باركولى

[mina_ramsis]

انا يا جماعة حجزت اوبترا 2007 اسبور من عند منصور شيفوليه ده اخر حاجة استقريت عليها علشان الصراحة معجبنيش تقفيل الصنى انا ان شاء الله هاستلم يوم الخميس اللى جاى و ياريت تقولولى ايه الورق اللى اخده معايا و ايه الحاجات اللى اشيك عليها و انا بستلم

[mina_ramsis]

بس انا زعلان علشان شيلتو منتدى شيفوليه

[saied]

اخى العزيز الف مبروك
انا لما جيت اشترى سيارتى كان معى البطاقه واهم حاجه لاتنساها هى الفلوس فقط :D :D
وانشاء الله بعد ان تستلمها اكتب لنا تقييم للسياره

اخوك سعيد

[mina_ramsis]

ان شاء الله طبعا اكيد مش هانسى الفلوس بس انا قصدى الورق اللى بخده مع العربية

[saied]

اخى العزيز انت مش هاتاخذ ورق معك
بص الطبيعى ان معرض السيارات او الوكيل يعطيك جوابين بالاضافه الى ايصال استلام النقود ويكون مختوم
الجواب الاول مبايعه من المعرض لك
الجواب الثانى جواب الافراج الجمركى لو السياره مستورده
او جواب من الشركه المصنعه لو تصنيع محلى
ويخرج معك مندوب من الشركه للمرور لتسجيل جواب الافراج فى الشهر العقارى للمرور وختم الجواب بالنسر من الشهر العقارى
بعد ذلك تذهب الى المرور الخاص بك وتبدء الاجراءات من تامين الى صرف لوحات الى استلام الرخصه

وبالتوفيق
تحياتى اخوك سعيد

[mina_ramsis]

لازم مندوب يطلع معايا اصل انا هشترى من بلد و هرخص فى محافظة تانيه

[saied]

لازم مندوب يطلع معايا اصل انا هشترى من بلد و هرخص فى محافظة تانيه

لا استطيع ان ارد عليك ، ممكن احد من الاخوه يكون عدى عليه هذا الموضوع يرد علينا


اخوك سعيد

[Nader]

مش لازم المهم انك تستلم الاوراق كلها. وبعدين حكاية المندوب دي مش هتلاقيها في كل المعارض.

[mina_ramsis]

شكرا لك يا استاذ سعيد و يا استاذ نادر

[baher]

الف مبروك وربنا يعطيك خيرها ويقيك شرها

[Sharky]

السلام عليكم

الف مبروك مقدما و إن شاء الله تكون خيرا لك

[Karim_Monir]

مبروك علي العربية ربنا يديك خيرها ويكفيك شرها
بس مش عارف ليه اوبترا :!: :!: :!: :!:

كريم منير

[mina_ramsis]

ها قولك يا استاذ كريم انا مواصفات العربية اللى انا عاوزها انها تكون اوتوماتك بس انا مقتنع ان الاوتوماتك ما يركبش على عربية اقل من 1500 سى سى كده يبقى انا اقتصر اختيارى بين هوندا سيتى و صنى و اوبترا نمسك واحده واحده كده
الهوندا قطع غيارها مولعة و لما اجى ابيعها هاخسر فيها جامد و الصنى كنت مقتنع بيها جدا لغايه ما شوفتها بس الصراحة تقفيلها من جوة معجبنيش يبقى خلاص كده مفيش غير اوبترا عربية محترمة تابعة ل gm و تقفيلها ممتاز كمان انا حجزت اللى فيها عتب و جنوط اسبور بالعربية شكلها روش جامد يعنى بس كده دا هو كان تفكيرى

[bassam nagy]

الف الف مبروك وربنا يباركللك فيها ويبعد عنك شرها وماتنساش ان شاء اللة تتاكد من الحاجة الية جاية مع العربية وكود الكاسيت

[mina_ramsis]

شكرا ليك يا استاذ بسام بس هو ايه كود الكاسيت ده و ايه لازمته