إعـــــــلان

Collapse

.

,
See more
See less

تغطية افطار المنتدي 2012 وشكرا جزيلا على المفاجأة

Collapse
This is a sticky topic.
X
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    تغطية افطار المنتدي 2012 وشكرا جزيلا على المفاجأة

    السلام عليكم ورحمه الله
    السادة اعضاء اعضاء المنتدي الكرام
    كل عام وانتم دايما بالف خير وصحة ورمضان عدي منه اكثر من نصفه
    كما تعودنا كل عام على الافطار الرسمي للمنتدي وكان بقالنا سنتين بنعمله في مطعم القبه بنادي المقاولين العرب
    وبناء على رغبات الاعضاء واستيائهم من مستوي الاكل رغم روعه القعدة من فوق التبه العالية المميزة للمطعم نقلنا السنادي لمطعم وكافيه باين داخل الحديقة الدولية بمدينة نصر
    تم بدء التجمع من بعد العصر
    المكان رائع وله خصوصية وفي مكان جيد لدخول السيارات والركنة وفيه مكان مكيف داخل المطعم وحديقة كبيرة خارجية
    الاكل كان اوبن بوفيه وطبعا حصل بعض الاخطاء
    تم حذف جزء من الكلام بعد تاكيد الاعضاء على قلة كميات الطعام بالفعل
    والمطعم عمل اكل سريع تاني لكن مش بكمية ولا جودة الاكل الاصلي حاجة يعني تقضي الغرض
    خلصنا حوار الاكل والحمد لله والمطعم حاول يعوض الناس باطباق ام علي للتحلية :-)
    قبل الاكل طبعا الشيخ خالد اذن للصلاة وصلينا المغرب كلنا جماعة في حديقة المكان
    وايضا اذن لصلاة العشاء وصلي بينا العشاء بصوت وخشوع اكثر من رائع جزاه الله عنا كل خير
    وربنا يباركله في صوته ويرزقه حسن استماع الناس اليه دايما
    بدانا نتعرف على بعض واستمريت جلسات التعرف وطبعا مش عايزين نتكلم في اي حاجة في العربيات التجمع اجتماعي من الدرجة الاولي للتعارف والحب في الله
    خاصة مع حضور عدد كبير من اسر الاعضاء واطفالهم وتجمع سيدات الاعضاء في ركن خاص بهم وانطلاق الطفال اللي تجاوزو ال 15 طفل للعب في المكان
    حقيقي كان تجمع اكثر من رائع كعادة اهل المنتدي
    ولما جيت اوزع المشروب الرمضاني الخاص بوالدتي زي كل سنة فوجئت باستدعاء سريع من القرصان شنوري
    ولقيتني واقف في وسط الاعضاء ولقيت ان فيه تكريم لشخص العبد لله
    حقيقي انا كنت بدأت انسي اني كنت عضو زي الناس كلها والمنتدي ومسئولياته اللي بتزيد كل يوم خدتني في الدوامة
    Log into Facebook
    http://www.facebook.com/photo.php?fbid=10151325269459129&set=a.10150181698044129.360886.647614128&type=1&theater
    Log into Facebook to start sharing and connecting with your friends, family, and people you know.

    وحقيقي التكريم افتكرت اني العضو كريم منير مش مالك و رئيس مجلس ادارة ولا بلا بلا بلا من الالقاب اللي مشيلاني مسئوليات تقيلة
    شكرا مدام سما وكل الاشخاص اللي ساهمو في خروج التكريم ده للنور
    وسعيد اني اتعرفت على ناس جديدة لاول مرة اشوفها وكلهم ماتخيروش عن كل الاعضاء المحترمين
    كل عام وانت متجمعين على طاعه
    ويا ريت الاعضاء اللي معاهم الصور وخاصة الصور الجماعية اللي تعبنا فيها قوي ينزلها هنا

    جروب ورشة نايل موتورز علي الفيس بوك

    صفحة ورشة نايل موتورز على الفيس بوك

    الكلمات الدلالية (Tags): 2012, افطار, المفاجأة, المنتدي, تغطية, جزيلا, على, وشكرا
    • تثبيت
  • #2
    [mark=#00ff26]=========================
    [/mark]
    [mark=#fcfc65]بسم الله والحمد لله والصلاة والسلام على رسول الله[/mark]

    السلام عليكم ورحمة الله وبركاته

    الإخوة والأخوات , هذه اقتباسات المشاركات الخاصة بموضوع تغطية إفطار المنتدى 2012

    - بعد استئذان إدارة المنتدى - حيث أن هذا الموضوع كان في منتدى كلامنا و تم نقله هنا ولكن

    بدون المشاركات

    فهذه هي الإقتباسات - ومجتمعين دائما في طاعة الله - وجزاكم الله خيرا


    المشاركة الأصلية كتبت بواسطة azmeralda مشاهدة المشاركة
    مبروك التكريم وعقبال كل سنة
    المشاركة الأصلية كتبت بواسطة ghostmido
    فعلا كان يوم لذيذ جدا.
    بس تقريبا انا جيت بعد الكلام ده كله.
    بس برده كان يوم جامد
    المشاركة الأصلية كتبت بواسطة khalid_adel
    انت تستاهل كل خير ياكريم وان شاء الله للامام دايما
    المشاركة الأصلية كتبت بواسطة se_coralsea مشاهدة المشاركة
    كل عام و حضراتكم بخير و دايما نايل موتورز مجمعنا علي الحب و الألفة و الخير

    حقيقي التجمع في حد ذاته أهم من الاكل و الشرب و انا شخصيا كان نفسي أشرب أي مشروب لكن لذة الحوار مع أخواتي أعضاء المنتدي أنساني أن اطلب اي شئ حتي طلب لي أخي وليد عادل شاي كشري

    بجد كان يوم رائع كعادة لقاءات المنتدي

    أما بالنسبة لكريم منير فهو يستحق أكثر من التكريم و أكثر من شهادة تقدير و ربنا يقدرنا اننا نرد له الجميل في المنتدي اللي بنبذل كل جهد كي يتقدم و يرتقي ليصبح بحق أكبر منتدي سيارات ليس فقط في مصر و لا الشرق الاوسط و لكن بالعالم لأن كريم منير الذي هو عضو مؤسس قبل أن يكون مالكا بالاضافة لأعضاء المنتدي يستحقون

    شكرا كريم منير
    و شكرا لأدارة نايل موتورز
    و شكرا مدام سما و الاستاذ نادر
    و شكرا لاخي / محمد شنوري و السيدة الفاضلة والدته اللي شرفتنا و نورتنا

    وشكرا أخي كريم فوزي علي الجهد الذي قدمه و ساهم به
    و شكراهيونداي تيم و نجوم هيونداي اللي حضروا و كانوا بحق متألقين
    و شكرا لكل أعضاء و عضوات نايل موتورز الذين سعدنا بلقائهم و الحديث معهم
    المشاركة الأصلية كتبت بواسطة nicegypt مشاهدة المشاركة
    كانت مقابلة ممتعة .. وانت تستاهل اكتر من التكريم يا كريم خصوصا بعد الكولمان الخطير اللى وصل ف وقتة دة :)
    فاكر لما قلت لي انت تخنت شوية ؟ اكيد الكولمان دة السبب :)
    المشاركة الأصلية كتبت بواسطة syd مشاهدة المشاركة
    كل سنة وانتم طيبين
    والف مبروك يا كريم التكريم
    المشاركة الأصلية كتبت بواسطة funnymickey مشاهدة المشاركة
    الف مبروك الافطار والتكريم
    انا الحمد لله اليوم ده فطران 10 بالليل من النوم
    [mark=#00ff26]=========================
    [/mark]
    [CENTER][B][SIZE=3][FONT=Times New Roman][COLOR=purple][URL="http://www.nilemotors.net/Nile/189797-a.html"]الرّحْمَنُ عِلَّمَ القُرْءَانَ - دروس مُبَسَّطةُ في التَجْوِيدِ
    [/URL][/COLOR][/FONT][/SIZE][/B][/CENTER]
    [CENTER][URL="http://www.nilemotors.net/Nile/189553-a.html"][COLOR=Teal]منْ يُرِدِ اللهُ بِهِ خَيْرَا يُفَقْهُهُ في الدينِ - دروس فقهية مبسّطة[/COLOR][/URL]
    [URL="http://www.nilemotors.net/Nile/224644-a.html"]مناسك العمرة - مناسك الحج (شرح مختصر وميسر )[/URL]
    [URL="http://www.nilemotors.net/Nile/311983-a.html"][COLOR=Teal]أحكام الصلاة في السفر ( بشكل مختصر وميسر )[/COLOR][/URL]
    [IMG]http://oi47.tinypic.com/699j.jpg[/IMG]
    [IMG]http://oi50.tinypic.com/igk9px.jpg[/IMG] [/CENTER]
    Shikh_Khaled سابقا

    Comment

    • #3
      المشاركة الأصلية كتبت بواسطة Ashraf_Ibrahim مشاهدة المشاركة
      طبعا دا اول افطار خاص بالمنتدى أحضره
      وأنا كنت سعيد جدا بالحضور فيه
      سعيد بالتجمع جامد وان الواحد بيتعرف على فئة من الناس المحترمة والحمد لله
      اما عن المكان فلم يكن مجهز كفاية لاستقبال العدد دا
      انا اعرف يا كريم بيك ان الاوبن بوفيه يتم اعادة ملؤه باستمرار وهو عارف العدد اللي جاي فليه معملش حسابه على العدد دا ؟!
      مينفعش يتقال ان الناس خلصت الاكل !
      لا يتقال ان انت مش قد المسؤولية ومش عارف تنظم الموضوع -كلامي مش ليك يا كيمو اوعا تزعل كلامي لأستاذ ايهاب صاحب الكافيه -
      انا كواحد عندي كافيه او مطعم عارف اني هستقبل مجموعة زي دي وعارف اني هفطرهم وهما صايمين مش اكل في يوم عادي يبقا اكون عامل حسابي !
      دا حتى العصير مجاش غير لما طلبته ! وجه بعديها بتلت ساعة !
      والحلو برده مكانش كويس اطلاقا !
      هي ام علي بس كانت زي الكورن فليكس مش ام علي خالص على فكرة :d
      ايا ما كان التجمع كان اهم بكتير من الاكل انا بس حبيت اوضح وجهة نظري ورأيي في المكان والبوفيه ليس الا
      ويارب دايما متجمعين على خير دائما وأبدا يا رب
      المشاركة الأصلية كتبت بواسطة Kareem Fawzy مشاهدة المشاركة
      شكراً كريم منير على انك قدمتلنا المنتدى والصحبه الحلوة دى
      وبجد كان يوم حلو بغض النظر عن الاكل
      كريم انتا تستحق كل خير فى المنتدى دة
      وربنا يعلم معزتك فى قلبنا كلنا

      بس فى حاجة عايز اعلق عليها
      حتى لو الاكل خلص مفروض ان دة اوبن بوفيه يعنى الاكل لو خلص والناس قضوا على الاكل
      مفروض ان فى حاجة اسمها ريفيل يعنى الاكل يخلص يجيي غيره بغض النظر عن ان الاكل كان ميكفيش 20 فرد اصلاً بس حصل خير
      اليوم كان جميل وشوفت ناس ربنا يعلم من اعز الناس لقلبى

      ربنا يديم المودة والمحبة بينا يا كريم ان شاء الله
      المشاركة الأصلية كتبت بواسطة Shikh_Khaled مشاهدة المشاركة
      بسم الله والحمد لله والصلاة والسلام على رسول الله

      أحي الحبيب أبو عبد الرحمن , جزاك الله خيرا , ويسر الله لك الخير حيثما كنت وفتح لك أبواب

      رحمته وفضله وحفظك من كل سوء

      وجزاك الله خيرا والإخوة القائمين على المنتدى على هذا التجمع الأكثر من رائع

      بسم الله ما شاء الله لا قوة إلا بالله

      وألف مبروك لحضرتك على التكريم

      وتشرفت وسعدت بمعرفة الإخوة الأفاضل التالية أسمائهم بالترتيب الأبجدي

      1 - د / أحمد عبد الرحمن

      2 - أ / أحمد علاء

      3 - أ / أحمد مصطفى

      4 - الحاج / أحمد مشعل ( جينز كار )

      5 - أ / أحمد ( يوكو )

      6 - أ / بيشوي ( بيس مان )

      7 - أ / حسام أوبتراوي

      8 - أ / حسين سونا ستيل

      9 - الأستاذة / ســـما وزوجها الفاضل الأستاذ / جمال

      10 - أ / سمير الشهاوي

      11 - أ / علاء الشناوي

      12 - الأستاذة / فريند شــيب وابنها العسل محمد بارك الله لها فيه

      13 - أ / كريم فوزي

      14 - أ / كريم منير ( وبيدو العسل اللي صلى معنا بسم الله ما شاء الله )

      15 - أ / محمد الباز ( حمادة عزو )

      16 - أ / محمد الشنوري ( القرصان الكبير ) ووالدته ربنا يرزقه برها ويبارك له فيها

      17 - أ / محمد غزالي

      18 - أ/ محمد عبد الجليل ( جلجل 2004 ) وأسرته حفظهم الله

      19 - د / محمد كمال وأسرته حفظهم الله جميعا

      20 - د / محمد ( من قسم نيسان ) وكان جاي من أسيوط وأسرته حفظهم الله


      21 - د / محمود صلاح ( حبيب الأطفال والكبار )

      22 - أ / محمود نجيب

      23 - أ / هاني عبد الفتاح

      24 - أ / وائل ( أبو ليلى ) وأسرته حفظهم الله

      25 - ا / يوسف y2y

      وغيرهم من الإخوة الأفاضل المحترمين

      ودايما مجتمعين في الخير على طاعة الله ورسوله صلى الله عليه وسلم

      أسأل الله أن يجعلنا من عتقائه من النارط

      [mark=#e1ff00]
      وصل الله وسلم وبارك على الحبيب محمد

      [/mark]
      المشاركة الأصلية كتبت بواسطة SYD مشاهدة المشاركة
      بجد كنت اتمني التعرف بحضرتك
      كل سنة وحضرتك طيب
      المشاركة الأصلية كتبت بواسطة حماده عزو مشاهدة المشاركة
      والله يا شيخ خالد على قد ما الواحد تعب فى المشوار والسفر لكن حلاوه المه والناس المحترمه الى الواحد شافهم وقعد معاهم وأتعرف بيهم محسستش الواحد بكل ده وربنا يارب يديم علينا الود والمحبه وديما متجمعين فى الخير
      المشاركة الأصلية كتبت بواسطة Shikh_Khaled مشاهدة المشاركة
      والله يا بشمهندس محمد يسعدني أن أتشرف بمعرفة حضرتك , وكل عام وحضرتك بخير



      والله يا أبو حميد أتشرفت بمعرفة حضرتك والزملاء الأفاضل وكان وقت جميل جدا وإن شاء الله تتكرر
      المشاركة الأصلية كتبت بواسطة Ahmed A Rahman مشاهدة المشاركة
      شكرا كريم منير على الافطار والمقابلة الجميلة

      وشكرا لكريم منير مرة ثانية لعربيتي اللي كانت بتترش عنده واحنا في الفطار وكل شوية يطمني عليها ودي حعمل عليها تقرير منفصل

      وشكرا لاعضاء نايل موتورز اللي بشوفهم كل سنة وكل يوم على صفحات المنتدى

      والف شكر للشيخ خالد اللي شرفنا ونور المقابلة

      ويارب متجمعين على طول
      [CENTER][B][SIZE=3][FONT=Times New Roman][COLOR=purple][URL="http://www.nilemotors.net/Nile/189797-a.html"]الرّحْمَنُ عِلَّمَ القُرْءَانَ - دروس مُبَسَّطةُ في التَجْوِيدِ
      [/URL][/COLOR][/FONT][/SIZE][/B][/CENTER]
      [CENTER][URL="http://www.nilemotors.net/Nile/189553-a.html"][COLOR=Teal]منْ يُرِدِ اللهُ بِهِ خَيْرَا يُفَقْهُهُ في الدينِ - دروس فقهية مبسّطة[/COLOR][/URL]
      [URL="http://www.nilemotors.net/Nile/224644-a.html"]مناسك العمرة - مناسك الحج (شرح مختصر وميسر )[/URL]
      [URL="http://www.nilemotors.net/Nile/311983-a.html"][COLOR=Teal]أحكام الصلاة في السفر ( بشكل مختصر وميسر )[/COLOR][/URL]
      [IMG]http://oi47.tinypic.com/699j.jpg[/IMG]
      [IMG]http://oi50.tinypic.com/igk9px.jpg[/IMG] [/CENTER]
      Shikh_Khaled سابقا

      Comment

      • #4
        المشاركة الأصلية كتبت بواسطة S A M A
        كل عام وحضراتكم بخير
        وفى طاعة الله متجمعين دائما
        المقابلة رائعة وجميلة بوجود الناس وبتجمعنا مع بعض وتعارفنا
        فى كل مقابلة بنقابل اعضاء جديدة ونتعرف بناس لولا المنتدى مكناش عرفناهم

        شكرا جزيلا لكل الزوجات اللى شاركونا نتمنى تكرروها وتشرفونا دائما
        مدام وائل مدام نادر مدام محمد صلاح مدام دكتور محمد كمال واسرته مدام بسام حافظ اسرة سونا ستيل كل الحضور لان اكيد فى اسماء نسيتها سامحونى
        نشكركم جدا وحقيقى الوقت كان رائع ومر بسرعة بصحبتكم الجميلة
        ادام الله الخير بيننا
        فريند شيب وجودك اضاف طابع جميل للمقابلة بحضور مميز وفريد للعضوات السنة دى
        ونتمنى تكونى معانا فى كل المقابلات :-)

        شيخ خالد شرفنا حضورك ومشاركتك لينا مع زوجتك واولادك

        محمد عبدالجليل اخدت مننا المدام والبنوتة الجميلة ومشيت بدرى
        بس سامحناك عشان خاطر مشوار الاسماعيلية :-)
        سعدنا جدا جدا بوجودكم معانا وحقيقة معرفة اشخاص فى مثل خلقك وتواجدهم معانا فى منتدى واحد مكسب كبير ويخلينا نقول لسة مصر بخير
        الحج احمد مشعل والدكتور يوسف والحاجة فاطمة نشكركم جزيلا على مشاركتنا الافطار ودائما معانا فى كل مقابلاتنا بوجودكم المميز
        اول لقاء لينا بالحاجة فاطمة احد ملاك جينز كار سعيدة جدا بالتعرف بحضرتك وبحضورك الجميل الهادى
        ونتمنى ميكونش الاخير وتكون معانا دائما متجمعين على خير وعلى حب وطاعة الله وميرسى جدا عالتمر الرائع اللى فطرنا بيه كلنا :-)


        مهما اتكلمنا وشكرنا مش هنوفى المنتدى حقه لانه كان سبب فى معرفتنا بناس مميزين ومحترمين وحقيقى بنشكر الله ونحمده على نعمته

        كريم منير
        تكريمك واجب علينا لانه اقل من اللى تستحقه بكتير
        بس انت قاطعتني وكنت بتتكلم وانا بتكلم :)
        فمعرفتش اقول اللى الاعضاء كانوا عاوزين يقولهولك
        انا كنت مجرد حلقة وصل بينك وبين الاعضاء
        كلفونى ابلغك تقديرهم واحترامهم وشكرهم الكبير على كل مجهودك على مدى سنين طويلة من خلال توفير المنتدى ليكون ساحة لتبادل الخبرات والاستفسارات والمعلومات المتعلقة بالسيارات وغيرها لكن خصوصا طبعا السيارات حتى لا يتعرض اى مالك لاى سيارة لاى خدعة او استغلال
        شكر كل الاعضاء على وقتك الكبير الذى تقتطعه من حياتك الاسرية والعملية وجزاك الله خيرا وجعله علما ينتفع به كما تمنيت وسعيت دائما



        الشهادة من تصميم كريم ‏CryptonX
        وكريم فوزى هو اللى داخ على استوديو كويس عشان يطبعها
        ومهندس سمير الشهاوى هو اللى اختار البراوز الشيك ده
        كل الشكر والتقدير ل هيونداى تيم عشان الشهادة تطلع بالشكل الرائع ده :-)
        المشاركة الأصلية كتبت بواسطة mahmoud_afifi مشاهدة المشاركة
        يا ولاد اللذينه !!!!
        يعني كنتم عاوزيني اسيب العزومه والبط والفوووووراخ والمحشي بأشكاله وانواعه والملوخيه عشان اجي ملاقيش اكل :d
        الحمدلله اني ماجتش وابقى اشوف شكلكم بعدين ههههههههههههههه
        المشاركة الأصلية كتبت بواسطة د.محمود صلاح مشاهدة المشاركة
        كان يوم رائع و تشرفنا بالتعارف على بعضنا البعض ، والمكان كان جديد وجميل , وكل عام وانتم بخير .
        المشاركة الأصلية كتبت بواسطة fineart607 مشاهدة المشاركة
        السلام عليكم ورحمة الله وبركاته

        مما لا شك فيه انا كنت مبسوط من المشاركة واتعرفت على ناس زى الفل واشكر القائمين عليه

        بس برضه لازم اعلق للوصول الى الأفضل ان شاء الله العام القادم

        كنت اتمنى ان الأفطار يكون منظم اكثر من ذلك
        كنت اتمنى ان يتم تنظيم اى اسلوب لتعارف الناس مع بعضها
        كنت اتمنى ان يكون فى اى شى فى الأفطار ينتمى للسيارات وخاصة ان المفروض كل المشاركين محبى السيارات
        المطعم لا تعليق ليس به اى علاقة بالمطاعم سىء للغايه
        كنت اتمنى ان يكون فى شىء يعرض او يكون مفاجاه للحاضرين كاتقرير خاص بالسيارات او عروض صيانة اى شىء من النشاطات التى تدل ان ده افطار لمحبى السيارات
        اقترح ان شاء الله ان العام القادم يتم وضع السيارات فى شكل دائرة بمكان واسع وكل فرد يحضر معه طعام وشىء يتم فرشة على الأرض ويتم الأفطار فى هذه الدائرة مع اخذ بعض الصور مع سياراتنا ونشرها كنوع من الداعيه للمنتدى مع وجود بنر بلوجو المنتدى

        ارجو من الجميع تقبل ملاحظاتى بصدر رحب واتمنى ان كل فرد يقول رائيه فى هذا اليوم
        المشاركة الأصلية كتبت بواسطة Karim_Monir مشاهدة المشاركة
        شاكر جدا لكل الحضور اللي خدو من وقتهم سواء في الفطار او بعد الفطار عشان يحضرو ونتعرف عليهم
        وشكرا جزيلا احم علاء وعلاء الشناوي عالتمر الجميل
        واستاذ محمد عبد الجليل صاحب شنط المية اللي جت في وقتها
        وطبعا مهندس سمير وكريم فوزي وكريم كامل عشان شهادة التكريم الرائعة دي
        بجد شكرا جزيلا لذوقكم ووقتكم
        وقاطعتك لاني مش واخد عالتكريم واخد اني بكون انا اللي بكرم الناس:-)
        واهم اني المجهود كله طالع في محبه في الله وده اللي خلى واحد زي الشيخ خالد يسيب صلاة التراويح ويخلي عبد الرحمن ابنه يقوم بيها في المسجد رغم انه مقطعهاش من 20 سنة زي ماقاللي
        ان الموضوع فيه محبه في الله ودي اهم من كل شيئ

        بخصوص المطعم هو كويس كمطعم وتجهيزة كويس لكن استقبال العدد اربكهم وكميات الاكل كان فيها حاجة غلط
        وطبعا انا مشوفتش عشان كدة كنت محتاج اسمع منكم عشان اعرف الخطأ جاي منين وواضح فعلا انهم اخطأو في تقدير العدد
        لكن بعد الفطار كان المكان كويس وشال العدد كله بالاطفال ايضا
        وان شاء الله هايكون اي تجمع رسمي للمنتدي بعد كدة في اماكن كبيرة تقدر تتحمل العدد بسهولة
        زي ما كنت عامل عيد ميلاد المنتدي في اوتيل جراند بيراميدز
        د. محمود صلاح نورتنا بجد زي كل سنة

        fineart607 التعارف بين الاعضاء بتكون حاجة اجتماعية انا مقدرش اعرف كل الناس ببعضها لكن كان ممكن تبدء وتعمل زي ما كان محمود صلاح عامل نيم تاج عشان الناس تعرفك
        اما بخصوص ما يخص السيارات فده بيكون في مقابلة عيد ميلاد المنتدي لو في اي نشاط جديد بيعلن عنه يوم عيد ميلاد المنتدي لكن المقابلات وخاصة الافطار بيكون اجتماعي ووتعارفي اكثر منه كنشاط سيارات
        ولو رحت اي فطار لاي شركة مش هاتلاقي ابدا بيتكلمو في نشاط الشركة ولكن ده تعميق للتواصل الاجتماعي
        والسيارت اهي بنتكلم فيها ليل ونهار عالمنتدي :-)

        المشاركة الأصلية كتبت بواسطة friendship7897 مشاهدة المشاركة
        كان يوم جميل جداً
        شكراً لكل منظمي هذا التجمع
        وبالنسبة لتكريم كريم منير – أعتقد إن دا كان لازم يتعمل من زمان لأنه إنسان بكل المعاني الجميلة
        والله عليك يا سما وروحك المتعاونة
        الجميل إن روح الواحد وطريقة كتابته بتدل على شكله – يعنى أنا أستنتجت ناس كتير وكنت أسأل سما : هو دا فلان تقول لي : صح ، وكانت بتلحقني باللي معرفتهموش واللي أتعرفت عليهم أكتر من خلال أسرهم لأننا كنا قاعدين على ترابيزة واحدة كانوا :
        ماما سوسو إنسانة رقيقة وجميلة وإجتماعية وحبوبة ودمها خفيف وحلويتها تجنن ( والدة شنوري )
        مدام / الشيخ خالد اللي بجد حسيت أني أول ما قعد معها أني عارفها من زمان ، ومعها معاذ الهادي المؤدب وأُبي الشقي – ربنا يحرصهم
        مدام / Ahmed TV – اللي حبيتني في الحكي الفلسطيني
        مدام دكتور محمد وبنته العشاريين بشكل جميل
        مدام أم ليلي (طبعاً ) هي مدام أبو ليلي – من الناس المحترمين أوي والهاديين أوي – أنا حبتها في الله - ربنا يكرمها ويقويها
        مدام فاطمة أخت الأستاذ / أحمد مشعل ( جينز كار ) – اللي المفروض إسمها يكون مدام / كريمة لأنها أخدت ثواب إطعام كل اللي فطروا معنا يوميها ، وحسيت إنها أم لمصر كلها مش أم لأعضاء المنتدى بس لأنها قبل الفطار وجهتنا كلنا للدعاء لمصر والمصريين.
        مدام / جوست ميدو وبنوتتها الهادية والجميلة
        مدام / بسام حافظ – اللي كانت قاعدة معنا وبتجري ورا أبنها ربنا يخليه ليهم في نفس ذات الوقت.
        مدام / تايجر 76 – الإجتماعية الجميلة – ربنا يحفظها ويحفظ أولادكم
        مدام / جلجل2004 - الحاضرة الغائبة – لأنها كانت نسمة في القاعدة – متكلمتش ولا كلمة وكانت مشغولة ببنوتتها الرقيقة .
        وآخر حاجة وسيبها في الآخر علشان نحلي بيها : الأسرة الجميلة لحسين سونا ( مامته الجميلة الحبوبة اللي متبأش عارف هي مامة سحس ولا مامة زوجة أحمد تي في ، ولا مامة كل اللي قاعدين – رغم أنها مش كبيرة في السن – والبنت الشقية أم دم خفيف أخته أمنية اللي غاوية تشاكس كل الناس وكمان غاوية تصوير)
        يارب مكونش نسيت حد من المدامات
        و لازم نشكر الدكتور / محمود صلاح تعبه مع أولادنا في المسابقات والفوازير والحكاوي اللي عملها ليهم ( جزاك الله خير )
        وأكيد الشيخ خالد اللي عرفته من أول ما دخل اللقاء وأول ما أذن للصلاة ، وبعد الإفطار سلمت عليه وسلم عليا بمنتهى الترحاب ومسألنيش أنتي مين !
        واللي عرفتهم من بعيد من خلال تجمعهم الرجالي ( كريم فوزي / بيشوى طبعاً من أوائل الناس اللي راحت ، يوكو ، نادر ، ..... ) والله أعلم هما عرفوني ولا لأ !
        واللي كان نفسي أعرفهم ومعرفتش أستنتجهم (من كثرة التعارفات – ما شاء الله ، وإنشغال مدام سما شوية في الأواخر) – منهم : محمد سيد ، وحمادة عزو ، أشرف إبراهيم ، غزالي
        يا رب مكنش نسيت حد من اللي أتشرفت بالتعارف عليهم أو من اللي عرفتهم من بعيد لبعيد أو من اللي معرفتهمش .
        وياريت حد يحوط الصور هنا علشان أنا مش بفتح الفيس بوك
        وكل لقاء وأنتم طيبين
        المشاركة الأصلية كتبت بواسطة aif مشاهدة المشاركة
        ماشاء الله
        ربنا يجمعكم على الخير دايما
        كل عام وانتم جميعا بخير وصحة وسعادة
        كان نفسي اكون موجود لكن كنت تعبان شوية ومقدرتش أكون موجود
        ان شاء الله اشوفكم في المقابلات القادمة
        هو كله كلام .... مفيش صور
        [CENTER][B][SIZE=3][FONT=Times New Roman][COLOR=purple][URL="http://www.nilemotors.net/Nile/189797-a.html"]الرّحْمَنُ عِلَّمَ القُرْءَانَ - دروس مُبَسَّطةُ في التَجْوِيدِ
        [/URL][/COLOR][/FONT][/SIZE][/B][/CENTER]
        [CENTER][URL="http://www.nilemotors.net/Nile/189553-a.html"][COLOR=Teal]منْ يُرِدِ اللهُ بِهِ خَيْرَا يُفَقْهُهُ في الدينِ - دروس فقهية مبسّطة[/COLOR][/URL]
        [URL="http://www.nilemotors.net/Nile/224644-a.html"]مناسك العمرة - مناسك الحج (شرح مختصر وميسر )[/URL]
        [URL="http://www.nilemotors.net/Nile/311983-a.html"][COLOR=Teal]أحكام الصلاة في السفر ( بشكل مختصر وميسر )[/COLOR][/URL]
        [IMG]http://oi47.tinypic.com/699j.jpg[/IMG]
        [IMG]http://oi50.tinypic.com/igk9px.jpg[/IMG] [/CENTER]
        Shikh_Khaled سابقا

        Comment

        • #5
          المشاركة الأصلية كتبت بواسطة ghostmido مشاهدة المشاركة
          الف سلامة عليك يا حاج احمد.
          والله كان نفسى تكون فى وسطنا...
          ان شاء الله نتقابل عن قريب ماتنساش انك برضه ماجيتش (بلطييييم)
          ههههههه
          المشاركة الأصلية كتبت بواسطة ghostmido مشاهدة المشاركة
          والله انا المدام عندى بتشكر حضرتك جدا لان تقريبا دى اول مرة تحضر مقابلة معايا فى المنتدى علشان كده هيا ماتعرفش حد غير والدة شنورى بس المرة دى اتعرفت على حضرتك وبعتالك سلام مخصوص.
          المشاركة الأصلية كتبت بواسطة S A M A مشاهدة المشاركة
          جوست ميدو
          كنت منور المقابلة رغم انكم جيتوا متاخر شوية وسعدت جدا بمعرفة زوجتك الجميلة الرقيقة جدا
          كنت بحاول افتكر اذا كنت انت صاحب مشاركات معينة فى الاحوال وجدال معاك من بعض الاعضاء حوالين انك طالب ولا بتشتغل ولا عندك بنوتة
          ولما شوفت صورة البروفايل بتاعتك دلوقتى عرفت ان كان معايا حق وانت هو فعلا :-)
          وقد ثبت بالدليل القاطع ان بنته فعلا هى اللى كانت بتلعب فى الكيبورد :b4_611:
          ربنا يحفظهالك يارب
          وزعلت انى يوم ما نزلت عشان اشوفكم لما كنتوا فى اليكس لسوء الحظ كنتم سافرتم خلاص
          بس اتفقنا انكم لازم تيجوا تانى بعد الزحمة عشان نقدر نشوفكم وتستمتعوا وتعضوا الجازة اللى فاتت
          تحياتى وسلامى للمدام وللقمر الصغيرة
          المشاركة الأصلية كتبت بواسطة ghostmido مشاهدة المشاركة
          ربنا يباركلنا فى حضرتك يا فندم.
          ويارب يدمها علينا نعمة ومتجمعين دايما فى الخير..والله الواحد بيفرح كتير كل مرة يحضر فيها مقابلة علشان بيتعرف على ناس محترمة جدا..
          وان شاء الله تتعوض فى اقرب مقابلة وساعتها اكيد هانكون موجودين من بدرى.
          جودى ومامتها بيسلموا على حضرتك جدا.
          المشاركة الأصلية كتبت بواسطة ghostmido مشاهدة المشاركة
          الحمد لله انا مقاطع احوال الشارع المصرى فى رمضان لسببين: اولا مافيش وقت للمناهدة والجدال علشان ده عايز نفس طويل.
          ثانيا الواحد عايز يحافظ على صيامه.
          على فكرة موضوع جودى والكيبورد ده انا تعبت فى الاول وبعديها بقيت ابص للنص المليان.البنت بصراحة احيانا بتبوظلى شغل واحيانا بتعرفنى خبايا فى الكيبورد...هههههههههه
          والله مش بهزر...لازم الواحد يكون متفائل...
          المشاركة الأصلية كتبت بواسطة د.محمود صلاح مشاهدة المشاركة
          رابط الصور في اول مشاركة مش راضي يظهر عندي ؟
          unavailable
          المشاركة الأصلية كتبت بواسطة SHNORY مشاهدة المشاركة
          سعدنا بكم ونرجوا ان نكون قد اسعدناكم
          الصور بقي ليها حكايه صغيره كده
          كل الريدرات اللي عندي في المحل مكانتش عاوزه تقرا كارته الميموري بتاعه الكاميرا
          ومكانش معايا كابل الكمبيوتر بتاع الكاميرا
          دورت عندي وسط حوالي 1000 كابل لحد ما لقيت واحد يركب علي الكاميرا
          اول ما ركبته في الكاميرا لقيت الكمبيوتر طفي
          قولت بس تبقي الكاميرا باظت
          وقعدت اشكر في نايل موتورز واعضائه الي بوظولي الكاميرا ههههههههه
          لحد الساعه 2 بالليل وانا بجرب ومفيش فايده
          لحد ما جيبت ريدر تاني ونزلتهم
          وباذن الله النهارده حرفعهم علي المنتدي والفيس ومحطات المترو
          واعملهم بوسترات في البلد ولا بوسترات ابو اسماعيل
          اتشرفت بيكم واحد واحد والله
          وكان فيه ناس نفسي اشوفهم والحمد لله شوفتهم
          وناس بقالي كتير مشوفتهمش وربنا كرمني وشوفتهم تاني
          مش حقول اسماء علشان منساش حد
          متجمعين دايما علي الخير باذن الله
          [CENTER][B][SIZE=3][FONT=Times New Roman][COLOR=purple][URL="http://www.nilemotors.net/Nile/189797-a.html"]الرّحْمَنُ عِلَّمَ القُرْءَانَ - دروس مُبَسَّطةُ في التَجْوِيدِ
          [/URL][/COLOR][/FONT][/SIZE][/B][/CENTER]
          [CENTER][URL="http://www.nilemotors.net/Nile/189553-a.html"][COLOR=Teal]منْ يُرِدِ اللهُ بِهِ خَيْرَا يُفَقْهُهُ في الدينِ - دروس فقهية مبسّطة[/COLOR][/URL]
          [URL="http://www.nilemotors.net/Nile/224644-a.html"]مناسك العمرة - مناسك الحج (شرح مختصر وميسر )[/URL]
          [URL="http://www.nilemotors.net/Nile/311983-a.html"][COLOR=Teal]أحكام الصلاة في السفر ( بشكل مختصر وميسر )[/COLOR][/URL]
          [IMG]http://oi47.tinypic.com/699j.jpg[/IMG]
          [IMG]http://oi50.tinypic.com/igk9px.jpg[/IMG] [/CENTER]
          Shikh_Khaled سابقا

          Comment

          • #6
            المشاركة الأصلية كتبت بواسطة PeaceMan مشاهدة المشاركة
            انت يا كريم تستاهل اكتر من التكريم ده لأن لولاك مكانش هيبقي فيه التجمع و التعارف و المحبة الغير عادية في اليوم الجميل ده اللي كان بين الاعضاء .. احنا لازم نشكرك كل مقابلة و نكرمك كل مقابلة علي الروح الاسرية اللي انت خلقتها بين اعضاء المنتدي .. الف مبروك يا جميل و يبارك في اولادك و بيتك و اسرتك






            بجد يا شيخ خالد انا اللي اتشرفت فعلا بالتعرف علي حضرتك و كان نفسي اتعرف علي الشخصية الاجتماعية الحقيقية و اللي فعلا يستاهل التكريم من المنتدي كافضل شخصية اجتماعية بالمنتدي و الف و الوف سلامة علي حضرتك و ربنا يخلي لك الاسرة الكريمة



            و انتي طيبة يا سما و بجد لولا روحك الجميلة في المنتدي مكانش هيبقي له الطعم المرح اللي فيه و انا بشكرك جدا علي اهتمامك الغير عادي في الترتيب للمقابلة و اهتمامك لسماع كل رأي من اراء منسقي و مشرفي الاقسام بالمنتدي و انا عارف ان الموضوع صعب جدا و معقد لكن انتي قدها و شكر خاص جدا للاستاذ جمال و سلامي له




            سعدت جدا بالتعرف علي حضرتك يا دكتور محمود و فعلا انت انسان محب جدا و هادئ و اتمني ان اري حضرتك في جميع المقابلات



            شنوووووووووووووووووووووو حبيبي .. بجد كان يوم زي العسل بيك و طبعا انا عارف الجملة ديه مش هتعدي كده بسهولة لكن فعلا اسكندراني عسل و ووالدتك المحبة كنت مبسوط جدا اني شوفتها و اطمئنت علي صحتها .. ربنا يخليها لك يا محمد
            و بفكرك تاني ان في صور كويسة اوي مع دكتور يوسف مشعل
            المشاركة الأصلية كتبت بواسطة PeaceMan
            انا بقي زعلان منك جدا يا حاج احمد انك مجيتش .. بجد واحشني جدا جدا و كان نفسي اشوفك لكن الف و الوف سلامة عليك و نشوفك في اقرب فرصة ان شاء الله
            المشاركة الأصلية كتبت بواسطة friendship7897
            والله هي إجتماعية وحبوبة هي وجودي - أمانة تسلم لي عليهم وإن شاء الله نتقابل في لقاءات أخرى
            المشاركة الأصلية كتبت بواسطة SHNORY مشاهدة المشاركة
            صور افطار نايل موتورز 2012 - نايل موتورز - NileMotors.net
            المشاركة الأصلية كتبت بواسطة SYD مشاهدة المشاركة
            كل سنة وانتم طيبين وعلي الحب وطاعة الله مجتمعين

            انا بعتذر عن عدم حضوري المقابلة ولكن ان شاء الله في اقرب فرصة واقرب تجمع هكون موجود بأذن الله
            المشاركة الأصلية كتبت بواسطة S A M A مشاهدة المشاركة
            الشكر ليك يا بيشوى على مشاركتك لينا ووجودك الجميل اللى بيضيف ابتسامة حلوة جدا بروحك المرحة وحبك للناس كلها لكل مقابلة
            منتظرينك المرة الجاية انت والاسرة كلها
            جمال بيسلم عليك جدا جدا
            المشاركة الأصلية كتبت بواسطة ahmedaglan مشاهدة المشاركة
            كان يوم روعه بوجود الناس الجميله دى كلها
            ولكن الفطار لا يليق ابدا بمنتدى نايل موتورز مع العلم ان ايهاب صاحب المطعم صحبي بس انا مكنتش مقتنع من الاول بس الحمد الله اهى عدت ومحدش بيتعلم ببلاش
            واهم ما في الموضوع الصحبه الحلوه وربنا يديم المعروف
            [CENTER][B][SIZE=3][FONT=Times New Roman][COLOR=purple][URL="http://www.nilemotors.net/Nile/189797-a.html"]الرّحْمَنُ عِلَّمَ القُرْءَانَ - دروس مُبَسَّطةُ في التَجْوِيدِ
            [/URL][/COLOR][/FONT][/SIZE][/B][/CENTER]
            [CENTER][URL="http://www.nilemotors.net/Nile/189553-a.html"][COLOR=Teal]منْ يُرِدِ اللهُ بِهِ خَيْرَا يُفَقْهُهُ في الدينِ - دروس فقهية مبسّطة[/COLOR][/URL]
            [URL="http://www.nilemotors.net/Nile/224644-a.html"]مناسك العمرة - مناسك الحج (شرح مختصر وميسر )[/URL]
            [URL="http://www.nilemotors.net/Nile/311983-a.html"][COLOR=Teal]أحكام الصلاة في السفر ( بشكل مختصر وميسر )[/COLOR][/URL]
            [IMG]http://oi47.tinypic.com/699j.jpg[/IMG]
            [IMG]http://oi50.tinypic.com/igk9px.jpg[/IMG] [/CENTER]
            Shikh_Khaled سابقا

            Comment

            • #7
              المشاركة الأصلية كتبت بواسطة fineart607 مشاهدة المشاركة
              الله ينور عليك فعلا لا يليق لا بمنتدى ولا حتى .......... يلا حصل خير
              وكفاية اللمة الحلوه الشعب المصرى ده حنين قوى وزى العسل
              هو احنا مينفعش نعمل حاجه تكون كويسه وبرضه مع اللمة الحلوه :)
              المشاركة الأصلية كتبت بواسطة SHNORY مشاهدة المشاركة
              ههههههههههههههههههههههههههههه
              بعد ايه بقي
              بعد ما خرطتنا للوز هههههههههههه
              باذن الله المقابلات الجايه تكون احسن وتتبسط فيها
              المشاركة الأصلية كتبت بواسطة SonaSteel مشاهدة المشاركة
              كل سنة وانتم طيبين و كان يوم ظريف جداااا وانا اتبسطت باللمة الحلوة ديه
              تسلم يا كيمو علي اليوم الظريف ده ومجمع الناس في الخير دايما
              و Baskota ...نورتي مصر كالعادة و ا/جمال ... كفاية تعبه وكفاية كنتي جاية وانتي تعبانة
              شنوري نورت قاهرة البرنس المعز ووالدتك ربنا يخلهالك يارب
              نادر بيك ..... اتبسطت لما شوفتك :))

              وشوفت ناااااس كان نفسي اشوفهم واتبسطت جدا اني ششوفتهم .... مع الاحتافظ بالالقاب
              الشيخ خالد حبيبي في الله
              و حسام ابتراوي
              وحمادة عزو
              و د/ محمد كمال
              و احمد عماد
              واحمد علاء ... كان بقالي كتير مشوفتوش
              وعلاء الشناوي
              محمود عيسي
              محمود نجيب

              واللي يزعل بقي ..... د/احمد عبد الرحمن ...... انا معرفش انك جاي وكان نفسي اشوفك :))

              وحباااااايبي كلهم اللي بحب اشوفهم دايما
              دامصري وغازي وعجلان و هاني و شباب نيسان وهيونداي وكل الناس المحترمين






              شيخ خالد ..... اخي وحبيبي في الله
              والله سعدت جدا بمعرفة حضرتك ونورتنا ونورت اليوم الجميل ده واتمني اشوف حضرتك في كل المقابلات اللي جاية
              وياريت لو يوم الخميس اللي جاي ونتسحر مع بعض ان شاء الله :))



              ماشاء الله ربنا يبارك في عمرك يارب ....... الله يبارك فيكي والله امنية وماما قعدوا يحكولي ويقولي طيبوبة جدا و ابنها زي العسل ماشاء الله وبيسلموا عليكي ونفسهم يشوفوكي قريب ان شاء الله :))
              والصور اللي صورتها بتبيع الواحده ب10 جنيه علشان لو عايزة كام صورة هههههههههههههههه
              اقعدي بالعافية :))

              المشاركة الأصلية كتبت بواسطة mohsunny2009 مشاهدة المشاركة
              انا اللى اتشرفت بمعرفه حضرتك وكنت اتمنى انى اتكلم مع حضرتك اكثر اتمنى من الله ان تتاح الفرصه للقاء حضرتك مره اخرى فى المقابلات القادمه و بالنسبه للسفر فمشقه السفر تذهب مع لقاء الاحبه



              الف شكر لحضرتك انا و المدام فعلا اتشرفنا بمقابلتكم جميعا و المدام كانت سعيده جدا و قالتلى المرات الجايه لازم اكون معاك

              استاذ كريم الرائع بجد انا سعت جدا بمقابلتك و اشكرك جدا على اليوم الجميل ده خلتنى ندمت انى ماكنتش بحضر المقابلات اللى فاتت فعلا اتشرفت بمعرفتك و معرفه باق الحضور الكرام
              بالنسبه للاكل طبعا انا روحت فطرت انا و مراتى فى المنوفى بعد مامشينا لاننا كنا واقعين من الجوع و لكن ولا يهمك كله يهون لما اشوفكم جميعا على خير


              مدام سما الف شكر لحضرتك على زوقك المدام بتسلم على حضرتك و بتقولك انها مش هاتفوت مقابله بعد كده


              محمد شنورى الجميل و الاسكندرانى الجدع ابو دم خفيف وروح مرحه بجد ان سعيد جدا انى اتعرفت عليك ومش هانسى التمر بتاع الحاجه تسلم اديها و ربنا يارب يخلهالك
              المشاركة الأصلية كتبت بواسطة Shikh_Khaled مشاهدة المشاركة
              الأستاذة الفاضلة / friendship7897 جزاكم الله خيرا , تشرفت والأسرة بمعرفة حضرتك

              وربنا               يبارك لحضرتك في أولادك               ويجعلهم قرة عين لك في الدنيا والآخرة


              الأستاذ الفاضل / بيشوي , فعلا سعدت بمعرفة حضرتك

              ربنا يكرمك على الدعوات الجميلة ,

              شوفت الصورة اللي طلعنا فيها سوا , إيه رأيك فيها , ما شاء الله جميلة جدا






              أخي الحبيب د / أحمد عبد الرحمن والله يا أخي أحببتك في الله وسعدت بلقاء حضرتك


              الأستاذة / سما , حضرتك الشرف لي ولزوجتي وأولادي بالحضور مع أسرة نايل موتورز المحترمة



              أخي الحبيب أبو عبد الرحمن , صدقت والله يا أخي

              فعلا وأنا جاي في الطريق زوجتي بتقوللي أحسن حاجة بسم الله ما شاء الله

              إنكم بتحبوا بعض في الله




              جزاك الله خيرا أخي الحبيب بشمهندس / حسين

              تشرفت بمقابلة حضرتك وإن شاء الله تتكرر قريبا جدا بإذن الله

              وسامحني في يوم الخميس علشان يبيقى اليوم مضغوط عندي علشان التراويح وبعدين تحضير

              خطبة الجمعة - بإذن الله


              الشرف لي يا دكتور محمد

              وإن شاء الله تتاح الفرصة لنا للقاء مرة أخرى بإذن الله
              المشاركة الأصلية كتبت بواسطة PeaceMan مشاهدة المشاركة
              يا شيخ خالد دا انا ليا الشرف اني اكون مع حضرتك في الصورة و ربنا يديم المحبة و كل سنة و حضرتك طيب
              المشاركة الأصلية كتبت بواسطة S A M A مشاهدة المشاركة
              الله يسلمها شرفتونا فعلا والاولاد ما شاء الله عليهم هاديين جدا
              فلازم تجيبهم كل المقابلات عشان يتعلموا الشقاوة :-)
              ربنا يباركلك فيهم
              ونشوفكم على خير فى كل المقابلات بعد كده
              ونعتذر طبعا عن اللى حصل فى الفطار ونعدكم بحسن اختيار المكان المرة الجاية
              [CENTER][B][SIZE=3][FONT=Times New Roman][COLOR=purple][URL="http://www.nilemotors.net/Nile/189797-a.html"]الرّحْمَنُ عِلَّمَ القُرْءَانَ - دروس مُبَسَّطةُ في التَجْوِيدِ
              [/URL][/COLOR][/FONT][/SIZE][/B][/CENTER]
              [CENTER][URL="http://www.nilemotors.net/Nile/189553-a.html"][COLOR=Teal]منْ يُرِدِ اللهُ بِهِ خَيْرَا يُفَقْهُهُ في الدينِ - دروس فقهية مبسّطة[/COLOR][/URL]
              [URL="http://www.nilemotors.net/Nile/224644-a.html"]مناسك العمرة - مناسك الحج (شرح مختصر وميسر )[/URL]
              [URL="http://www.nilemotors.net/Nile/311983-a.html"][COLOR=Teal]أحكام الصلاة في السفر ( بشكل مختصر وميسر )[/COLOR][/URL]
              [IMG]http://oi47.tinypic.com/699j.jpg[/IMG]
              [IMG]http://oi50.tinypic.com/igk9px.jpg[/IMG] [/CENTER]
              Shikh_Khaled سابقا

              Comment

              السابق template التالي
              Working...
              X