الطعام الصحى

[ali ashraf]

السلام عليكم , انتشرت أجهزة قلى الطعام بدون زيت ( فقط 20% ) من الزيت المستخدم بالطريقة التقليدية فقط , وهذا له مردود هام جدا على الحالة الصحية من حيث نسبة الدهون و الكوليسترول و السعرات الحرارية يعنى صحيا مفيش خلاف و لكن الخلاف على طعم الاكل نفسه و البعض يقول ان الطعم غير مستساغ, القلايات دى مرتفعة الثمن و ممكن تعدى الالف جنيه و عايز اجبها بس خايف من حكاية الطعم دى , شرفونى بتجربتكم و رأيكم في هذا الموضوع و شكرا

[walidzakzok]

وفر فلوسك

الاختراع الفاشل دة عبارة عن سشوار متوصل بحلة وطعم الاكل زفت

[wawamoha]

طيب خد مني عن تجربه ....
جرب حله البخار - هيا رخيصه بحوالي 300 - 400 جنيه

انا جبت واحده و طعم الاكل - بالنسبه ليا - خطيييييييررر

سويت فيها لحمخ بفتيك - و جمبري - مالوش حل - و عملت بيها رز كمان
و هيا بتكون 3 طبقات - كل طبقه بتسوي حاجه

جربها و هاتدعيلي لو عاوز اكل صحي..

[Land_Cruiser]

طعم الأكل فيها فعلا بيبقي متغير و تحس انه حاجه كده بين المسلوق و المقلي وطعمها مش حلو . لو عايز نصيحتي كل مقلي بس بكميه قليله و اعمل رياضه معاه علشان تحرق الدهون و الكولسترول نسبته تبقي طبيعيه وبكده توفر فلوسك و تحافظ علي صحتك و تستمتع بطعم الأكل كمان

[م/حسام احمد]

شكرا اخى