اللى عايشين فى السعودية اشتريتوا عربياتكم ازاى ؟

[ainshouka]

ازيكم يا شباب ليا واحد صاحبى عاوز يشترى عربية مستعملة بس هو فى السعودية وعاوز يعرف خبراتكم عملتوا ايه عشان تشتروا عربية وايه الموديلات الكويسة اللى لو حب يبيعها فى يوم تتباع سهل علطول
وازاى يكشف عليها وعند مين

صاحبى ساكن فى تبوك على فكرة

هو موضوع غريب بس انا اعرف ان فيه اعضاء عايشين فى السعودية فكنت عاوز خبراتكم
وشكرا لمساعدتكم

[ahmed crash]

طيب هو عايز عربيه في حدود كام فلوس وموديل؟؟؟؟ ولو على الكشف سهله .. خليه يروح مكان اسمه حراج العربيات يسال عليه ويروحه .. ده سوق العربيات وفيه هناك زي ورش بتكشف على العربيات بالكمبيوتر وميكانيكة وبيقلولك كل عيوبها وبياخدو من 100 ل 200 ريال .. عمتا لو عايز عربية موديلها قديم وتستحمل وسعرها حنين وتتباع بسرعه .. قله على التويوتا كرسيدا دي مطلوبه هناك وسعرها حلو وحمالة قاسيه ..

[tkamal]

خليه يدخل على الموقع دة ويعيش

expatriates.com - Riyadh - Vehicles For Sale

[Dr Ahmed]

العربيات التى تتمتع بسعر إعادة بيع محترم:
التويوتا بالذات الياريس والكامرى والكريسيد (قديمة جدا بس زى رمسيس فى مصر غير قابلة للتحطم) وطبعا الكورولا
الهوندا
الجى إم سى
النيسان

من أسوأ السيارات التى قد لا تستطيع بيعها مرة أخرى المرسيدس

العربية اللى تغنيه عن الذهاب للميكانيكى لن تقل عن 25 ألف ريال

العربيات الزهيدة توجد بكثرة لكنها هتقرفه وتدفعه فوقها كتير فى الاصلاحات

[vedodido]

العربيات التى تتمتع بسعر إعادة بيع محترم:
التويوتا بالذات الياريس والكامرى والكريسيد (قديمة جدا بس زى رمسيس فى مصر غير قابلة للتحطم) وطبعا الكورولا
الهوندا
الجى إم سى
النيسان

من أسوأ السيارات التى قد لا تستطيع بيعها مرة أخرى المرسيدس

العربية اللى تغنيه عن الذهاب للميكانيكى لن تقل عن 25 ألف ريال

العربيات الزهيدة توجد بكثرة لكنها هتقرفه وتدفعه فوقها كتير فى الاصلاحات

مش كل المرسيدس هما عموما مبيحبوش الا اى ومبيركبوهاش اصلا الا الزلموكه ودى بردو تعتبر هناك من الاثريات وخلاص راحت عليها وهما بيفضلوا الاس ومش كل الاس بردو يعنى ال 600 دا فعلا زى ماحضرتك زكرت بيع صعب جدا وسرع بينزل بطريقة رهيبة والمحبوب فى الاس الشبح ال 500 وال 320 والموديل اللى بعد كدا هما هناك بيسموه فياجرا ودا فى مشاكل فى موديلات من 99 ل 2002 الشبح والفياجرا من فوق ال 2002 دول مافيش فيهم اى مشاكل فى البيع بأذن الله
ودا موقع للعربيات المستعمله فى السعودية هيفيده ان شاء الله
موقع حراج
وربنا يوفقه بشراء عربية مناسبه

[mostafa53]

فى السعودية أكثر السيارات شعبية وسهولة فى إعادة البيع التويوتا ثم الشيفروليه. كلما زاد ماتضعه كمبلغ للشراء كلما زادت فرصتك فى الحصول على سيارة مستعملة أحدث وأقل فى المشاكل. المهم هو أن يصاحبك فى رحلة البحث شخص يفهم فى السيارات لأن المقالب كتير, والأفضل أن تتمهل فى الشراء يمكن تلاقى سيارة معروف مصدرها واستعمالها واحذر كثيرا السيارات التى امتلكها السعوديون لأنهم مهملون جدا فى العناية بسياراتهم واستعمالهم سىء للغاية

[Khaled Lanos]

السلام عليكم ورحمة الله,

لو معاه فلوس كفاية أنا أنصحه بالتويوتا كامري 2004 مثلا, كاملة اوتوماتيك تعملها في حدود 20000 أو أزيد شوية.

الكامري شعبية جدا عندهم هناك ومحبوبة أوي, ولما تبيعها تلاقي اللي يشتريها وتلاقي سعرها فيها,

بس احذر من عربيات السعوديين لما تيجي تشتريها, اكشف عليها كويس أوي, لأنهم فعلا زي ماقال الأخ مصطفى مهملين أوي ومبييحافظوش على عربياتهم, وبالذات الشباب تلاقيهم (بيفحطو) بعربياتهم كتير وطبعا تلاقي العربيات معدومة.

[mido82]

افضل حاجه يشتري كورولا موديل 2007 ومش شرط تكون فل اوبشن لكن تكون قير اتوماتيك علشان مايتعبش بيها ويقدر يبيعها بسهوله وعلى العموم الكورولات بصفه عامه افضل من الياريس والكامري وبالنسبه للكراسيدا خلاص موديلها قديم جدا وصعب انه يحصل لها قطع غيار حتى لو في التشليح ، تعتبر شبه انقرضت لذلك لا انصحه بيها وفعلا حسب كلام د احمد لن تقل عن 25 الف ريال علشان ماتقرفهوش .

[raedegypt]

ازيكم يا شباب ليا واحد صاحبى عاوز يشترى عربية مستعملة بس هو فى السعودية وعاوز يعرف خبراتكم عملتوا ايه عشان تشتروا عربية وايه الموديلات الكويسة اللى لو حب يبيعها فى يوم تتباع سهل علطول
وازاى يكشف عليها وعند مين

صاحبى ساكن فى تبوك على فكرة

هو موضوع غريب بس انا اعرف ان فيه اعضاء عايشين فى السعودية فكنت عاوز خبراتكم
وشكرا لمساعدتكم

احسن حاجه زى ما عملنا اشترى تقسيط زيرو افضل لك من المستعمل . وفى الاخر بتاعتك وممكن تاخذها معاك مصر وانت ماشى نهائى .

[ahmedezzat78]

احسن سعر عند البيع + سرعةالبيع + توافر قطع غيار = تويوتا

[Dr Ahmed]

تويوتا فى السعودية واخدة ثقة مهولة مظنهاش فى أى بلد تانى فى العالم
عادى جدا إنك تقف فى لإشارة تلاقى تقريبا كل العربيات اللى حواليك تويوتا (إلا قليلا)
أو تركن فى شارع تلاقى اللى قبلك واللى بعدك واللى قبلهم واللى بعدهم واللى على الناحية التاينة تويوتا إلا عربية وللا اتنين
فىص مصر تشوف التويوتا كرولا وياريس والسرفيس
فى السعودية تشوف كل ما انتجت تويوتا
--------
دا مش دليل على إن أفضل ماركة فى العالم تويوتا لكن دا ذوق البلد .. ورزق عبد اللطيف جميل

[mido82]

تويوتا فى السعودية واخدة ثقة مهولة مظنهاش فى أى بلد تانى فى العالم
عادى جدا إنك تقف فى لإشارة تلاقى تقريبا كل العربيات اللى حواليك تويوتا (إلا قليلا)
أو تركن فى شارع تلاقى اللى قبلك واللى بعدك واللى قبلهم واللى بعدهم واللى على الناحية التاينة تويوتا إلا عربية وللا اتنين
فىص مصر تشوف التويوتا كرولا وياريس والسرفيس
فى السعودية تشوف كل ما انتجت تويوتا
--------
دا مش دليل على إن أفضل ماركة فى العالم تويوتا لكن دا ذوق البلد .. ورزق عبد اللطيف جميل

معلش يا دكتور اختلف معاك في النقطه دي لأن تويوتا فعلا من افضل ماركات السيارات في العالم لكن المهم والأكبر ان يكون ليها وكيل قوي يوفر لك قطع الغيار و مراكز الاصلاح والصيانه وده بالاضافه الى ان سيارات تويوتا للخليج بصفه عامه بتكون بجودة خامات افضل منها في مصر واللي بتتقفل في جنوب افريقيا وابسط شئ من الحاجات دي جودة الدهانات ومدى مقاومتها للحرارة العاليه وقوة تحمل الماكينه لدرجات الحرارة الغير العاديه في السعوديه وغيرها من العوامل ، لذلك عن تجربه شخصيه لامتلاكي كورولا 2007يليها راف فور 2009واخيرا برادو 2011 اقدر اقولك تويوتا وبس .