انشاء قسم للأهداءات

[اسلام المصرى]

السلام عليكم ورحمة الله وبركاته ،،،،

جائتنى هذه الفكرة من موضوع أخونا هشام :) جزاه الله خيرا.
http://www.nilemotors.net/Nile/showthread.php?t=14314

أيه رأيكم و رأى الأدارة بانشاء قسم "خاص" يسمى مثلا بقسم "الأهداءات" أو قسم "القلب الكبير" أو "مستلزمات مجانية" أو أى أسم أخر تروه مناسبا من أجل هذا الغرض , و يتم الأعلان فيه عن أى حاجة أنت مش محتاجها و مركونة عندك بقالها فترة , غيرك ممكن يكون محتاجها أو بيدور عليها مثلا ..... أو تعرف حد محتاج حاجة و تجيبهاله , بشرط أن تكون الحالة جيدة و شغالة على أساس أن اللى هياخدها يستفاد بيها مش تكون خردة.
أنا عن نفسى هبتدى:
شاشة كمبيوتر "سامسونج" SyncMaster 551 v أنظر الصور المرفقة الصراحة مش عارف هى 13" أو 15" بوصة أسف , لو حد عايزها أو يعرف حد محتاج شاشة و غير قادر على شراءها أنا متنازل عنها و التوصيل مجانا أو فى المقابلة الشهرية أنا تحت أمركم.
شكرا جزيلا على وقتكم :) جزاكم الله خيرا.

[Karim_Monir]

والله يا اسلام انت اللي قلبك كبير
وفكرة حلوة وممتازة فعلا
وتوطد روح التعاون والاخاء في المنتدي
هاشوف مع حودة امكانية تنفيذها في اقرب وقت
الشاشة 15 على فكرة مفيش شاشات 13
14 او 15 او 17 كدة يعني

[Nader]

والله فكرة ممتازة وهتساعدنا اننا نتخلص من كل الحجات اللي عندنا ومش محتاجين لها وبنعتبرها كراكيب.

اما بالنسبة للشاشة فهي 15" وانا اعرف واحدة محتاجاها فعلاً لان في حد تاني برضة ادالها كمبيوتر بس بدون شاشة:).

[memo_hefnawy]

ربنا يباركلك يا إسلام و إن شاء الله نفتح القسم و جزاك الله خيرا

[Karim_Monir]

يلا يا عم
وتاخد ثواب لا ينقطع طول ما فيه بني ادمين عمالين يتبرعوا
من سن سنة حسنة فله اجرها واجر من عمل بها الى يوم القيامة
انا مش بحسد حاشا لله
بنق بس
ها ها
حبيب قلبي يا سمسم انت والله
مش عارف مين بيقوللك سمسم وانت اتنين متر
اكيد واحد قزعة ناقم عليك
ها ها ها
ربنا يديك الصحة شكلي بخرف من السخونية

[Sameh]

هايل هايل هايل - هو ده الكلام - ممكن نوسع الأفق بقا بالإضافة لأجزاء الكمبيوتر ، قطع غيار سيارات مستعملة خفيف ، أو جديدة بس غيرت العربية أو جايب طقم وفى حتة زيادة ، وممكن أجهزة منزلية أو حتى ملابس جديدة بس مقاسها إتغير مثلاً ، ممكن كتب مش بتقراها وتعتقد إنها ممكن تكون مفيدة لغيرك ، أو هدايا جاتلك بس شايف إنها ماتنفعكش ، وممكن اللى بيدور على حاجة بعينها ودايخ عليها يكتب ويقول برضه

الله ينور يا شباب الخير

[اسلام المصرى]

شكرا جزيلا لكم

والله يا اسلام انت اللي قلبك كبير
وفكرة حلوة وممتازة فعلا
وتوطد روح التعاون والاخاء في المنتدي
هاشوف مع حودة امكانية تنفيذها في اقرب وقت
الشاشة 15 على فكرة مفيش شاشات 13
14 او 15 او 17 كدة يعني

الله يخليك يا كريم :) ربنا يديم المعروف. تمام , انا قلت برده 15 :)

والله فكرة ممتازة وهتساعدنا اننا نتخلص من كل الحجات اللي عندنا ومش محتاجين لها وبنعتبرها كراكيب.

اما بالنسبة للشاشة فهي 15" وانا اعرف واحدة محتاجاها فعلاً لان في حد تاني برضة ادالها كمبيوتر بس بدون شاشة:).

حلال عليك (عليها) يا نادر :) أعتبرها بتاعتك , ان شاء الله ممكن أجيبهالك فى المقابلة الجاية أو يوم الأحد بعد الشغل أعدى عليك فى المكان اللى يناسبك , مفيش مشكلة خالص , أنا تحت أمرك.

ربنا يباركلك يا إسلام و إن شاء الله نفتح القسم و جزاك الله خيرا

شكرا جزيلا يا محود على الرد و أهتمامك (المعتاد) ربنا يخليك لينا :)

يلا يا عم
وتاخد ثواب لا ينقطع طول ما فيه بني ادمين عمالين يتبرعوا
من سن سنة حسنة فله اجرها واجر من عمل بها الى يوم القيامة
انا مش بحسد حاشا لله
بنق بس
ها ها
حبيب قلبي يا سمسم انت والله
مش عارف مين بيقوللك سمسم وانت اتنين متر
اكيد واحد قزعة ناقم عليك
ها ها ها
ربنا يديك الصحة شكلي بخرف من السخونية

ان شاء الله الأجر و الثواب يكون للجميع. ربنا يتقبل منا.
براحتك يا كريم و الله , ده انا أخوك الصغير :)

هايل هايل هايل - هو ده الكلام - ممكن نوسع الأفق بقا بالإضافة لأجزاء الكمبيوتر ، قطع غيار سيارات مستعملة خفيف ، أو جديدة بس غيرت العربية أو جايب طقم وفى حتة زيادة ، وممكن أجهزة منزلية أو حتى ملابس جديدة بس مقاسها إتغير مثلاً ، ممكن كتب مش بتقراها وتعتقد إنها ممكن تكون مفيدة لغيرك ، أو هدايا جاتلك بس شايف إنها ماتنفعكش ، وممكن اللى بيدور على حاجة بعينها ودايخ عليها يكتب ويقول برضه

الله ينور يا شباب الخير

الله ينور على حضرتك يا أستاذ سامح :) شكرا جزيلا على أقتراحاتك , هو ده فعلا اللى انا كنت بفكر فيه و أقصده , يعنى اى حاجة عندك حالتها كويسة و أنت فى غنى عنها و مش محتاج فلوسها أتبرع بيها لغيرك هو ممكن يستفاد منها/بيها.

برده أحب مرة تانية أقول أن الفكرة جاتلى من أخونا هشام لما عرض طاسات عربية للأهداء , فالشكر كل الشكر لأخونا هشام هو صاحب الفضل فى هذا الموضوع و ان شاء الله تعالى فى انشاء هذا القسم فى هذا الصرح العملاق :)

[Nader]

يبقى باذن الله استلمها منك يوم المقابلة، وربنا يقدرنا على عمل الخير ويعطينا على قد نيتنا.

[اسلام المصرى]

يبقى باذن الله استلمها منك يوم المقابلة، وربنا يقدرنا على عمل الخير ويعطينا على قد نيتنا.

ان شاء الله يا نادر :) لو ممكن لوسمحت فكرنى على يوم الخميس القادم مرة تانى :) علشان ممكن أنسى مع دربكة أسبوع الشغل , ان شاء الله مش هنساها :)

[Nader]

إن شاء الله يا اسلام ... بس يا رب انا افتكر:):):)

[Sharky]

شكرا يا إسلام على أفكارك و روحك الجميلة

[اسلام المصرى]

الشكر لله يا أحمد.
جزاك الله خيرا.
ربنا يبارك فيك يا مادا :) جزاك الله خيرا. شكرا جزيلا على مساهمتك :) ان شاء الله تجد من فى حاجة اليه.

[دموع الثلج]

بسم االله ما شاء الله

فكره هايله وربنا يكرمكم جميعا على الفكره ومن قام بتنفيذها

ويجزيك الف خيررررر
وان شاء الله كلنا نساعد ويكون لنا ثواب معاكم


وباعتبار ده احلى باب فى المنتدى

انا كل يوم هاجى اشوف يمكن القى حد عنده مرسـيدس زياده مش عاوزه وتبقى من نصيبى يااااااااااااااارب
:D:D:D:D:D:D:D

هل من متبـــــــــــرع !!!!:o

[tmz9111]

فكرة حلوة وممتازة فعلا

[اسلام المصرى]

بسم االله ما شاء الله
فكره هايله وربنا يكرمكم جميعا على الفكره ومن قام بتنفيذها
ويجزيك الف خيررررر
وان شاء الله كلنا نساعد ويكون لنا ثواب معاكم
وباعتبار ده احلى باب فى المنتدى

انا كل يوم هاجى اشوف يمكن القى حد عنده مرسـيدس زياده مش عاوزه وتبقى من نصيبى يااااااااااااااارب
:D:D:D:D:D:D:D
هل من متبـــــــــــرع !!!!:o

ان شاء الله تكون من نصيب حضرتك :)
جزاك الله خيرا.

فكرة حلوة وممتازة فعلا

شكرا جزيلا :)