حسن خليل (ابو على المنتدي)اشترى عربية

[Noha.M]

اقول انا اقول اناااا ؟؟؟؟

ولا بلاااااااااااااااااش

خليييه هو يقووووووووووووووول :)

[Mohamed Bander]

يا جماعه قولو بقى علشان انا حاسس مفيش حد اسمه حسن اساسا علشان يكون جاب عربيه

[sa3dawy]

الف الف مبرووووك على الياريس الكحلى

[Hassan Khalil]

بسم الله الرحمن الرحيم ..
احبابي و اخواني و اخواتي .. جميع افراد العيلة ..
بداية
صباح التشرييييييد
***************
الحمد لله .. بفضله و نعمته استلمت امبارح الساعة 8.45 مساءا .. و جيت النهارده لقيت الفرح ده ..
ربنا يباركلكم .. اسعدتم يومي .. و اليومين تلاتة اللي جايين كمان ..
الشكر كل الشكر لله عز وجل علي نعمه التي لا تعد و لاتحصي ..
ثم الشكر لكل احبابي اللي هنا .. من اول الناس اللي نصحوني للناس اللي كانوا متابعين معايا للناس اللي هنأوني لجميع اعضاء المنتدي
(كريم منير - د. شيكو - احمد عبد المقصود - كريم عشماوي - محمد ابو السعود -

- فهد يحيي - ams - حازم خضر ( كاظم سابقا ) - الاستاذة القديرة علا -ows212 - نها ( اونا سابقا ) - محمد بك الطويل - احمد شاركي - بسام ناجي - محمد حافظ - الاخ sokasoon - الحاج احمد ابراهيم - العزيز د. نايل ستورم - ا. اسامة - ا . احمد عز - niney - م . احمد سومو - برودرايف - م. شريف شاكر ( كان نفسي يكون توقعك صح :) ) - مصطفي باشا سعداوي - م . محمد يندر - الاخ الكريم سعداوي )
و يا رب اكون منسيتش حد

ربنا يباركلكم و نهنئكم دايما في اجمل المناسبات
*************
زي ما قال كريم اني كنت باختار من مجموعة كبيرة من العربيات .. و بدأت المشوار من فترة .. وانا من النوع اللي بيحب يلف علي الحاجة بتاعته كويس ..عديت علي اللانسر و الياريس و السيتي و السيريون ... بصيت علي السيراتو و الريو و الصني و الاوبترا .. ماسيبتش الهيونداي في حالها .. مريت بالشاهين .. و اكيد عديت علي كل البنوك لاني حاشتري بالتقسيط ...
و طبعا حاحكيلكم علي التفاصيل لاحقا ..
لكن اللي استغربته في توقعات الناس .. ان التوقعات كانت كلها .. للاعلي .. يعني محدش قال .. ماروتي .. التو .. سبارك .. بيكانتو .. اي 10 .. و الحاجت دي يعني .... ؟؟؟؟؟
طبعا كان نفسي يكون كل الكلام ده مظبوط .. و خاصة توقع البشمهندس شريف ... :biggrinjester:.. لكن نظرا لظروف البلد ( مش ظروفي انا طبعا ) قررت اني انزل بالميزانية شوية ..شويتين ( غصب عني .. علشان ظروف البلد برضه ) .. خاصة اني بجيب قسط ..
و جه واحد ابن حلال .. و راح مطلعها في دماغي .. العربية الشاهين .. و بدأيعدد لي في ميزاتها.. و قوة محركها .. و قطع غيارها .. و انها كرونة مش كبالن .. و شكلها الانسيابي .. و نعومتها الخارقة للحيط .. و .. و...
و طلع الفكرة في دماغي ..
رحت ...هوووووب .. مصلي الاستخارة ..
و بفضل الله ..
رحت نازل
جبتها
العربية ..

...
....
....
...
الكحلي
....
...
..
هيونداي نيو اكسنت
-------
و الحمد لله علي نعمته .. قولوا ما شاء الله .. و ادعولي ربنا يباركلي فيها
و اللي حيبارك يبارك ..بس محدش يضرب ..
كمان عايز منكم الدعاء .. لأن عم غبور - كالعادة - شكله ضرب علي ورق العربية .. او نسي هو حطه فين
تحياتي .. و تشكراتي
:)

[Nile_Storm]

اووووووووووووووووووووووو هييييييييييييييييه اوووووووووووووووووووو
هيوندااي هيوندااااااااااااي هيوندااااااااااي
اهلا بك في صفوف الهيونداويين يا معلم

و مستنين تقييمك و حاجات جامده بأه

[PRO-DRIVE]

جه واحد ابن حلال .. و راح مطلعها في دماغي .. العربية الشاهين .. و بدأيعدد لي في ميزاتها.. و قوة محركها .. و قطع غيارها .. و انها كرونة مش كبالن .. و شكلها الانسيابي .. و نعومتها الخارقة للحيط .. و .. و...
و طلع الفكرة في دماغي ..
رحت ...هوووووب .. مصلي الاستخارة ..
و بفضل الله ..
رحت نازل
جبتها
العربية ..

اول ما قريت دي قلت فادي دخل في الموضوع


وربنا يباركلك في الاكسنت :)

[theking2690]

الف مبروك عليك يا باشا و ادينا اهه زدنا واحد هيونداى كمان

[amr mokhtar]

الف مبروك يا استاذ حسن
و ربنا يباركلك فيها و يحفظهالك و إختيار موفق

[M_HaFeZ]

برضو لانسر
ههههههههههههههههههههههههههههههههههههه
الف مبروك على العربيه وياريت بقى تقييمك الجامد لان العربيه دى مش منتشره اوى وعليها كلام فى الباور الكهرباء

شد حيلك وربنا يبارك لك فيها ويديك خيرها

[YoussefMostafa]

الف مبرووووووووك

وربنا يباركلك فيها

[limo]

مبروووووووووووووووووووووووووووووووووك
العربيه ديه بسم الله ما شاء الله جميله جدا
ربنا يخفظهالك ويكفيك شرها

[ows212]

انا كنت متأكد انك جبت السيتى .... طلعت اوت
الف مبرووك حسن باشا

[NineY]

Mabroooooook tany ya abo 3aly
ana tawako3y kan orayeb bardo matle3sh be3ede
elantra men new accent orayeben men ba3d
El Hyundawya zado wa7ed kaman aho
3ala fekra ana khaly esmo hassan khalel kol ma ashof mawdo3 leek a2ool khaly eh el gabo hena hehehe

[Ahmed_Ezz]

الف مبرووووووووك ربنا يباركلك فيها ان شاء الله
اختيار موفق باذن الله

[kareem_Ashmawy]

ألف مبروك يا ابو على و ربنا يرزقك خيرها و يكفيك شرها
و تتمتع بيها كده ان شاء الله و تبقى مبسوط منها اخر حاجة