كارفور ولا مول العرب

[Esam Mosaad]

انا الحمد لله قبلت فى وظفتين زى بعض وفى منطقتين مختلفتين واحده فى كارفور طريق اسكندريه الصحراوى والتانيه فى شركه فاشون داخل مول العرب
الاتنين سيلز فى قسم الملابس
كارفور داخل كارفور نفسه فى قسم الملابس من شيل وحط وتوضيب وبيع ونظافه عقد 3 شهور قابل للتجديد مرتب من 800 الى 900 وفى نسبه على ا لبيع والله اعلم والمفروض ان فيه اتوبيس بياخدنى من الدائرى والمواعيد من 8 الى 5 مش متاكد من موضوع الاتوبيس ده

مول العرب هيا شركه فاشون بتاخد توكيلات ملابس عاليه اوى مرتبها 1100 عقد سنه بعد التامين المواعيد من 2 الى 11 يوم واحد اجازه زى كارفور وفى نسبه على البيع
الشغل شيل وحط ونظافه وبيع مفيش مواصلات هتخدنى

الاتنين فيهم مميزات وعيوب ومش عارف اختار انهى فيهم والاتنين المفروض ادى فيهم الاوكى بكره
ياريت لو حد يقدر يفدنى

[MohaMed_Refaat]

معلش انا معنديش خلفية والله بس انت شوف اكتر واحد مرتاح فيها وشابفها مناسبة فى الشغل وطبيعتة ومواعيدة واهم حاجة بيئة الشغل من زمايلك والمكان والطبيعة الشغل نفسة واتوكل على الله :::


كنت عملت الموضوع فى الاجتماعى برة احسن
اطلب من الادارة نقلة يا باشا او اعمل موضوع تانى احسن
وابقى طمنا عملت اية
وربنا يوفقك ويهديك للخير ان شاء الله

[maka]

اللى مرتاح لها اكتر استخير ربنا فيها ثم توكل على الله و ادى الاوكيه

[ehab]

اعتقد كارفور افضل علشان مواعيد العمل يعني تخلص 5 كويس هيكون عندك وقت تعمل فيه اي حاجة تخرج او تقضي اي حاجة لكن كل يوم تخلص 11 اعتقد هيخنقك

[HeMa_LanCeR]

أولا فاشون مافيهاش نضافة بيبقي في واحد تبع الفرع مسؤل عن النضافة
وانت جايلك ايه في فاشون بورمود ولا ايه بالظبط
وعلي فكرة مواعيدك هتتغير يعني 3 ايام من 10 ل 7
و3 ايام من 3 ل 12 كمان :) او 2 ل 11
قولي بس انت جالك شغل في اية بالظيط في مول العرب بذات

[Esam Mosaad]

شكرا ليكوا يا جماعه وان شاء الله هروح كارفور اتكلمت مع ناس هناك ومرتاحين فيها غير موضوع الباس ده هيفرق كويس

انا كان جيلى سيلز فى الاتنين