا هي منتهيه ..... وبجد تحياتي للناس المحترمه دي كلها وكانت العصابه جروب صغير والحمد لله بقت موسوعه وان شاء الله مستنين الخروجه الجايه ويشرفنا انضمام بايكرز جديده للعصابه .ونهايه مشاركتي بختص اخويا وحبيبي عمر اللي كان مالي الدنيا نور وربنا يديم المعروف بينا جميعا .

حبيب قلبى يابرنس ---- ده نورك يامعلم

[KHALED2010]

ايه الصور الجميله دى بجد ياخالد انت قمت بمجهود رائع فعلا وان شاء الله اكون معكم فى المرة القادمه وتكون المجموعه اكبر كمان وكمان

ان شاء الله ياحبيب قلبى وانتوا كانكوا كنتم معانا بالضبك بمشاركاتكم الجميلة دى

[kholio123]

بسم الله الرحمن الرحيم

دورى انا بقى فى الكلام اولا كل الكلام الجميل اللى اتقال عليا ده اكبر منى وكتير عليا قوى لأن النجاح ده و كل حاجة حلوة حصلت كانت بيكم وبفضلكم ومجهودكم انتم اللى لو اتكلمت هاحتاج كتاب علشان اكلم واوصف عن الخروجة دى اللى كانت حقيقى فظيعة اخرمليون حاجة بمعنى الكلمة والصور خير دليل والتجمع الكبير لأحلى بايكرز
(Bickers Boys) والموكب الكبير لما مشينا فى م.نصر و القاهرة الجديدة والعودة منظر البايكرز وصوت المواتير مع العدد ده زلزال فى الأرض يارجاله لدرجة ان كل واحد كان بيشوفنا كان مش مصدق نفسه فاكر نفسه انه بيحلم بالك انت وتخيل وانت جوه الإعصار ده ممكن تبقى ازاى احساس لايوصف وماتحسوش الا لما تجربه والمواقف الكوميدية اللى حصلت.
اما عن مجموعة البايكرز (Bickers Boys) اكلم عن مين ولا مين شهامة وجدعنة واحترام وخفة دم وادب وطيبة وذوق.. حقيقى ولاد ناس بجد كل ده فيهم واكتر وهم :
احمد كمال .. هشام .. خالد .. عمر .. محمد نوار .. مجدى .. رامى .. تامر86 .. فريد .. نبيل .. احمد .. ومحمد اللى حب ييجى وهو تعبان .. والعبدلله انا خالد حسن .
واللى مايعرفهمش عن قرب هيفوته الكتير اوى اوى.
وكان نفسنا يكون معانا.. مينا .. وotefa .. وكريم ديابلو .. وناصر 56 .. وغيرهم .. ومعلمين الأسكندرية.. دياب .. وحماده .
وإن شاءالله هانرتب لخروجة اكبر بعد العيد واللى ماجاش يكون معانا بإذن الله
تابعونا مع تحيات (Bickers Boys)

[yascro]

كان يوم كويس جدا
بسم الله ماشاء الله
وياريت تتكرر تانى قريب ان شاء والله بس فى حضور الناس اللى غابو المره دى عننا
زي مينا وكمان الكبير قوى (دياب بااشا )

الف شكر ليك يا باشا
وباذن الله المره اللى جايه اكون معاكم

[KHALED2010]

ونقول الحمد لله وعقبال الخروجه القادمة ان شاء الله