موعد ومكان المقابلة القادمة .. يوليو 2007

[معاذ الشرباصى]

طب يتعمل زى المرة اللى فاتت و يتم عمل استفتاء على موعدين فى يوليو
و بكده يبقى رأى الاغلبية

[memo_hefnawy]

موعدين ليه ؟ أنا مش شايف حد معترض على الموعد ؟؟؟؟

ولا إيه يا معاذ؟

[معاذ الشرباصى]

ابن خالتى :lol:

هو يخلص 7/7, لو تفتكره هو اللى كان معاه الياريس البستاج

[memo_hefnawy]

خلاص يا عم معاذ عشان خاطرك هانعمل تصويت يوم السبت 7/7 ولا الجمعه 6/7 :)

[معاذ الشرباصى]

متشكرين جدا يا محمود باشا, بدل ما كان يحصل فانة فى العائلة :lol:

على فكرة هو عضوو معانا هنا, و مسجل بأسم "محمدايهاب"

[ihab]

جميل جدا يوم السبت ده و يا حبذا لو كان على الساعة العاشرة صباحا و بالنسبة للمكان زى ما تحبوا

[د.أحمد سمير]

كان اقترح كريم منير أن تكون المقابلة الماضية يوم السبت أيضاً ولكن في سوق السيارات ، نجتمع في أي كافيتريا من هناك ( رغم انهم عامة مش ولابد ) والمكان متسع وممكن نجرب السيارات فيها زي ما نحب ونتقابل الساعة 5 العصر .. إيه رأيكم
وعموماً مكان المقابلات فيها الإيجابيات والسلبيات وهي :
الربوة : مكان جميل لكنه صغير ، به باركينج كبير ، ونقوم باختبارات القيادة على الدائري وطريق التجمع الأول ، وهو سهل الوصول إليه .
العبور : مكان رائع ، نشعر فيه بالألفة والخصوصية ، الباركينج موجود ، وتجارب القيادة سهلة في المدينة ، ولكن يعيبه البعد الشديد عن كثير من الناس وصعوبة الوصول إليه لمن لا يعلم المكان من قبل .
سوق السيارات : مكان متسع جداً ، لكن اتساع زيادة عن اللزوم ، خدمات الكافيتريات مش كويسة قوى ، فيه عيال بتلعب كورة أحياناً ، ولكن ميزته الكبرى أنه مكان معروف تماما لكل أعضاء المنتدى ، وسهل الوصول إليه .
في انتظار رأيكم

[Hazem Salah]

محمود باشا
أقترح وضع أجندة للاجتماع ( مثلا تقييم سيارة ، مثل ماتم للاسبرنزا المرة السابقة، أو تقديم شركة خدمات لعرض امكاناتها، غيره ...)
أقترح مكان أخر و هو حديقة الأزهر
و الرأى لكم

[sh_masry]

ايه يا جماعه حكايه الجمعه وللا اسبت ده ..... ما هو طول عمره بيبقى الجمعه و فيه ناس كتير جدا ماينفعش تيجى السبت و انا منهم !!!! ماتخنوقوناش و خلوه الجمعه علشان الواحد ما بيصدق يقابل الناس الحلوه دى
a7'ookom
Sherif

[memo_hefnawy]

فيه ناس طلبت السبت يا شريف بناء على ظروف إمتحانات و أعتقد التصويت هو إللى هايرجح الموعد وذى ما إنت نفسك تيجى غيره نفسه يجى ليه تقيس على نفسك و مالكش دعوه بأى حد

ياريت يكون فيه كلام أحسن من كده يعنى إللى طلب السبت طلبه برجاء من الناس مقالش ( ماتخنوقناش ) !!!

[sh_masry]

انا امبارح لما فتحت الموضوع ده ماكنش فيه استفتاء و كان الميعاد الأكيد يوم الجمعه .... و لما افتح النهارده الاقى استفتاء يبقى كده خنقه و تغيير فى المواضيع بدون اى داعى ..... و عموما انا كنت بهزر فى كلمه ماتخنوقوناش بس هى فعلا هاتبقى خنقه لأن الأجازه الأسبوعيه المتداوله لجمهوريه مصر العربيه انها بتبقى الجمعه و لازم ان الميعاد يبقى على حسب الأجازه الأسبوعيه لجمهوريه مصر العربيه ..... و تانى حاجه ان احنا من ساعه ما قررنا انها تبقى مقابله شهريه كان الأتفاق انها تبقى اول جمعه من اول كل شهر ...... تبقى حكايه تغيير المواعيد دى خنقه و للا لأ ؟؟؟؟؟؟؟؟

[memo_hefnawy]

يا شريف إنت بتقبل الهزار و فيه أعضاء بتقبله منك لكن مش كل الأعضاء بتقبله يبقى برده لازم الكلام يكون كلام مايزعلش حد

جرى إيه لما إتعمل إستفتاء ناس قالت يبقى إستفتاء على الموعد ذى كل مره و عليه تم عمل إستفتاء .

أما الأجازة الرسمية للدولة الآن هى الجمعه + السبـــت (جرب تقضى أى مصلحة فى اليومين دول لو مش مصدقنى)

كان ممكن تقول نحليها الجمعة التالية و خالص من غير ما تقول خانقة و خانقتونا و الكلام إللى مالوش لازمة ده

[sh_masry]

جرى إيه لما إتعمل إستفتاء ناس قالت يبقى إستفتاء على الموعد ذى كل مره و عليه تم عمل إستفتاء

و الله اللى انا اعرفه ان الأتفاق اتفاق و ان الكلمه بتبقى كلمه واحده و ان اول ما ابتدى المنتدى ده كان فيه ميعاد للمقابله الشهريه اول جمعه من كل شهر و الشهر اللى فات تم التأجيل بسبب مواضيع لا داعى لذكرها الأن و ده كان قاصدى و على فكره انا ماكنتش قريت كل المداخلات علشان كلامى يبقى موجه لحد معين و عموما الأداره تعمل اللى هى عايزاه بس ياريت نتفق على حاجه واحده و ميعاد واحد علشان كده مايصحش

[baher0]

الربوة السبت 7/7/2007

العبور بعيدة والوصول ليها محتاج لحل ألغاز الخرائط وأنا شخصيا كنت عاوز أجي المرة اللي فاتت لكن للأسف معرفتش أعرف المكان فين بالضبط. فياريت نخليها الربوة المرة دي عشان الناس تعرف توصل! يوم السبت مفيش سوق يبقى المكان فاضي ممكن نجرب فيه العربيات. أما اليوم ده فتاريخه مثالي يعني يوم سبعة شهر سبعة سنة 2007! يا سبعاتك يا سبعاوي!

باختصار!

أنا مع الربوة يا شباب لأنها أقرب والوصول ليها ممكن بخلاف العبور بحس إنها سفر! :shock:

أعتقد يوم السبت سبكون أنسب لأن السوق سيكون فاضي فممكن اللي عاوز يجرب عربية هناك ياخد راحته ! 8)

وبعدين التاريخ كمان مثالي! :twisted:

أما القرار النهائي فهو بالطبع للشعب النيلاوي وقيادته الحكيمة

[Dr Ahmed]

التاريخ مش مشكلة يا باشا....

بالنسبةللمكان مش فارقة معايا لأنى لا أعرف دا ولا دا...

انما التاريخ لا وألف لا..............
السبت شغل عندنا...............
الجمعة أجازتى الوحيدة.