عيد ميلاد المنتدى -إقتراح

[Sharky]

انا موافق بشكل غير طبيعى على تلك الفكرة
بس انت عليك كريم لانى عرضتها عليه من قبل و لم يقتنع بها من الاساس "كانت مناسبه اخرى"
و المركب يفضل يكون من السخنة علشان البحر اهدى :10D5C8~1107:و بالتالى الناس اللى هاتقولك باتعب من البحر ما يكونش لها حجه

أنا موافق على فكرة مركب العين السخنة

[sherif_habeb]

اى مكان فى الاسكندريه شغال يارجاله الاسكندرية وضواحيها وعلى المقيمين خارجها يتم التصويت لصالح الاسكندرية عشان عندنا خبرة فى التنظيم

[A.Saad]

انا لو ربنا وفقنى لعربية
جاى
لو ما جتش
يبقى لسه ماشتريتش

[SHNORY]

شنورى.......أكيد قصدك تيس البحر صح ؟؟؟؟

يا باشا طالما أسكندرية يعنى ناكل أى حاجة طالعة من البحر.....سمك جمبرى كابوريا جندوفلى طحالب حتى.....مفيش مشكلة.

أنا أن شاء الله هحدد هقدر أجى ولا لأ حسب ظروفى اللى قولتلك عليها قبل كده......ربنا يسهل.

ربنا يسهلك الحال يا باشا ويعديلك الظروف دي علي خير باذن الله
وعموما حقك محفوظ في اي وقت وانا عند وعدي ليك

عندك حق يا كريم باشا ,
و انا هصوم من قبل المقابلة بيومين علشان أعرف اأنتخ

في فكرة تانية إننا نأجر مركب و نقضي يوم في عرض البحر و طبعاً يكون معانا الأكل

مشكله المركب ان في حاله حصول اي حاله طوائ لاي حد مننا
الرحله كلها حتتلغي
يعني في مقابله اسكندريه المره اللي فاتت كريم حصلتله ظروف ومكملش اليوم معانا
طيب تخيلوا ان لا قدر الله حصل اي حاجه لاي حد فينا وكان لازم يرجع بيته
يبقي حنرجع بالمركب كلنا وحيكون فيه حاله قلق جماعي
انما لو احنا في مكان عادي علي الارض اكيد حنعرف كلنا نتصرف
وبرضه الراي ليكم

[eng.octooo]

اى حاجة من البحر انا معاكم فيها بس المقابلة يوم كام بالظبط بليز ردوا بسرعة

[data_call]

مش لازم كينج مريوط

اكيد كلنا نحب نحتفل بعيد ميلاد المنتدى واسكندرية بلد جميلة يعنى مش لازم كينج مريوك
هنسيب اسكندرية بكل جمالها ونروح الكينج ايه رايكوا لو نعمله فى اوتيل فى المعمورة او شاطئ عايدة فى المنتزة او
نعمل برنامج يبدا من الصبح لاخر اليوم كل وقت فى مكان مثلا نقعد الصبح فى كافيه فى ميامى والغداء سمك فى بحرى عشان مانزعلش الاعضاء اللى نفسهم فى السمك وبعدين نكمل فى مكان تانى

[eng.octooo]

اكيد كلنا نحب نحتفل بعيد ميلاد المنتدى واسكندرية بلد جميلة يعنى مش لازم كينج مريوك
هنسيب اسكندرية بكل جمالها ونروح الكينج ايه رايكوا لو نعمله فى اوتيل فى المعمورة او شاطئ عايدة فى المنتزة او
نعمل برنامج يبدا من الصبح لاخر اليوم كل وقت فى مكان مثلا نقعد الصبح فى كافيه فى ميامى والغداء سمك فى بحرى عشان مانزعلش الاعضاء اللى نفسهم فى السمك وبعدين نكمل فى مكان تانى

طيب لية مانخاتارش شاطى ونخلى المطعم يجيبلنا الاكل فية ونقضى اليوم بطولة على البحر


بس انا عاوز اعرف التاريخ النهائى كام ../../.... لانى مستنيكوا

[Hossam_Hassan]

معلش يا جماعة، أنا عارف انى هبعد عن كل الأقتراحات اللى اتكتبت، بس من شوية شفت أعلان خلانى افكر فى طريقة مختلفة للأحتفال.

اول جمعة فى أبريل سيتم الأحتفال بيوم اليتيم، ايه رأيكم ننظم رحلة لدار ايتام و الفلوس اللى كنا هنصرفها على الأكل و الشرب، نجيب بيهم حاجات تفرح الأطفال اللى فى الدار.

[MoToRiZeR]

طيب لية مانخاتارش شاطى ونخلى المطعم يجيبلنا الاكل فية ونقضى اليوم بطولة على البحر

و الله الراجل ده بيقول كلام زي الفل .. يعني الواحد ياكل الجمبري و الكابوريا و يقوم رامي نفسه في البحر بعديها .. إيه الجمال ده

[SHNORY]

معلش يا جماعة، أنا عارف انى هبعد عن كل الأقتراحات اللى اتكتبت، بس من شوية شفت أعلان خلانى افكر فى طريقة مختلفة للأحتفال.

اول جمعة فى أبريل سيتم الأحتفال بيوم اليتيم، ايه رأيكم ننظم رحلة لدار ايتام و الفلوس اللى كنا هنصرفها على الأكل و الشرب، نجيب بيهم حاجات تفرح الأطفال اللى فى الدار.

انا معنديش اي مشاكل في الاقتراح ده بس ليا تعديل
ايه رايكم اننا لو فرضا حيكون في اسكندريه تيجوا بدري علي 9 مثلا ونروح اي دار ايتام تتحدد ونقعد معاهم من 10 ل12
ونكمل يومنا عادي بعد كده او جزء يجهز لعيد الميلاد وجزء تاني يروح يعمل الزياره
انا معاكم في اي اقتراح المهم اننا نتجمع ونتقابل
والف شكر علي الاقتراح الجميل يا حسام بيك
جزاك الله كل خير
وعاوزين برضه نسمع مناقشه الاعضاء
ولو عاوزين تعملوا عيد الميلاد يومين انا موافق برضه
انا معنديش اي اعتراض علي اي حاجه تطلبوها يا احلي منتدي

[data_call]

تقتراح يستحق الاحترام وانا معاك جدا فيه وممكن نخليها اسلوب مميز فى الاحتفال بالمنتدى وكل الاعضاء من كل المحافظات ينفذوها لو حبوا بحيث كل مجموعة تختار دار ايتام فى محافظتها وتقوم بزيارتها بالطريقة دى نكون فرحنا اكبر عدد ممكن من الاطفال وعشان احنا كلنا نحب نتقابل ونقضى يوم ظريف كمان ممكن نكمل اليوم مع بعض فى اى مكان يكفى اننا نلتقى جميعا ونسعد بلقائكم

[Karim_Monir]

حسام باشا اقتراحك على عيني وراسي
بس ليه مانخليهمش يفرحوا واحنا كمان نفرح
يعني مثلا نتفق ان كل واحد فينا يحط حاجة في علبة كرتون كدة ويحط فيها اللي هو عايزة لو عايز بدون احراج لانه ما يؤخذ بسيف الحياء فهو حرام
ونطلعهم لدار ايتام تكون محتاجة وليكن الدار اللي في الهرم اللي اشار اليها زميلنا سابقا

المهم حلو اقتراح مية واكل وحودة ده
طب يا شنوري بما ان الميعاد غالبا هايكون على 10 ابريل عايزين اقتراحاتك بمكان كويس نقدر ننزل علية مباشرة ويكون عندة علم
ويكون قريب من حودة واحنا قاعدين نطلب الطلبات وتجيلنا وش على البحر

قال تيس بحر قال
الحالة الوحيدة اللي ممكن اكل فيها لحوم في اسكندرية يكون عند بلبع وماكونش هاسوق بعدها لان ليا ذكريات اليمة في الموضوع ده

اه يا بطني

صورتين على الماشي اجري ريقكم

[ahmedsamir79]

تنوروا أسكندريه يا رجاله
:-)

[SHNORY]

حسام باشا اقتراحك على عيني وراسي
بس ليه مانخليهمش يفرحوا واحنا كمان نفرح
يعني مثلا نتفق ان كل واحد فينا يحط حاجة في علبة كرتون كدة ويحط فيها اللي هو عايزة لو عايز بدون احراج لانه ما يؤخذ بسيف الحياء فهو حرام
ونطلعهم لدار ايتام تكون محتاجة وليكن الدار اللي في الهرم اللي اشار اليها زميلنا سابقا

المهم حلو اقتراح مية واكل وحودة ده
طب يا شنوري بما ان الميعاد غالبا هايكون على 10 ابريل عايزين اقتراحاتك بمكان كويس نقدر ننزل علية مباشرة ويكون عندة علم
ويكون قريب من حودة واحنا قاعدين نطلب الطلبات وتجيلنا وش على البحر

قال تيس بحر قال
الحالة الوحيدة اللي ممكن اكل فيها لحوم في اسكندرية يكون عند بلبع وماكونش هاسوق بعدها لان ليا ذكريات اليمة في الموضوع ده

اه يا بطني

صورتين على الماشي اجري ريقكم

كريم باشا
انت عارف ان اسكندريه دلوقتي مبقاش فيها شواطيء غير من اول استانلي لحد المنتزه
وشواطئ العجمي
كمان احنا حنقعد يوم بطوله فانا افضل اننا يكون لينا مكان سواء فيلا محمد الطويل او ناجر شاليه او فيلا ودا مش متاح غير في خط العجمي والساحل
بالنسبه للاكل والمطاعم والسمك خصوصا فمطاعم العجمي من تجاربي معاها تخليني اقولكم اني معنديش استعداد اني ادفعكم 2000 جنيه في حاجه انا ممكن اظبطها بشكل احسن منهم ب800 جنيه لاني قبل كده جيبت كيلوا بوري وشويه سبيط وجندوفلي ودفعت 120 جنيه علشان اتغدي انا وواحد صاحبي
انا ضد الاستغلال
شوفوا انتم عاوزين ايه وحددوا طلباتكم واحنا علينا التنفيذ
النهارده 11 مارس
علي يوم 20 مارس حنعمل موضوع تاني وحنطلب من الاداره تنظيمه معانا
لجديه الحجز والحضور والميعاد النهائي
انا شايف ان كده والحمد لله الاعضاء استقروا بنسبه كبيره علي اسكندريه لو فيه اماكن تانيه عاوزينها غير اسكندريه يبقوا اهل البلد اللي فيها المقابله هما اللي حيتعبوا يبقي يا ريت لو يشاركونا برايهم ومجهودهم
تظبيط الموضوع ده مش حياخد مننا اقل من 3 ايام
وطبعا انا ومحمد عبد الرحمن ومحمد الطويل حنقسم المهام بيننا كل واحد علي حسب مواعيده واللي يحب يشارك يقول
كده عندنا الاختيار في اسكندريه ما بين شاطئي النخيل ودا دخوله لو معرفتوش تعملوا الحوار علي البوابه ب10 جنيه للفرد(دخول القريه نفسها)
او البيطاش
او فيلا محمد الطويل
والساحل الشمالي القري بتاعته بتفتح في الصيف بس
والميعاد قرب وعاوزين تفاعل اكتر من الاعضاء
باذن الله في الموضوع الاخير حنعمل استفتاء عن المكان جوه اسكندريه
واتمني سرعه التجاوب من الاعضاء
وواحشني كتيييييييييييييييييييييييييييييييييييييييييييييييي يييير يا كيمو

[ahmedsamir79]

محمد باشا
لو عايز إي مساعده في التنظيم قولي