محبى دايهاتسو فى المقابلة الثالثة بالعبور - مارس 2009-

[medo_sirion]

بسم الله الرحمن الرحيم
بجد ياجماعة كانت مقابلة فوق الروعة لولا انها كانت مش فيها ناس كتير بس كانت جميلة بالاعضاء اللى حضروا وكان نجم المقابلة استاذ توفيق بجد راجل زى السكر وشخص حبوب جدا
وهوة كمان اتكلف بمكان المقابلة لوحدة دة غير الحاجات التانية اكيد هوة عرفها هههههههه...
مش عايز اطول عليكوا واسيب الاعضاء التانية تحكلكوا بالتفصيل...
وشكرا

[medo_sirion]

صور المقابلة

صورة المقابلة ياجماعة على الفيس توك
يلا روحوا على دايهاتسو مصر على الفيس توك

[توفيق طة]

بسم الله الرحمن الرحيم

فى الحقيقة ترددت كثيرا فى فتح الموضوع هنا ؟؟

أصابعى ترتعش عيونى تدمع .كان حلما وتحقق .

مازلت منتشيا من حلاوة اللقاء..وغيرمصدق أننى

عشت اللحظة اللتى تمنيتها .كنتم كما تخيلكم

قلبى .شباب فى غاية الروعة والمحبة والتلقائية

أحببتكم قيل أن أراكم ومن حروف كلماتكم

أحسست بكم وكان قلبى يوجهنى والحمد لله ..

مش عارف أتكلم ؟ يعجز لسانى عن التعبير عن

حلاوة وجمال وصفاء هذة القلوب الشابة الرائعة

أول من قابلتة د/ معاذ.خفق قلبى وأنا أراة لأول مرة

كان كما كان فى خيالى حبيب قلبى دائما .قمة

فى الذوق رقيق الى أقصى درجة حلو المعشر

لم يتركنى لحظة واحدة من أول ماخرجت من

ال جامع الى أن أرشدنى الى أول طريق العودة

بارك الله فيك لك كل محبتى ..

ثم جاء حبيب قلبى م/ أحمد مصطفى شخصية

غاية فى الرقة والذوق والكياسة انسان بمعنى

الكلمة .والسيدة زوجتة جلست مع زوجتى ومن لحظة ما رحعنا وزوجتى تمدح فيها بارك الله لك
فيها .كماقام بتصوير اللقاء بكاميرتة الجديدة (هاجيب الأولمبس )ههههههه طبعا فاهم ؟؟

ثم جاء حبيب الروح وصاحب الضحكة الجميلة
ميدو سيريون .حلو المعشر تعشق حديثة وقفشاتة
ثم جاء أستاذ/رامى شخصية تحبها من غير كلام
وحزنت للحادثة اللتى حصلت لسيارتة وان شاء
الله خير وهاترجع زى الأول.ثم طلبنى أبو عبدالله
وأخبرنى أنة فى الطريق.وحينما رأيتة لأول مرة
شعرت أنى أعرفة من زماااااااان ؟شخصية فى
غاية الروعة وخدوم الى أقصى درجة وحبوب جدا .ثم جاء أخى وحبيبى عمرو شخصية جذابة
تحبة من أول ماتراة.يجذبك حديثة ودماثة أخلاقة.
ثم مسك الختام الولد الشقى /محمود موتورايزر.
لة خفة ظل ورشاقة الكلمة ما تجعلك تنصت لة ولاتقاطعة تحبة من أول نظرة.ماأحزننى أن الوقت
قليل ولم نقعد كثيرا معا لضيق الوقت عشان طر يق العودة؟ياريت نبقى نتقابل بدرى يعنى من الصباح عشان نقعد مع بعض أطول فترة وأنا ماشبعتش منك..لى اقتراح ذكرتة لمحمود اننا نتجمع كلنا يعنى جميع فروع المنتدى فى ذكرى
ميلاد المنتدى جميعنا رجال وسيدات ولو حتى نر و الأسكندرية ونشوف ونتعرف على بقية الفريق
القومى دة اقتراحى.
مرة أخرى كانت مقابلة غاية فى الروعة.وأود أن
أشكركم جميعا من أعماق قلبى لقبولكم لى معككم أحبكم جميعا وأتمنى أن تتكرر مرات كثيرة...

أبو عبدالله(نسيت الأستيكرز مش قلتلك فكرنى لأنى بنسى) ..كفاية بقى مش قادرأكمل ..

تحيــــــــــــــــــاتى:k32:

[توفيق طة]

حبيب قلبى ميدو باشا فين الصور؟؟

[tmedhat]

الصور على الفيس تووووك

[MoToRiZeR]

المقابلة المرة دي كانت مختلفة لأن بعد المقابلة الأولي و الثانية الواحد بقي خلاص بتوحشوا المقابلات و الناس .

طبعاَ كنت مبسوط بمقابلة السيريونيين القدامي معاذ و عمرو عمارة و أحمد مصطفي و ميدو .. و لكن حقيقي زي ما ميدو قال نجم المقابلة المرة كان أستاذ توفيق .. الحقيقة رجل فوق الوصف و متشبعش منه و كان وحشنا بالفعل بمجرد ما دور العربية و مشي .. ده غير إن أول ما مشي معاملة الناس في الكافيه إتغيرت خالص (طبعاَ عارفين ليه ههههههه) .. و إن شاء الله نشوف حضرتك قريب تاني و نورتنا إنت و حرمك يا أستاذ توفيق .. و طبعاَ أستاذ رامي الزيني العضو السيريوني الجديد كان منورنا و زعلنا عالخبطة اللي حصلت عنده بس إن شاء الله تتصلح علي خير .

يا ريت بقي نناقش إقتراح أستاذ توفيق إن المقابلة الجاية تبقي خارج الحدود .. ننقي يوم أجازة و نتجمع في إسكندرية أو السخنة و نشوي أو نصطاد .. هيبقي يوم لذيذ .

و طبعاَ إفتقدنا جداَ السيريونيين الغائبين عن المقابلة لظروف خارجة عن إرادتهم، دكتور سالي و ياسر و هند و تيمور باشا و علي و أسامة علام و علا .. أتمني أكون منستش حد .. و إن شاء الله نكون مع بعض كلنا في المقابلة الجاية .

[aliabutaleb]

ربنا يجمعنا على الخير دايماً
كنت مرتب أموري على إني أكون معاكم بس قدر الله وماشاء فعل
وفعلاًَ حلوة أوي فكرة خروج المقابلة عن الحدود

[عمرو عمارة]

السلام عليكم

فعلاً المقابلة دي كانت فيه شىء مميز

أستاذ توفيق والله تشرفت جداً بمعرفة شخصية حبوبة زيك.....أستاذ توفيق أول ما شافني سلم عليا باليد...لما قولت أنا عمرو عمارة أم واخدني بالحضن......أستاذ توفيق ماتحرمناش من وجودك في المرات القادمة
أما بقى موضوع تكفلك بمصاريف الكافيه فطبعاً جزاكم الله خيراً.....بس ده فعلاً كتير أوي يا باشا وأنت بصراحة أحرجتنا كلنا بذوقك ده.....وإحنا ماشين طلبنا الشيك والحساب كان 18.5 جم ......بصينا في الشيك كويس ومش مصدقين....طلبنا المتر وقولنا له الحساب ده مش مضبوط......قالنا لأ...ما هو الأخ الي مشي دفع الحساب كله

طبعاً تشرفت بمعرفة الأستاذ ميدو والاستاذ رامي
رامي عربيته كانت نفس لون عربيتي بس للأسف كان واخد خبطة في الرفرف الخلفي وإن شاء يتم إصلاحها على خير

ميدو باشا فين الصور يا جميل.....مابلاش موضوع الفيس بوك ده.....إحنا نايل موتورز

[osama_alam]

والله انا كان نفسي احضر واقابل الناس اللي تشرح القلب زيكم انتم بيحسسوني ان البلد فيها ناس كويسة قادرة على التفاهم وان الود والصداقة لسه حاجة غالية وهوه السمة اللي دايما بتجمعنا

بس الحمد لله وان شاء الله المقابلة اللي جاية نتقابل باذن الله
أخوكم/ اسامة

[aliabutaleb]

حلوة أوي الصور يا ميدو :)

[for_ever]

ممكن حد يحط الصور علي المنتدي عشان قافلين علينا ال facebook في الشركة :(
شكرا جزيلا

[amrico]

والله الواحد بيبقى مبسوط وزعلان لما بيقرا الحاجات دي
مبسوط لأن الاناس محترمين وفعلا الجو العام شكله جميل وجامد جدا
وزعلان لأني مبقدرش أحضر الحاجات دي عشان مسافر برة مصر
الوحيد إللي مرة واحدة إتواصلت معاه كان دكتور معاذ وكان عن طريق التليفون وبجد شخص راقي جدا

==
عمرو

[معاذ الشرباصى]

كانت فعلا مقابلة مميزة جدا, بالرغم من اعتذار ناس كتير عن الحضور الا ان حضور توفيق باشا و حرمه كان كفيل ان المقابلة تكون مميزة جدا جدا

دى صور نجوم اللقاء





دى صور م/توفيق و حرمه

مفيش كلام زيادة يتقال بعد كلام م/توفيق و محمود و عمرو باشا عمارة ... ربنا يجمعنا دايما على خير

دى الصور اللى على الجروب

طبعا منقدرش ننسى كاميرا احمد مصطفى ال Nikon اللى كانت منورة اللقاء و التقطت الصور دى كلها

و ميدو باشا لمجهوده فى رفع الصور

[rzeiny]

اصدقائي السريونيين وحشتوني جدا، انا بشكركم جدا على الوقت الجميل والمقابلة اللطيفة دي.
مجموعة قمة في الرقة والاخلاق وخسارة اني لم اجلس طويلا لكن عزائي الوحيد انها ان شاء الله مش حتكون اخر مرة
ويارب نتجمع على الخير دائما وياريت يكون من اول اليوم ومفيش مانع انه يكون خارج القاهرة . وكل عام وانتم بخير

[توفيق طة]

بسم الله الرحمن الرحيم

المحبة هى التى جمعت قلوبنا فى هذا اللقاء الرائع

أحبائى .ميدو.معاذ.محمود.عمرو.رامى .أبوعبدالله

أحمد مصطفى.أشكركم وأشكر مشاعركم الصادقة

وكلماتكم العطرة بعطر المحبة.أخجلتمونى بكلماتكم الرقيقة .وأتمنى أن يتكرر اللقاء (لسة ما شبعتش منكم )وأتمنى أيضا أن أرى باقى الأخوة.

تحيـــــــــــــاتى