استشارة بخصوص اعمال المحارة فيدونى

[k.h]

السلام عليكم لو سمحتم انا كان عندى مطبخ امريكى وانا كملت الحائط بالطوب وللاسف لظروف مادية انا بعمله بنفسى الفكرة انى عملته محارة بالاسمنت وكدة بس هو مش متساوى مش املس ... سؤالى

1- هل بعد ما نشف الاسمنت فى اداة ممكن املس بيها سطح الحائط ولو فيه اسمها ايه ؟

2- هل بعد طبقة المحارة ينفع ابيض على طول بالدهان حتى لو اكتر من وش ولا فى طبقة قبله ؟

3- انا عاوزة ادى وش نضافة للشقة ايه الادوات المطلوبة ؟


*انا معرفش لانى اول مرة بصلراحة ابيض بنفسى بس الظروف المادية والتجارب السابقة مع الصنايعية خلتنى الجا للحل ده ..جزاكم الله خيرا

[amr011111]

السلام عليكم لو سمحتم انا كان عندى مطبخ امريكى وانا كملت الحائط بالطوب وللاسف لظروف مادية انا بعمله بنفسى الفكرة انى عملته محارة بالاسمنت وكدة بس هو مش متساوى مش املس ... سؤالى

1- هل بعد ما نشف الاسمنت فى اداة ممكن املس بيها سطح الحائط ولو فيه اسمها ايه ؟

بعد ما نشف الاسمنت مش هينفع. فيه حل تانى انك تزنبرى المحارة يعنى تجيبى شاكوش ومفك محمل او اجنه وتعملى نقر فى المحاره القديمه وتدى طبقة محارة جديده بسمك بسيط وتمسيها بعود خشب برور من اى موان
حل تانى فيه معجون اسمه معجون ممتاز ده معجون ممكن لحد ما تساوى بيه سطح المحاره لو السطح مش فيه عيوب كتير.
2- هل بعد طبقة المحارة ينفع ابيض على طول بالدهان حتى لو اكتر من وش ولا فى طبقة قبله ؟

بعد طبقة المحاره تمعجنى وبعدين تصنفرى المعجون ولو فيه عيوب ظهرت تلقطى المعجون وتصنفرى تانى وبعدين تبطنى وتدهنى

3- انا عاوزة ادى وش نضافة للشقة ايه الادوات المطلوبة ؟

لو وش نضافه هتجيبى دهان بلاستيك وروله


*انا معرفش لانى اول مرة بصلراحة ابيض بنفسى بس الظروف المادية والتجارب السابقة مع الصنايعية خلتنى الجا للحل ده ..جزاكم الله خيرا

الرد فى الاقتباس